Ke Aloha Aina, Volume VIII, Number 3, 18 January 1902 — Page 5

KE ALOHA AINA

POAONO, IANUARI 18, 1902.

 

HAWAII MA BUFFALO.  Mai ka aoao 2 mai.

_____

liilii e kinounou ana i kona iliwai hauliuli, a me ka wailele kaulana loa o Niakala.  He nui wale aku, ke nui pu no hoi ke dala a ka mea makaikai.

 

KA HOIKEIKE NUI O NA AMERIKA.

            O ka oi loa aku o ka nani i hoomakaukau ia e ka ike mekanika o ke kanaka iloko o ka makahiki i hala iho la, oia no kela mau hana nui i hapai ia e na kanaka o kela kulanakauhale o Buffalo, no ka hoomanao ana i keia au holomua ma na moku aina o Amerika Akau a me Amerika Hema; i mea no hoi e hooholomua loa aku ai i ka pono o ka aina ma keia mua aku.  A ma ka hoomaopopo maoli io ana aku no hoi o ka lehulehu i kipa ae ma keia wahi, he oiaio loa, aole loa kekahi nani i hana ia e ka  ike o ke kanaka i oi aku i keia, mamuli o ka nui hewahewa o na hale, na mea hoikeike, me ka nahale, na mea hoikeike, me ka nani maoli no.

            He like ole na wai hooluu i hapala ia iho ai o na paia o na hale me na kaupaku, pela hoi me na kia hoomanao a me na kii pohaku i hana ia me ka puna.  Pela no me na kukui uwila e hoomalamalama ana i ke kahua holookoa a me na hale.  I ka wa e hoa ia ai, ua kohu malamalama maoli no o ka la.

            Ua wehe ia keia Hoikeike Nui ma ka la 1 o Mei 1901 a ua hoomau ia a hiki i ka la 2 o Novemaba iho nei.  O ka la 31o Okatoba iho nei.  O ka la 31 o Okatoba ka wa i manao ia ai e pau, aka, mamuli o ke hooholo ana a ka Luna Nui o ia hana ma o ke apono ana a ke Komite Hoodo o kona hui, ua panee iki no elua la.

 

KE KAHUA HOIKEIKE NUI.

            O ke kahua i kukulu ia ai o keia hana hooholomua i ka ike me ka pomaikai o ke kanaka, ua hoomaopopoia ma ke ana maoli ana, he 350 eka, a he 133 eka o keia he hapa no kela paka kaulana loa o Amerika Huipuia, Linoolu Park.  Ua komo pu ma keia he mau lokowai i aneane e like me ke awa o Honolulu nei ka nui i piha i na i'a like ole.  He 20 a oi ka nui o na hale hoikeike nunui i hoohiwahiwa ia me na waihooluu like ole a ke akamai peha ame kapili puna, a pela wale aku.  He nui wale aku na hale liilii i kukuluia ma kela a me keia wahi o ke kahua no ka hoikeike ana i na mea like ole o kela a me keia o na aupuni o ka Hema, Mekiko, Amerika Waena, me na aupuni mai o Amerika Hema.  He nani maoli no na hiohiona o keia mau hale lehulehu i kukulu ia ai, a i loaa mai no paha keia mau kulana mamuli o ke ano paonioni a hooloi ike kukulu hale o na loaa o la mau oihana, mai ko lakou mau aupuni mai.  Ua haule loa o Hawaii i ka poe ike ole i ke kapili hale pili iwaena o ka poe o makou.

