Ke Aloha Aina, Volume VIII, Number 9, 1 March 1902 — Page 7

KE ALOHA AINA

 

KE  ALOHA  AINA,  POAONO,  MARAKI  1,   1902        7

 

MOOLELO  HOONI  PUUWAI

---: NO :---

Kuu Aloha i na Pua, Kuu

Ipo o na Launahele!

 

Ke Makaikiu Kupaianaha!

 

MOKUNA XXX.

      Ua Lohe Au i ko Leo--Ua Ike i Kuu Aloha--Ailika Lema ! O oe no Ka'u Kane Mare.

 

  Akahi, alua, akolu, aha kaina wawae o ua Ela Opio nei ia wa i puiwa ae ai oia i ke poha ana mai o ka leo o kona makuahine mailoko mai oia pouli me keia mau olelo hoolauna o ke ohaoha. E kuu keiki ka Ela o Kalivi eia no wau o kou mama.

  E kala mai ia'u ina ua hooluhi aku au ia oe ma ke kali loihi loa ana ia'u. Aka, mamua o ko'u hoo pakele ana ae ia'u mai na ahewa ia ana mai, e ae mai ia'u e hoolauna aku ia oe me ka'u kane mare, a o kou makuakane hoi Ailika Lemaka mea nona ka leo i ke kulu aumoe au e kuu keiki a me a'u pu hoi kou makuahine a me ka poe no a pau i lohe i keia po, a ke hauoli nei au aloko o ka manaolana ana aole loa oe e kuu keiki e ae mai ana i ka'u mau upu ana e ko ole.

  I ka pau ana o ka Silevia mau olelo ua pane koke mai la o Haku Danekota, a o Ailika Lema hoi ma kahi inoa. Ela o Kalivi ka'u keiki haawi mai i kou lima akau o ke aloha mawaena o a me a'u, a o na pohihihi a'u i hana ai i na la i hala ke nonoi aku nei au i kau mau huikala ana mai.

  Alaila, pane aku la ka Ela o Ka@vi, Haku Danekota, ke haawi aku nei au i ka lima akau o ko'u aloha, a o na kuhihewa i lawelawe ia o na la i hala ke huikala pu aku nei au ia mea kuu naau a pau, a ke hauoli nei au ma o kuu makuahine mia no keia halawai a hui kamahao ana o ke kupaianaha, Ano e huli hoi ae kakou ke kali loa mai la na Baroneka no kuu makuahine, me ka huli kunihi ana ae o ua Ela Opio nei a hookuu i na lima o kona makuakane a haele like aku la lakou e hemo no waho o ka hale Opera.

  Imua o ua Baroneka ua hoolauna aku ka Ela Opio o Kalivi i kona makuakane me na olelo pokole o ka hoomaikeike, a ua haawi mai ua mau Baroneka nei i ko laua mau leo hoomaikai o ke aloha, me ke kono pu ana mai i ua Haku laepaa nei e huli hoi pu aku lakou no Kalivi Hale e launa iki ai no kekahi mau minute, a oia leo kono ua apo ia mai la ia e ka Haku Danekota me ke ohohia nui, alaila iloko o na apa a me na lohi ana a ua ohana Kahivi nei i na koloka hoopumehana, kau ae ia lakou malouna o ko lakou kaa o@aio o Silevia ua kau pu ae la me kana kane maluna o ko laua koa a ukaii ako la mahope o ke kau o na Baroneka o Kalivi e holo mia mamua.

  Ua lilo i mea pahaohao a kahaha no na noonoo o ka Baroneka kane keia hoohui launa ana ia o lakou i keia mau minute o ke aumoe, a ua lilo i mea nana e noonoo nui ai oiai lakou e huli hoi ana ma ke alahele. a o ka Haku Danekota hoi me kana wahine ka ui Sileva, ua like loa iho la laua ia mau minute a laua e kipu nei iluna o ke kaa a pahee i ka niniu a na huila me he mau wahi ipo ala akahi no a launa ka puka a hoohikihiki ia ae o na olelo e hooili aku ana i ka hewa na kekahi a pela hoi kahi i kekahi, aka, o ka mea oiaio loa no nae na keia Haku Danekota i imi ke kumu o ka bala a eia ua hala ala a ke aloha pulale he luhi makehewa ke kino i ka leo ka hone a ka wai o Alekoki.

