Ke Aloha Aina, Volume VIII, Number 3, 18 January 1902 — Page 7

KE ALOHA AINA POAONO IANUARI 18, 1902

 

MOOLELO HOONI PUUWAI

NO KE

KAKELA LANAFODA

KA

Ipuka o ke Kuewa me ka Aea

KA

Pua Lilia Ahiu o Sanadela

 

MOKUNA XII.

KA HOOILINA NALOWALE – HA PUA LILIA AHIU – KA ROSELIA ELUA O SEMAFILA

 

            He mau minute ia no ua mau alii opio la i hoohalawai ia mai la me ka hauoli mamuli o kela mau olelo kouo o ka hoolauna mai ka Haku a Ela mai o Kakela Ulaula, a ua hauoli pa hoi laua e halawai kino pu he alo a he alo me ka oiwi o ka mea i oleloia ka hooilina nalowale o Semafila, ka mea hoi nana ka moolelo kupaianaha a laua i lohe ai mai na lehelehe ponoi aku o ke kanaka no ua hooilina nalowale ala.

            Mahope o na hoomakaukau ana o na mau alii opio ia ia laua iho me ka haawi pu ia ana aku o ke kauoha no ka hana ana i ko laua mau lio, alaila, ua haalele iho la laua i ka hale alii a holo aku la no ka Hotele Naita Hui.  He hiehie me ka haaheo ke kulana kau lio o ua mau ahi opio la, a he kilakila a me ka nani na eni mahiki ana a ko laua mau lio e lele ana ma o maanei, a iloko o na minute o ka haulani kainepu @@@ a na lio o ua mau opio la, aia laua e ku ana mawaho o ka Hotele a haawi ia laua iho malalo o na hookipa ana a aka ona hotele me na olelo mua o ka hoolana mai ua ona la mai.  Alaila, mai na olele hookipa mai ua alakai ia aku la@@ laua no ke keena hookipa a hookuu ia aku ia iloko o na puili ana a a Haku Maina Semafila.

            Hauoli loa au i keia halawai hou ona o kakou, wahi a ua Hakuila.

            A pela no hoi me maua, wahi a na opio.  Alaila, ua noi mai la ka Haku Semafila i ka oluolu o ke Kuewa o Lanafoda e ae ia aku oia e kamailio pu me ka Pua Lilia Ahiu o Sanadela, a ke pau ia alaila mahope aku oia wa e hoike mai ai oia i ka manao o kana misiona i kauoha aku ai i ua mau opio la.

            Ua ae ia aku keia noi a ua Haku Maina Semafila la, alaila, ua ku ae ke Kuewa o Lanafoda a haalele iho i ka makua me ke keiki e hoike i ko laua aloha iloko o ka hauoli ma ka hoopoina ana i na ehaeha o na la loihi i hala aku.

            E ka Pua Lilia Ahiu o Sanadela, wahi a ua Haku Semafila nei ma kana ole’o mua o ka hoolauna, ke hoomanao nei no paha oe i ka’u mau olelo i hoike mua aku ma kela ia a olua e noho ana maloko o na kaeena a me na paia mehameha o ke Kakela Ulaula, ma ua la ala ua hoike aku au i ka moolelo ehaeha a kaumaha a piliani ia’u a me ka’u mau mea aloha.  He walohia a ehaeha io no ia mau la o na makahiki he 22 a’u i noho kaniuhu mau ai i kela la a me keia la.  Aka, i keia la ua auhee aku ia mau kaumaha a pau mai ia’u aku, a ma kahi o ua ehaeha la a me ke kaumaha, aia he hauoli me ka olioli nui ka mea i loaa mai la’u no ka mea, o ka mea a’u i aloha ai kuu Roselia elua hoi o Semafila, a o ka hooilina hoi o ko’u mau mea a pau ua loaa hou ia ia’u.

            Nolaila, i ka hoike ana aku imua ou e ka Pua Lilia Ahiu O Sanadela e ae mai ia’u e olelo ae, o oe no ua hooilina nalowale @la e ka Pua Lilia Ahiu O Sanadela, a o ka Roselia elua hoi o Semafila.  Ano e kuu lei aloha e ike mai ia’u i ko’u makuakane nei i hoehaeha ia, a e hauoli hoi kaua iloko o ke aloha o ka makua a me ke keiki.

