Ke Aloha Aina, Volume VII, Number 52, 28 December 1901 — Page 4
| This text was transcribed by: | Carol Hill |
| This work is dedicated to: | Awaiaulu |
KE ALOHA AINA
POAONA, DEKEMABA 28, 1901.
4
Ke Aloha Aina.
Hookumuia no ka
Pomaikai o ka Lehulehu, a he Nupepa na ko Lahui Hawaii.
EDWARD L.LIKE.
Lunahooponopono
JOSEPH K.LIKE.
Luna Hoopuka
ALEX NAWAHI.
Luna Hoohana
EMMA A. NAWAHI
Puuku o KE ALOHA AINA
PUKA PULE.
E hoopuka ia ana ma na kakahiaka
Poaono a pau.
No ka Makahiki $2.00
No ka Pono Mahina $1.00
No ke Kope Hookahi .05
KEENA HANA.
Ma alanui Moi, Leleo, Helu 370, Kokoke ma ka Hale Hoolulu, Kaaahi.
Pahu Leta 513.
HONOLULU DEC. 28, 1901
HE MAI@ NO KE OLA O KALANI AIMOKU
He oluolu maikai ke oia kino o Kalani Aimoku e noho mai la i ka uluwehi o ke kulanakauhale poo aupuni o Wasinetona, a pela pu hoi me na ukali opio o Kona alo alii. He mea noi ia na kokou kona mau makaainana e hauoli ai.
Ke komo pono aku nei na poe opio naauao iloko o ke Komite Kuwaena o ka aoao Kuokoa Home Rula Repubalika e ponopono iki ae ana paha auanei ua aoao hokake nei; oia paha, aole paha.
Ke manao nei na Home Rula Repubalika e hea ia i Halawai Makaainana Nui, a o na poe haiolelo i manao ia mai na aoao kalaiaina like ole mai; oia ka Republalika, Demokaiaka, a me lakou iho.
Ke manao ia nei e na Home Rula Repubalika e koho ia i mau komite o umi paha lala aia ia lakou ka mana oi ae i ko ka Aha Hooko. Ma na hana a pau i pili ia aoao kalaiaina, aia ke kaili ia aku la ka mana iwaho.
Ke wawa ia mai nei ina hoi he oiaio e kapae loa ia ana ka na poe hapauea ma kulakula, mai na hana pili i ka Mana Hooko ae o ka Aoao Home Rula Repubalika. Mai haalele ia lakou i ke anu, oiai o ka poe ia nana i alo ka ua me ka la no na hana o ka aina. Aka, e nana aku ia lakou me he poe hoa hanohano ala no ia Aha, a i ka poe kakai oolea ae hoi ka hana.
He poe paele himeni hou kai hoea mai ia no ka halekeaka Ofiuma.
He $18 ka uku o na ohua kapa na e holo ai no Hilo a hoi mai ma keia pule aku maluna o ke Kiaau.
PEHEA HOI OUKOU E KUE NEI I KA AOAO HOME RULA.
Wahi a kekahi hoaloha Home Rula Repubalika i ninau mai ai; na pane aku la makou iaia penei:
Aole o makou kue no ka aoao a ka lahui i apo aku ai a kakoo e like me ka mea i manao ia he pono io ia no kakou. Aka, ala maluna o ka poe alakai no lakou i hoohuli iho nei i ka lahui ma na aoao ala, ka makou e kue nei.
Ina la paha o ka lanakila ana oia aoao, a he maikai na mea i hana ia a me ke ano o ke alakai ana, ina paha aole no he wahi kumu kupono iki ma ko makou aoao e kue aku ai, a e ahewa ai i ka Aoao Home Rula; aka, ma ko makou hakilo ana aku i ke ano o ka lakou mau hana, ua hoomaopopo maoli iho la, he mau hana ka lakou e hana ana no ko lakou pono ponoi iho aole hoi no ka lahui.
Ma ke ano o na mea i hana ia iloko o ka Ahaolelo, ua hoike mai ko lakou hoopalaleha wale i na mea kupono ia lakou e hooikaika ai me ko lakou manaoio hana, oiai ua ike no lakou na kaupalena ia ka wa o ka Ahaolelo e noho ai aole e like me na wa i hala.
Nolaila, mamuli o ke alakai ia ana oia ka aoao o ka lahui, a pau hoololi hoa e Home Rula Repubalika; oia ka makou i kue ai me ka olelo iho, na waia ka inoa Home Rula i na hana hokai a na alakai oia aoao kalaiaina; o keia ka makou pane i ua hoaloha nei.
O ROBIKANA KA LUNAKANAWAI EKOLU.
