Ke Aloha Aina, Volume VIII, Number 18, 3 May 1902 — Page 3

KE ALOHA AINA

 

KE  ALOHA  AINA,  POAONO  MEI  3,  1902.        3

 

KE  ALAHELE  NOEAU  AIA

KANAKA  NO  KA  IMI

ANA  I  KA  WELAU

AKAU.

 

  O na hooliia ana a Herr Anschutz Kampfe o Viena no kana alahele e hoonee aku ana no ka imi ana i ka Welau Akau me kekahi moku luu ua pau ia i ka hooponopono ia i keia wa, wahi a ka nupepa Honua o Nu Ioka.

  A he manaoio ko keia kauaka nana e ahai ae ana ka lanakila o ke kanaka mua loa i hiki aku i ka Welau Akau.

  I kla wa o Herr Anschutz Kampfe i lawe mai ai i kana kumuhana imua o ka Hui Palapala Aina o Viena he makahiki ae nei i hala ua nana ia aku ia me he meuhane ala. Ua hoao oia e loaa na kokua ia ana mai e na poe waiwai, a mahope o kona hoao pauaho ole ana, ua loaa iho la iaia he mau kokua ia ana mai kekahi poe waiwai a me ke aupuni.

  O keia muku luu ua kokoke ia e paa i ke kapili ia ma Wihelmahaven, Geremania. O ka nui o kona mau luina makou ole e mauna ana i ko lakou mau ola no ka hanohano o ko lakou mau inoa he elima.

  O ka loihi o keia moku he 70 kapuai, a o kona anapuhi he 20 kapuai a he like loa hoi kona ololo e like me ka huia moa. Ua uhi ia o waho o kona kino me ka hao kila. O ka hohonu a keia moku e luu ai he 160 kapuai, a malalo oia o ka hau e holo ai a hiki i kona hoea ana i ka Welau. He manaolo ko kona ona aole he wa ona e hooluu ia ai e like me keia ka hohonu.

  Ua hoomaopopoia o ka hohonu o na moku hau e lana hele ana i ka ilikai, ina he 100 kapuai kona kiekie maluna o ka ilikai aia he 600 kapuai kona hohonu malalo o ka ilikai. Nolailia, o ka hana naauao a keia haole oia no kona huli ana i kahi i ike nui ole la o keia mau moku hau: O kahi wale no i noomaopopoia aole he ike ia o keia mea he moku hau oia no na lae mawaho aku o Spitzberg, a no lakou ka mamao he 600 mile wale no mai ka Walau Akau mai. Wahi a ka hoike a Nansen, kekahi o na haole huli i ka welau, he 30 kapuai wale no ka manoanoa o ka hau o ia wahi, a aole hoi he uhi paa o ka hau mai Spitzbergen aku a hiki i ka Welau Akau, aka, e ike ia ana no na nakaka hau ma kela a me kela elima mile.

  Ka hoomaopopo pu ia he lewa wale no o lalo o ka Weiau Akau, a pela i manaoio ai o
Herr Kampfe e loaa no ina ka Welau Akau me kona moku luu. O ka loihi e oia ai ke kanaka maloko o keia moku he 15 hora, a o ko ua holo he 3 mile i ka hora, nolaila, ua hiki laia ke holo malalo o ke kai no 45 mile mamua o kona pii ana ae iluna o ka Ilikai no ka nookomo ana i mau ea hou no loko o kona mau keena.

  He nui no na poe akeakamai i kanalua no ka holopono o ua hana a keia kanaka Auseturia. Aka, aole nae he hewa o ka hoao. Oiai, na hoao ia ka huli ana i ka Welau Akau me na baluna maluna o ka lewa, me na moku hoi maluna o ke kai, aka, aole nae he mau pomaikai i ikeia, no keaha hoi e hoao ole ia ai me na moku luu malalo o ka papaku o ka moana i pau ai ke kuhihewa.

