Ke Aloha Aina, Volume VIII, Number 16, 19 ʻApelila 1902 — Page 3

KE ALOHA AINA

 

LILO KA LANAKILA I KE KULA KAMEHAMEHA

 

            Ma ka auina la o ka Poaono nei i malama ia ai na lealea heihei wawae mai na hui hooikaika like ole mai elima o keia kulanakauhale mawaho o Kapiolani Paka, oia ke Kula Kamehameha, Kula Pupahou, koa Amerika, Hui Hooikaika Kino Y.M. C. A. a me ka Hui Maile Ilima. Ua hoopiha ia ke kahua heihei  ma na poe makaikai like ole ahe hapanui o lakou he poe maka hanohano o keia kulanakauhale, na keiki o na Kula Kamehameha a me Punahou. Malaila pu ae ka bana aupuni a me ka nui himeni Kamehameha no ka hoonanea ana i ka lehulehu. Ua lawelawe ia na lealea beibei iloko o ke pihoihoi a me ka hauoli, oiai na hoa!oha o keia a me keia hui e haawi ana i na leo huro n oka lakou mau moho e aume@me ana i ka hanohano a me ka lanakila oia la haaheo.

            O na hoaloha o na keiki Kula Kamehameha ka poe i hoopiha mau ia me ka hauoli, oiai, na keiki oia kula e ahai mau ana i ka lanakila. Ma ke keena o na poe poe kakou nupepa i hoonani ia me na lau niu ma ke kahua beibei e noho ana ke Kama@wahine Kawananakoa ka moiwahine o ka la lealea me kona mau ukali hoohanohano Miss Alice Campbell, Miss Irene Dickson a me Miss Rosie  C@ha. o ka hana a ka moiwahine oia ka papahi ana aku i na moho lanakila me ka lei o ka lanakila, a ua lawelawe ia keia hana me ke ohohia ia e ua mea a pau.

            Ua lilo ka hapanui o ka lanakila o na beibei i na keiki o ke kula Kamehameha, a na lilo hoi ia i mea e hoohauoli ana i ka puuwai o na Hawaii i ka loaa ana o keia mau lanakila kamahao ma ka aoaoa ona keiki Hawaii a hoohaahaa aku la i na ilikea ka poe nana i lawe mai ia mau lealea i Hawaii nei, a penei na lealea i malamaia.

            O ka heihei holo 100 ia ua lilo ia ua lilo ia Akana ka helu ekahi, Pahelu elua no Kamehameha like alua, Hopkina helu ekolu, Maile Ilima, @oko o 10 4 5 @kona, manawa holo loa 10 2 5 @kona.

            O ka heiehei hapalua mile lilo ia Brown o Punahou ka helu ekahi, Kamali o Kamehameha helu elua a me Anderson o ka Maila Ilima helu ekolu, 2:14 2 5.

            Heihei lele pa lilo ka lanakila ia Miller o Punahou.

            Heihei holo hookahi mile ua lilo ka lanakila o keia heihei ia Manis o na Koa Amerika, manawa 5 minute 10 2 5.

            Heihei 440 @ ua lilo ia Soh@ o Kamehameha helu ekahi, Marcallino o Punahou helu elua, a me Maloho o Kamehameha ekolu, manawa 54 sekona, he holo loa keia i @ke@a.

            O ka heihei 220 ia Akana o Kamehameha ekahi, Pa o Kamehameha ekahi, Pa o Kamehameha elua a me Hopkins o Maile Ilima ekolu.

            Heihei lele pa 220 i a lilo ia Robinson o Punajou ekahi, Pa o Kamehameha elua.

            Heihei holo hookahi mile, he eha keiki o ka hui hookahi e holo ai he hapaha mile ka kela a me keia keiki e holo ai. Lilo ka lanakila i na keiki Kamehamehaa no lakou na inoa o Scharsh, Kamali Ma@oha a me Akana.

            Nou poka lilo ia Richard o Kamehameha ekahi, Kanae o Kamehameha elua, Ewaliko o ka Y. M. C. A. ekolu, mamao 42 kapuai 2 1/2 iniha.

