Ke Aloha Aina, Volume VIII, Number 18, 3 May 1902 — Page 8

KE ALOHA AINA, POAONO, MEI 3, 1902.

 

HE LETA MAI KA AINA E.

Mai ka aoao I mai.

Charleston a holo no Wasinetona.  E halawai ana makou me ka Moiwahine Liliuokalani ma Wasinetona.  Ua manao au ina e hiki ana ke ae ia mai, e hele ana makou e haawi himeni i ka Peresidena Rosawela, ke holopono ia manao a pau na na Hawaii ponoi e lawelawe nei.  Ke kuai nei na kama lii he $1 a hiki i ka $2 o ka lei pepa i ka haole wale no.  Nui ke dala a ua kamalii nei.  Ua loaa po ia makou he puu dala nui.  Ua manao au e hiki ana makou i Bosetona i keia kau mehana ae.

            O ka hunona a Mrs. Canegie o Pittsburg, oia o Oliver Bicketson, makemake e hiki aku mai Darthmouth, Mass.  E kokua no oia ia makou ma na ano apau.  He kanaka waiwai oia.  Ua himeni na kamalii he hookahi hora wale no, he $100 ka haawi ana mai ia’u.  Ua hoihoi ia makou ma ka yacht.  He nani na mea a pau oluna.  Ua lawa keia mau hoikeike ana aku ia oe.  He maikai na kamalii, aole he like me ke kahua hoikeike ka hana a oi aku mamua o ka mea kupono.  Ua loaa iho nei ka papale Panama o kamalii a pau a pela me a’u, koe o Kamakee a me kamalii wahine.  Me ke aloha a nui i na hoa a pau.

JOSEPH PUNI.

 

MOOLELO HOONI PUUWAI

NO KE

KAKELA LANAFODA

KA

Ipuka o ke Kuewa me ka Aea.

KA

Pua Lilia Ahiu o Sanadela.

            I ka Iwakaluakumamakahi o na makahiki, he moho lanakila no ke kahua hakoko o na naita i malamaia ma ke kahua paio o ka puuwai laahia ma ka la Sana Keoki a me Sana Mikaele.  I ka iwakaluakumakolu o na makahiki, he koa kaulana me ka ino noho hoopakele nohoalii a me kona poo kalaunu, a he koa pu kani wiwo ole na na i hoouna i ke Duke Kalauseta o Alena iloko o kona luakupapau no kana mau hana hohe wale o ka pakahe, a he alakai a kenela nui no ko Pelekane mau poalikoa aupuni.  I ka iwakaluakumaono a oi o na makahiki, he alakai a he koa kaulana na na i hoauhee a ulupa i na kipi mai luna aku o ke kahua kaua ponoi a ko lakou mau mana alunu a pakaha wale i kukuluia ai a o ka hikimua loa hoi o na kapaka opio i noho poo ai i alakai no kekahi pualikoa i alana a i hoolaaia ai me ka inoa Ka Puali Alii.

            Ua hookanaha nui ia na hoa ai no keia manao o ka Haku aoo a lakou i moeuhane mua oie ai, e lohe ana lakou maluna o keia papaaina ma keia ahiahi a mahope o na kamailio a me na hoakaka ana a ua Haku aoo nei o ke kakela Lanafoda a me ka iini nui o kona naau e ike i ke koa a me ka wiwo ole o kana keiki, ua kakoo nui ae ka Haku Semaffia a ua wehe hamama mai oia i koua mau lima e kokua ma na ano a pau e hookoia ai ka hanohano o ka la kulaia haaheo hoomanao la hanau o ka hooilina Haku Opio o ke Kakela Lanafoda.  Ua hoopiha loa ia ka naau o ka Haku opio me ke pihoihoi nui no keia manao o kona mau makua me ka ae ole e hookoia kela mau manao nehena o kona luaui makuakane ponoi, aka, mamuli o na manao paakiki o ua Haku aoo ala e ike oia me kona mau maka ponoi i ke kaulana o kana keiki i haaheo ai, nolaila, ua hiki ole loa iho la i na manao hoole o ua Haku Kuewa nei ke hoomau ma ka paa ana i ka hoole, a mamua o ka pau ana o ka lakou paina ahiahi, aia na kumuhana a ka Haku aoo o Lanafoda i hoolala ai me kona noonoo hapauea o ka piha haakei a me ka hookano.

