Ke Aloha Aina, Volume VIII, Number 18, 3 May 1902 — Page 7

KE ALOHA AINA

POAONO, MEI 8, 1902        7

 

MOOLELO HOONI PUUWAI

NO

Kuu Aloha i na Pua, Kuu

Ipo o na Launahele!

 

            E like me ka hiki ana i ka malamalama o na kukui uwila hoolele o na pupu kaua moana a me aina o Beritania ke huli a imi i ka meheu o ua enemi i kahi mamao pela no auanei au e lawe ai i ka hanohano o ko Ladana keena oihana makai kiu e lilo i kukui uwila e hoomalamalama ai ma ka meheu o keia poe haihai kanawai.

            Me keia mau olelo a ua makaikiu ala, ua hoohuli ae la la i kona ala hele no kona home, a o kela kulana ona i keia iho nei mamua iho ua loli me la ia a he keonimana oia o ko kulana hanohano, a e kapakahi ana kona biva a me ia kulana ua makaikiu nei i hoea a hoohiki aku ai no kona home.

            Iloko o kona wahi keena uuku a mehameha a maluna hoi o kona noho hulu, ua noho iho la ia a haawi i kana mau noonoo ana no kela mau inoa ana i lohe ai ma ia po.  Wahi a ua makaikiu nei.  Owai la keia baroneka o ka haku baro neka anei o Ralivi Hale?  Aka, o ka mea pohihihi aole au i lohe iki he hoahanau kekahi o keia barone ka.  Ina he hoahanau ko keia baroneka, alaila, o keia Ioane Berenada anei ua hoahanau ala one e like me ka’u i lohe ai e lohe au i ka moolelo e pili ana i keia baroneka a me kona ohana e pono ai, a ina he mea oiaio ka’u i lohe ai mai na lehelehe mai o kela mea i kapa iaia iho o Berenada, alaila, e haawi ana au i ko’u ikaika a pau e hoopakele ia ai ke ola o kela haku aoo o Kalivi Hale a e hooko oleia ai hoi na kuko ino ana a kela kanaka puuwai eleele.

            Aneane e hapalua hora i pau i ka moho mehameha ia e ua kiu nei ma ka hakoko ana me kona mau noonoo, alaila, haalele iho la no kona keena moe a haawi i manawa no kona mau lihilihi e hoomaha iki ai, a na ka bele hoala o ka uwati i ka hora 12 i hoopuiwa ae iaia mai kona hiamoe mai a namunamu i keia mau olelo.  Ua loihi loa keia moe ana a’u.

            Ala awiwi ae la ia a hoomaemae aia iho, a iloko o ka hora hookahi, @a oia ke hele ala no ka Hale Apolo me kona paina kakahiaka me kena puolo kupaianaha o ke pohihihi o kela po poulu o ka hoohalua i hala iho hala e kakaa a e niniu lauwili ala iloko o kona poo.  O ka hora I.30 ponoi ia o ka auina la a ua ma kai opio nei i hoea aku ai a komo ka Apolo a kauoha i aina awakea mona. 

MOKUNA XXXV.

IMUA O KA HAKU BARONEKA O KALIVI

HALE KA MOOLELO WILIWILI O LO

DI KALIVI NA CLELO MUA A KA

MAKAIKIU.

He ke kapalili ana na ka hele uwila, aia ke kanaka kauwa e ku ana ma ka puka nui o Kalivi Hale a haawi i na ninau ana me ke okalakala imua o ke keonimana opio e ku haaheo aku ana imua ona.  “Owai la ua keoni maua ala, a heaha hoi kona makemake?”

            “Haawi aku i keia Ka-da i ka Haku Baroneka, a hoike aku eia au malalo o kekahi misiona hooko kauoha awiwi loa,” wahi a ka pane mai ke keonimana opio aku.

            Ua lalau mai ke kauwa i ka pepa Ka-da a emi hope aku la, a no kekahi mau minute pokole wale no ua hoea hou mai la oia a kono i ke keonimana opio e hahai aku iaia.  Maloko o ke keena waiho a heluhelu buke o ka Baroneka o Kalivi Hale i halawai ae ai ke keonimana opio a me ka Haku Baroneka aoo me keia mau olelo hoolauna mua o ke aloha lulu lima.  “Hauoli loa au i ka halawai pu ana me oe e Mr. Heneri Bereinahama.  Heaha ka mea hiki ia’u e hana aku ai nou, a heaha noi ka pilikia e kuu hoaloha opio?”

