Ke Aloha Aina, Volume VIII, Number 16, 19 April 1902 — Page 1

KE ALOHA AINA

 

BUKE VIII.   HONOLULU, POAONO, APERILA 19, 1902.      HELU 16.

 

HOU PAHI WELIWELI MAKAI O KAKAAKO

 

Ma ka hora 9 o ka po Poakolu nei na loaa aku la he mau hoike i ka halewai no kekahi hou pahi weliweli i malama ia ma ma ke alanui Moiwahine makai iho o ka hale hana bia Honolulu.  Ua hoea aku o Makai Chillingworth no kahi o ka pepehi kanaka i ho ike ia mai ai a loaa io aku la iaia ua lawelawe io ia no he karaima weliweli malaila.

            Maluna o ka lanai o kekahi hale hoolimalima e waiho ana ke kino puanuanu o kekahi haole iloko o kekahi lokowai koko, e hoopuni ia ana hoi e kekahi poe makaikai.

            Ua holi aku o Hope Makai Nui Chillingworth i ke kumu i hoea mai ai o keia hou pahi weliweli, a ma ia Maea mai ka ona oia hale hoolimalima ua hoike mai oia i keia moolelo malalo iho nei, penei:

            Ma ka hora 8:45 o ka mea i make iho la a me kekahi mea okoa i kaumaha like laua i ka waiona, ua ulu ae he hoopaapaa mawaena o laua mawaho o ka lanai.  Ia wa i oili mai ai he haole nona ka inoa o Kenetuke Bila mai kekahi hale mai a kahea mai la i ua mau kanaka ala e hoopau i ka laua walaau ana.  Ua haawi aku ke kanaka i make iho la i kekahi mau olelo hailiili la bila, a ia wa no i unuhi ae ai o Bila he pahi a pahu mai la iloko o kona enemi a kapoo aku la ma kona puuwai a make koke iho la iloko o ka wa pokole loa.

            Mahope koke iho o ka hoike ana aku o Maea i keia moolelo ua loaa aku la ka pahi a ka limakoko i hou ai i kona enemi nona ka loihi he eha iuiha mai ke kuau@ku, a he oi kona e like me ka pahi umiumi.

            Aole he maopopo o ka inoa o ka haole i make, no ka mea, he inoa kapakapa wale no kona e

 

E nana ma ka aono 8.

 

HOOPAUIA O LUNA NUI LALANA ME KAUKA OLIVA E KA PAPA OLA

 

            O ka hopena o ka noii pono ana a ka Papa Ola no na hoopii a Ambrose Hutchinson i waiho mai ai imua oia papa no na hana hoomainoino i hanaia maluna o kekahi ma'i lepera nona ka inoa o Pilipo, oia no ke apono ana aku o na Papa ala, ua pololei na kumu hoopii i waiho ia mai.  Nolaila, ua koi ia aku la o Kauka Oliva e waiho mai i kona ku lana kauka ma ke kahua ma'i, aole wale oia, aka, o C. B. Lalana ka Luna Nui o ke kahua ma'i a me Wendo@ he kahuna Katolika e noho ala malaila.

            Ma ka noho ana o ka halawai a ka Papa Ola ma ka Poakolu nei, ua waiho mai la ke komite i hoouna ia aku ai eia Papa no la kou na moa o Kauka Pratt, W. L. Moore a me E. P. Dole, i ka lakou hoike piha no ka lakou hana i kanohaia ai e ia Papa.  Ma ka lakou hoike, ua hookau aku lakou i na ahewa koikoi ana maluna o Luna Nui Lalana no ka hoomainoino ana i keia kanaka, oiai oia e hoopaa ia ana iloko o ka halepaahao me ka maopopo ole o kona hewa.  A o Kauka Oliva hoi ua ahewa pu ia aku oia no kona haawi ole i na lapaau no keia kanaka poino, oai, oia e waiho ana iloko o ka nawaliwali.