  He @p@lu hora i hala ae, aia, o Kalivi Hale ua kiho ia aku ia e na pukaihu o na lio, a melaio o ua hoo kipa a me na kono a ka mea hale, aia o Haku Danekota a me ka ui Silevia ke kuikui aku la a pii no ka hale maloko o ka keena hookipa o Kalivi Hale i kipa a akoakoa ae ai kamaaina a me ka malihini, a haawi i na hoolohe ana no ka moolelo a Haku Danekota e hoike aku ana e like me ke noi ana mai a ka Haku kane Baroneka.

  Ua hoike aku ua Haku ala mai na la omaka mua loa mai o ko laua halawai ana me Silevia a me ko lana awaiaulu ia ana e ke aloha hooheno i ke kino ke kaawale ana iloko o na manao kuhihewa o ua Haku ala, ka mare kuhihewa ana i hana ai a me ke kaawale ana iloko o ka hilahila a me ka hoino ia, ka make ana o ka wahine ana i manao io kuhihewa ai o kana wahine ia i mare pono ia, kona halawai ana me na hoehaeha a me na hoohilahila ana a ka wahine ana i kumakaia ai a pela wale aku na hoike a ua Haku Danekota a hiki wale iho la i keia hui a halawai hou ana o laua e like me na la i omaga mua ae ai o ko laua aloha. O na hoao ana a pau a ua haku ala e nialiu hou mai kana Silevia iaia ua aneane maoli no ia e haule pahu iloko o na manaolana poho, aka, ma keia iho la ua auhee aku ia mau mano hopohopo ona a ia hora he kanaka ia i hanau hou ia mai me na haawina a pau o ke ola, ka manaolana a me ka ikaika. Alaila, haawi ae la ua Haku Danekota nei i na hoomaikai ana i na kamaaina no ko laua aho hui ma ka huolohe ana mai i kona moolelo walohia.

  O ka hoolohe me ke akahele oia na mea a ua Haku Baroneka i haawi mai ai maluna o na olelo a Haku Danekota, alaiia, na Silevia i hoike pau ae i ka moolelo e pi'i ana ia laua a hiki i ka hopena, a ia wa i hoomaikai mai ai na Haku o Kalivi Hale maluna o na paa mare i hoehaehaia e na au kokoia o ka noho kaawale ana malalo o na kuhihewa i lawelawe a i hana ia e ka aoao o ke kane. Alaila, ua noi ae ka Haku Danekota i na kamaaina no ka hookuu ana aku iaia e hoi no kona home Kakela, a ua loaa mai na huikaia ia ana mai iaia, a o ka ui Silevia ua ku ae ia maluna o kona mau kapuai a kahea mai i kana kane ina paha oia e lawe pu aku ana iaia no kona home, oiai, ke mapunapuna ala ke aloha iloko lilo e hoolaau ae ana iaia e moepu no ia ma ka aoao o kana aloha i kaawale no na makahiki loihi, a o ka hooko ana ia hoi o ka leo noi uwalo a ua Haku nei i noi a hea mai ai laia pehea ka loihi o kou inaina ana e ke aloha a ahea hoi oe maliu mai.

  Eia o Silevia ua makaukau nona iho i keia manawa no ka hahai a ukali ana aku mahope o kana kane a o ka mea wale no i koe o ua Haku ala, ua eu ae ua Haku ala a haawi i ke aloha aumoe no ko lana hale kamaaina, a pela no hoi me ka laua keiki; na ka ui Silevia he aloha ho ni aumoe maluna o ka Eia Opio a me kona mau puluna, alaila, huli ae la laua a haalele iho la ia Kalivi Hale no ka Home Kakeia Danekota ke Kakela hoi e hoaumoe ai ka ui Silevia no ka wa mua loa mahope iho o ko laua noho kaawale ana no kekahi mau makahiki, a o ke ku paianaha loa hoi o na hana a na lani ma ka hoohui hou ana ae i keia mau puuwai a elua i hookaawale ia e lilo hou laua i hookahi, a kaua hoi e ka makamaka heluhelu i ike a i manaoio maoli ai, aole loa e nohaha hou ka puuwai paakiki o ka ui Silevia a bilivi hou aku i ke kanaka nana oia i kumakaia. Aka, i keia po aia oia malalo o ka maiu o Danekota Kakela, ha ui, a he lede e o ana me ka inoa o Mrs. Ailika Lema, e like me ia i hoohui ia ai i kinohi, a o Kaunawahine Danekota hoi ma kekahi olelo ana ae.