            “E kala mai ia’u e kuuHaku Baroneka,” wahi a ka makeikiu (no ka mea, oia no ua keonimana opio nei) me ka hoomau ana aku no i ke kamailio.  “Ua kipa ike mai la au imua o kou hanohano malalo o kekahi mea huna pohihihi a’u i makemake loa ai e lohe i ka oiaio mai kou lehelehe ponoi mai.  Aka, mamua ae o ko’u hoike ana aku ia oe i ua mea huna pohihihi la, e ae mai ia’u e olelo mua ae, ua hauoli loa au I keia hui halawai ana o kaua.” 

            “Alaila e noho iho ilalo e Mr. Beleinahama, a e hoike mai i ua mea huna pohihihi ala i na he mea hiki ia’u ke kokua aku ia oe ma ka hoomaikei ke anu ae imua o ke akea” wahi a ka Haku Baroneka me ka leo pihoihoi e wikiwiki.

            Ua haawi aku ka makailoa i ka hanohano o ke hookipa ana ia i panee ia mai imua ona, a iaia i noho iho ai maluna o kona noho a pela no hoi me ka Haku Baroneka, ua panee mai la ua haku Baroneka nei mamua o ko laua alo he pahu ciga La Frances, he ciga hoi i kaulana no ke ala onaona o kona uwahi ke puhila.  Alaila mahope o ka hoopuha’uha’u ana i na uwahi o ko laua ciga, ua weheia ka laua kumuhana ma ka lawe ana mai o ka makaikiu i kana ninau moa loa o ka hoolauna ina paha he hoahanau no kekahi o ua Haku Baroneka nei.  O ka pane a ua Haku Baroneka ala ma ka panai ana o ka ninau no ka ninau, ua lawe m i la ia i keia hoomaoa a niele@

            “E ola @oi anei a i ole na make paha!”

            “Aole la o ka makemake o ka’u ninau.  O kou hooia mai he hoahanau no kekahi ou a o kou hoole mai oia wale iho no.” wahi a ke kiu.

            “Alaila heaha iho la ka waiwai o keia ninau, kai no paha he mea huna pohihihi kau i makemake ai e hoike mai, a ma kahi makemake ai e hoike mai, a ma kahi hiki ia’u ke kokua a hooia aku alaila e haawi ana au i ka’u mau kokua ana,” wahi a ka pane moakaka a ka Baroneka.

            “Alaila, aole e hiki ke ikeia keia mea huna pohihihi ke ole oe e hai mai i ka haina o ka’u ninau.  Nolaila, ke ninau hou aku nei no wau a ke noi puaku nei no hoi e pane mai,- He hoahanau no anei kekahi ou i hanau puia mai ai?”  wahi hou a ke kiu me ka leo moakaka.

            No ka pakolu ana o ka ninau a ka makaikiu ma kela ninau hookahi na ia moa i hooholo hikiwawe ae ka haikea maluna o na helehelena hapauoa o ka Haku Baroneka, a me ka leo ano haalulu pane mai la oia:

            “Ae, he hoahanau no ko’u, aka, ua make oia iloko o ka hilahila a me ka hoowahiwahaia, a he lima hoi i paumaele i ke koko o ke kanaka pepehi kanaka.  Aka, e kuu hoaloha, no keaha oe i makemake ai e ninau mai ia’u no keia mea, a owai hoi ka makaula nana i hoike mai ia oe no keia mea i popopo kahiko loa kona moolelo malalo o ka honua.”

            “E kuu haku baroneka,” wahi a ka makaikiu.  Mamua o ko’u pane ana aku i kau ninau e ae mai ia’u i hookahi a’u ninau i koe e ninau aku ai ia oe, a ke pau ia alaila ua makukau au e pane i kau mau ninau a pau e waiho mai ana.  Nolaila, e kuu haku baroneka, o Ioane Berenada anei ka inoa o ua hoahanau nei ou au i hooia iho nei ua make aole e kala wale?”