  O ka imi ana i ka welau akau he mea ia e huli nui ia nei e na poe akeakamai o kela a me keia aupuni aauao o ka honua nei. He nui na alahele i imi ia no ka hiki ana aku i keia wahi, he nui hoi na ola i mauna wale ia a me na puu dala i Iu ia aka, aole no he mea i hiki aku i keia wahi kaulana loa o ka poepoe honua nei.

 

KOMISINA  BARRETT  O  KA

HOIKEIKE  O  SANA  LUI.

 

  Maluna o ka mokuahi Kina i hoea mai ai o Hon John Barrett, ke Komisina Nui o ka hoikeike nui o Sana Lui; i ukaliia e kana kekau olelo Theodore Hardee. E noho ana oia maanei a hiki i ka la 8 o Mei mamua o kona hoomau ana aku i kana huakai no Iapana a i ole no Auseteralia paha e like me kauoha hope e loaa mai ana iaia mai Wasinetona mai ma keia mau la iho ma na mokauhi Kaleponi mai.

  I ko Komaiaina Barrett mau ia ma Honolulu nei e hui aku ana oia me na Luna, Aupuni o ke Teritori a me na poe kalepa no ke kuka ana i na mea hoikeike Hawaii e hoouna aku ai i Sana Lui, E kono ia ana na aupuni a pau o ka honua e hoouna aku i ka lakou mau mea hoikeike i  manao ai he kupono e like me na hana hoonaauao, kalepa, m hiai, a pela aku. Aole loa e ae ia ana na hana lealea o ke kulana haahaa. a oia mau mea a pau e hookapu ia ana.

  E hookaawale ia ana he mau keena hoikeike no Hawaii, pela nie Pilipine ame Porto Rico, na Panalaau o Amerika. Nolaila, o kana i ake loa ai e haawi aku ke aupuni i kana kokua ana no ka holomua o na mea hoikeike mai Hawaii nei aku. O ka nui o na hoolilo o keia hoikeike nui o Sana Lui mamua o kona weheia ana e hoea aku ana la i ke $30,000,000.

  E kipa aku ana o Barrett ma na aupuni o Iapana, Kina; Korea, Siama a me Auset ralia ka no ka hooko ana i kaua misluna no ka pono a me ka holomua o ka hoikeike o Sana Lui.

 

KUAI  HOEMI  ONA  LOLE  KOENA

I Lohe Ole la Mamua

 

NO  KEIA  PULE  WALE  NO  MAI

Aperila 26 a hiki i Mei 3

 

      Silika, Ribine, Lihilihi, Leki, Kalakoa, Kinamu, Lilina, Pale Lole, Keokeo a me Huluhulu.

 

      O keia mau waiwai a na maka ia ko lakou mau kumukuai pakahi. E hiki ai ia oe ke wawae noo iho me ka ninau ole aku ia hai.

 

Whitney  &  Marsh  Limited,

Alanui Papu-

 

 

 

 

PAA  NA  KAA  UWILA  O

KAPALAKIKO

 

  Kapalakiko, Apr. 21. O ka olohani nui o na limahana o na kaa uwila na hoea mai ia, a ma ke kakahiaka La Pule nei Ape rila 20, he elua wale no laina kaa i koe. He 2600 kanaka i haalele i ka hana, a he 1000 i manaoia e kakauinoa aku ana malalo o ka aelike haalele i ka hana ma ka la apopo.

  He nui na hooikaika i hanaia ma ia la e na aoao elua, aka, oia mau no nae ke kupaa o na poe haalele hana, Aole he mau uluaoa i ike ia mai na poe olohani. O ke kumu o keia olohani ana o na limahana o na kaa uwila oia no ko lakou makemake ana e hoopii ae i ko lakou mau uku hana mai ka 22 keneta a ka 25 keneta o ka hora, ua kue aku ka hui kaa uwila i keia manao o na limahana, a pela i uiu mai ai keia mokuahana. Aole i komo na limahana a pau iloko o keia makemake olohani, aka, na hiki ole nae ia lakou ke kue aku, oiai, la kou e noho ana he poe uniona.