  Alaila, i ka wa a ke kane a me ka wahine i noho mehameha iho ai, a pili ae la hoi laua m a ke ano mali hini, ua lawe hou mai la o Silevia na minute o ka hooili kaua make kamailio ana. Ailika Lema, o oe no ka'u hane mare hookahi, a owau hoi ka elua o kau wahine mare. O e kuu aloha i poina ole ai na ko leo a'u i lohe ai i kauoha mai ia'u e huli a e maliu hou aku ia oe,. Ala ila e kuo kane pepei iho la anei ke aloha o na ani e hoohui, hou ia ai kaua me he n au malihini ala?

  Ua apo a puili mai ka Haku Da nekota i kana Silevia iloko o kona poli, alaila, me ka leo malie e hoo heno ana, hoihoi aku la oia i na hoomanao ana no ke a po hulahula hoolalao hoi i lilo ai ka hanohano i ke keikialii Alabeta a me ka Moiwa hine Vitoria, a oia ka Silevia i pu wa ae ai iloko o na hoomanao a ninau me ka awiwi ina paha o ua kane ala no ia ana.

  O ka pane o ka hooia oia ka ua Haku nei i haawi mai ai i ka ae, alaila, ua hoike mai oia no ua po hulahula ka laua olelo hoopaa ma ka i ele ana e ike i ka ahamele a Madame Barone, ka lede puukani mele kaulana loa iloko o Ladana ia po; ka laua holokaa o ke aumoe, ke keawale ana ma ka ipuka pa o Ka l@vi Hale, a o ka hui hou ana e paa loa lioko o ka hemo hou ole ma ia pa a--Kou leo i ke kuluaumoe--a kani nanahe ana maloko o na paia o ka Hale Opea Ladana, a o ke koena nau no ia e kuu Silevia a hoolawa iho a pau ka makemake.

  Alaila, o oe no ka ia e ka'u kane a'o i kuhihewa ai he keikialii maoli no oe me na helehelena o ke Keiki alii Alabeta o Wale a'u hoi a hoo nuu hou nei i kou aloha, wahi a Silevia me ka puili ana aku i kana kane, a hookuu ia laua iho e auwa na iloko o ke aupuni pahaohao loa o na aina moeuhane o Niolopue.

 

  E alawa e na makamaka i ka makou man hoolahi e puki aku nei i keia la.

  Ua make o David Kahanu ma ke awakea Poakahi nei, ma kona home ma Kakaako ae nei, i ke 79 o kona mau makahiki.

 

KUAI  HOOPAU  NUI  HOPE  LOA

 

E Hoomaka ana ma ka Poaono, Maraki 1, 1802.

      E hoolilo aku ana makou i na waiwai a pau me ka nana ole i ke poho penei:

Kalakoa maikai           24 ia    $1 00 | Kinamu maikai

Kukakaenalo maikai    20 ia      1 00 | Loie Eleele Puu

Keokeo maikai         20 ia      1 00 | Palekoki Keokeo me Huluhulu

Huluhulu Heu           14 ia      1 00 | Holoku Keokeo me Huluhulu

Alapai Lau Eleele 44in laui 1 ia    50 |  Papale Kane me Kamalii

Alapia Eleele                              65 | Papale Kapu

Palu Kalakoa me Keokeo             50 | Papale Keiki P. K. Keokeo

Uhimoe Keokeo          1 ia           25 | Muumuu

Palemai Luna me Laio                        50 | Lole Keiki me Kaikamahine

Kamaa Wahine                            50 | Kakinia Eleele o na ano a pau

Makalena maikai         10 ia      1 00 | Palemai Manoanoa

                                                          |

   =>  Mamuli o ko'u makemake e hoopau loa i ko'u halekuai ke malama hei au he kuai hoemi loa. Ke kono ia aku nei oukou a pau e hele koke mai i loaa keia mau waiWai ma ke kumukuai haahaa loa.

GOO  KIM   (KUKIMA)

      Helu 1116 Alanui Nuuanu, Aoao ma Ewa.