Ke Aloha Aina, Volume VIII, Number 2, 11 Ianuali 1902 — Page 2

KE ALOHA AINA

POAONO,  IANUARI  11, 1902

PAGE 8

 

 

MOOLELO HOONI PUUWAI

 

---:NO:---

 

Kuu Aloha i na Pua, Kuu

Ipo o na Launahele!

 

------------------------

 

Ka Makaikiu Kupaianaha!

 

MOKUNA XXVIII

 

Ka po hulahula hooniniu--Na hoolalao a ke makemake-- He aloha i ka wiliau a na lima.

 

---------------------------

 

            O ka aloha, wahi a Silevia iaia iho, oiai, ua ui puuwai paakiki nei e noho ana ma kona keena oia wale no, he mea hiki ole ia ke hoopio ia e na hwikahe he nui; he oiaio loa kela mau olelo a Solomona ka noeau aka, no'u nei nae la, aia ko Ladana a pau ke nana mai nei maluna o'u a nema iho me na olelo a ke kuhihewa he puuwai poheku paakiki ko'u o ka kupaa a me ka luli ole i na koi hooweliweli ana mai a ke kanaka nana au i kumakaia.  he mau manao koho kuhihewa ia a ko Ladana nei me ka ike mua ole i ka mole pehea la ka nui o keia mea he aloha iloko o kuu puuwai no ua kanaka ala.

 

            O na makahiki loihi o ke kaawale ana ua lawa ia me na hooia maopopo e olelo ia ai ua pau a make ke aloha mawaena o ke kane a me ka wahine a e hiki ole ai hoi i ko ke ao nei ke hoopaapaa.  Aka, no'u iho naea, aole loa ia e pau.  O na ninau a me na uwalo ana a ua kani ala, ua hoehaeha mai no ia i kuu naau, aka, aloha ole aku anei au iaia?  Aole loa.  Alaila, no keaha la au i maliu ole aku ai i na nonci ana mai a ua kane ala a'u?  Ua hilahila anei au a hoowahawaha iaia?  Aole loa no.  Oh!  kuu kane kuu Ailika Lema lokoino, eia au ke hoomanao nei no kau mau olelo o kela mau la iho nei i hala.

 

            Ua hooki e homaha iho ua Silevia i kana mau olelo me ka puili ana ae o kona mau lima ma kona umauma, a hookuu i na auwana ana a kona mau noonoo no na la a laua e pili ana me ke aloha, a iaia iloko o ia mau noonoo e hooniua ana, ua hoea aku ka wahine kauwa a haawi he leta poloai no ka hoea ana aku o ua ui la ma ia ahiahi ma ke anaina hulahula e malama ia ana e kekauna kane a me ke kauna wahine Likona, ma ko laua home ma Leisikela Paka, no ka hanohano o ka piha ana o na makahiki o ke kauna wahine i ke kanaha.  Ua hoopuiwa nui loa ia ua ui Silevia ala no kia leta kono huiahuia i loaa aku iaia a o ka makamua loa hoi o na leta kono o keia ano i loaa ia'u.  Maloko o ua leta kono ala ua hoike ia mai ke ano o ka hulahula e malama ia ana a o ka panina loa o na hula e malama ia ana o ia no ka hulahula e hoolaalao a e hooheholo ai me ua uhimuka e huna ana i na helehelena a o na kahiko @liu o ke au kahiko a me ke au hou oia na paikini i makemake ia.

 

            Ua ala mai iloko o ka ui Silevia na ninau ana ehia ana la ka nui o na poe i kono a ehia hoi o na poe hanohano e hiki ae ana.  O kun Ailika lema anei kekahi i kono ia ma keia anaina hulahula, a ma ke ano hea ana la oia e hoea ae ai, a ehia o na lede hanohano e hoea pu ae ana.  O keia mau ninau lehulehu iloko iho o ua ui la, aole i loaa he olelo hooholo nana e hoopuka a hoike mai iaia ehia ka huina helu nui o na poe i kono ia.  Ua haia aku ka paina awakea, a e hoomakaukau ana oia no kona mau kahiko o ia po aia kana keiki ua komo mai la a hoolauna iho me keia mau olelo: 

 

            E hele ana no anei oe e mama i ka hulahula a na kauna Likona ma Leisikela Paka i keia ahiahi?

 

            Ae, e kuu keiki, a o ka'u ia e hoomakaukau ae la i ko'u mau aahu.  Pehea, o oe anei kekahi i kono ia e kuu Haku?

