Ke Aloha Aina, Volume VIII, Number 11, 15 Malaki 1902 — Page 2

KE ALOHA AINA

 

HAWAII

MA

BUFFALO

 

(Kakauia e William J. Coelho.)

 

(Hoomauia.)

 

COLORADO GOLD MINE

 

            He wahi keia i hoomakaukau ia me na paanana a pau o ka o@hana eli gula.  Aole no he nui loa o kahi hale, aka, ua mahuahua no ka waiwai e loaa ana i ka mea makaikai mamuli o ka hoomaopopo lea ana i na mea a pau e pili ana i kela oihana waiwai nui.  Ua hoomakaukauia he mau kii nunui ma ka paia a ma na aoao o ka rumi, a ma kahi e komo aku ai, ua hanaia a like loa me ke komo ana iloko o na ana me na lua pao.  A ma kahi aoao o ka haie, ua hanaia a like loa me kekahi o na awawa eli gula o Colorado.  Ke ku aku mamua o ua wahi nei, e ike ana ka mea makaikai i ke ano o ka moe ana o na lua eli gula, me na paahana eli a halihali pohaku a pela aku.  O na kii a pau, ua hanaia a like loa no me ke ano maoli—ke ku no a na hale noho o ka poe hana, na hale mahu, na kaa pohaku kanaka me na holoholona.  A o keia poe a pau e oni ana, e hana ana, a e holo ana e like loa no me ke ano maoli.  O ka mea nana e hoonee keia mau mea a pau, he uwila.  Nui ka mahalo ia o ka ike me ka naauao o ka mea nana keia mea i hana.

 

            Mamuli o ke kakaikahi loa o koa poe makaikai i kipa aku ma keia wahi i na la kinohi, ua poho ka ona oia hoikeike, a ua haalele oia i ua kahua nei, a hoihoi i kana mau paahana i Colorado.

 

THE GIRL FROM U THERE.

 

            I ka pau ana o ka hoikeike maluna ae, ua hana ia ua hale la i hale hulahula no na wahine haole o keia ano keia ano.  Ma ia hope mai, na piha mau ua wahi la i ka poe puni wahine haole, me ka poe ona.

 

CLEOPATRA.

 

            He hale hoikeike keia, no kekahi wahi kii o kela aliiwahine kaulana loa o Aikupiko i ke au kahiko nona ka inoa o Cleopatra.  He wahi kii uuku wale no keia, --2x3 kapuai.  O ke ano no nae o ua aliiwahine la, e oili mi ana mai loko mai o ka wai a e kawele ia ana kona kino nepunepu e kekahi kauwa kane.  Aole no he ano nui loa o keia wahi kii, aka, i ka wahahee ana nae a ka haole o mua o kahi e komo ai, ua nui loa a lehulehu no hoi ka poe i puni a komo e lulu i ka lakou mau hapaha.

 

AROUND THE WORLD

 

 

            He hale keaka keia.  Aole no he ano e ae o keia wahi mai ka hale o ke “Girld frum up there.”  He poe wahine ko nei.  He hulahula no hoi ka hana—e ulehe lehe ai iluna o ka awai.

 

THE WHITE CITY

 

            He hale keia i hoomakaukauia me ke kii o ke kahua hoikeike nui o Kikako i ka 1893.  Ua hana ia na hale a pau oia hoikeike nui me ka noeau maoli.  Aka, he mau mahina wale no ka hoikeike ia ana, pau.  A ma ia hope mai, ua hoolilo ia na hale ia i “Bazaar i kahi kuai no na waiwai like ole.

 

SOFT DRINKS

 

            He wahi keia i hoolakoia me na wai momona o kela a me kaia ano hoonoono puu.  He wahi pi ha mau ia no keia e ka poe ma kaikai.

 

KEAKA PAELE.

 

            He keaka keia o na Paele o ka Hema.  Ua like no ka lakou mau hana hoolealea maloko oia wahi me ka kakou i ike mau ai ma na hale keaka o kakou nei.

