Ke Aloha Aina, Volume VIII, Number 4, 25 Ianuali 1902 — Page 8

KE ALOHA AINA

 

8   KE ALOHA AINA, POAONO, IANUARI 25, 1902.

 

MOOLELO HOONI PUUWAI

-: NO KE :-

KAKELA LANAFODA

-: KA :-

Ipuka o ke Kuewa me ka Aea.

-: KA :-

Pua Lilia Ahiu o Sanadela..

 

MOKUNA XII.

KA HOOILINA NALOWALE - KA PUA LILIA AHIU - KA ROSELIA ELUA O SEMAFILA.

 

 E kuu keiki!  E kuu keiki o kau wahine o ka'u kaikamahine aloha nalowale no ia.  E kuu keiki'e hele mai imua o'u i haawi aku ai au i na hoomaikai ana nou, a e hoomanao iho i keia la olua pu no me a'u iloko o ko'u mau hauoli ana. Alaila, me na lima hauoli aia ka makua a me na keiki e puili ana iloko o ke aloha, a na ke Kuewa o Lanafoda i wawahi ae i na minute hakanu a lakou e hakoko ana me na wiliau a ke aloha me keia mau olelo.

 Haku Maina Semafila ua hauoli loa au i keia halawai pu ana me oe, a ka hauoli pu nei hoi au i ka halawai kino pu ana, a ike he maka me ka maka i ka hooilina nalowale o Semafila.  Aole loa au i moeuhane a haupu mua o ka Lede Kuewa o Lanafoda oia ka hooilina oialo o ka hale o Semafila.  O ke aloha o kahi a me kahi mawaena o maua iho oia wale iho no ka mea nana i lawe mai i keia ninau hoohui mare i kipaku'ia Welemoneka e lilo i Ku ewa a i aea mei na ipuka ponoi mai o Lanafoda.

 Aka, i keia minute ua wehe ae oe i kela kiko eleele a kuu makuakane piha haakei a me ka hookano i kapa mai ai i ka mea a'u i aloha ai he wahi kaikamahine ka oia na ke kanaka hanai holoholona.  I keia wa ano eia au ke ike a ke hoomaopopo nei o kuu Pua Lilia Ahiu o Sanadela, he lede alii maopopo oia i aver@ga piha ia kona mau aakoko e like me ko'u nei, a aia kona a me ko'u ke holo ala ke koko alii kiekie me ka mea ole nana e hoohilahila me na olelo hooino o ka haahaa.  Ano e kuu makua e lawe aku i ka'u mau leo hoomaiki aia pu au me oe a hiki i ka hopena.

 E lawe pu aku i ka'u mau hoomaikai ana e kuu keiki.  He oiaio o ka Pua Lilia Ahui oia o Sanadela i keha a i kenaia ma kona home i hanai ia ai, aka, ma ka inoa a me ka haie o Semafila, ua ikeia oia me ka hoohewahewa ole ia o kona hoonina@ nalowale no ia.  E kaena a e haaheo ana ke kakela ulaula ma ke kapa a me ke o ana aku iaia o Roselia elua o Semafila.  Ua lawe aku ka make i ka'o Roselia aloha ma kela aoao o keia ola ana, aka nae ua waiho iho oia mahope nei i Roselia eina no ka hale o Semafila e haaheo ai ina la e hiki mai ana.  Ua kanikau iho ka Haku o Semafila iloko o na makahiki he iwakaluakumamalua no kana mau mea aloha i lilo mai iaia aku, aka, i keia la ano ua haawi hou mai la ka make i kekahi o ka'u mau mea i aloha ai, a hui ae la maua iloko o ua aloha ale, oia hoi ke aloha o ka makua a me ke keiki.

 Nolaila, e a'u mau keiki e ae mai i ko olua makua nei e hookipa aku ia olua maluna o ka'u papaaina, a e ai a e inu hoi kakou iloko o ke aloha poina ole o ko olua makua nei.  Ano, e a'u mau keiki e hele aku kakou no ka papaaina i hoomakaukau ia, a maluna auanei o ko lakou mau kuhinia a me ko lakou momona e hauoli iho ai kakou ma na ano like ole a pau.

