Ke Aloha Aina, Volume VIII, Number 1, 4 Ianuali 1902 — Page 1
| This text was transcribed by: | Lovey Slater |
| This work is dedicated to: | Brother Elliot "Kai" Markell |
KE ALOHA AINA
BUKE VIII. HONOLULU, POAONO, IANUARI 4, 1902 HELU 1
KO ELELE WILIKOKI KOKUA.
Ma ka la 17 o Dekemaba nei na waiho aku la ka Elele Wilikoki, he bila e kue ana i ka ma nao o ka hui mahiko o Nahiku e lawe i ka wai o na kahawai a pau no lakou i kakauinoa ia e kanalima mau inoa o na poe e noho ana ma Nahiku. Oiai, ua hoomaopopo ia e noi aku ana keia hui mahiko i ka Ahaolelo e lawe i keia mau pono wai a pau a hookahe aku ma kekahi mau aina panoa e hoonele ana hoi i ka lehulehu a me ko lakou mau aina me ka wai ole.
O ke kanaka nana e kokua aku ana i ka bila a ka Elele maloko o ka Ahaolelo oia no o Lunamakaainana Robikana, o Fort Wayne, Indiana, he Demokarata. He hoaloha maikai loa oia no ka Elele, ua hoike aku oia i kona mau manao kakoo i ka Elele Wilikoki a e paio aku ana i kahi mau paio hahana ma ka aoao o ka elele no ka pomaikai o Hawaii ma keia kau. O Mr. Robikana kekahi kanaka ikaika loa ma ka haiolelo he ikaika kona leo, a he kanaka hoi hope ole ma kana hana e lawelawe ai. Aole he Repubalika a i ole he Home Rula Repubalika.
NA PAA MARE O KA LA
HAPE NUIA.
He eha mau paa mare Hawaii i hipuu ia ae ma ke kaula gula o ka mare maloko o ke kulanakauhale nei ma ka la Hape Nuia nei oia o Miss Esther K. Nahuina a me Geo. K. Puu ma ka home o G. W. Kualaku ma uka o Kapalama e Rev. G. J. Waia.
Ma ka Halepule Kealaula o Mrs. Malie Aukai a me Kumunaauao Kealoha e Rev. W. S. O. Makekau.
Mauka o Kapiolani Tr@et o Mary Kanohokuahiwi a me Jos. Kuaaua e ka Rev. S. K. Kaloa.
Ma Kunawai o Nakaa a me Sam Kalaunaele e ka Rev. H. Manase.
HE MAKANA HAPE NUIA A NA LUNA O KE ALOHA AINA.
Ua lawe mai makou i na ma nao ohohia a hilinai o ko makou mau makamaka heluhelu mai loko mai o na leta i loaa ia makou mai ko makou Luna Pepa mai e noho ana ma kela a me keia wahi o na mokupuni, ka poe i hiki e mai ke lakou mau kauoha ma ke Keena nei mamua o ka makahiki hou, a ina a i u paha a hoea mai i keia mau moku ke ku mai. He nui a lehulehu wale na kauoha liilii ma na owili pakahi aole hiki ke helu ia aku, aka, o kekahi o ka makou mau Luna i hoouna e mai i ka lakou mau kauoha no ka hoomau ana aku no i ka hoouna ana i ka lakou mau openui, oia ka makou e haawi nei i ka mahalo. A ke lawe mai nei makou ma ka mea ano nui, oia keia:
Eia ma Honolulu nei ka makou Luna Pepa o Hilo, B. Moanaliha, a ua waiho e mai oia i kana kauoha i ke Keena nei no ka hoomau ia aku o ka hoouna ana i kana ope pepa no keia makahiki hou, me ka hoomahuahua hou ia o na helu o kana ope.
NA LETA A KEKAHI A KO MAKOU MAU
LUNA I KAUOHA MUA MAI LA.
Hoopuloa, Kona,
Dec. 26, 1901.
Mr. Lunahooponopono,
Aloha oe:
Eia iho ka’u mau inoa ma ka owili pakahi a me na inoa ma ke ope no keia makahiki aku.
Kou @hoaloha,
P. Mia.
Luna Pepa.
Kaawaloa, Kona,
Dec. 26. 1901.
Mrs. Nawahi,
Aloha kaua:
Ke noi aku nei au i kou oluolu a hoomau mai no oe i ka hoouna ana i ka’u ope nupepa o keia makahiki hou.
