Ke Aloha Aina, Volume VIII, Number 17, 26 April 1902 — Page 2

KE ALOHA AINA

POAOKO APERILA 26, 1902

 

MOOLELO AHAHUI KULA SABATI MA KAUI.

Halawai ka Ahahui Kula Sabati ma ka Luakini o Lihue i Apr 11, 1902.

 

Rev j, Kanoho ka Peresidena, malaria ka manawa @pule. Na hoa o ka aha.

 

Waioli; S W Kauanoe, J. Kakina Elele; Koolau, S.W. Kauanoe, Sol J Kaialoa Elele; Kapaa, S W Kauanoe, Z Kakina Elele; Lihue, Mrs Rice H K Kahele Elele; Koloa Rev L M Mitchel Elele; Hanapepe; Jos H Maliakai Elele; Waimea; Rev G D Kopa Elele, a me na hoa o ka ahahui makua. oho ia na ko@te mau o ka aha, H Kahele, Maliakai a me Pilipo, komite o na hana hou, J Kakina, Z Kakina me Mitchell, komite pall, Karl., Aiu me Kaiala, na komile awe.

 

Hapaiia na hana mau, 1 Ka hoike a na kahu kula sabot nui, na ke kakauolelo i heluhelu; 2 ka hoike ana kahu kula sabati apana, na ke kakauolelo i heluhelu ko Koolau, Koloa, Hanapepe a me Waimea, na Mrs. Rice I ko Lihue, na Kauanoe i ko Hanalei; 3 ka hoike a na Elele, na lakou no i heluhelu mai i keia mau hoike, waihoia i ke koinite palapala. Na Kahele, i ka hoike o na hana hou, [a] koho ana i ka peredena, a me ke kakauolelo, ma ka balota, kohoia o Kahele i peresidena o Kauanoe i kakauolelo no hookahi makahiki; [e] ka hoike ma Lahaina ua apono ka aha; (i) hoike makana "Roll of honor" aponoia; 'u' Na hana hoeueu aponoia, 'u' ka hoa hana aponoia na ahahui paeaina e noonoo, 'h' koho ana i na kahu kula sabati nui, aponoia e hoomau ia no na mea mua, 'k' koho ana i na elele paeaina aponoia, o na elele o ka aha makua no na elele, 'l' Ka uku moku o na elele a me ke kahu kula sabati apana, aponoia, he $24 o ka elele hookahi, a me ke kahu kula sabati apana hookahi, kohoia o Kaili i komite no keia mau dala ma Kauai komohana, o Mitchel no Kauai hikina, 'm' komite i ka aha paeaina o Kakina na hana o ka aha, Kahele, no na hoike kihapai.

 

Na Kakina ke komite o na palapala, na Kaulili, he olelo hooholo, e hoike hui na kula Sabati o Kauai ma Lihue, i ke sabati elua o Mei, aponoia, heluheluia ka moolelo apono ia. Noi ia mai e hoolaha ma ka nupepa aponoia, noi ia mai e hoopanee a hiki i ke kau o Oct ma Lihue hoopaneeia ka aha me ka himeni, a me ka pule a Rev E STimotso.

 

S W KAUANOE.

 

Kakauolelo o ka Aha

 

E lawe nui KE ALOHA AINA i ike mau i na mea hou like ole o ka honua nei.

 

HALAWAI A KA PAPA OLA.

 

Mamuli o ka loaa ana mai i makou he noi mai ka lehulehu mai o ke kahua ma'i lepera o Molokai e hoopuka mau aku makou i ka moolelo o ka halawai a ka Papa Ola i kela a me keia pula no ko laou pomaikai, pela makou e lawe mai nei ma ke ano nui a hoopuka aku i ka halawai i malamia ma ka auina la poakolu nei e ua Papa ala penei:

 

Ua ae ia aku la o Hoahanau Lawrence e hooloihi aku i knoa noho ana ma Balauwina Home a hiki i ka oluolu ana o kai ma'i o Hoahanau Serrapin.

 

O ke no a Mrs. Kaleo Milikaa e holo aku ma kekahi huakai pili oihana no ka hui ana me kana kane ma Kalaupapa, ua ae ia, ma ka noho ana ma ka pa i hookaawaleia no ka ohana. He hookahi pule ana i nonoi ai, aka, ua ae ia aku nae oia no kekahi mau la pokole wale no hoea hou aku ka moku ilaila.

