Ke Aloha Aina, Volume VIII, Number 15, 12 April 1902 — Page 6

KE ALOHA AINA

 

6 POAONO, APERILA 12, 1902.

 

HE MOOLELO WALOHIA

 

––:NO NA:––

 

KEIKO O ABE

 

–––––––––

 

A he oiaio ua hoea mai la ka le a Malevina e hookuu mai ai i ka hua ohaoha ana e hupoi ana iloko o kona puhaka no keia ao i piha me ke kaumaha a me ka ehaeha. O na helehelena o ka ui Malevina i keia wa e hoike mai ana he wahine wa'i oia e hopohopo loa ia ai kona kulana palekona. O keia mau nanaina k@p@ ku maluna o ka wahine opio ua hoea io mai no kona hopena o keia ola ana. I ka wa a a ka hua maemae i oili aku ai iwaho, aia hoi, o na minute no ia o ka ui Malevina e aiiili ana i kona aho hope. He mau minute pokole wale no mahope iho, ua hookuu malie ae la oia i kona hanu ola a niau palanehe aku la kona uhane ma ke ala poiikua a Kane me na lima e apo ana i ka ai o kana aloha a waiiho iho la iaia e luhi hookahi i ka laua mau lei aloha ka manaolana o ko iaua mau la hapauea.

 

He oiaio, ua kau iho na haawe koikoi maluna o Fitizilana a ma ka ike aku me he la ua kaawale aku na haawina o ka noonoo ao kanaka mai iaia aku, ua noho iho oia me ke kukule me ka ekemu leo ole no kekahi mau minute, a i ka hoi hou ana mai o na noonoo kanaka ua ike ia aku la na waimaka o ke kumakena e hiolo ana mai koua mao lihilihi mai. Ua noho oia ma ka aoao o ka @@e a kana aloha e moe ana i ka moe kau a hooilo, a i kona wa e kilohi aku ai i na helenelena i puia me ke onaona o kana Malevina me he la no iaia e hiamoe ana. Maluna o na lehelehe puanuanu o kana aloha i haawi iho ai o Fitizilana i na muki hoomau ana me ka puana pu ana iho. Iua aole no kaua i hui i na penei aole no oe e make. A oia ka ka mea kakau e puana ae nei ua kohu pono keia mau wahi lalani no ua koa opio ala.

 

            Ahi weia mai nei loko,

            I ka hana a ke aloha,

            E lalawe nei i kuu kino,

            Konikoni lua i ka puuwai.

 

O ka wa i hooi hou ia ae ko Fitizilana mau ehaeha i ka wa no ia i hoea mai ai ka hora o kona ike hope ana iho i na helehelena o kana aloha a nalo aku no ka wa mau loa no lalo o ka opu o ka honua e like me ka mea i palapala "No ka lepo mai no oe, a e hoi aku no oe i ka lepo." Aole i hiki i keia peni ke hoakaka aku i ka nui o na ehaeha i ili iho maluna o ke koa opio, no ka mea, ua oia pakela loa aku kona hohonu i ke akawai o ke kanaka ke noii aku. I ka nalo ana o Malevina ua pani ae la o Fitizilana i ka puka o ka rumi a kana Malevina i pauaho mai i keia ola ana, a maluna o ka moe a kaua aloha i aili ae ai i kona aho hope i hina aku ai o Fitizilana me ka puliki ana iho i ka uluna a kana Malevina i moe hope ai, ua hoopulu iho oia i ua uluna ala me kona mau kulu waimaka, no ka mea maluna on a i pauaho ai kana mea i aloha nui ai. Ua mehameha, ua puanoanu na paia o ua home malihini ala i kona manao. Aole loa e hoomama ia kuu puuwai ke ole au e ike i ke kino wailua o kuu Malevina, wahi a Fitizilana i hooho malie ae ai.

