Ke Aloha Aina, Volume VII, Number 52, 28 December 1901 — Page 6

KE ALOHA AINA

 

PILIKIA NA HAPA A ME NA PAKE HAWAII

        Wasinetona, Dec. 12. Ua halawai ae na Lunamakaainana o na Mokuaina Komohana i keia la no ka noonoo ana i ka bila kue Pake.  He nui na hoololi i hana ia, a he hookahi o lakou e kue ana i na hui Pake powa.

        O kekahi hoololi e pili ana no ia i ke kue ana aku i na Pake i keia wa ma na paemoku Pilipine a me Hawaii mai ke komo ana mai iloko o keia aina, a e heluhelu ia ana, penei:  Aole Pake a i ole kanaka o ka hanauna Pake mai, e noho ana ma Hawaii a i ole ma kekahi mokupuni e ae a Amerika Huipuia e hoomalu ana e ae ia aku e komo mai a i ole e noho ma Amerika Huipuia, mawaho ae o kahi ana e noho ana.

        E hoopuka ia ana he palapala hou no na Pake a noho ana ma Amerika Huipuia a ma na mokupuni e ae i kuleana ia eia.

 

UA HIKI KE LELE KA OLELO NO TAUSANI MILE

        St. John, Dec. 14. Ma keia la ua hoike ae o Marconi ua holopono kana mau hoao ana no ka hoolele ana mai i ka huaolelo mai Konuwela, Enelani mai no Signal Hill ma Amerika nei.  O keia mau huaolelo ua loaa mai ia ianei ma na anina la Poakolu a me Poaha. Ua hoolala mua oia me keia hoolele olelo ma Konuwela, Enelani, no ka hoolele ana mai i ka olelo ma ka hora 6 o ke kakahiaka a ua like hoi me hora 2:30 o ka auina la maanei, a ua hoea pono mai na olelo ma ka manawa i hoomakaukau ia.

        Ma keia mau la ua hoolele ia he lupe maluna o ke keikiena o Signal Hills a i ka hiki ana ma kahi he 400 kapuai ke kiekie mai ka ilihonua ae, aia hoi ua loaa mai Konuwela, Enelani mai, oia hoi, he ekolu kiko.  Ma ka Poalima mai na hoolele hou ia keia lupe, aka, aole nae i loaa ke kiekie kupono e loaa ai na huaolelo i hoouna ia mai Enelani mai, mamuli o ka inoino o ka pa ana a ka makani.

        O ka manao mawaena o na ka pakai o Konuwela ame St. John he 1,700 mile.  Ua olelo ae oia, ina aole he mau keakea ia ana mai ke aupuni e hoolilo ana oia i$50,000 no kukulu ana i puoa nona ke kiekie he mau haneri kapuai no ka apo ana kau i na huaolelo e hoouna ia mai ana mai Enelani mai.

        O kahi hoolele olelo ma Konuwela ua olelo ae o Marconi aia malaila kekahi pahu uwila ikaika loa i kukulu ia oia, a na ka ikaika o ka uwila i lawe mai i na huaolelo no Amerika, aole e hiki ke hoouna ia aku na kukai ana mai Signal Hill aku, no ka mea, o ka pahu  uwila malaila, aole lawa kona ikaika no ka lawe ana aku i na huaolelo no kahi mamao.  E huli hou aku ana o Marconi ma keia pule aku no Enelani a hoomau aku i ka imi ana i kahi e holopono ai keia hana nui ana e lawelawe nei. Ua lilo keia holopono ana o na hana a Signor Marconi i mea e hooi loa ana i kona kulana a puni ke ao nei.

        Wasinetona, Dec. 14. Ua hoopiha ia na kanaka akeakamai a me ka lehulehu me ka pahaohao no keia hana kamahao i hooko ia e Marconi, oiai aole i loaa iaia na kukai ana me 200 mile ka mamao, na oi loa aku la nae keia mau hana ana i lawelawe ai mamua o ka mea i manao ia no kana telegarapa uwea ole e hoolele ai i ka olelo.