 

            Ae e mama, owau kekah i kono ia mai, a pela no hoi me na Barona ua kono pu ia mai nei laua a ke ake mei au e lilo ole keia po i po e halawai ia ai me na kuia o ka ma kapaa a me ke pakalaki.  Wele e hauoli e mama a hele hou mai au e kii ia oe.

 

            O ka hora ewalu ia o ka ahiahi ka manawa a na Haku o Kalivi Hale i makaukau ae ai, a hele aku la ieaho no kahi a ke kaa e kali ana  E kuikui  ana ka Barona kane i ka lima o kana Baroneka wahine, a  o Eia Opio hoi o Kalivi i ka lima o kona makuahine.  Ma ka hora 8:30 aia lakou ua komo aku la no ke keena hookipa o Leisikela Paka Holo nona hoi na paia a me na wahi a pau ua malamalama me na kukui ae (gas).  Ma na ipuka pa a pau eha o ua Paka la aia na kaa ke oil@li mai la me ka laou mau malihini kiekie, a emoole aia ua Holo nei ua piha me na haneri o na haneri malihini, e hookaau olelo a e hoohehelo ana, a iloko o ia mau nanaina o ka ulumahiehie aia ka leo o ka pila ua kani hone ae la e kahea ana i kela ame keia hoa malihini e niniu na wawae a e pokakaa no pauku kino me kela step haaheo he waltz.

 

            Ua loihi na minute i pau ma keia hula, alaila, ua loli ae la na heha wawae ana a ka poe hula mai ke pokakaa niniu malie a i ka mahiki hoolele o na wawae i mua a i hope, a o ka hope mamua o ka hoomaha ana oia no ka hula kaulana ka poe Hilana (Highlander).

 

            Ua pau ae ka hora umi i kela wa o ka hulahula i hoomaha iho ai, alailla, ua panee ia mai na mea ai mama e na kaowa o ka hale a o ke oia o na Kauna ua inu ia ae la ia e kela a me keia hoa e noho ana maloko o na keena o ka hale, a hiki loa aku i na poe e hoolalao ana ma@aho o na mal@.  Alaila, mai na minute mai o ka hoomaha na malama ia ae ka hulahula haaheo a ka poe iahak@ ea (L@c@ster) e wili ana na kino e apo ana na lima a e mak@ ana mua a emi i hope me he mau koa la, a hiehie ame ka haaheo launa ole na loina a pau o na hula la i malama ia ai a hiki i ka pau ana.  Alaila, o ka hula hope loa oia no ka hula huna ia o na helehelena. 

 

            Ma kiea hula ua ike ia ka kuliamahi ana o na poe a pau, a he kohu kahua hoikeike a hana keaka maoli ua Holo la ia manawa.  E ike ia aku ana kela a me keia me kona aahu like ole a i waena o ia an@ina holookoa, aia he elua wale no oi oia hoi ke kanaka me na helehelena i kulike me ko ke Keikialii Alabeta o Wale, a o ka lua he lede i kulike loa na helehelena me ko ka moiwahine o ke maluia a me ka pono Kuini Vitoria.

 

            O keia mau mea wale ae la no ka oi o na poe hulahula makapo (mask ball) a e ninau ana owai la keia moiwahine maluhia (Vitoria) o ka maka po a owai hoi ke Keikialii Wale puuwai liona o ka makapo.

 

            O ke a leo ninau a me ka niele o kela a me keia owai la ke kilokilo a me ka makaula nui nana e kuailo aku ia lakou?  Aole loa akahi, a pela pu no me kaua e ka mea heluhelu, aka, na ke au no nae o ka moolelo e hoike ae i ka mea hona e hoopaa ia ae ko kaua pohihihi.

 

            O ke mele a ka poe hookani pila i alakai aae ai oia no ka Blue Bell of Scotland, a i ka wa i hoohehelo ae ai ai ka poe hula, ia wa i hookani ia ae ai ke mele Bridal March, a na ia mele i  kipaku aku i kela a me keia hoa hulahu;a iloko o na hoolalao ana a ka makemake.  E hoohi@ ana na oni ana a ke kino e kowelo ana na kiani hainaka a o na saluta a ke aloha wehe papale a ke keonimana i ka wahine ua haawi ia ae ia iloko o ka nani a me ka hiehie.  Alaila, mai keia mau hoolalao ana a ka makemake, aia no he mau hoolalao hou ana aku a ke makemake, oia hoi ka hoolalao ana a ke  kane mai kona pakana mua aku a i ka mea hou, e inoino ai ka manao o ka hoa pili mua, a pela no hoi ka wahine i  kona pili mua ua loaa wahi kahu hou ae la no hoi ia.