            Maloko o keia mau hale i hoomaikeike ia mai ai na waiwai he lehulehu i hana ia e ka ike o ke kanaka, me na mea i hua mamuli o na hooulu ana.  Pela me na mea holoholona a me na mea e ae.  A ua oleloia, o keia ka oi loa aku ma na ano a pau, mamua o na hoikeike e ae i ike ia ma na wahi e ae i na makahiki i kaahope aku la.  Mamuli no kela o ka loaa ana ma keia wahi o na mea a pau a ke kanaka i komo poo ai ma ka hana i mea e loaa mai ai o kona ola me kona mau pomaikai.  He 15 eka i hookaawale ia no na hale o na aupuni o ka Hema me na mokuaina.  He 10 eka i hookaawaale ia no na hale hoikeike holoholona me na manu o na ano a pau.  Maloko o mau hale, ua hiki ke hoomalu ia he 6,000 poo holoholona.  O ka Midway (kahi o na hana hoomakeaka (, he 30 eka, a he $3,000,000 ka lilo no ke kukulu ana i na hale no keia mau hana hoolealea i ka lehulehu ma ke ano keaka a nui wale aku.  Ma keia wahi e ike ia ai na lealea o na ano a pau.  Ma keia wahi i haa ai na kaikamahine sikala wali o hausakefia ma, a hoolaha iho wale ia ai me ka wahahee.  Ahewa ole ia aku ka hula pelapela a ka poe Aikupiko a ua mea hoolaha wahahee la e miki mau ai e nana me na keiki haole.'  He hookahi mile ka loa o ke alanui Midway a ma na aoao elua i kukulu ia ai na hale hoikeike o na hana lealea like ole.  O ka Stadium, kahi o na hana hoikeike i na hana hooikaika kino, ka heihei kukini, paani kinipopo, a pela aku, ua kukulu ia e like me ke ano o na kahua mokomoko o ke au kahiko o Roma, i ke au ia Nero ma.  Ua hiki ke hoonoho ia he 12,000 kanaka maloko o keia wahi.  He 10 eka ka nui o ke kahua mokomoko iwaenakonu.

            I ka noho ana iho a hoomanao ae i keia mau mea a pau a ka maka i ike ai me ka lilo ole o kekahi keneta, ua hiki no ke hoopuka ae me ka hopo ole, aole loa e hiki ke hana ia kekahi hoikeike ma keia mua aku e like kona nani me keia a makou i ike ai.  Ua ku no keia olelo mamuli o na kumu lehulehu.  He hana hiki ole loa ka hoopili loa ana i na mea a pau i hana ia, a aole no paha e loaa hou aku ana kekahi

 

_____

(Add)

PHOTOGRAPHER

Alanui Papu.

He emi loa ke paikii ana ma kahi o Wiliama, e loaa no na KII NANI mai ke 4.00 aku o ke kakini.              jan 7

_____

(continue)

i like ka lakou hoonohonoho ana i ke kulana o na hale me na mea hoikeike e like me na mekanika naauao a ike maoli no i hookele ai ikeia hoikeike nui.  Pela no i hiki ole ai i ka mea kakau nei ke poina ole i keia mau mea a pau; a ua minamina maoli no i ka nui o na dala a na makamaka o ka pohai elemakule a iwaena o na opio no kekahi i lu wale ia ma na lealea waiwai ole me na puaa i hoonuu ia e ka poe pakelaai.  Ina paha i loaa mua na alakai e kono ana i ka manao e ike i na hana o kela ano a makou, i ike aku nei, i na no na loli ae ke kulana o kekahi poe lehulehu loa iwaena o kakou, na Hawaii oiaio, i keia la.

(Aole i pau)

            No keia puka ana aku e hoa kaka aku ai i na hale me ko la kou mau lako hoikeike.  Pela e hoopuka ia aku ai ma ke ano papa a hiki i ka pau ana o na mea pili o ke kahua hoike, alaila, hoike aku au i na mea e pili ana ia makou iho, ka makou mau hana i hoino ia ai hoi e ka poe, maikai loa, o Hawaii nei a me ko kela aina kaulana loa a makou i noho ai.  Pela me kekahi mau manao maikai loa no na makua mea keiki a me na kanaha e lawelawe ana i ka oihana mahiai hanai holoholona a e lawelawe ana hoi i kekahi oihana mekanika.  He mau manao pili i ka hana pono kekahi e hoopuka pu ia aku ana, e like me ka makou i ike a hana ai.