            “Mao na diabolo o ka po, nawai i hoike mai ia oe no kela inoa?  Ae ae o Ioane Berenada i’o kona inoa, ka ae’a, ka aihue a me ke kipi pepehi kanaka hilahila ole ma ka pakaha ana i ke ola o ko maua luaui makuakane.  Ano e hoike mai, nawai i hai mai ia oe o ka inoa ia o ua lima koko la, a o ua kipi kumakaia ala hoi o ko’u kaikaina no ia?”

            “Na ua kanaka ia no i kapaia ma kela inoa i hoike ae i na mea a pau, a o kana hoohiki paa e make oe ma ka poho o kona lima e like me ka make ana o ko olua makuakane,” wahi i hoike aku ai ua kiu nei i na mea a pau ana i lohe ai ma ka po i hala, a me ka lilo ana hoi o kela mau olelo ana i lohe ai i mea nana e noonoo nui ai, a o kana olelo hooholo i hoopuka ai e hele kino maoli ana no oia a hui pu laua he alo a he alo a e lohe i ka moolelo oiaio o pili ana i keia mea huna pohihihi, ina he mea huna i’o keia e waiho ponalo nei iloko o ka ohana Baroneka o Kalivi Hale.”

            “Ha! wahi a ua haku baroneka aoo nei me ka leo kakana me ka huli ana oe o kona mau maka me ka piha inaina a me ka huhu, a haka pono mai la maluna o ka makaikiu, a hoomau hou mai la i ka kamailio.  Eia no ka kela lima koko kumakala ke ola nei, ua kuni au ua popopo kahiko la kona mau iwi.  Ina o ua Ioane Berenada oiaio no kela e ola nei, alaila, ua apuhiia ka mana o ke aupuni e Kauka Bruke, ke kauka hoi nana i hoike ae maloko o kana pepa hoike lipota ua make o Ioane Berenada maloko o na paia paahao o Nugeta no ka ma’i akepau mahope o kona auamo ana i na eha eha o kona hoopai no iwakalua makahiki.”  Ano e hoolohe mai i ka moolelo weliweli o ka Haku Lodi Baroneka Kahvi o Kahvi Hale.

            O Haku Lodi Paroneka Kalbi ko maua makuakane, oia kekahi alii waiwai o Pelekane nei, a o kekahi Loi o na alii (peer) hanohano loa o ka aina a o maua wale iho la no hoi ka laua mau keiki.  He mau mahoe maua ma ka hanau ia ana, owau ka mua o ka oili ana mai i keia ao, a he elua minute mahope iho ua hemo mai ia ua kaikaina lokoino nei o’u.

            I ka umi o ko maua makahiki make iho la ko maua luaui makuahine, waiho iho la ia maua na ko maua makuakane ahonui a piha aloha e malama, a e mailani hookahi me ke kunukunu ole ma na mea a pau a ko maua mau manao kamalii e hauoli ai.

            Ma ka moo hoike o ko maua hanauia ana aohe he wahi i paewa ai o kahi a me kahi, aole loa hoi e hiki ke hoohewahewa owai la o maua ka hanu mua a me ka hanu hope, aka i mea nae e maopopo ai ua hoopaaia maloko o ua buke ala, e hoike ana i ka moolelo o ko maua hanau ana a me na hoakaka ana, penei:  “Hanau mua Haku Lodi Paroneka he ila nui o hapalua iniha ke anawaena e kau ana ma ka mahamaha akau o ke poo, a o ka hanau hope Haku Ioane Parenado, he ila nui ke uhi ana ma ka onohi eleele maka hema.”

            “Ma keia mau hoilona wale io la no e ike a e hoomaopopoia ai maua.  E kuhihewa ia ana no wau o Perenado a pela no hoi ia e kuhihewa ia ana no owau, aka, i ka wa a lakou o kahea mai ai i ko maua mau inoa ma ia ano e ike ai i ko lakou kuhihewa, alaila e hoololi koke ae no lakou i ke kahea ana, a pela iho la e ikeia ai maua i kahi wa oiai na la opio o ke kamalii.

 

            Ua kipa mai la ka moku lawe koa Amerika Crook mai Kapalakiko mai me 500 koa hou no Manila.  O ka mua loa keia o kona kipa ana mai i keia awa.