 

            He hookahi no wahi mea ano ohohia mau ia ma ia wahi, oia kekahi wahi elemakule—o Ben ka inoa.  O ka aka kana hana ike nui a oia kona kumu i kapa ia ai o “Laughing Ben.”  Oia no kekahi o na paele kahiko i koe e oia nei.  No ke au oia o ka hookauwakuapaa.

 

BORMER.

 

            He keaka lio keia, he hookahi no lio o Bormer kona inoa.  He oi aku no hoi keia o ka lio akamai loa.  He hiki iaia ke kakau i na inoa e hai ia aku ana iaia.  Pela no me ka helu a houluulu ana i na huahelu.  Aole i hiki keia mau hana mamuli o kona ike maoli, aka, mamuli no o kona hoomaopopo ana i na hoailona i a’o ia aku e kona kahu.  He hookahi wale no keia lio ma kana hana imi dala nona iho a me kona kahu, me ka poe e ae.

 

KAMOKU LELE I KA LEWA.

 

 

            He hale keia i hoomakaukau ia me na mea hookalakupua.  O ke ano nui o na mea i hoomakaukau ia, ua like no me kekahi mau wahi e ae, a koe wale no ma na hiohiona o ka mea hoikeike i manaoia a me ke ano o ka poe lawelawe ma keia wahi.  Ua manaoia keia ne moku lele i ka lewa me he baluna la, a o na poe lawelawe he poe kino hookalaku pua wale no.  O keia poe ka i olelo ia, he lahui kanaka no ke aupuni mahina.  He 16 ka nui o keia poe.  Iwaena o ;lakou, he hookahi kauaka, nona ke kiekie he 8 kapuai, a o ka hapanui he poe peke wale no mai ka 3 kapuai a i ka 4 me hapa ke kiekie, ua ka ne me na wahine.

 

            I ka wa e komo ai o ka mea makaikai maloko o keia wahi, e manao ana ia ala oia iluna o kekahi moku, a pa ana ka makahi, a e oni ana ua kino moku la, me he moku maoli la.  I ka e makaukau ai no ka lele, oia no ka wa e ike ai o ka mea makaikai i kona pii pu ana i ka lewa.  E ike ana oia i ka lele ae o ke ao, a e nalo ana hoi ka honua, a i kona kaa loa ana i ke aouli, oia n kona wa e ike ai i ka olapa o ka uwila, kui ka hekili, pakapaka mai ka ua.  A mahope iho o kekahi mau minute, mao ae la keia ino a ku ana ua moku la i ka aina o ke alii o ke aupuni mahina.

 

            He keena keia i hoomakaukau ia a like loa me kekahi ana hohonu.  Ma keia wahi e oili mai ai keia poe kino ano e.  O keia wale iho la no ko nei mau hana, he oi aku nae o ka piha mau ia.  He hapalua ka uku komo.

 

CIDER.

 

 

            He wai momona keia i hana ia no loko mai o ka apala e like me ka lemi.  He ono maoli no, a he emi no hoi ke kiaha,  O ka liilii loa hoi ka hewa, aole e ana iho i kahi mea hookahi, aia no e elua a ekolu.

 

KA HALE HANA ANIANI.

 

            o KEIA KEKAHI O NA WAHI HOIKEIKE WAIWAI LOA A’U I IKE AI.  He wahi keia i hoolako ia me na paahana a pau o ka hana ana i ke aniani.  Ua hoomakaukau ia kekahi kapuahi nui iwanakeau o keia uale, a malaila e hoohehee ia ai na materia e like me ka hoohee ia ana o ka hao.  He nui maoli no ka ike o ka poe hana aniani.  O na materia e hana ai, aole no ia he mea malihini ia kakou nei, he one me ka paakai.  I ka wa e hehe ai e kahe ana e like me ka hao hehae.  Oia no ka wa e kioe aku ai iloko o ke puna hao a hookomo iloko o na “mould”—he mau poho keia i hoomakaukauia e like me ke ano o ka mea i makemakeia.  O ka hoohalike ana no nae a loa ka mea i makemakeia mamuli no ia o ke puhi ana.