 

HE LUAHUNA NUI.

(Mai Ka Lahui Hawaii mai)

        Mamuli o ka hoomaopopo ia ana o ka poe imi i na mea ano nui o ke au kahiko o ke ao nei, ua loaa a ua ike ia, o ka Luahuna Nui o ke ao nei, ola no ka luahuna ma Kenetuke, Amerika Huipuia, aka mamuli o ka noii hou ia ana aku nei o kekahi mau mea hou e ae e kekahi kanaka akeakamai.

        Ua loaa mai i keia kanaka akeakamai he luahuna nui hou aku i oi loa ae i ko ka luahuna i hoikeia ae ne maluna. Aia keia luahuna hope i loaa mai nei ma ka apana aina o Waikato, Nu Kilani a ua hoike ae ua kanaka akeakamai aei i keia mea i ka Ahahui Ike ma Enelani, a ua lohe pu ia ae la ia mea e ke ao holookoa.

        A ua manaoio na kanaka akeakamai nei, he luahuna keia no na kino make o na Maori mai ka wa kahiko loa mai.  O ke kiekie o na paia o na luahuna la, mai ka hookahi hanaeria kapuai a i ka elua haneri mau kaupuai, a o ke akea o ka waha ma kahi o ka 20 kapuai a oi aku. A ua kapa ia keia luahuna ma ka inoa o kela kanaka akeakamai nana i hanu a loaa, a oia hoi o Horace Johnstone.

        Mahope mai oia manawa, ua ulu ae ka manao o kekahi poe he nui e hele e ohi mai a noii i na mea kahiko o ia luahuna, aka, ua komo e mai ia ke aupuni o Beritania e keakea i ka lawelawe i na mea kahiko o loko o ua lua la, a aole hoi e hoonioni i na kino make e hiamoe ana iloko o ka maluhia, e na hoonoho ia e ke aupuni kiaaina o Nu Kilani he poe kiai.

        Aka, ua ae ia na poe makaikai e komo me ka uku, a e kaha a pena i na mea kahiko o loko mailoko mai o keia mau kii pena i malama ia, ua hoohalike ia iho la me na kii pena o na alii kahiko o Hawaii nei iloko o na aahu hulu manu a me ka mahiole, a pela na moena lauhala makalii a me na kapa, ua hoomaopopo ia iho la he poe alii Hawaii kekahi hapa o na poe kino make iloko o ua lua la ia uhi ia i na kapa hulu a me na niho palaoa.

        Mamuli o ka nui o na mea kahiko e loaa mau ae ana ma Nu Kilani, na hoala ae kekahi poe i Ahahui Imi Ike o na Mea Kahiko, a mai keia Ahahui o Nu Kilani i hoouna mai i ka ninau e wehewehe aku i ke ano o keia huaolelo Hawaii: "Ukiki a poipoi ana!" Ua nui na poe o kakou i hoouna aku i ka lakou haina, aohe pane ia mai; he poe keiki haole kekahi o kakou i hoouna aku i na haina, like no a like ka nele.

        He lede ma kekahi inoa kapakapa ka mea i hoouna aku i kana haina no ia mea, a na loaa koke mai kona hoomaikai me kona hookohu pu ia mai he hoa no ia Ahahui, no ka mea, ua like loa kana hoakaka i ke ano o ia huaolelo me ke ano o kela huaolelo Maori; "Utiti a poipoi ana." A o ka mea nona kela mea ma ka inoa kapakapa, oia ko kakou Moiwahine e hele la i ka laula a me ka loa o Amerika.