            O ka hewa o Pilipo Mikila a me Kalani i hoopaa ia ai iloko o ka halepaanao e Keoni Waiamau ke kapena makai o ke kanua ma'i oia no ka hoohuoi wale ia ana ua aihue laua i kekahi mau hipa a Maea maluna o Kalae.  Ua ae aku o Kalani i kona hewa, a nolaila, ua hoomamaia kona hoopai ma ka hoopea ia ana ma kekahi rumi malamalama, aka, o Pilipo no kona hoole loa i kona hewa ua hoopaa ia oia iloko o kekahi rumi pouli i nele me na puka ea.  A ua haawi ia aku iaia no kona wa paina he poki wai, berena a me ke kamano.  Aole oia i hookolokolo ia aole no n@i he palapala hoopii i hanaia nona mai kona wa i ho@aa ia ai ma ka la 4 o Dekemaba, 1901, a hiki i kona hookuu ia ana mai i ka la 12 o Maraki, 1902, i kona wa ua nawaliwali loa.  He hookahi wale no Lunakanawai ma Molokai, a aia ma Pukoo e noho nei he wahi nona ka mamao ma kahi he 30 mile mai ke kahua ma'i aku.  A iloko o keia mau mahina ekolu o ka paa ana o keia kanaka, aole loa i hele mai ka Lunakanawai e hoolohe i ka hihia o Pilipo, a he hemahema maoli no keia ma ko ke aupuni aoao ke koho ole ana i lunakanawai no ke kaha ma'i.

            Ina no paha aole i make o Pilipo ma keia wa aia no oia ke hoopaa ia ala maloko o keia halepaahao.

            Iloko o ka wa nawaliwali aole i haawi ia na malama kupono ana i keia kanaka ma'i e ka Luna Nui Lalana a me Kauka Oliva, ua moe oia iloko o ke ino a me ka pelapela, a e ole ka Hui Naita Ulaula na lakou i lawe a malama i keia kanaka poino, a ina aole no paha lakou ina aole no he mea nana keia kanaka poino e malama.

            Ke haawi aku nei makou i ko makou mahalo i ka Papa Ola no ka haawi ana i kana olelo hooholo kaulike me ka hoopilimeai ole i ka pono o ko lakou hoaloha Lalana a me Kauka Oliwa no ko laua mau hana hoohemahema ia ola makamae i make.  He nui na wa i hoopii mai ai na ma'i i ka Papa Ola e hoopauia keia luna nui akahi no nae a hooko ia.

            No ke kumu o ko Makua Wen dolin makemakeia e waiho aku i kona kulana aole i maopopo ia makou.  Ake, ua aponoia use he olelo hooholo e kauoha ana i ka Makua Galetana, ka Bihopa Katolika e kohoia i kanaka hou ma kahi o Makua Wendolin ma M@ O J McVeigh kai hookohu @ aku la Laua Nui ma kahi @

 

A NA KUKUI UWILA ME KA UWEA UWILA OLE

 

            Tuscon, Apr. 6.  O Eddie Johnson, he keiki Tuscon e noho nei maloko o ka hale hana palaoa Eagle ma keia kulanakauhale ua holopono kana mau hoa ana i na kukui uwila nunui o keia hale hana me ka uwea uwila ole, a ua hiki pu no hoi iaia ke hoouna i na hoailona uwila mai loko aku o ka rumi enegini no ka rumi mekini maloko aku o kekahi paia pohaku nona ka manoanoa he ekolu kapuai.

            O na mea paahana a pau o keia kukui uwila uwea ole ua hana ponoi ia e ka noeau luaole o keia keiki i kona manawa hoomaha maloko o ka rumi enekini.

            He nui na poe i hoopihaia me ke pahaohao no keia hana hookalakupua a keia keiki.  O ka hiki ana iaia ke hoa i na kukui uwila me ka uwea ole a me ka hoouna ana i na hoailona uwila maloko o kekahi paia pohaku o ekolu kapuai ka manoanoa ua hoopiha aku ia i kona mau hoa hana a me na poe makaikai me ke pahaohao.

            O Eddie Johnson he keiki makua ole oia, he nui kana mau hale hana i noho lawelawe eneginia no na mekini ai hana uwila.  O kekahi keia o na kanaka opiopio loa i hahai aku mahope o Marconi ka haole nana i imi a loaa ke tlegarapa uwea ole kekahi o na mea kamahao loa o keia au e hele nei, a o keia iho la ka elua.

            Ma ka nana a kilo ana i ka noeau o ke kanaka o keia mau la a hele nei, me he la, e hoea mai ana no he la e hoohanaia ai ka mana o ka uwila maluna o na kahua kaua, a e luku ana i na tausani sani iloko o ka wa pokole.  He oiaio ke noho alii nei ka lolo maluna o ke kanaka i keia au.

 

            O ka moku lawekoa Kilpatrick ko keia Poaono iho mai Kapalakiko mai.

            Ua makaukau na hui hukihuki kauia i keia wa, a ma keia po Poaono aku e malama ia ai ka huki mua loa ana maloko o ka hale hoanu ukana o A@la.

            Ua w@ho aku la o Luna Nui Lloyd i kona k@i ua Luna Alanuui Nui no ka Apana o Honolulu nei, a e p@ni @a ana kona hakahaka e O. B. Dwight, kona hope ma ia @.