Ke Aloha Aina, Volume VIII, Number 17, 26 April 1902 — Page 4

KE ALOHA AINA

 

Ke Aloha Aina

Hookumuia no ka

 

Pomaikai a ka Lehulehu, a he Nu pepa na ka Lahui Hawaii.

 

 

EDWARD L. LIKE.

Lunahoononopono.

JOSEPH K. LIKE.

Luna Hoopuka

ALEX. NAWAHI.

Luna Hoohana

EMMA A. NAWAHI

Puuleu o KE ALOHA AINA.

 

PUKA PULE

 

            E hoopuka ia ana ma na kakahiak Poaono a pau.

 

N ka Makahiki……………………………         $2.00

No Ka Eono Mahina……………………..            1.00

No ke Kope Hookahi…………………….              .05

 

Hookahi Makahiki (uku mua)……………          $9.00

Ekolu mahina (uku mua)…………………            2.25

Hookahi mahina (uku mua)………………              .80

 

KEENA HANA.

 

            Ma alanui Moi, Leleo, Helu 370, Kokoke ma ka Hale Hoolulu Kaaahi, Palu Leta 513.

 

HONOLULU…….APR. 26, 1902

 

HOOMAU IA NO O KIANA DOLE MA KONA KULANA.

 

            Wasinetona, Apr. 14.  O keia malalo iho nei ka hoike pili aupuni i hana ia ma ka Hale Keokeo i keia la:  O ka Peresidena mahope o kona noli akahele a hoolohe ana i na olelo a na poe i hiki aku, ua hoea mai ia i ka hopena o ka hoomau ana aku i ko Kiaaina Dole paa ana i kona kulana me ka haawi pu mai o ka Aha Kaapuni i ko lakou manao aloha a kakoo nona.

 

            Ua kipa aku o Kiaaina Dole ma ka Hale Keokeo i keia la me ka olelo ae e holo aku ana oia no Bosetona no ka hoohala ana he mau la pokole, a maloko o elua pule e huli hoi aku ai oia no ka home.

 

KAUKA HOU O KE KAHUA MA’I.

 

            Ma ka mokuahi Lehua o ka Poakahi nei i kau aku ai o Kauka French no ka lawe ana ae i ke kulana kauka no ke kahua ma’i ma kahi o Kauka Oliva i hoopania.  No ka manawa wale o oia i hoonoho ia aku la malaila a hiki i ka wa e loaa ai he kauka hou no ka noho paa aua ma ia kahua.  Iloko o keia wa e waiho hakahaka nei keia noho eia ka Papa Ola ke huli nei i kauka kupono ma ia wahi, a ua hoouna ia aku he noi ina kula kauka nui o Ameriak e waiho mai i ka inoa o kela a me keia kauka i manao ia he naauao kiekie kona a i makemake ho@ e lawe ae i keia kulana.

 

            He ano omaimai ko ka makuahine Puuku o Ke Aloha Aina i keia mau la iho nei, a ua palekaua loa ae nei hoi, me ka manaolana no uae e hiki aku ana no oia ma ka hoolewa o ka Hon. J. K. Kaulia i ka La Pule ae.

 

NA HUI HUKIHUKI KAULA.

 

             E malama ia ana ma keia po Poaono ma ka hale ukana o Aala ka hukihuki kaula nui i ike mua oel ia  He eono ka oui o na hui hukihuki e aumeume no ka makana ekahi o $200 a me elua o $50.  Penei ke kaumaha o na kanaka o kela me keia hui pakahi e huki ana.

 

            Hui Lako Hao Pakipika—Kalani (heleuma) 195 paona; Ki 185, Kane 172, Ioane 175, Kanae 187, Kaaihue 135, Wailehua 165; Kapena D. Kekaulike.