1.       E malamaia maloko o ka Holo nui o ke Kakela Lanafoda he aha hulahula nui ma ka po mamua iho o ka la hanau, a e hoopuka ia hoi na palapala kono no na poe luna aupuni kiekie a me na’lii a poe hanohano o ka aina, a koe aku na luna aupuni a me na’lii kipi.

2.       E wehe hamamaia na ipuka o ke Kakela Lanafoda no na poe a pau i konoia, me ka nana ole pehea la ka nui o na lilo no ka malama a me ka hookipa ana ia lakou iloko o ia mau la a ke Kakela Lanafoda e kulaia ana, no ka hanohano o ka la i haakohiia mai ai o kona hooilina hookahi wale ihe no e lilo i koa a i hoopakele no kona aina hanau aloha.

3.       E malamaia he mau lealea mokomoko like ole maloko o ke kahua kuea akea o Paka Leinafoka (Lynnefolk Park,) a ua ae ia na moho o kela a me keia o ke kulana kiekie a hiki i ka haahaa e noho ana maloko o Ladana, e kakua i ka iakou mau mea kaua a e komo ae iloko o keia lealea hookelakela, no ka makana he pahikaua kuau gula ke loaa ana i ka mea e lilo ana i moho no ka la mai na lima aku o ko Pelekane Poo Kalaunu.

o keia ae la na papa hoonohonoho he ekolu o na lealea kulaia o ka la i hoounaia aku ai i ana o na poe i konoia, a o ka papa hoonohonoho hope ua pa’i a hoolaha ia ae ia ma na pipa alanui o Ladana, e hoike aku ana i na poe a pau i elena a i hoolaaia no ia mau oihana hooikaika kino e hoolalelale ana i na olona huki o ua i’o paahana o na ami a me na hailima, e hoonioni iloko o ko lakou makaukau hoohana ole ia no kekahi manawa loihi, a i ka na ua a koho wale ana oku, o kekahi ana keia o na la hakoko mehana a hoea mai.

            Mamua ae o lia hoea ana mai o ua la kulaia haaheo nei aia o Lada na a me Pelekane holookoa e kulaia ana me ka hauoli nui no ka la hanau o ko lakou Moi, a ma kela a me keia home o ke kanaka Pelekane aloha aina a aloha alii oiaio, aia na lealea hauoli ulaia e malamaia ana me ka maluhia me na lei kalokalo i na lani, e hoolohi mai i na la o ko lakou moi a loaa hou he mau la kulaia hanau hou iloko o ke kani koo o elu lauohe.  E like me ka malamaia makeeia o ua lanui hookahi wale nei no iloko o kela a me keia makahiki, ma na home o na makaainana Pelekane ponoi, a pela no i hiipoi ia ai a makee me ka mailani nui ia maloko o na kaupoku a me na paia kilakila o ka Halealii Weseminiseta Abe, e luhiehu ana na hoohiwahiwa iloko o ko lakou mau kahiko nani, me na hoohiluhilu a ka maka a ka naau e hiki ole ai e hoohalahala.

            Maluna o ka papaaina hauoli a ka mea nona ka la hanau(moi) aia na poe hanohano e ai a e hauoli ana me ka mea nona ua la hanau la o ka lealea kulaia.  E inu ana a e kalokalo ana i ke ola o ka Moi no ka hooloihi ana mai i na la a hoonui hoi i na makahiki, a o ke au holo mua hoi o kana mau hookele a me ka hooponopono aupuni ana iloko o ke kaulike o na manao aloha o kena lahui ua kahoahoa a kanaenae ia ma ka waha a me ka lehelehe o kela a me keia hoa ai i hoopihaia kona mau manao me ke ohohia o ka hauoli no loaa ana i ko lakou moi aloha keia la, oiai na hana hoohalua a ka enemi e hoao ana e pakaha i kona ola.