Owau no kau Luna Pepa,
M. R. Kauhi.
Hilea, Kau, Dec. 25, 1901.
Mrs. E A. Nawahi,
Aloha oe:
E oluolu e hoomau mai i ka hoouna i ka’u ope nupepa no ke ia makahiki 1902. Kou oiaio
H. Kekoa,
Luna Pepa.
Waipio, Hamakua,
Dec. 26, 1901
Mr. Lunahooponopono,
Aloha oe:
Ma keia huli hoi hou ana aku a ke Kinau e hoouna aku ai au i ka’u papainoa no keia makahiki aku.
Kou oiaio,
T. N., Naleilehua,
Luna Pepa.
Keanae, Maui, Dec. 27, 1901.
Mrs. E. A. Nawahi,
Aloha nui:
Ke nonoi aku nei au i kou oluolu e hoomau mai i ka hoouna ana i ka’u ope nupepa no keia makahiki hou e hiki mai ana, me ke kanalua ole e hoouna aka ana au i ke koena aie o keia hapa hope a me kekahi mau dala o keia makahiki hou ae.
Owau no ma ka oiaio,
J. W. K. Halemao.
Luna Pepa.
Hamoa, Maui, Dec 26, 1801.
E. L. Like,
Aloha oe:
E oluolu oe e hoouna mai i mau kope ma ke ope na keia mau inoa: S. K. Huewaa, 5 kope; G. P. Wailehua, 5 kope; John Kamanuwai, 5 kope; G. P. Kauimakaole, 5 kope. O na inoa maluna ae he mau luna na’u i hilinai.
G. P. Kauimakaole.
Luna Pepa.
Waihee, Maui, Dec. 27, 1901.
E. L. Like,
Aloha nui:
E kala mai ia’u, e pili ana no ka’u mau kope, e hoomau mai ma ka 22, e like me ka mau.
Kou hoaloha,
J. K. Iona.
Luna Pepa.
Laie, Oahu, Dec. 23, 1901.
Mrs. E. A. Nawahi,
Puuku o K. A. A.
Aloha oe:
Mamua ae o ka hiki ana mai o Ianuari, 1902, ke noi mua aku nei au i kou oluolu e hoomaumai no i ka hoouna ana i ka’u ope nupepa, a ua makemake au i 4 helu nou mawaho ae.
Me ka mahalo,
L. B. Nainoa.
Luna Pepa.
MOHO A NA HOME RULA.
Ma ka noho ana o ka halawai a na Home Rula ma ka po Poaha nei nba hapai ia mai la ka noonoo ana i moho holo balota na ia aoao no ke kau koho balota kuika wa i manaolio ia e kahea ia mai ana e ke Kiaaina no ka Apana Koho Eha no ke pani ana aku i ka hakahaka o Lunamakaainana Gili@lana i make mai nei ma Piladelapia. He elua mau inoa i lawe ia mai imua o ua halawai ala oia ke Keikialii Kalanianaole a me Kimo Kuini no ka wae ana i kahi o lau i moho no keia kau koho kuikawa, ua ku ae o Kimo Kuini a noi aku la e unuhi ia mai kona inoa, a nolaila, na koe hookahi iho la ko ke keikialii inoa. Ma ka ninau ana ua koho lokahi ia iho la o Kalanianaole i moho na ka aoao Home Rula ina he koho balota kuikawa kekahi e hea ia mai ana e ke kiaaina.
O ka moho a na Repubalika e lohe ia mai nei oia o J. A. Gilman.
Lahaina, Dec. 16, 1901.
Mrs. Nawahi,
Aloha oe:
E oluolu e hoomau mai i ka hoouna ana mai i ka’u ope nupepa Aloha Aina o keia makahiki ho@ e hiki mai ana.
Me ka oiaio,
Walter Kini.
Kau Luna Pepa.
Wahiawa, Kauai.
Dec. 29, 1901.
Mrs. E. A. Nawahi,
Aloha kaua:
E hoomau mai no oe i ka hoouna i ka’u ope pepa ma ko’u inoa no keia makahiki hou.
Owau no me ka oiaio,
Moses Kaluna,
Luna Pepa
Aia ka Elele Wilikoki i Cuba kahi i hoohala i na la hoomaha o ka Ahaolelo.
Ua lohe mai makou he nui na inoa i kono ia aku o ka aoao Repubalika i hoole i ko lakou hele ana mai e haiolelo ma ka haia mai a na Home Rula ma keia po Poaono.