  Kapalakiko, Apr. 23. O ka olohani nui nana i hoopaa i ka hooholo ia ana o na kaa uwila no eha la, ua anaoia e hoea mai ana kona hopena i keia la. O na hoolala ana no keia olohani nui ua hana ia ia me ka malu loa me ka maopopo ole i na Luna Nui o ka hui e hoea mai ana he pilikia nui imua o lakou. Mahope o ka holo ole ana o kela a me keia kaa ma kela a me keia laina aka hi no lakou a ike i ka popilikia nui mamua o lakou.

  Ua hoao ia na kaa e hooholo ia ma ka La Pule, Poakahi a me nehinei, aka, aole nae i hooko la. Iloko o keia manawa aole he haunaele i ike ia, no ka mea, ua hoolohe aku na limahana i ka leo o Meia Schmitz i kauoha mai ai e malama lakou i ka m@luhia.

 

HOOLAHA  HOOKO  MORAKI

 

HOOLAHA  KUAI  A  ME

HOOPAA  A  KA  MEA  MORAKI.

 

  Ka hoolahala aku nei ma keia no ka hooko ana aku i ka mana o ka hoolilo ana i kekahi moraki i hana ia e J. K. Kahookano ia J  Alfred Magoon, ma ka la 2 o Sepatemaba, 1897, a i hoopaa ia ma ke ke Keena Kone, Oahu, buke 171, ma na aoao 228-9, ke hoolaha ia aku nei ma keia, na manao ka mea paa moraki e paa i ua moraki la i oleloia no ka hahaki ia o ka aelike, oia, ka uku ole ia o ke kumupaa a me ka ukupanee. i ka wa uku, hoolilo ia aku no ia ma ke kuai kudala ia ana ma ke keena kudala o Will E. Fisher, ma Honolulu, ma ka Poakolu, Mei 14, 1902, ma ka hora 12 o ke awakea o ka la i oleloia. O na waiwai i hoakaka ia maloko o ua moraki ala oia no keia i hoakakaia malalo iho nei.

  No na mea i koe e pili ana ia J. A. Magoon, e ninau ae T. I. Dillon a i ole ia J. Lightfoot, na loio, Magoon Hale, kihi o na alanui Alakea me Kalepa, Honolulu.

              J. ALFRED MAGOON,

                   Mea Paa Moraki.

  Hanaia ma Honolulu, Aperila 229n

 

  Akahi. Oia kela aina nona ka ili aina o 2 1-2 eka, e waiho ala ma Makapala, Kohala Akau, Hawaii, D. W. A. Kahookano a me J. K. Kahookano, ma ka la 10 o Sepatemaba 1883, a i hoopaa ia ma ke Keena Kope, Oahu, buke 87, ma na aoao 410-1-2.

  Elua. O kela mau mahele a pau o ka aina i hoakaka ia ma ka Palapala Sila-Nui Helu 3371 i oleloia Kuleana Helu 9781, penei:

  (a) O kela aina kula a pau e waiho ala mawaena o ka aina o Kalai, Kealoha a mo Komomua.

  (b) O keia aina kula a pau e waiho ana ma ka aoao aikina o ka aina o Kealoha a me Komomua, a ma ka aoao makai, o ke Alanui Aupuni e pili pu ana me ka aina o Kalai.

  (c) O kela aina, a pau e waiho ana ma ka aoao Pali o ke awawa o Makapala, ma ka ao o hoi makai o ke Alanui Aupuni.

  O keia mau aina i hoakaka ma na mahele a, b a me e, he aina ia i hoakakaia ma ka palapala kuai mai a M@r@ea aku ie J. K. Kahookano i oleloia ma ka la 22 o Augate, 1889, m i hoopaa ia ma ke keena i oleloia buke 130 ma ka aoao 254.