 

Na ka pauhia ana i ka hiamoe i i hookaawqale aku i ka ukana luuluua ke aloha e no@i powelo ana i ka iwihilo. Iaia no e hoonanea i ka hooipo me Niolopua, aia hoi, ua halawai aku ia oia me kana Malevina aloha iloko o ka aina moeuhane, me he ia e moe ana no oia ma kona aoao, mamuli o ko Fitizilana manao kuhihewa ana eia io no kana aloha ma kona aoao ua hepapa aku la kona lima me ka puoho ino ana ae. Aka, he neo nae ka mea i halawai mai me ia, ua uwe iho oia me ka ehaeha, ua hohoholo ae maloko o ua rumi ala e hoonana aua i ke aloha pehea la ia e pau ai. Ma ka puka aniani e haliu pono ana i ka puoa o ka halepule i noho iho ai oia me ke kaulona pono aka o kona mau maka maluna o ua puoa aia a na kukuna malamalama o ka mahina e hoahuwale ana, aia ilaila wale no ka anoi a loko kahi i luakaha ai, no ka mea, aia malalo oia wahi e moe ana kana aloha, Aia kuu Malevina aloha ke moe ala i ka moe kapu o ka maha mau, o ka leo o ke aloha ua hiki ole ia ke hoala aku iaia, aole paha oia i moeuhane eia au ke kanikau aku nei nona i keia mau hora o ke kulu aumoe.

 

O na oaheahe makani huihui o ua po anu ala, aole oia i ike ae ae, oiai kona mau noonoo a pau aia me Malevina. Ua hala oe, aka, o na hoomanao ana no kou mau oiwi nani aole loa ia e poina mai ko'u puuwai aku.

 

Ma o ka lokomaikai a me ka olu olu o na lani ua hoomama mai la oia i ka puuwai piliaiku o ka mea i hoehaeha ia, a komo mai la na manaolana iloko on a e hoea mai ana no he la e halawai ai laua ma kela ao nani ma ao.

 

Maloko o ka pa halepule i kanu ia ai o Malevina a maluna o kona he ua kau ia iho he pohaku me na hoaolelo i kahakahaia

 

MALEVINA FITIZILANA,

 

NANI A ME KA POINO UA LIKE.

 

Aole o Fitizilana i makemake e kau ia ka inoa piha o kana aloha maluna o ua pohaku ala, wahi ana ua make oia he wahine na kekahi koa haahaa, aole noi kaikamahine na kekahi kanaka kiekie.

 

Mamua o ka lelel loa ana o ke aho o Malevina ua noi ae ola i kana ka ne o kapa a e hea ia aku ka inoa o ka laua kamalei hiu ma ka inoa o kona makuahine i hele mua i ka maop. O keia kauoha oia ka Fitizilana i malama pono ai, a i ka wa i hoea mai ai ka manawa kupono no ka kapa ana i kona inoa, ua bapetzi ia iho la oia malalo o ka inoa hui Amada Malevina. Ua lilo aku oia malalo o na pulama ana a ka lede puuwai hamama Mrs Edewina, a ia wa pu no hoi e malama ana oia i kana keikamahine mua, @ka, ua haawi aku nae oia ia hai, a o ke kamaiki a kona hoaloha poino oia kana i lawe mai ai a malama me he la nana ponoi.

 

Iloko o keia mau la ua kokoke e pau ka Fitizilana mau @d la i kuai ai i kona komisina i ka hoolilo ia, aka, aole no nae oia i manao e huli aku i hana nana. He elua mahina o ka make ana o Lede Malevina, aia ho, ua kipa mai la he kanaka o ke kulana kiekie i ua kauhale ala i kamaaina ia Fitizilana. Imua on a i hoike aku ai oia i kona mau po ino, ua hoopiha ia kona hoaloha me ke aloha no kona moolelo, Aole hoi i loihi na la mahope iho ua loaa aku ia he hana na Fitizilana iloko o kekahi o na puah koa e noho ana ma Enelani. Maanei ke ike nei kakou i ko Fitizilana hoi hou ana iloko o ka oihana koa, aka, ua hala nae kona mau la o ka hauoli. No eha makahiki kona noho ana iloko o keia oihana ua waiho aku la oia i ua hana ala a hoi hou mai la a malama iho la i kana mau keiki makua ole. O Osaka i k eia wa ua piha na makahiki he ewalu, a o Amada hoi ua hoea aku oia i ka eha maka hiki, ua nui na waimaka i hookahe ia mawaena o ka makua a me na keiki.

