Ke Aloha Aina, Volume VIII, Number 19, 10 May 1902 — Page 3

KE ALOHA AINA, POAONO, MEI 10 1902.

 

_____________________

 

Mai ka aoao 2 mai.

 

_____________________

 

HE MAU PALAPALA HOA-LOHALOHA IA MRA. MARAEA KAULIA.

 

Hoalohaloha i ka Wahine Kane-make, Mrs. Maria K. Kaulia.

_____________________

 

            Oiai, ua lwe aku ka Mea Ma-na Loa mai keia ola ana i kau kane i aloha nui ia, James K. Kaulia Esq, a mamuli o kona haalele ana mai ia oe a me ka olua keiki. Ke noho nei oe me ke kaumaha nui a me ka ehaeha o ka naau, aole hoi maluna ou wale no ia poino, aka, no kakou no a pau.

            Nolaila, ua hooholoia, o na la-la o ka aoao Kuokoa Home Rula Repubalika o ka apana o Koo-lauloa, Oahu, ke komo pu aku nei me oe iloko o ke kaumaha a me ka ehaeha o ka naau, a ke haawi aku nei i ko makou ho-alohaloha ma o na komite la. A ke noi aku nei makou i ka Mea Mana Loa e hoopau ae i kou no-ho pilihua ana iloko o ke kani-kau ana.

            Me ka mahalo,

                        M.K. Kou,

                        Geo. Pooloa,

                        Josiah kaulana,

            Mrs. Aua Kou.

 

Lalewai, Aperila 25, 1902

_____________________

 

Olelo Hoalohaloha no James Ke-auiluna Kaulia

_____________________

 

            Ua lupea opea o Kona e ka la,

            Ua hinua e ka lai ke kai a Ehu,

            Ua ka-ia e ka waimaka o ka Opua

            Ua hanini mauka o Alanapo,

            Po ae la i ka ua na ulu o Weli-a

            Ia Mr. Asa Kaulia a me Mrs. Maraea Kaulia.

 

                                                Luuluu wale: --

 

            Me ka naau i luuluu i ke kauma-ha i piha hoi i ka ehaeha i ke aloha, e hoomokumokuahua ana ia loko o ko makou mau puuwai no ke alo-ha ia James Keauiluna Kaulia.

            A no ka mea ua oluolu i ke Akua mana loa, ka lawe ana aku me ka palanehe i ka hanu ola o kau keiki aloha James K. Kaulia, ma ka la 20 o Aperila, 1902, ma ka Palama, Honolulu, Oahu. Aloha wale.

            E hooholoia, o makou o na hau-mana o ke kula sabati o Kailua, ke komo pu aku nei makou e auamo pu me olu, iloko o na haawina o ka luuluu a me ke kaumaha, no ka olua mea aloha i hala.

            E hooholoia, ke pelu nei ko ma-kou mau kuli imua o na la lani, a nonoi aku i kona lokomaikai, e lawe aku i na haawina o ka luuluu a me ke kaumaha i ili iho maluna o olua.

            E hooholoia ke pule nei makou i ke Akua, e hooloihi mai i na la o ko olua ola ana maluna o ka aina a na ke Akua e kokua mai ia olua.

            JK Kaanaana,

            HK Naeole,

            JEA Kaiewe,

            JHN Kukahuna,

            Kailua, Kona Akau, Hawaii, Aperila 30, 1902.

 

_____________________

 

Olelo Hoalohaloha ia Mrs. JK Kaulia; ka Wahine i Hoonele ia i ke Kane a me A. Kaulia i ke Keiki Ole a me Keaumalie i ka Papa Ole.