 

Heluhelu ia ka leta a Kauka Sloggett e koi aku ana ia Kauka Oliva e waiho i kona kulana. O ka pane a Kauka Oliva ma ka aelike i hanaia e hoike mua aku ka Papa Ola i ka lohe iaia no kona hoopania he hookahi ma hina mamua o kona wiaho ana aku i ka oihana. Nolaila, ua hooholo ka Papa Ola e uku i ka mahina i koe $250 a koi ia akua la oia e haalele koke i ke kahua ma'a. O ke kohoia ana o Jack McVeigh i Luna Nui no kahua ma'i oa apono loa ia me ko na uku mahina o $225.

 

Waiho mai kauka Sloggett he kumuhana imua o ka Papa e olelo ana, o ka hookuu ana i hookahi wale no kauka e malama ai i ke ola o kela kahua ma'i o 1000 kanaka he hand hiki ole no ia. He hana kupono e koho ia i elua ai ole ekolu kokua me hookahi kanaka paipai laau. He hana maikai loa keia na keia kau Ahaolelo aku e noonoo ai ka hoomahuahua ana ae i na poe lawelawe o ka oihana lapaau ma ke kahua ma'i.

 

Ua hoike hou ae o Kauka Sloggett ua kakau aku oia ia Kauka Kenerala Wyman o ke Aupuni Amerika a me ka Halekula Kauka kiekie o Mikikana e hoounaia mai ona kauka akamai no ka lawe ana ae i ke kulana kauka ma ke kahua ma'i lepera o Molokai. Lilo ka Papa ma kekahi mau hana okoa a hoopanee wale.

 

Nui na lio heihei i hoea mai la i Honolulu nei mai na mokupuni no ke komo pu ana iloko @ na lealea heihei o ka la 11 o lune.

 

Nui ke Aloha o na Mai ia Kauka Oliva.

 

OLELO HOOHOLO

 

Hooholoia, o ka manao kuio o keia halawai akea o ke kumu o ko Pilipo Mikila make, he kanaka i hopu a hoopaa hewaia iloko o ka halepaahao, mamuli no ia o kona haina ia ana. A mai ike ole ia keia mau mea e makou kona mau hoa ma'i ina aole ke kauka nohopaaa dr. R. Oliver i hai, ua hele oia a hoike aku i ka luna hooponopono o ke kahua ma'i ne i ke kulana pilikia o Pilipo Mikila me kona makemake e hoihoi ia oia i ka Bay Viw Home, aka, ua hoole ia kananoi, aia wale no a hala ka manawa pono, hookuu ia a make aku la me ka manaonao, a oiai, o makou o na lepera ke apo nei i ka wa i loaa iloko o keia halawai akea i manawa maikai no makou e hoike ai i ke makou mahalo kela i ke kuokoa o Dr. R. Oliver no ka hooko ana i kana o@hana i kela kanaka pop@ a mamuli o keia hana ana pela ua loaa i kumu hewa nona e manao ino ia ai e kai luna hoopnopono o ke kahua ma'i lepera a me ka Papa Ola, a e hoike hou ia ae no na makahiki he umi a Dr. R. Oliver i noho ai e lawe lawe i kana oihana kauka iwaena o makou, aole a makou hoopii i ka Papa Ola nona, a he hoaloha oia no makou na ma'i lepera.

 

Hooholoia, i hookahi kope o keia olelo hooholo e haawi ia ia Dr. R. Oliver, a e hoonuna pu ia i kope o keia i na nupepa Hawaaii a me na nupepa namu.

Komite { AMBROSE HUTCHINSON, WM. CLARK, J.K. MIA.

Kalaupapa, April 18, 1902.