 

PAANI PEKU POPO WAWAE

(Mai ka Elele Hawaii Mai)

        Ua olelo ia o kahi i loaa mua loa mai ai o kona ano paani peku popo wawae mai na keko mai no ia.  Ua hoomaka ka paani ia ana o keia ano paani e kekahi puulu keko, a he niu ka lakou popo.  Ua ike ia ka lakou paani ana e kekahi mau haole Pelekane, a na laua i hoolaha aku.  Oiai laua e holoholo ana, ua ike aku la laua i kekahi puulu keko e hakaka ana no kekahi niu, E hookeke ana, e pekupeku ana, e hopu ana a holo e like no me ke ano e paani ia mai nei. Hoi keia mau haole Pelekane hana i popo i like loa he ano me ka hua niu a oia ka hoomaka ana o keia ano paani.

        I kela me keia makahiki ke hoao ia nei e hana kekahi mau rula ikaika loa, e hoopau ana i ka hakaka, i ka ikaika hookeke, a e paani ia hoi me ke akamai wawae no e like me ke kinipopo, a @ hiki mai ia la alaila hiki ke olelo ia he maikai ka paani popo peku wawae, i ka, i keia manawa he hana eha, he hana hakaka, a he hana make. I ka nana io aku no he ano keko maoli no keia paani, o na hana no a ke keko apau he ano o ka paani ana a me na poe paani.

 

O ROBINSON KE LAWE AE KE KULANA LUNAKANAWAI.

        Wasinetona, Dec. 15  O Luna Hooiaio Okana J. Cal Ewing, Clarence Crowell a me R.E. Revalk o Okalana, Kaleponi, ua hoea mai lakou i Wasinetona nei i keia la.  O Crowell oia ka Lunahoomalu o ke Komite Republican Couty.  Ua halawai lakou me Lunamakaainana Metcalf ma ka ponei.  O Lunamakaainana Metcalf hoi na hui aku oia me Loio Kuhina Knox ma ka la inehinei no ke kumuhana e pili ana i ka hookulu ia o W. J. Robinson o Okalana, ma kahi o ka noho lunakanawai i hoohakahaka ia o Honolulu.

        He kulanai ikaika ko Robinson o ka lawe ana ae i keia noho a na loaa iaia he kakoo ia ana e ko Honolulu poe.  A no Edgar Caypless ke ano nawaliwali loa aku la oia.

 

AIA O KITCHENER KE ALAKAI KINO LA.

        Ladana, Dec 15.  Eia o Kenerala Ian Hamilton ianei, wahi a ka me kakau o Daily Telegarph i telegarapa mai ai mai PRetoria mai. Ua lawe kino ae ia o Haku Kitchener i ke alakai ana i na puali a ke haawi ia i na kuhikuhi i na koa i na nee kaua ana maluna o ke kahua kaua.

        Ma ka telegarapa i loaa mai ianei aia o Kitchener ma Standerton, Transvaal, a ua hoike mai oia no ka hopu ia ana he puali Boa holookoa e Kenerala Bruce Hamilton ma Tristardfontein ma keia kakahiaka nui. He ehiku Boa i make a me 131 i hopu pio ia.

        Ladana, Dec. 15. Ua loaa hou mai la he mau hoike ianei mai a Haku Kitchener no ka hopu pio ia ana o Kenerula Badcahorst me kekahi puali o na Boa ma Sterkfontein.

        O kekahi o na hana wiwo ole i lawelawe ia ua ike ia ma Carnavan. Capa C@y la iwakalua mau Beritania e paa @ i kekahi wahi pa@ ma Th@lbosch i lele kaua @ Boa no eono la.  @ lakou i na po a pau @ ka wa i hoea aku @ pakele ana i ka pakana @ ia he ekolu i make a @ @kumalima i hoeha ia @ wale no i koe i halawai @ ka a ka enemi.

        Ottawa @ Ua ae ke keona@  o ka pakui ana @ koa hou no Aferika @ haawi aku la ke keo@ kauoha no ka hoala @ puali ma Canada @ kahi puali ma Canada @