            Heihei lele Hardee o Kamehameha ekahi, Hopper o ka Y. M.  O. A.  elua, Rycroft o Punahou ekolu, kiekie 5 kapuai 6 1/2 iniha.

            Heihei lele me ka laau Hardee o Kamehameha, ekahi, Kaulukou o Punahou elua, kaai o Kamehameha ekolu, kiekie 10 kapuai 11 iniha.

            Heihei holo lele Pa o Kamehameha ekahi, mamao 19 kapuai 4 iniha, Bailey o Punahou elua, Boyer o ka Maile Ilima ekolu.

            Kiola hamare Richard o Kamehameha ekahi, 129 kapuai 4 1/2 iniha, Renear o Punahou elua, Dole o Punahou ekolu.

            Ma ka hou@ ana i na pa keneta i loaa i kela a me keia hui ma na eo i loaa ia lakou na kaa ia Kamehameha ka helu kiekie loa o 63 pa keneta, Punahou 26, Maile ilima 6, Koa Amerika 5 a me ka Y. M. C.  A.  3. Ma ka nana aku i ke kino o na keiki Kamehameha he opiopio, aka, he kaeaea nae ma na lealea heihei i hoike ia ae la maluna. Ola ka inoa o Hawaii la oukou.

HE PAELE HOOULU LAHUI

 

            Aia ma ka pa hanai holoholona o Jason Gibbs, ma keia okana aina, e noho nei he paele elema kule nona ka inoa o George Gwinn, a oia hoi kekahi o na kanaka kakaikahi e noho nei ma keia wahi i hala he keneturia o keia ola ana, nona ka nui o na makahiki he 102. O ka mea ano nui wale no maloko o kona ola ana oia ka nui o kona ohana ma ka @a@a pololei nona ka heluna i keia wa maluna aku o elua haneri a oi.

            Ua hanauia o George Gwinn ma ka 1800, ma Gwinn Creek, okana o Carroll. O ka inoa o kona mau makua o Williamson, i ka wa opiopio loa o George ua lilo oia i ke kuai ia ia Ed Gwinn ka makuakane o Kauka Gwinn o McK@nzie. No ka nuku loa o

 

////////////////ad here ///////////////

 

George aole i hiki iaia ke kau iluna o ka lio, nolaila, ua nakiikii ia oia me kekahi hainaka ulaula a hoopaaia mahope o ke kua o kona haku maluna o ka lio a lawe ia mai la no keia taona.

            I ka wa opiopio o George na mare iho la oia i kana wahine mua, a mai kana wahine mua mai he aha keiki. Eia oia ke noho nei me ka eono o kana mau wahine a ua loaa iaia he kauaha kumamahiku keiki. O keia mau keiki a pau eia lakou ke ola nei Ua mare a pau i ka wahine a o ka averika nui o na keiki a kana keiki hookahi he ekolu, nana na moopuna he 140 e ola nei. Ua loaa laia he umi mau moopuna kalua a me ekolu mau moopuna kuakolu e ola nei.

            O na keiki a George Gwinn, me ko lakou mau ohana na kau liilii aku ia ma na Wahi like ole o ka mokuaina. O ke keiki kokoke wale no imua o kona alo oia o Lewis Thomas he 64 makahiki a he eha makahiki ka oi aku o kona mau makahiki i ko lakou makuahine eono. He hookahi ana keiki a me elua moopuna. O kana wahine mua ua lawe ia aku ia mai iaia aku he kanaono a oi makahiki i hala me ka hoolilo ia aku ma ke ano kauwa kuapaa me ka lawe ia aku no Little Rock. Aole oia i ike hou iaia. Ua mare hou oia ma Iris Dickson he wahine Ilikini, mahope mai ia Patsy, Charlotte Thomas, Maria Mathias a me Minerva Randle.

            He iakika ke ola o keia paele a na waiho oia i ka inu ana i ka rama a me ke puhi paka he mau makahiki ae nei i hala - Nashville Banner.

