Ke Aloha Aina, Volume VIII, Number 1, 4 Ianuali 1902 — Page 6

KE ALOHA AINA

 

MAKE I KA UWILA

 

        Ma ka hora 5 o ke ahiahi Poaono nei ua halawai iho la me ke kahi uila poino o Henry Abfai, he keiki hawaii hapa Pake, ma o ka loaa ana i ka uwila a kaili koke ia aku la kona hanu makamae. O keia A@@al he keiki lawelawe oia no ka halekuai o Makanani, a o ka moolelo e pili ana no kona halawai ana me kona hopena manaonao, penei no ia:

        Ma ke ahiahi o ka Poaono i hoike ia ae la , oiai o e Makanani e lawelawe kuai ana na kekahi kanaka i komo aku ma ua halekuai ia, a no ka pouliuli o ke keena ua kauoha ae la oia ia Stevens kekahi o na kupakako o loko o ka halekuai e hele aku ma kahi o ke ki uwila a hoa ae i na kukui uwila. O keia leo kauoha a ka ona halekuai i ke kupakako o ka halekuai na lohe ia mai ia e A@@ai e pulumi ana ma ka puka e haliu ana i ke alanui Papu, a ma kona ano piha eleu ua pane mai la oia i ke kupakako nana e kii e hoa i na kukui uwila. Me ka hookaulua ole iho ua haalele iho oia i kana pulumi no kahi o ke ki uwila.

        O keia ki uwila kahi e hoa ia ai na kukui uwila o ua hale la aia no ia maloko mai o ke pani puka. A o ke alahele pokole wale no oia ka lalau ana aku ma ke kowa o ke pani a me ka hele ana mai mahope o ke pani. Aka, ma ia la nae ua hoonee ia aku he pahu mamal@ ma kahi o ke ki uwila mahope o ke pani. Ua maa no hoi o A@@ai i ka lalau ana i ke ki uwila ma ke kowa o ke pani puka, nolaila, na pii ae la o A@@ai maluna o ka paepae puka a laau aku la i ke ki uwila ma ke kowa o ke kowa o ka puka maluna aku o kona poo, a o kona lima hema e paa ana i ke kia hao o ka aoao o ka puka. O kona manawa koke no ia i loaa mai ai i ka ikaika i ka uwila a paa loa iho la kona lima.

        Ma kekahi uila ua huli ae la o Makanani no ka puka a ike aku la i ke kino o Afai ua kapoo loa aku ma ke kowa o ka puka, a ma kona helehelena e hoike ana oia i na nanaina ehaeha. E paa ana kona lima i ke ki uwila a ua wili hapa ia hoi ua ki uwila la. Ua holo koke aku na poe e haawi i na kokua ana iaia a me kekahi mamalu i uhau ia aku ua ki la a pio hou iho la ka uwila, a pahemo mai la ke kino o Abfai.

        He mau minute pokole wale no ke kamau ana o ka hanu ola iloko ona ua lele loa ae la kona aho, mahope o ka haawi ana o kekahi mau kauka i hoea ae malaila i ko lakou akamai piha no ka hoopakele ana ae i ke ola o ka poino. Ua lawe ia aku ke kino make no ka halewai a malaila aku no ka hale kaha ka@@@@ o ke aupuni.

        O ka lima akau wale no kahi i moa i ka uwila a aole hoi he wahi alina e ae o kona kino. Ua kahea koke ia he aha koronero a o ka lakou olelo hooholo oia ka ke aupuni e kali nei. Ua hoea ae ka luna nui o ka hale hana uwila Hawaii ma kahi o ka mea poino a hoike ae la o ka ikaika e hooholo ia ana i ka wa i halawai ai o A@@ai me keia poino aole no ia i lawa no ka pepehi ana i ke ola o kekahi kanaka, aka, mamuli o ka nawaliwali o ke ola kino o A@@ai pela no oia i make koke ai. Aole keia o ke ola mua i poino i ka uwila, aka he nui no i hala mua aku i ka make.

