Ke Aloha Aina, Volume VIII, Number 16, 19 ʻApelila 1902 — Page 6

KE ALOHA AINA

 

6 KE ALOHA AINA, POAONO, APERILA 19, 1902.

 

 HAWAII MA BUFFALO

 (Kakauia e William J. Coelho.

 (Hoomauia.)

 CRYSTAL BEACH.

 

 He wahi kaona keia ma ka aewai o ka lokowai moana o Eria@ ma ka aina o Pelekane i kapaia o Canada; mahele aina o Quebec. He wahi uuku loa keia; aole no paha i elua a ekolu tausani poe ma keia wahi, a he kakaikahi loa no na kauhale ma ma keia wahi.

 Aohe no he hana nui a ko neia wahi poe. O ka mahiai a me ka hanai holoholona - hipa, puaa a nui wale aku. Ua ano like no ka waiho ana o keia wahi me Waikiki a na kukuluia he mau hale hotele me na hale auau a me na hale waapa.

 I keia wahi e holo mau ai na moku e like me Kinau me ka nui me na ohua mai Buffalo aku. He wahi piha mau ia keia i na la a pau. I ka'u la i holo ai, he la makani ia ma ka wai mai; nui no hoi ka oleale o ka wai. Haalele i ka uwapo maluna o ka mokuahi Crystal Beach a holo no ua wahi auau nei i ka hora 12:30 o ke awakea. He elima makou o ka holo ana - owau, o Ben Waiwaiole, Wm. K. Ahohikea, Geo. Kia Nahaolelua a me R. Reuter.

 Ia makou i holo ai a puka mawaho o keia awa ike aku la makou i na ale o keia wai e nee mai ana e like me ko ka moana Pakipika, he nunui maoli no. E oni ana ka moku me he pauku laau la. Nui ko makou poluea, a he ma'i maoli no. Aka, i ka nana ana aku i ka aina he ui maoli no, ke nana ae i hope e waiho mai ana he kulanakauhale o Buffalo me kona mau hale kiekie. A ke aui aku i ka akau hikina e ikeia aku ana no kauhale nani o ke kahua hoikeike nui me kona mau puoa uwila e ku kilakila mai ana me kona nani lua ole.

 O keia lokowai o Erie, he moana maopopo keia, he mau haneri mile ka loa, a pela no ka laula. Aole e ike ia mai kahi kapa a i kekahi. Ia makou e holo ana ua halawai aku la makou me na mokuahi lehulehu e holoholo ana ma keia moana. He mau moku nunui loa kekahi e holo ana me na ukana waiwai nui o kela a me keia ano no Kikako mai, a no kekahi mau wahi e ae, a e halihali ana i Buffalo no ka hoouka ana maluna o na waapa kanala a malaila aku e hiki ai i Nu Ioka.

 I ka hora 1:30 p.m. hiki makou i Crystal Beach. I ka hele ana aku, ua piha olaila i ka poe auau me ka poe makaikai, Hele aku nei makou ma ka aewai, a ua haihai mai la ka ale wai mehe kai la. Nui ke aloha i ka aina. Ia makou e hele nei, e lia mau ana ka manao o ka ike lihi i kahi limu wai, i hoopa wale aku ai no hoi i ko laila ano. He ole nae ka loaa.

 Ia makou i pii aku ai iloko o kahi kaona, ua komo koke aku la makou iloko o kekahi park (paka). He ululaau kiekie a malumalu no hoi malalo o keia wahi, he mau haneri kanaka--na kane, wahine me kamalii, e ai ana kahi poe, e lele kowali ana no hoi kekahi poe, a e nanea wawale ana no hoi kekahi poe i ka olu o keia wahi.

 He nui no hoi na halekuai mea ai mama me na wai momona maanei. Aole hookahi kulu waiona ma keia wahi e loaa iki ana i ka poe malihini, a i kamaaina no hoi; he kapa loa.

 O kekahi mea apiki loa maanei oia no ka holo ole o na kaaahi, he kapu loa. Aia o na kaa Amerika e holo ana ma na wahi kaona e kokoke i keia, malaila iho la e hiki ai i ka malihini ke kau. I ahona iki keia wahi i na kaa ohua - o kela ano kaa o ka wa kahiko o kakou - na kaa ukana me ka hale no.

 Aole mau hana lealea ma keia wahi e like me ko Buffalo, a he oi loa aku hoi ko kakou nei; aia no a piha lealea la poe makaikai alaila loaa iho la kahi mea hauwalaau.

 Ua hoike ia mai e na kamaaina o ka wa paa o ka hau o ka loko ka wa lealea loa o ia wahi no ka holo hau.

 He wahi nui no keia o ka i'a i ka wa malie. I ka wa paa o ka hau, e holo ana ka poe lawaia a ka moana, alaila, hana i pukapuka iloko o ka hau, a malaila e kuu ai i na makau; a i ka hei ana o ka i'a huki ae la a hoopiha i na kaa liilii. He nunui no ka i'a o keia lokowai moana e like me ko ke kai. E loaa ana na ano i'a like ole. O ka lawaia akamai e loaa nui ana no kana, a o ka eepa no ke nele.

 E hoomaopopo @i e na makamaka heluhelu, i ka wa kahiko he panalaau o Canada no Farani, o mamuli o ke pio ana o Napoliona ia Welinakona, nolaila, ua lilo pu me kona mau panalaaau o ke hema. Mamuli o keia kumu i piha mau ai keia wahi i ka poe Fanani, a he kakaikahi loa ka poe Enelani a ano e ae.

 Ia makou i liuliu ai e huli hoi i ka moku, ua pai mua makou i wahi kii o makou a paa. Oia wale iho la no ka makou wahi mea hoomanao o kela huakai i Crystal Beach. Hora 4 p.m. kau maluna o ka S. S. New York, a hoea i Buffalo i ka hora 5:30 p.m.