            Ua hala aku la bana no Maui ma ke Kinau o ka Poalua nei no ka haawi ana i mau ahamele no ka hanohano o ko laila mau kupa. E huli hoi mai ana no lakou ma keia Poaono iho.

           

INU KAI

MEA HANA MEAONO

o na ano like ole.

AIKIKILIMA

@a koni puu e hewa ai @ane.

KIKA & KIKALIKI maikai loa

Alanui Nuuanu kokoke Kuk@i

/////////// ad here /////////////

HOOLAHA HOOKO MORAKI

HOOLAHA KUAI A ME HOO PAA A KA MEA MORAKI

 

            Ke hoolahaia aku nei ma keia no ka hooko ana aku i ka mana o ka hoolilo ana i kekahi moraki i hana @ e B. P. Z.  g@ o Honolulu, Mokupuni o Oahu, Teritori o Hawaii, i ka Pioneer Building and Loan Association of Hawaii ma ka la 28 o Feberuari, 1889, a i hoopaa ia ma ke Keena Kope Aupuni. Oahu buke 192, aoao 179 a me 181, ke hoolahaia aku nei ua manao ke mea paa moraki e paa i ua moraki i  olelo ia no ka hahaki i ka aelike, oia hoi, ka uku ole ia o ke kumupaa, ukupanee, auhau a me ka puka i ko lakou wa uku, a o na waiwai i paa me ua moraki ala e hoolilo ia aku ana ma ke kuai kudala ma ke keena kudala o James. F. Morgan. Alanui Moiwahine Honolulu , ma ka Poakahi, Aperila 21, 1902, ma ka hora 12 wakea. O na waiwai i hoakaka ia maloko o ua moraki ala, penei:

            O kela apana aina a pua e waiho ana ma Kalihi, Honolulu i olelo ia i hoopuni ia, penei:

            E hoomaka ana ma ke kihi Hikina o keia mau apana ma ka huina Komohana i Alanuji Kamehameha IV, makai o ka Halepule Kalihi, a e holo ana Akau 300 35 Komohana ma Alanui Kamehameha IV 101 1/2 kapuai; alaila Hema 530 40' Komohana 118 kapuai ma na apana i Gus Cordes; alaila Hema 360 00! Hikina 100 kapuai: alaila Akau 530 40' Hikina ma Alanui Kamehameha IV 108 kapuai no kahi i hoomaka ai;

            Nona ka ili aina ma kahi o 0.26 e@a, a he mahele ia o ka aina i hoakakaia ma ka Palapala Sila Nui 3546 Kuleana Helu 10498, a i lilo i ka mea moraki ma kekahi palapala kuai i hanaia e Lau chong ma ka ia 15 o Aperila, 1896, a i hoopaa ia ma ke Keena i oleloia buke 158 aoao 428 a me 429.

THE PIONEER BUILDING AND LOAN ASSOCIATION OF HAWAII.

Ma o kona Loio ala.

A. G. M. ROBERTSON.

Hanaia ma Honolulu, Mar 28, 1902 mar 29, apr 5, 12, 19

 

Wm. RINGER

 

Eia au imua o oukou e o`u mau hoa lahui Hawaii, ua wehe ae aei au he ahlekuai kika, kikiliki, pakanau o na ano a pau, kini mea ai o na ano like ole, wai momona, paka Hawaii o Kailua Kona paka ona. a pela me na @pelu maloo. Ua hiki ia`u ke hoolawa i na makemake o`u mau hou hana@ o na mokupuni. E loaa no au ma alanui Muliwai, kokoke i alanui Kukui. P.O. Box 483

 

DR. T. MOTONAGA

KAUKA KEPANI HANA NIHO AKAMI LOA

 

            E loaa no mawaena o alanui Papu a me Nuuanu. Hora hana 8 a.m. a ka 4 p.m. Sabati 8 a.m. a ka 10 a.m. @. he maikai ka hana ana. Emi ka uku. feb 17