 

Ia Fitizilana ma Devon@s@ia ua ike iho la oia he wahi kupono nona a me kana mau keiki e noho ai, a i hiki hoi ke loaa me kana mau wahi dala uuku. 1 ka hala ana o kekahi mau la o ka hoomaha ana, ua hoeu ae la oia i kana huakui me kana mau keiki. Aohe wa o ka ehaeha i ikeia mawaena o na kamaaina lo k@maikai a me na opio a laua i lawe ae ai me he la na laua ponoi ellike ala me keia la a lakou e mawehe nei i ka pili.

 

––––––––––––––––––––––––––––––

 

Ua hoopii kei poho aku la o Alice Loraine, he wahine himeui i ka hui o ka mokuahi Kron Prinz Wilhelm no ka haawi ia ana aku o kona mau keena moe o luna o ua mokuahi la i ke Keikialii Heneri o Geremania ma kona alahele no Amerika.

 

INU KAI.

 

MEA HANA MEAONO

 

o na apo like ole.

 

AIKIKILIMA                       

 

o na koni puu e hewa ai kaua.

 

KIKA & KIKALIKI maikai loa

 

Alanui Nuuanu kokoke Kukai

 

HE KII HAU.

 

Tacoma, Mar 26. O na poe i ho@a mai mai Yukona Lun@ mai ua lawe mai lakou i kekahi moolelo e pili ana i na poe kakaikahi e noho ana maluna o ka piko o White Pass. No ka hoohala ana i ko lakou manawa o ke kau hooilo loihi ua kukula ia ae la hekii hau maluna pono o ka laina e hookaawale ana i ke kuleana o Amerika Huipuia a me Beritania Nui. O ke kiekie o keia kii hau ma kahi no ia o 24 kapuai. Aole oia e hiki ke kapa ia aku he kanaka hau, no ka mea, ma ka aoao e huli ana i ke kuleana o amerika Huipuia ua hanaia ke kii wahine o ke Kuokoa e na kupa Amerika, a ma ka aoao e haliu ana hoi i ke kuleana o na Beritania ua hana na kupa Beritania i ke kii o Keoui Bulu.

 

Nolaila, ma kekahi aoao o keia hau he kino wahine ma kekahi aoao he kino kane. He nui ka manawa i hoohala ia no ka hana ana i keia kii  I ka wa i kukulu ia ai keia kii ua pipi la ka hau i ka wai. Aia no keia kii ke ku ala, aka, ua manaoia nae @ hehee ana oia a lilo i mea ole i ka wa e hoea hou mai ai o ka kau mahana.

 

LAHA KE KOLERA MA KINA.

 

–––––––––

 

Hongkong, Mar 15. Ua loaa mai la na hoike ianei ma ka la 1 iho nei ua poha ae la ka ma'i kolera ma Kanatona a ke luku nui ala iwaena o ka lahni Kina. Aka, he elua nae haole Europa i haule pu aku he moepuu na keia ma'i ahulau. O kekahi o laua oia no o Kapena Lutanela E. A. Baird o ka mokukana Beritania Britemart. O kona make ana ua hoea mai no ia me ka hikiwawe loa. Ma ke la 27 o Feberuari ma Shameen oia kahi i paani popo tennis ai, a paina ahiahi malaila ia po, a mahope o ka pau ana o kana pahupahu ana ua hoi aku la oia no kona moku. Ma ia waenakonu po no ua loaa iho ia oia i kekahi eha ma ka umauma a ma kekahi la ae ua make iho la oia. Ua hapa ae na have nona a ua kanuia oia ma ka mokupuni Farani ma ka la 1 o Maraki. O ke kumu o kona make ana na hoomaopopo ia mamuli no ia o kona inu ana i kekahi waiu a loohia i ua anoano o keia ma'i. O ka elua o na Europa i make oia o T. Agnew, he kanaka lawelawe no ka hale dute. Ua loaa oia i ka ma'i ma ka inu ana i ka wai ino, a na make oia ma ka Poalua.

 

––––––––––––––––––––––––––––––

 

E malamaia ana he heihei mawaena o ka moku heihei Beritania o ka moi Edew@da me ka moku o ka Emepera o G@rema@ia ma keia moa ko@@ he ma na kai o Pelekane.