 

-------------------------------------------------

 

            He nui kekahi mau manao waiwai i waiho ia no ke komo e ana o kahi waa, hoolale e ka ukiu.

 

            Ma na lono i hoike ia mai e ko makou Lunapepa M. Polapola o Ookala, Hilo Akau nui ka ke ino o ke alanui mai Laupahoehoe aku a hiki i Maulua aole e hiki na kaa, o na lio ee oia wale no ke hiki.  Nui ka pilikia no ke ino o na wahi a pau, nui pu ka pilikia i ka dala ole e hiki ai ke hana koke ia.

 

Mai ka aono 5 mai

 

--------------------------------------------

ilikini.  I ka ike ana o Fizilana i ka hopena poino o loaa ana i keia koa na hooholo koke iho la eia  e holo aku a haawi i kana mau kokua no ke kanaka poino, a e liko me kekahi o ka wiwo ole e lalapa ana i@ ko o kona puuwai ua hoea aku @ oia i kahi o ke koa poino, a kue aku la i na enemi e hookokoke mea ana i ke koa Pelekane, a loaa ae ia he lanakila iaia.  O keia kea @ hoopakele ia iho la oia no o @ aina ke kanaka nona ka home a Amad@ e luakaha ne@.

 

            O keia Edewina he kanaka opio i haalele aku i kokna mau makou o kekahi mau hana kolohe i @ lawelawe ai nana i hookau mai i ka inaina o kona mau makua maluna ona, a @ wahi nona e kaawale mai ai ua lomo aku la oia iloko o kekahi o @ pualikoa o Pelekane a lawe ia mai la no Amerika.  Ua lilo laua i mau hoaloha pili paa, a i ka lohe ana @ Fizilana ia ka moolelo o keia opio ua haawi aku la oia i na huaolelo hoolana i ka i ana aku aia i ko lan@ wa e hoea hou aku ai i Europa e heao no oia e hoihoi hou mai i ke aloha o na makua maluna o Edewina.

 

            Iloko o keia noho ana a Fizilana ma Amerika ua hapai ia ae la oia me ke kulana kapena lutanela me kahi uku i kupono no ka malama ana iaia hookahi wale iho no.  Ea hoea mai la ka la no koma pualikoa e huli hoi aku ai no Europa, a i ko lakou hoea ana i Europa, ua hookuu aku la oia ia Edewina mai ka eihana koa aku, oiai, ua ulu mai la na iini iloko o Edewina e hoi hoi aku o kona mau makua a mihi aku @ ka hewa ana i hana aku ai ia laua, a e like me ka Fizilana e haawi na oia i na kokua ia Edewina, ua ukali pu aku la oia i ke keiki auwana no Wale, aka, o na la o ka inaina keiki ua kaawale aku ia mai na makua aku, oiai, lanu e noho ana iloko @ ke kaumaha, no ka moa, o na keiki kane e noho ana imua o ko laua aia na lawe ia aku e ka make, a i ko laua ike ana mai ia Edewina, ua komo koke mai la na manao aloha keiki a hookipa ia aku la iaia i la home i puanuanu me na lei aloha o keia ola ana, i ka make o kona mau makua lilo iho la oia hookahi ka hooilina o ko laua mau waiwai.

 

            A mai nei i  ukali hou aku ai o Fizilana me kona regimana koa no kekahi wahi kuaaina loa o ke aupuni o Sekotia, no ka hoolulu ana a hiki i ko lakou wa e kauoha ia mai ai no ka nee ana aku he kahua oaoa.

 

----------------------------------------------------------

 

MEU     HOON.

 

Miu   Huna

-------------------------------------

HALE INU KOPE A ME TI

A Kuai Ai ona Ano a Pa@.

 

------------------------

 

            Ua wehe, ae nei au he haleaina ma ke alanui Moi mawaena o Niuhalewai a me Waipilopilo, a ke kono aloha aku nei i o@u mau makamaka  Hawaii mai poina i ke kipa mai i ko'u hale inu kope kahi e loaa ai na ono  a pau.  Ua nohe mua au ma ke alanui Muliwai