 

            Pukiki—Cambra (heleuma) 145 paone; Gauveia 180, Stone 150, Augusto 157, Sebastian 167, Furtado 162, Catano 173; Kapena Machdo Kanawai me ke Kauoha—Brown (heleuma) 212 paona; Mansfield 210 Kalilimoku 175, Cockett 220, Makanani 215, Kaulohau 240, McDuffy 184; Kapena McDuffy.

 

            Poola—Pua (heleuma) 190 paona Umi 160; Kaohele 165, Kamuluahine 185 Keonipepeiao 175, Iopa 190, Kahea 190; Kapena Mossman.

 

            Na Hana Hou—Joe Moss [heleuma] 190 paona; Luia 150, Joe Ku 150, David 16000, Solomon 190, Joe   Inas 175 Jack 136; Kapena Charles Costa.

 

            Kane Ke Au—Miguel [heleuma] 175 paona; Laelae 145, Sol Lo 165 Nohoanu 175, Kimonele 170, Kailianu 176, Napahulu 175; Kapena Edward Vevauchelle.

 

HE LA NUI NO NA KULA MA LOKO O KA HALE MELE HOU.

 

            O ka Poaha o keia pule ae e hiki mai ana oia ka la i hookaawale ia he la hauoli no na opio kula e ke aupuni a ma ia la e haawi ana kekahi mau kula he ahamele nui maloko o ka Hale Mele Hou, a o na pomaikai e loaa mai ana e hoahu ia aku ana no ia iloko o ka waihona e hoili ili ia nei no ka hoala aku i kekahi hana hoomanao no Peresidena Makinile i make.  O na kula e komo ana iloko o keia wehe ahamele a me kekahi mau hana lealea e ae oia keia:  He kulahula May Pole mai na kaikamahine mai o ke Kula Sana Anara.  Paikau me ua laau mai na keiki mai o ke Kula Kahahuna.  He paani hoomakeaka mai na haumana mai o ke Kula Kiekie.  Himeni “Old Kentucky Home,” mai na haumana mai o ke Kula Kaahumanu iloko o na aahu o ka poe ohi pulupulu o Kenetuke, a e ohi pu ana hoi lakou i ka pulupulu i ka wa e himeni ai.  Hulahula Scarf mai na haumana mai a Mrs. Gunn.  O na kula Normal, Kamehameha, Kawaiahao a me Punahou ma ka haawi ana he mau leo himeni.  Ua manaoia o kakahi Ahamele ohohia nui ia keia e wehe ia aku ana ma keia pule aku.  Eia ke kuai ianei na tikiki ma kahi o Wall, Nichols Co, a ma ka lima o kekahi mau lede o keia kulanakauhale.

 

AIA HE MEMORIALA HAWAII I KE SENATE

 

            Wasinetona, Apr. 8.  Ma keia la i waiho aku ai o Senatoa Patterson o Colorado iloko o ke Senate he memoriala i kakau inoa ia e 300 kupa Amerika e noho ana ma Hawaii, e noi mai ana no ka hana ia ana o na kanawai e kipaku ana i na Pake a me na Iapana mai loko aku o na Panalaau Amerika, a o na limahana hoi o na ano hana a pau no ka lawelawe ana i ua hana aupuni e haawi ia aku ia i na kupa Amerika wale no.

 

            Maloko oia memoriala e olelo aoa he 75 pa keneta o na hana ma Hawaii e lawelawe ia ana e na lahoi Asia e hoonele ana i na limahana Amerika.  A no ka oia io oia ua hoike ia mai aia he 87,000 o ka huina lehui ma na mokupuni he Pake me na Iapana mailoko mai o ka heluna lahui o 150,000 e noho ana ma Hawaii O ke kulana ma keia mua aku, ua hoomaopopoia e hookupilikii loa aku ana la i ke ola o na kupa Amerika me ko lakou mau ohana.

 

E PANI IA ANA NA HALEKUAI BIA.