_____________________

 

Ia Mrs. J.K. Kaulia, Asa Kaulia Keaumalie Jr., a me ka ohana a pau iloko o ke kaumaha me ka luuluu,

            Aloha paumako kakou:---

            Oiai makou e nanea ana i ke kao-mi huihui a ke kehau, o ka hora 10 a.m. o ka Poakolu, no ka malama ana i ka hana a ka Haku Iesu Ka-risto, aia hoi, kapalulu ana ke kele-pona. He lono i hai ia mai, a o na hua olelo i papa pono mai i ko ma-kou pahu lohe. Oia keia: OJ.K. Kaulia, ua moe, ua moe, moe kau a hooilo, oili pulelo aku la ka uhane me he ahi o ia o Kamaile, ma ka sabato o ka la 20 o Aperila i ka hora i maopopo ole.

            Auwe! Auwe! Ko makou hi-kilele a me ke kaumaha i keia lono hoolele hauli i maopopo ole ka la, a me ka hora o ka Iesu Haku Ka-risto, a lawe palanehe aku la i ka uhane aloha o kau kane, a pii, pii pii eheu aku la ma kela home ma o, kahi a ka Haku Iesu e ani peahi mai la kona lima aloha, hele mai, hele mai ka poe luhi, ka poe kauma-ha, na'u oukou e hoomaha aku.

            Oiai, o kau kane aloha i haalele mai i kona aho hope loa a waiho iho la i kona kino, nau a me ka ohana e paiuma ana ma keia aoao, no ka mea, o ko makou i'o ia a me ko makou koko o ka pupunu hoo-kahi mai na kupunai ma'i.

            Aloha, aloha wale kau mea aloha, pau kou ike ana i kona mau hele-helena, pau hoi kou lohe ana i kona leo, e kahea mai ai e mama, pau kona maaloalo ana i na ala kikeekee o ka huikaulua o ke kaona, pau ke kipehi ana a ma ale kupikipikio o ka moana o na kai ewalu, pau kona ike ana i ke ala huihui o

            Kona Kai opua i ka lai,

            Opua hinano ua malie,

            Hiolo na wai nao a ke kehau,

            Kuu la koili i ke kai,

            Ke nau la kamalii,

            Ke kohi ala i ke kukuna o ka la,

            Aloha, aloha wale o J.K. Kaulia, nolaila,

            Hooholoia, o makou o na lala o ka Hui Opiopio Imi Pono Karsti-ano o Holualoa, Kona Akau, ma o ko makou poe komite la, ke komo pu aku nei makou e auamo pu i na kaumaha a me na luuluu, me ka ohana iloko o ke kaumaka me ka luuluu, nolaila,

            Hooholoia, ke noi nei ka makou pule i ka Haku Iesu Karisto, e hoo-mama mai i na manao kaumaha, luuluu, i ka ohana o ka mea i make no ka mea, mimino ka mauu, mae wale ka pua. Nana no i haawi mai nana no i lawe aku, a o kona inoa ke hoona?, a nolaila, ke pule nei no makou i ka Haku e hookipa aku i ka uhane o James Kaulia, ma kela Parediso nani ma o. Oiai, aia he wahi maha no ke Akua poe kauake-ma ma kela home nani.

            O makou iho no me ke aloha,

                        Miss Alin Ah Choy,

                        Mrs. Lizzie K. Davis,

                        " Annie J?,

                        " Mary Pelekane.

_____________________

 

Olelo Hoalohaloha.

_____________________

 

            No ka mea, ua oluolu i ka mea mana loa, ka lawe ana aku i ke ola i minamina nui ia o Hon. James Keauiluna Kaulia kekahi o na ka-laiaina Hawaii, ma ka la 20 Aperila, 1902, ma Honolulu, Oahu:

            A no ka mea hoi, o makou iho o kekahi o kona mau hoaloha, e noho ana ma Kau, hawaii, ke komo pu nei me ka wahine kanemake a me ka ohana, e auamo i na luuluu. Me ka manaolana e haawi mai ana ke Akua i na kokua ana.

            Hooholoia e hoouna ia keia olelo hoalohaloha i ka wahine kanemake a me ka ohana.