 

UA HALA O KEAKA NIAU

(Mai ka Elele Hawaii mai.)

 

        Ma ka po Poalima nei ma kona home noho ma Hilo nei ua pauaho mai la o Keaka Niau i keia ola ana a kaha aku la no kahi mau o na mea kino uhane a pau no kela ao ma  o kahi a ka poe ola e hele aku ai e hui me na mea aloha i hala e. He kanaka oia iloko o ka hoomailo ana a ka elaela a moe wale aku la no i ka moe hooilo. He rumatika kona ma'i a haalele wale mai la no i kona hoapili o na la inea he wahine.

        Ua kamaaina ia oia e ko Oahu a me ko Kauai mamuli o ka hana a ke Akua, aka, o na loli ana o ke au manawa o ko ke kanaka noho ana ua waiho aku oia ia hana a hoi mai ia a noho i ka la haoa o Honolulu no kekahi mau makahiki me kana wahine i pili ia ai ke anu me ka wela o na wahi a aua i noho malihini aku ai. He ekolu makahiki i kaahope ae nei ua haalele aku la ia laua i ka huikau o ka aina malihini a hoi mai la a noho i ka aina hanau nei, ka aina nana oia i hoohanau mai. Ua komo iloko o ka oihana makai o Hilo nei no kekahi mau mahina a na ke ola kino i waiho aku i ka hana. He kanaka puni himeni oia a ua kaulana oia no ka maikai o kona leo kane, a ua kukulu oia i kekahi hui himeni e ku nei i keia la nona ka inoa "Welakahao." Ua hanau ia oia ma Hilo nei a i kona make ana ua hiki aku kona makahiki i ke 43. He halekipa na ke aloha e kipa aku ai, a he hoaloha no na mea a pau. Ua hala o Keaka, aka, o kona ano a me kana mau hana e lilo ana ia i mau mea hoomanao i kona inoa. Ua pau ko kakou ike ana iaia, no ka mea, ua hoopale mai na maka ia kakou. Ma ka auina la i hoomoe ia aku ai oia e moe ma Home Lani maluna, kahi aole he mau @@@@ ana. Ua waiho iho he wahine a me ka ohana e u aku nona ma keia aoao o keia ola ana. Me ka hoapili o na la nele he wahine ko makou upu ana a na ka Haku Iesu e hoomama mai.

 

NA POE I HAAWI MAI I NA KOKUA ALOHA

 

        Malalo o kekahi mau manao i hooholo ia e Mr. Geo. Kaia ka Lunahooponopono o Ka La o Hawaii a me Mr. David Kanewanui ka Lunahooponopono o ke Kuokoa, e hoao na papa pai Hawaii e imi i kekahi mau dala no ka haawi makana ana aku ma ke ano Mere Karisimaka a me Hape Nuia i na poe e noho mai la i ka aina o ka ehaeha. Ua ui mai laua i na hoa papapai Hawaii e ae, a ma ka laua noi e lokahi pu aku ua ae aku la na Lunahooponopono o na nupepa Hawaii a pau e hele aku iwaena o na hoaloha e noi aku i na kokua aloha ana mai a lakou mai no ka pono o na poe e noho mai la iloko o ka luuluu. He mea oiaio, ua nui no na hookuia mai, o ka poe naau lokoino no aole i noi ia aku ka lakou mau kokua, aka, o ka poe naau i piha me ke aloha ua wehe hamama ae lakou i ko lakou puuwai a haawi mai la ma ka lima o ko KE ALOHA AINA mau komite i hilinai ia Mr. Wm Ringer a me J. K. Mokumaia, i ka lakou mau lau oliva o ke aloha. He $15,80 ka nui o na dala i loaa ma ka laua mau hoikaika pauaho ole ana. He $12.05 mai a Wm. Ringer mai a he $3.75 mai a Mokumaia, mamuli o ko makou manao ana he mea pono i ka lehulehu ke ike i ka poe na lakou keia mau kokua aloha i haawi mai ma ka lima o Wm. Ringer ke hoopuka ia aku nei ko lakou mau inoa:

K Nake@                        $.25

Kaalele                            .50

Kaonohi Kekipi              .25

William Kekipi               .25

Samuel Apaliona            .50

T. K. Wahihako              .50

C. K. Piimoku                 .25

H. K. Welau                    .50

Chas Kalauao                  .25

J K. Kanoa opio              .50

D. Kaona                         .25

W. Hilo                           .25

Keliikuewa                     .50

Kahaleulei                      .25

Mrs. Hattie Hel@           .25

M. W. Kahele                 .25

Ah Fah                            .25

G. H. Pahia                     .50

Lii                                   .25

Sam Kolikoli                  .25

John Faria Neves            .25

S. K. Kaaikaula               .50

P. S. Pohaialii                 .25

John Mokuohai               .25

O@to Graef                    .25

K@hauanu                      .25

Kaneipu                          .10

D. Cahka                         .20

William Mossman Jr.    1.00

Peter Thomas                  .25

Morton Hiku                   .25

D. Malo                           .25

K. Piimoku                      .50

A. Nicholas                     .25

Joseph Ross                    .50

 

        Mamuli o ka nalowale ana o ka J. K. Mokumaia palapala komite, molaila, ua hiki ole ke maopopo kana papainoa, aka, na loaa pono mai no nae na dala i paa ma kana pepa, he 25 keneta na Mrs. Kahalewai mai, huina a pau $16.05. O keia mau dala a pau ua waiho ia aku ma ka lima o Geo. Kaia ka puuku i apono ia. A nana e noonoo i ka mea kupono e hana ai me keia mau dala no ka pono o na ma'i o ke kahua o Molokai. Ma ko KE ALOHA AINA aoao ke haawi aku nei oia i na hoomaikai palena ole no na poe i haawi mai i ka lakou mau huipu o ke aloha, a pela hoi me na komite papauaho ole, a na ke Akua e haawi mai ia oukou i na hoopomaikai ana.

 

KIOLA IA ILOKO O KE KA.

(Mai ka Elele Hawaii mai.)

 

        I ke Sabati aku nei ua kiola ia kekahi keiki Pake o elima paha makahiki iloko o ke kai e Akana, he kanaka Hawaii e noho hana nei maloko o ka hale amara o ka Hui Kaa Kaluaopele ma alanui Uwapo, a e ole ka nui kamalii e auau ana na lakou i kahea hiki mai ana o Puupuu Ulii a nana i hoopakele a ina la ua make. I kahi a keia kanaka puuwai lepo i hana ai i keia hana ekaeka ma Wailuku ae nei, a o kona kumu i hana ai pela aole na kepolo la i hoike ae. Ua hopu ia oia a hoopai ia he %53 me na koina imua o ka Aha Apana. O ka halepaahao kahi kupono no keia ano kanaka, a aole e loihi na la i koe e hana aku ana oia i kekahi karaima eleele ma keia hope aku.

 

KAPU NA MA'I AKEPAU.

 

        Kapalakiko, Dec. 19. O Komisina Hoopae Limahana North, ma ka pane ana aku i kekahi minau ano nui, i waiho ia aku, ua hoike mai la oia i ka Hui Mokuahi Okeanika ma ka la inehinei. Ua kau like ia aku na rula o kona keena maluna o na ohua kapena e like ala me ua ohua oneki a o na ohua waiwai a pau i loaa i na hiohiona o ka ma'i akepau na like ko lakou keakea ia ana aku me na ohua oneki, i loohia i keia ano ma'i mai ka lele ana mai i uka nei o ka aina.

 

        He wahi paani hauoli Hape Nui ka haawi ia ae e C .R. Maile ma kona home mauka o Kapalama ae nei.