            He mau helehelena pahaohao ko ka Pua Lilia Ahiu o Sanadela iaia i lohe aku ai i na olelo hope a ka Haku Maina Semafila e i mai ana o kana lei aloha kaikamahine no oia.  Nolaila, me ka leo pihoihoi o ke pahaohao pane mai la oia.  Kuu Haku Semafila, aole anei ua kuhi hewa ia oe ma kau mea e olelo nei? A @@@ loa au he kaikamahine na kekahi koko ahi, aole hoi na kekahi kanaka waiwai nui.  He wahi kaikamahine wale iho no au na keka hi makua ilihune a haahaa.  Nolaila, e kala mai kou hanohano ma ke kapa a kahea ana mai ia’u he kaikamahine pau.

            Aole loa au e pono e lilo i mea e hoino a e nema ia ai kou inoa e ka Haku maikai a piha lokomaikai o kela kakela haaheo i ka malu o na laau.  Aka, e ae mai ia’u e komo pu aku iloko o na hoomanao walohia ana no kau mau mea aloha, oiai kou mau la e noho luuluu ana me ke kaumaha.

            Aole loa pela e kuu lei aloha e like me ka oiaio o ka’u mau mea e kamailio nei pela no ka oiaio kuhihewa ole o ka’u mau olelo.  He oiaio o ka’u kaikamahine ponoi oe ke koko o kuu mau koko, ka iwi hoi i kuu mau iwi a me kaio o kuu mau io.  O ka moolelo pohihi e pili ana ia oe.  Ua lawa ia me na hoiaio kupono e hoopaapaa ole ia ai.

            Aka, o ka mea huna pohihi o na la o kou hanau ia ana mai ua huna ia aku ia mai kou makuakane nei aku no iwakalua kumamaiua ae nei makahiki e like hoi ka loihi a me ka ponalo me ka nui o na makahiki o ka waiho ana o kou makuahine iloko o kona hiamoe ala hou ole mai.  He oiaio e kuu kaikamahine aloha ua make kou makuahine he mau minute pokole wale no mahope o kona hanau ana mai ia oe @ aiai au malalo o kekahi misiona hooko kau oha awiwi, nolaila, ua haalele iho ia au ia oe me ka pupuahulu nui me kuu manaolana kuhihewa ole e loaa mai ana no oe ia’u iloko o na malama maikai ana a ke kanaka a’u i waiho iho ai ia oe malalo o kana mau hooponopono ana.  Aka ia’u i huli hoi mai ai me na manaolana o ka hauoli, aia hoi o ka lei aloha a’u i haalele iho ai mahope, ua lilo aku la ia iloko o na lima lokoino o ke au pakalaki o ka manawa e hoehaeha mau ana ia’u i ka po me ke ao, kela la a me keia la a o ka hopena o ua moolelo ala a’u i hoike aku ai ua hala a maalo aku ia me kana mau hana, a o ka’u e hoike aku nei oia no na hooiaio ia ai o oe ponoi maoli no kuu hooilina i nalowale, a o ka Roselia elua hoi o ka hale o Semafila.

            Alaila, mai keia mau olelo mai a ua Haku Semafila nei hoike ma la oia i ka moolelo ana i lohe ai mai kela lede mai nana i malama a i hanai ka Pua Lilia Ahiu o Sanadela, a i ka pau ana ua ninau mai la o ia i kana kaikamahine ina paha aole nei i ku like ka moolelo a keia lede i hoike mai ai me kana moolelo i hoike mua aku ai.  Ua ku like loa na hoike ana o ka ua lede ala me kau, wahi hou a ua Haku Semafila nei.  Nolaila, owau no kou makuakane a ke kaumaha i hoehaeha ai, a o oe no hoi ka’u kaikamahine i nalowale loihi.  Ano e ike mai ia’u kou makuakane nei, a e hauoli kaua iloko o ke aloha oiaio mawaena o ka makua a me ke keiki oiai kaua ua hoohui ia mai la i ka manawa hope loa.