 Aole i pau.

 

LOAA HE KULANAKAUHALE I UHIA E KA PELE.

 

 Redling Apr. 1. Ua'hoea mai la o Edgar Cox, he kanaka maina ianei mahope o kona alo ana mai nei i kekahi huakai inea mai Lassen Butte, he kanaha mile ma ka hikina aku nei o keia wahi, a ua lawe pu mai oia he moolelo kamahao. Oia ka loaa ana mai nei o kekahi mau iwi kanaka a me kekahi mau mea e ae e hoike mai ana he kahua ia i noho ia e kekahi lahui kanaka he mau keneturia i hala ae nei.

 O ka poe i loaa aku ai o keia Pomepii elua o ke ao nei i uhiia e ka pele he poe ana ululaau, ia lakou e hele ana ma kekahi ala haiki ma ka aina apuupuu ma ka he ma aka o kahi i kapaia o Nooles Pass. A ia lakou maluna o kekahi puu pohaku pele ua ike iho la lakou he mau iwi pupu o kahakai iloko o kahi mau waihooluu ano e.

 Na keia mau pupu i hoopiha aku i na kamahele me ke pahaohao, wehe koke ae la lakou i ka lakou mau kipikua a hoomaka aku la e paeli ma kekahi wahi mawae pohaku. He eha wale no kapuai malalo o ka honua ua loaa aku la kekahi mau iwi kanaka na oolea e like me ka pohaku. O keia mau iwi kanaka na loaa aku lakou iloko o na kulana like ole e okuu ana, e moe ana, a pela aku, e hoike ana ua hoea mai ko lakou mau sekona hope iloko o ka wa i moeuhane mua ole ia.

 Ua loaa aku i na poe huli he mau bola a me na puna i hanaia mai loko mai o ka pohaku a he ano okoa loa hoi mai ka na lahui Ilikini e ike ia nei. He mea mau okoa no hoi kekahi i loaa aku i maopopo ole ka lakou hana.

 Ma ke koho a na kanaka i loaa ai keia mau mea, he manaoio ko lakou, aia he kulanakauhale maalo o keia wahi i uhiia e na pohaku o kekahi luapele i pio ka hiko. A oiai, aole i lako na poe ana me na mea paahana kupono no ka hoomau aua aku i ka eli, nolaila, ua hooholo lakou e hoi hou aku no lakou ma keia hope aku a hoomaka hou i ka eli.

 

 Eia ke kuai hoemi ia nei na waiwai like ole ma ka halekuai o ka White House i keia mau la. E naue nui ae.

 Ua hoea aku o Kiaaina Dole i Kapalakiko a le hoomau ala ma kona alahele no Wasinetona.

 

AIA NO KE HAKAKA ALA.

 

 Ladana, Apr. 4. He hakaka hahana ka i malamala ma ka la 31 o Maraki ma kahi kokoke i ka muliwai Hart, ma ka aoao komehana o Transvaal, mawaena o kekahi mahele koa o ka puali@ o Kenerala Kitchener a@ me @ puali o na Kenerala D@y a me Kemp, a ua hoauhee i ako@ na Boa mahope o ka loaa a@ mau poino koikoi mawaena o na@ aoao elua. Ua hoike mai na koa Canada i ko lakou wiwo ole, e alakai ia ana e Lutanela Bruce Carruthers, ma ka paa ana i ko lakou kulana me ka haawi pio ole a hiki i ka pau loa ana o kona mau kanaka i ka make a hoehaia.

 O keia malalo iho nei na hoike pili aupuni i loaa mai mai ia Haku Kitchener mai i hoounaia mai ma ka la inehinei mai Pretoria mai.

 Ua hoouna aku o Kenerala Kitchener, ka hoahanau o Haku Kitchener, i na Konela Kier a me Cookson me ko laua mau kanaka mai Vriekiul aku aku no ka hakilo ana i na enemi ma ka muliwai Hart. Ua halawai aku lakou me na meheu o na pukuniahi a ua malama koke ia he hakaka uhai a holo no ewalu mile maloko o ka nahele. I ka hoea ana aku ma na kula laula, ua halawai aku la na Beritania me kekahi puali kokua o na Boa. Ua lawe koke ae na Beritania i na kulana pale me ka hakaka ana me ka hahana loa i na Boa, aka, ua hoauhee ia aku nae na Boa.

 Ua hookikina aku o Delerey@ Kemp a me kekahi mau alakai e ae e hoomau aku ko lakou mau kanaka i ka hakaka ana. He 1500 Boai komo ma keia hakaka a na hookau liilii ia aku lakou no ke komohaua akau a me ka hema. He koikoi loa na poino i loaa ia lakou, a pela hoi me na Beritania.

 Ladana, Apr. 2 Ma kekahi hoike i loaa mai ia mai Pretoria mai i ke ahiahi nei, e olelo aaa, ma ka la 31 o Maraki, na malama ia kekahi kaua ikaika mawaena a na Boa a me ka puali Deragona. Elua ma kahi kokoke i Bushman Kop.

 Ua hoouna aku o Konela Lawley ke alakai o kekahi o na mahele koa Beritania i keia puali no ka hoohikilele ana i na Boa maluna o kekahi kiekiena, aka, ua loaa aku lakou i na Beritania e noho makaukau mai ana, a ua malama koke ia he hakaka hahana mawaena o na aoao elua, me ka hana nui keia mau koa Beritania i hoi hou aku ai no ko lakou laina kaua. O na leo kipu papaaina ua lohe aku o Konela Lawley, a na ia mea i kona aku iaia e hoonua awiwi aku i na kokua a hoauhee aku la i ka enemi.