_____

HALA IA MAU MAKUAHINE HAWAII.

 

            Ma ka wanaao Poakahi nei, Ian. 13, i haalele mai ai i keia ola ana o Mrs. Kaluaimaemae Kahalewai kekahi o na wahine Hawaii i ike nui ia e na mea a pau, he haoloha oiaio no na poe i kamaaina me ia.  ua haalele iho ola he mau keiki me na moopuna a me kana mau hoahanau ponoi e ola nei, a me ka lehulehu o kona mau hoaloha i komo au aku e makena no kona hala ana aku @ i ke ala hoi ole mai.

            Ma keia la hookahi no hoi, ua kii mai la na lima menemene ole o ka make a kaili pu aku la i ka hanu makemae ola makuahine i aloha nui ia, Mrs. Konale Makainu, ka makuahine ponoi o ko makou hoaloha Keoki Makamu, Lunahooponopono o ka nupepa Kuokoa Home Rula.  Ua waiho ino oia @ mau @ me na kaikamahine ame na moopuna lehulehu e palauma aku nona.  Ke komo pa aku nei KE ALOHA AINA iloko o ke kaumaha me na ohana o na makuahine aloha i haalele mai.  Na ka Haku e lawe aku i na kaumaha o ko keia ao, a e haawi mai i ka naau mama no na ohana o na me i aloha i hala aku la.

_____

HALAWAI NUI NA KA HUI MANAWALEA HAWAII.

 

            Ke malama ia ana ma ka hora 10 kakahiaka Poaha Ianuari 23, ma kahi o Mrs. Kulamanu Alani ma Aalani Alakea.  Ua makemake ia na hoa a pau oia Hui e akoakoa ae ma ia la, no ke kuka ana i kekahi mau hana ano nui i manao ia e pili ana ia Ahahui. Nolaila, he mea pono i na poe a pau ke akoakoa ae ma ia kakahiaka.

_____

HE MAKAU PAHA, HEAHA LA.

 

            Lohe mai makou ua koi aku ke Kiekialii ia D. Kalauokalani imua o ka Papa Hooko e hele pu laua e kaapuni a na ke Keikialii e uku na lilo a pau no ka hoala hou ana i ka Hui Home Rula Repubalika a puni ka Panalaau.  Lohe mai makou ua hoole o D. Kalauokalani, o ko makou manao ua makau paha a i ole ua ike paha e pa mai ana i ka leo, a i ole ia e waiho ia mai ana i na ninau a Wahikapuulu.  Ua piha malamalama ka lahui e noho mai la, i na hoikeike a KE ALOHA AINA i na hana hua ole a lakou.

_____

HOOLAHA.

 

            UA MAKEMAKE O MAUNAKEA e hoike eia oiake manao nei i pakui mai i mahele waiwai paa iloko o kana oihana lolo a e lawelawe aku ma na ano hooponopono ona a pau e pili ana i na aina, He manaoio kona e oi loa aku no ka hoopomaikai ia o ka lahui Hawaii ke waiho mai ma kona mau lima i kekahi aina a lakou e manao ae e hooilio, hoolimlima a moraki paha, a e hooko koke aku no hoi oia me ka eleu ia hana.  O kona ike olelo Hawaii ame ka ike i na aina a me na moo waiwai a hookuleana o na aina ma Hawaii nei ko na mea i kupono loa ai no ka hooko ana aku ia ano hana no na Hawaii oiwi.

            Keena Oihana:  Hale Kamahala, Rumi 20-21.  Kihi o na Alanui Kalepa me Papu.

_____

G.P. KAUIMAKAOLE

 

            He Loio ma ke Kanawai, a e loea no wau i ka Uakea o Hana Ma M.@ kaalao, he oluolu ma ke kuka @