 

OLELO HOOHOLO

 

Oiai, o makou na lepera ilikea ma ke kahua ma'i ma Molokai, ke manao nei, ua oi ae ko makou kamaaina i na kuia lehulehu o kekahi kauka noho iloko o keia wahi e lawe lawe ana i ka oihana lapaau i waena o makou mamua o kekahi komite i hele mai iloko o ke kahua ma'i nei no kekahi mau hora wale no; nolaila, ke manao nei makou, o na kumu ahewa a ke Komite o ka Papa Ola i ke akauka nohopaa, Dr. R. Oliver, aole i loaa na hooia ana; a

 

Oiai, ua paa ka Papa Ola ia Dr. R. Oliver, i kauka nohopaa no ke kahua ma'i nei no na makahiki he umi i hala, ua hoopalaleha lakou (ka Papa) i ka lakou hana, ina ua hooko ole o Dr. Oliver i kana oihana a makou e manao nei aole oia i hana pela, a oia no hoi ke kauka lapaau a makou @ kupono no ke auo o ua kauaka e noho nei ma keia wahi alaila, ma ke ana noi aia ke koikoi maluna o ka Papa ula ina he oiaio na kumy hoopii ahewa a ke komite ia Dr. Oliver; nolaiia,

 

E hooholoia, ke minamina loa nei makou i ka olelo hooholo a ke komite e noiia aku o Dr. Oliver e waiho mai i ka hana, a inia e apono ana ka Papa Ola i keia olelo hooholo a ke komite, ke manaoiana nei makou e hoao ana ka papa e wae i knoa pani hakanaka i kauka i like ka maikai a makaukau me ia.

 

E hoounaia kekahi kope o keia mau olelo hooholo ia Dr. R. Oliver, a i hookahi kope i kela a me kaia nupepa ma Honolulu ma ka olelo namu a me Hawaii.

Komite { AMBROSE HUTCHINSON, WM CLARK, J.K MIA.

Kalaupapa, April 18, 1902

 

Palapala Hooia Hoahu

Elike me ia i Hoopukaia e ka

HUI HAWAIIAN REALITY AME MATURITY KAUPALENAII

Hoahu Maraki 30, 1901

 Huina Waiwai $50,000

5,000 MAHELE; $10.00 PAKAHI;

UKU PAU IA

 

Heaha na Kumu?

1. Aole makou e koi aku ana ia oe e uhaai i kau dala.

2. E haawi ana makou kekahi ala hele palekana e hiki ai ke hoopula puka a loaa ke dala mamuli o ka hoohui i na hunia liilii i kela a me keia mahina, a mamuli o ia mea, e koe ana he huina dala mai ka hoolilo ia ma kekahi ano e ae, a e loaa ole ana ia oe kekahi wahi pomaikai mai loko mai oia mea.

3. O ka nui o na makahiki a me ka oihana a hana a ka mea hoahu, aole loa ia he kumu hoanoe a hoololi, no ka mea ua hiki i na kane, na wahine a me na keiki ke lilo i poe hoahu.

Hooia Hoahu

4. Na makou e kukulu i mau home no oukou a e hoopuka no ho makou i Hunia Hoahu Hoopukapuka e hookaa ia iloko o 75 mahina, me eha (4) palapala (coupons) Hooia o $50 pkahi i hoopilipuia, oka averika no ka puunaue iloko 19 mahina, a e ohi ana makou $150, a e loaa ana ia oe $200. O kou puka $33.33 no kela a me kwia dala pakahi i hoahu ia e loaa ana ia oe he 33-1-3 keneta puka.

5. No ka mea aole oihana hoopukapuka i ikeia i oi aku ka pomaikai ma mua o keia. E kakau mai i na hoa kake piha. e hauoli mau ana ka Hui e hoike a e hoakaka piha aku i na mea a pau a me na lawelawe ana ke makemake ia, ke kakau ia mai ma ka leta a ke ninau kino ia mai.

HUI HAWAIIAN REALY A ME MATURITY KAUPALENAIA.

Mcintyre Hale kihi o na Alanui Papu a me Moi. Rumi 3 a me 4. pahn leta 262.

L,K KENEWELA Peresidena

 

Hale hana

Pahu Kupapau Hou

 

Aia ma ka "Hale Elks" e ku nei ma ke kihi o alanui Berinia me Mila.

He mau waiwai makai loa. He maikai ka lawelawe ana. He emi ke kumukuai. e kipa mai e na Hawaii e ike no oukou iho.

J.H. TOWNSEND

Luna Nui.

jan 31.

Telepona Blue 571