            Ma ka aoao o ka Pua Lilia Ahiu o Sanadela aole ana mau olele kue hou mai oiai ua hooiaio iho la oia he pololei na olelo a ka Haku Semafila.  Alaila, me ka leo auwe o ke kapalili ma na lehelehe o ka Pua Lilia Ahiu o Sanadela iaia i hoohoae ai:  My father! My father! Am I your lost child?  Oh, e na lani he oiaio anei keia mau mea?  Alaila, haule iho ia ua Pua Lilia Ahiu ala ma ka a, o kona makuakane a hookuu i na puolo wai a ka lihilihi, oiai ka Haku aoo e puili aku ana i kana kaikamahine iloko o kona mau lima haalulu, a he mea oiaio, he mau minute ia o ke aloha welenia e pauma ana i na pana puuwai o ke aloha makua a me keike me ka hoomaopopo ole ae pehea la ka nui o ka manawa i pau ia laua ma ka hoike ana i ka mole oiaio o ko laua aloha, a i ka hemo ana ae o kela pili aloha mawa@na o ka makua a me ke keiki, ala ka Haku Kuewa o Lanafoda e ku mai ana me na nanaina pahaohao no keia mau mea aina e ike nei, a na ka leo kono o ka Haku aoo i hoike aku iaia aole ka lede a Haku wahine opio o Lanafoda a me ka Haku Maina Semafila he mau mea kaawale, aka, he makua no la me ke keiki.

 

MOOLELO HOONI PUUWAI

NO

Kuu Aloha i na Pua, Kuu Ipo o na Launahele!

 

Ka Makaikiu Kupaianaha!

 

MOKUNA XXVIII

Ka po hulahula hooniuniu – Na hoolalao a ka makemake – He aloha i ka wiliau a na lima.

 

            A i ka hopena o kela mau hoolalao ana aia ka pahikaua a na keoni nana ua olokea ae la maluna o ko lakou mau poo, a o na lede eia lakou ke hoohehelo nei me na hoohie ana malalo iho o kela mau pahikaua i olokea ia ae la, a  i mea e hoopakele ia ai ke ola o na kane a ua poe lede ala i aloha ai e lele aku no kela a me keia o lakou maluna o ka lakou mea aloha a hoopakele ae me ka huaolelo o ka walohia – ua oki mai haalele mai ia’u e noho wahine kane ole e kuu aloha.

            Alaila, n kela leo noi aloha a ke aloha o na aloha e hoihou iho i ka pahikaua a ua mau keonimana aia no loko o ka wahi me ka haawi pu iho i na muki honi ana maluna o na lehelehe o ka lakou mau lede, alaila, ia wa ke aloha i ka wiliau o na lima e hoohana oho ai i ko laua mau kuelana o ke kuikui hele hoolalao iloko, iwaho, a iwaena o na kihapai pua ma ke ano kaunu aloha olelo me waialoha, no ka mea, aia ka makemake hoolalao he hoohana ala ia loko.

            Ma keia kulana hoolalao a ka makemake iwaena o na kihapai pua ua lilo a eo mua ka hanohano i ka lede moiwahine a me ke keonimana keikialii ma ko laua hiki e ana iluna o ke kahua aina kuea o na malapua a hoike i ko laua aloha i ka wiliau o na lima me keia mau olelo malie a palupalu no hoi.

            Kuu lede moiwahine, o keia ka po mua loa i loaa ai ia’u ka hanohano o ka launa pu ana me oe a ke manaolana nei au e hoomau ia aku keia kulana ike o kaua a hiki i ka hopena. 

            A pela no koi a’u e kou keonimana alii, a ke manaolana pu hei e hoo mau ia aku keia kulana ike o kaua a hiki i ka hopena.  Mahope iho o ka pau o keia hula e hoike aku ai au i ko’u inoa.

            O keia mau olalo i pane ia ae la e ka lede moiwahine he mau olelo ia i kamailio ia, me he mea la, aole oia i hoohuoi a hoomaopopo no keiki keonimana, a ina paha oia i mahuihui iki he ino keia a he lapuwale i na la aole loa oia e aa e hoopuka i kela mau olelo, aka, o ka @@@@ no

nae ia o ka pule a ua kanaka la i kona mau aumakua diabolo.

 

E nona ma ka aoao 8.