 Alaila ua ku ae la ua Haku Maina Semafila ala me ke kuikui ana i kana mau keiki a haele aku la no ka papaaina kahi a na hoahele o ua Haku Semafila nei e kali mai ana.  O ke ola o na alii opio a me ko ka Haku o ke kakela ulaula o ia ka ua mau hoahele nei o ka Haku aoo i inu ae ai me ko lakou mau kiaha wai hoomalule kino, alaila, o na ono a ka puu moni ai ua kaii like ia ae la ia a lawa ka makemake me na hookaau olelo ana mai kela a me keia hoa ai mai, a o ka heke a me ka oi o na hookaau olelo ana o ka Pua Lilia Ahiu no ia Sanadela.

 Wahi a ua Pua Lilia Ahiu ala.  O ke aloha i hui ia me na maawe kaakolu o ka oiaio oia no ka ipuka ma ha o ka lanakila.  Ua hookomo mai ka'u aloha ia'u iloko o na aha inu, a ua hauoli maua i na kike kiaha ana o ka lokomaikai.  Aka maluna ae o na mea a pau e palaka a i ole poina anei au iaia iloko o ka haalele?  Aole loa!  No ka mea, o ka hauoli ana o ke kane me kana wahine, ka makua me kana keiki, ka makamaka me ka hoaloha, ka ipo i ka ipo, he hookahi wale iho no ia kaunu ana o ke Aloha.

 Ua hoomau ia aku na hauoli a na mawaena o ka makua a me na keiki na hoaloha a me na makamaka, alaila, i ka panina o ka hookuu aua o kela papaaina hauoli, ua ku ae la ka Haku aoo a noi i ka Haku Opio Kuewa e Lanafoda e ae ia mai oia a me kana kaikamahine, ka wahine hoi a ua Haku Kuewa ala e haele pu laua no ke kakela ulaula e hoohala i kahi mau la ilaila, a ina e loaa ana i ka Haku Onio@, he manawa e hoea a e kipa aku ai no ke kakela ulaula, alaila, aia no kana aloha hemo ole ke noho kali mai ana no kona hoea aku.

 O keia leo noi a ka makua i ke keiki, oia ka ua Haku Kuewa nei i wehe hamoma ae ai i kona puuwai me keia mau olelo, aole loa oia e e pani i ka ipuka o ka hauoli no kana wahine.  Wahi a ka ilako Opio, ma kahi o ka hauoli, ka mai a me ka loaa ana i kana wahine aloha ka pono hoohaiki ole ia aia pu kona manao malaila.  No ka mea, wahi hou a ua Haku Opio nei.  Ma kahi o ka'u wahine e noho ai aia no malaila kuu puuwai.

 Na keia pane ma ka aoao o ka Haku Opio, na@ ia mea i hoike maopopo aku i ka Haku Semafila, o kana keiki a honona hoi, he kanaka a he alii@ opio oia i ike ole kona puu wai i keia mea he makee a aua no kana mea aloha.  Ho oiaio aia no ke aloha ua sila@ ia ma kona puuwai aka he mea maikai anei kona aua iho i kana wahine i ka wa a kona makua e noi mai ai iaia.  Aole loa ia he mea maikai na kekahi kane e hoole aku ai no ka makemake o ke kanaka i oleloia o ka makuakane ponoi ia o kana wahine.  Nolaila, i ka loaa aha mai iaia o kela noi, ua ku ae ia maluna o kona mau ka puai mamua o ka hookuu ana o kela papaina a ae aku me ka hemolele e hele kana lede me ka hoopilikia ole ia, a na ko laua aloha o ka oiaio e hoohui hou ia laua i na la aole no e loihi loa.

 Nolaila, ua inu hope ia ke ola@, alaila, kaawale ae la ke kane aloha me kana wahine aloha iloko o ka lana puili hope ana, aia ua Haku Kuewa ala ke huii hoi ala no ka halealii, a o ka lede a Pua Lilia Ahiu o Sanadela, aia oia ke uhai ia ke ai ha i ka makua, a mamua o ke ano ana mai o na hora o ke ahiahi, aia lakou ua hoea aku la no ke ka keia ulaula o ka Haku Semafila.