 

            He hiki loa ke hanaia ua kiaha pa, pike, a me kela a me keia me iloko o na minute pokole, a ka mea maikaikai e kali ai.  O kekahi mea ui loa oia no ka mekini hana i ke auiani a lilo i lopi silika,  He huila nui keia e niniu poahi ana me ka holo loa.  Maluna o keia huila e kau ia ai ke aniani mehana, a iaia e kaa ai oia no ka wa e lelehune mai ai o o na maawe aniani like ole me ka lopi silika.  Okeia lopi, ke ha uaia i mau lei a i hipuu ma na a-i, apale, a nui wale aku.  Hookahi lole i hanaia me keia lopi a hoikeike i, a ua like loa me kalole mare oi loa i hana ia me ke kilika.  O ka waiwai io o keia lole he $2,500.00.  O ka hana aulani kekahi o na oihana waiwai nui e a o ai i na opio Hawaii.

 

KA POE MAKINIKA.

 

            He wahi keia i hoomakaukau ia e like me na wahi e ae, no na mea hoikeike o keia lahui onipaa i ke anu o Aina hau.  Ua like loa na hiohiona o keia lahui me ka poe Iapana, ka pahaahaa, na hiohiona, ke kamailio ana a me na mea e ae no kekahi.  O ka aahu o keia poe he ili holohoina, a na hana ia a like ko na kane me ko na wahine.  O ko na wahine nae hoi, ua pakui ia he lepelepe ma ke kua, e like me ko na kuka puapua moa.  Aole no he mea hana ano nui a keia poe.

 

                                                            (Aole i pau.)

 

UA MAKEMAKE IA.

 

            Ina he mau hooponopono kumukanawai, kanawai, a rula, ka kekahi o na poe i kakauinoa malalo o ke kumukanawai a me na rula o ka Hui Kaukeaouli, ,e waiho koke ae i ka lakou mau hooponopono ana ma ke kakau i ke komite hooponopono kumukanawai a me rula o ka hui i olelo ia, a oia mau hooponopono, e kakauinoa pu ia e ka mea nana ia mau hooponopono ana.  O na lala o ke komite:

 

            A. Fernandez,

            Jno. K. Nakokoo,       

            Sol. A. Kaleiopu,

            A. St. C Piianaia,

            E. K. Rathburn.

 

HUI HAWAIIAN REALITY AME MATURITY KAUPALENAIA.

 

            1.  Ua hiki ke hana ma ke ano Kahu, Malama a me Lunahooponopono no na Waiwai Paa.

 

            2.  Lunahoohana no na Waiwai (paa a me lewa).

 

            3.  Ohi i na Hoolimalima a me na Puka.

 

            4.  O ka Makou mau Palapala Hoopukapuka kekahi mau mea ano nui o ka la.  E hoopuka no makon i na Palapala Hoopukapuka o $200, a o kau e uku ai he $2 wale no o kela me keia mahina no 75 mahina, a e loaa no ia oe he $200, a ua ae ia oe e aie i hapalua o na dala au i hoahu ai mahope aka o hookahi makahiki au i lulu ai.

 

            E kipa a i ole e kakau mai ia makoa no na mea aku i koe.

 

            Na Rami 3 a me 5 McIntyra Hale.

 

            Kihi alanui Moi me Papu, Honolulu.

 

HUI HAWAIIAN REALTY A ME MATURITY KAUPALENAIA.

 

PUAA LOAA

 

                        Ma ke ahiahi o ka Poalua, Feb. 18, ua hoea, ae ma ko’u wahi noho ma Aiea, he puaa kane nui kalakoa, he elua kiko eleele malalo o ka maka a he keokeo na wawae eha.  E oluolu ka mea a mau mea nana keia puaa e ku koke ae iloko o na la he 15 me ka uku pu i na lilo a i ole e lilo loa keia puaa ia’u.  E ninau ia.

 

                                    MIGUEL AATKINS.

            Aiea Pantation, Feb. 20, 1092.