 

            Ua manao ia e hoea mai ana o Puuku Wright me ke Kinau o keia Poano.  Ina e hoi io mai ana o Wright e kanoha ia ana oia e pani i na halekuai bia he 25 e wehe bahama nei, a i hole pela e hoopii ia no oia no ka hoowahawaha aha.  O keia pani ana o na halekuai bia mamuli no ia o ka haawi ana mai o Lunakanawai Amerika Estee i kana olelo hooholo e kue ana aole he mana o ka laikini i haawi ia e puuku Wright i keia mau halekuai bia @ ku nei no ke kuai ana i na bia Hawaii ma na kanawai Amerika.

 

NA WAIWAI LIKE OLE HE NI WALE

 

            O na olelo hoopaapaa kue no na Ka@iki ua pau ia.

 

            Ua hala ko lakou mau la me na hanauna ua ike ia no ka lakou mau hana maikai, aka, ua hooneleia aku nae lakou e ke Kaliku ano hou “Alo Pololei.”

 

            E ukali ana kona hana ia ana e like me ke kulana ola o ke kanaka.

 

            O kona waiwai he oi loa aku,

           

            Aohe ona lua ma ka hoohalike ana he nani, e hoomaloeloe ana i ka opu a me ke kua.

 

            E hoolei ana i ke kaumaha ihope o ke kikala.

 

            O ka mea i oi loa aku ai ua hoopau aku ia i ka ehaeha e ka Li Kau la e like me na wawae o na Pake wahine.

 

            Eia me makou na kaliki ano hou o ke alo pololei.  E kipa mai a e ike nou iho i pau kuhihewa.

 

Na Papale Boneta Bebe

 

            Nui na Boneta Silika a me maselina Nani o na Bebe a pela me na lako aahu like ole.

 

Na Lole Aahu Keokeo

 

            Ke makou mau Waiwai Keokeo ka nui hewahewa iloko o ke kaona nei.  He emi ka makou mau kua uiuai.

 

Whitney & Marsh Limited.

 

Alanui Papa

 

LOHE IA O PAPA ITA

 

            Ma na lono i loaa mai nei mai Tahiti mai i Honolulu nei, ua hoea maalahi aku o Papa Ita, ke kahuna Tahiti hele ahi kaulana i ka home maluna o ka mokuahi Auseteralia.  Ua hookipa ia aku oia e kona mau hoaloha me ke ohohia nuiia.  Aia oia ke liuliu ala e lawe hou mai i kekahi mau kahuna Tahiti no ka hooikeike ana i ke ao holookoa no kekahi mau hana hookalakupua i loaa ia lahui kanaka, mawaena oia mau kahuna he “kahuna ai puaa” a me ke kahuna naiowale kupaianaha.

 

            O ke kahuna ai puaa ua hiki iaia ke ai a pau i ka wa hookahi keka hi puaa nui holookoa nona ke kaumaha he 75 paona.  O keia puaa e hoomoa mua ia ana, alaila, ia wa e ai hoonuu mai ai oia i ua puaa ala imua o ka lehulehu.  Keu no ka liliha ole o keia kanaka.

 

            O ke kanaka nalowale kupaianaha he ku no i ke pohihihi kana mau nana hookalagupua.  Mamua o kona nalowale ana e kaha ana oia he laina me ka hoonoho poai puni ana i kona poe kanaka he poe kahuna, iwaenakonu o lakou e ku ana oia imua o na maka o ka lehulehu, a ma kekahi mana kupaianaha i loaa iaia ua nalowale iho la oia a hoike ae la ma kahi mokupuni okoa aku.

 

            Me keia mau hana hookalakupua i loaa i keia mau kahuna Tahiti, ua manao ia e ohi no lakou i kekahi puu dala nui ina lakou e hele kaapuni ana i ke ao nei no ka hoikeike ana i keia mau mana hoopahaohao i loaa ia lakou.

 

            Eia ka halekuai o Whitney Marsh ke kuai hoemi nei i na waiwai like.

 

            Ua makemake ia o na kaikamahine a me keikikane hapa Hawaii no ka hana ana me kekahi hui kuai.