 Mawaena o na hora noho mehameha a kokoolua o ka Haku Ela Maina a me kana kaikamahine ua hoike hou aku na Haku ala i ka moolelo o kona mau la iloko o ke aloha me kana wahine, alaila, o ka moolelo e pili ana i ka hua o kona puhaka.  E ka Pua Lilia Ahiu o Sanadela o oe ka hooilina o ko'u inoa ke hala ae au i ka make, aka, mawena nae o ke aloha o ko makuahine a me a'u, alaila, o oe no ka Roselia elua o Semafila.  Ua hala@, ua lilo, ua pau a ua mae ka Roselia mua o ka hale o Semafila, aka, ma kona makalua, aia no he Roselia hou nana e haaheo ua wahi ala i hakahaka.

 I loko o na la a ka Pua Lilia Ahiu e noho ana me kona makuakane, aia ua luaui nei e launa mau ana me kana kaikamahine, e hoomakai  kai, a e hoomaikeike aua i na wahi a kona mau aina a me ka waiwai i waiho ai, a o na olelo hope a ua @iaku aoo ala o Semafila ua hoike aku oia imua o kana kaikamahine e hoea aku ana oia imua o Lanafoda a waiho i kana mau olelo kue no olelo hoohaahaa o ka hoino a ua.  Haku aoo ala, i kapa hooh@hala mai ai i kana he kuikamahine @ ka poe hana holoholona.

 

HE MOOLELO WALOHIA

-: NO NA :-

KEIKI O ABE

 

 O na koa o ka papu kaua ua hoohamama ia na ipuka o ka Abe ia@ lakou, a ma kahi wa hoi e haawi ana ka Haku Dunarita i mau ana @ na lealea me ke kono aku i na a@ koa o ka pa kaua a me na hoaloha e noho kokoke ana malaila e komo pu iloko o kana mau aha lealea.

 He mea oiaio, e like me ka puu wai i p@ha me na haawina o ko ko@ komaikai mau pela no ua Haku a@  i haawi ae ai no ka hanohano o n@  aliikoa malihini he aha hulahula@ nui.  ua hoohiwahiwa ia ua hom@ ala me na nani like ole e hauoli a@ ka maka o ka malihini, me na k@koi e hoomalamalama i kona mau@ paia pouli, a e lohe ia aku ka leo@ o na mea kani e poha mai ana mai loko mai o kona keena hookipa, a @ keia po akahi wale no a ile ia ne@  nanaina hauoli e hekau ana maluna o Malevina.

 Na Malevina i lawe ae ka hanohano o ka wehe ana i ka hula m@ po, a o ke konela o ka regimana mahini, ka hoa hula o ua ui ala.  Ua lilo ke kilakila o ka oiwi, ka hiehie, ma ka hula ana a me ka nohea o n@ helehelena i mea na na aliikoa @ akenui ai e launa aku me ia, a m@ waena o lakou o Fitizalana kekai @ aka, aole nae oia i aa e hoike ia mea, huna e lauwili ana i kona noonoo, a@ iaia e hoao ana e hookaawale aku @ kona mau manao hoohihihi no Malevina, aia hoi, ua hoea mai la k@laua wa e halawai ai no ka mua loa.  Haawi aku la o Malevina i kona@ lima aloha i ka malihili, a lalau@ mai la o Fitzalana i kona lima o ke@ aloha, aka, aole nae oia i hookuu koke aku, a i ka wa o ua ui nei i haawi mai ai i kona mau minoaka, hoohie maluna ona. aia hoi, ua hoopioo koke ia ae la kona nanaina mea@ kona puuwai e pana kapalili ana.

 I ka wa i hoea mai ai ka manawa no ka hopioli ana o na hoa hula, o@ Fitzilana ke keonimana hiki mua loa ma ke noi ana ia Malevina i hoe@ kuwali nona no ka wa e kahea hona@ ia mai ai o ka hula.  I ka nanenahe a me ka olu waipahe @o ka leo o ua ui ala, ka mohaha hoi o kona ma@ hiohiona na mea nui nana i hookomo mai i na manao hoohihihi ilokea o ua aliikoa opio nei e lawe a lilo ao@e hiu a wela i ua Malevina ala, ak@ oia mau mea huna nae e hoona@  ana iloko ona, aole oia i huai ao @ ke akea.  O kuna manaoio aohe n@ nohea e ae ana i ike ai maluna @ keia ili honua e like ala me Malevina.

 No ka pilikia o ka mea puuki@  keia moolelo pela i nui ole ai kona@ mau kolamu e hoopuka ia aku nei, aka e hoomahuahua ia aku no mua@ ke a pule aku.