            Kau, Aperila 30, 1902.

            DWK Thompson,

            DK Wailehua,

            WF Reynols,

            HH Martin,

            JH Waipuilani,

            JK Kaula.

 

_____________________

 

NO KA HAKAKA KUIKUI PUUPUU ANA.

_____________________

 

            Ma ke Kinau o kela Poaono aku nei i loaa mai ai he leta ia Ed. Smith, he haole akamai i ke kuikui puupuu mai kekahi haole mai i kapa ia o Kaiwiki Giant e aa mai ana e halawai kuikui puupuu me ia ma ka Paka Hoolulu i ka la 17 o keia mahina. O keia aa kuikui puu-puu ua ae ia aku ia e Ed. Smith, nolaila, ma ke Kinau o ka Poa-lua nei ua hala aku la oia no Hilo. O na hoike no keia ulele puupuu ka na hoaloha o Smith e kali aku nei.

           

_____________________

 

KUAI HOEMI ONA LOLE KOENA

            I Lohe Ole ia Mamua

_____________________

 

NO KEIA PULE WALE NO

_____________________

 

Silika, Ribine, Lihilihi, Leki, Kala-koa, Kinamu, Lilina, Pale Lole,

Keokeo a me Huluhulu.

_____________________

 

O keia mau waiwai a ua maka ia ko lakou mau kumukuai pakahi. E hiki ai ia oe ke wawae noo iho me ka ninau ole aku ia hai.

                        Whitney & Marsh Limited,

                                    Alanui Papu.

 

_______________________________

 

KOIKOI KE KOI A NA ONA AINA.

_______________________________

 

            O ka manao hoa hoakea o ka Luna Nui o na Hou i ke alanui Wai-kiki, ua halawai mai no ia me kekahi puu huahelu nui ana i mahui ole pela ka nui o na koi a na ona aina no lakou na apana aina e waiho ana ma na kapa o ke alanui Waikiki. He 19 mau ona aina no lakou na aina e wai-ho ana ma kapa alanui, a o ka la-kou mau koi poho no ka hoopo-ino ia ana o ko lakou mau aina ma keia hoakea hou ia ana o ke alanui aupuni ua hiki aku no ia i ka $84,288. O ke kiekie no ke kapuai kuea hookahi ua hana ia ia e ka Hui Kapiolani he $1.00, ua like me $43,560 o ka eka, o ka haahaa oia ka Keoni Ena he 4 1/2 keneta no ke kapuai. Ua haawi wale aku o ES Cunha i kona wahi i ke aupuni, a na ke aupu-ni nae e uku na hoolilo o ka hoo-nee ana i kona pa i hope.

            Ma ko Luna Nui o na Hana Hou Boe manao ua pii loa keia koi a keia mau ona aina. A ina aole he mau alahele e emi mai ai keia mau koi ilalo mai, me he la, e kahea ana oia i komisina nana e haawi i ke koho no ke poho ma-oli o keia mau ona aina. No ka mea, ua ike ia na kuhewahewa loa ke koi a keia poe mamua o ka waiwaiio o na lihi aina e lilo mai ana i ke aupuni no ka hoa-kea hou ana i kona alanui.

            I ka wa e pau ai keia mau koi i ka hooponopono ia ua manaoia oia no ka wa e hoomaka ai na hana o ka hoonee mua ana i ke alanui o Waikiki.

 

_______________________________

 

Wm. RINGER

_______________________________

 

            Eia au imua o oukou e o'u mau hoa lahui Hawaii, ua wehe ae aei au he halekuai kika, kikiliki, pakanau o na ano a pau, kini mea ai o na ano like ole, wai momona, paka Hawaii o Kailua Kona paka ona, a pela me na Opelu maloo. Ua hiki ia'u ke hoolawa i na makemake o'u mau hoa hanau o na mokupuni. E loaa no au ma alanui Muliwai, kokoke i alanui Kukui.                        P.O. Box 483