            Aka, e like me ke aka i maalo ae a nalowale, aia hoi pela iho nano keia la.  Ua hala aku la ia me kona mau hiona, ua maalo a malowale mai ka ike hou ia ana aku e ka poe a pau e ola aku ana.  Ae ua hale aku la ua la hauoli la me kana mau hana a pau, a eia ke aupuni mai kona Poo Kalaunu a hiki i ka lopa makaainana haahaa loa, ke kau a ke nana aku la na maka no na mea o mua no ka hoopalaka a hoopoina ana i na mea i hala mahope.  Oiai ua lahui kaulana ala o ka puuwai wiwo ole e hakoko ana na manao ma na mea e hiki mai ana, aia hoi ua holo ae la ka lono, aia he lealea hookelakela ke malamaia ana ma Leinafoka Paka Kakela Lanafoda, no ka hanohano o ka hooilina o ua Hale Kakela kaulana nei, a o ua hooilina nei owai la ia i ka lakou kohokoho wale ana, no ka mea o ka hooilina hookahi wale no a ko lakou lobe i hoopaanaau ai na hooliloia oia i kuewa a i ae’a mei na ipuka ponoi mai o ua Kakela nei, a i lilo hoi i koa a i kenela alakai no na pualikoa aupuni.  Aka no ka Moi nae a me kona pualikoa a me ko ke aloalii ua ike a @ ia lakou, o kela kuewa ae’a no o Lanafoda ua hooilina nei o ke @ Lanafoda a o ua Kuewa hookahi nei no hoi ka mea nona ka lo hanau e like me ka hoike a ka palapala kono i loaa aku ia lakou.

            Nolaila, e like me kuhihjewa ana o kekahi hapa o ka lahui Pelekane no na mea e pili ana no ke Kuewa o Lanafoda, pela no hoi ka ulu haakei ana ae o ka manao o na kanaka koa a ikaika i heluia ma ka papa o na olohe oniu i na mea kaua e ku ae lakou me na olona wikani o ka maloeloe, a kamoe aku no Lanafoda no ka papahi ana i ka inoa moho lanakila, a me ke kaihi ana mai i kela kamaka hiwahiwa mai ka lima mai o ko lakou moi, ke hiki a hoea mai ua la nui kaulana ala o a hoea mai ua la nui kaulana ala o ke kamahao.

            Nolaila, e hoomanaoia e ka mea heluhelu ma keia wahi o ka kakou moolelo, ma kela la hanau o kamoi Kale o na Pelekane,oiai ke kuewa o Lanafoda a me kana Lede, e hauoli a e luakaha pu ana iloko o na kulaia ana maluna o ka papaaina a ua Moi ala ana i aloha a e hoopaa ai i kana hoohiki a o ua Kuewa ala no hoi kekahi maluna o ka papahele o na poe i ku ae a haawi i ka lakou mau leo kalokalo a me na kanaenae ana i na lani, e hooloihi ia na la o ko lakou moi aloha a papalua na lauoho a e hoolu’a ia mai hoi kona mau makahiki me na la hanau lehulehu.

 

            Mamuli o ka ulolohi loa o ka hoea ana mai o ka palapala hoalohaloha a ka Papa Hooko o ka Aoso Kuokoa Home Rula Repubalika no James K. Kaulia; nolaila ua hiki ole ke puka i keia pule; aka, e hoopukaia aku ana i keia pule aku.

 

Hale Hana

Pahu Kupapau Hou

Aia ma ka “Hale Elks” e ku nei ma kekihi o alanui Berinia me Mila.

                       

He mau waiwai maikai loa.  He maikai ka lawelawe ana.  He emi ke kumukauai.  E kipa mai e na Hawaii e ike no oukou iho.

J.H. TOWNSEND

Luna Nui.

Telepona Blue 571                                                                              Jan 31

 

 

Wm. Ringer

            Eia au imua o oukou e o’u mau hoa labui Hawaii, ua wehe ae aei au he halekuai kika, kikiliki, pakanau o na ano a pau, kini mea ia o na ano like ole, wai momona, paka Hawaii o Kailua Kona paka ona, a pela me na Opelu maloo.  Ua hike ia’i ke hoolawa i na makemake o’u mau hoa hanau o na mokupuni.  E loaa no au ma alanui Muliwai, kokoke i alanui Kukui.  P.O.Box 483