Ma ka hoea ana mai la a ka mokuahi Peru mai Kapelakiko mai na lawe pu mai la oia he mau hoike telegarapa mai Wasinetona mai, no ka la 18 o keia mahina, e hoike mai ana: O ke kulana Lunakanawai Ekolu no ka Aha Kaapuni Ekahi o ke Teritori Hawaii na haawi ia aku la ia e ka Peresidena ia W .J. Robikana o Kaleponi. O ke kulana keia i manao loa ia e loaa ana ia Edgar Caypless malalo o na hooikaika ana a ke Elele, aka mamuli o ka@ nui o na hoaloha o Robikana ua loaa aku la iaia ka lanakilo. Ua hoohikilele ia o Sam. Paka, Wilikoki a me Caypless no keia inoa a me he la e kue aku ana o Elele Wilikoki i keia nookohu.
O Peresidena Rus@wela kumu nui wale no i koho ai iaia, oia no kona makemake ana i kanaka makaukau ke lawe ae ia noho. O Lunamakaainana Meto@ kekahi mea hooikaika loa ia Robikana a ua kakoo pu mai iaia he kanaonokumamalua mau loio o ka Papa Loio o ka Apana o Alameda.
NA HAWAII MA AMERIKA
Eia hou iho kela leka a na keiki e kaahele la ma na kulanakauhale nui o Amerika, e hoolea ana i na tausani o na ilikea punihei i na leo hooheno o na iiwi makapolena o na kualono o Hawaii. E oili mau aku ana no keia mau leka e loaa mai ana mai keia poe kamahele ma na kolamu o keia ahailono a ka lehulehu i @ke mau iho ai kakou i ke ano o ko lakou noho ana ame ka holomua o ka lakou hana ma kela mau wahi.
Nu Ierese, Dek. 8, 1901. W.J. Ca@lho
Dear friend;
Me ka aloha nui: - Eia makou i neia aoao o ke kapakai Atelanika. I ka po Poaono nei ko makou haalele ana ia Toronto, Kanada, a holo Ioa mai no Bufalo ame neia mau kulanakauhale nui a ka launa ole.
Eia no keia ma ka lihilihi wale no e ike aku nei aole wahi lihi launa aku, no ka mea, eia no makou iluna o ke kaaahi kahi i noho ai, i New Jersey. Ina makou e hele i ke keaka ma ka ferry boat makou e holo ai a hiki i Nu Ioka. Laila kuupau ke kani “a-i koloau” – rubber neck. Kau ma ke kaa uwila no Burukelina ka pahu hopu i ka Orpheum. Mai Nu Ioka a Burukelina ua hanaia he uwapo loihi, nona ka loihi aneane e piha ka hapalua mile, kiekie e piholo ai ka ia o ke kalepa. He ku maoli i ka nani ke nana aku, ua hoomoeia elua mau kaula uwea nunui ma na aoao o neia uwapo, o ia wale no ke kumu i paa ai, me ka piha oluna i na lio, kaa o na ano apau i hele a noninona. A ma ka nani o keia kulanakauhale aole e loaa aku o Bufalo; o ia no ka helu ekahi.
E halawai aku ana paha makou me ka moiwahine i Wakinekona, ilaila aku ana makou i ka la 23 o nei mahina.
E holo ana makou no Europa ke pau ka hana maanei ina aole he kuia
Aloha no ka poi me ka i’a hou
Kou hoa kaahele.
James Kulolia.
LA KARISIMAKA MA HONOLULU NEI.
O ka La Mele Karisimaka i hoea mai a nalo aku la ma ka Poakolu nei, aole ia i malama ia iloko o ke ohohia nui, ia e ko ke kulanakauhale nei, aka, he hookahi kumu nui paha nana i hoolilo ia la panoonoo oia ka haule mau ana mai o na kulu pakaua o Kulanihakoi. No elua ia mamua aku o ka hoea ana mai o ka La Karisimaka, ua hoomaka ka haule ana o ka ua, a aole hoi he wa i @alae ai na pala lani mai na hoopolaluhi ana a na ao eleele panopano o ka ua a hiki i ke awakea @k La Karisimaka akahi @o a nalo aku ua ao na e haakokohi na ia na paia lani.
Iloko o keia mau la o ka haule ua ana ua halana ia na wahi haahaa o ka aina e ke wai, o kahi nae i oi loa aku ka pilikia oia kahi a na poe e noho nei mawaho o Kewalo ua hoea aku ka hohonu o ka wai ma kekahi wahi o ke alanui aupuni mawaho o laila i ka elua a ekolu kapuai a na halana ou ia kekahi mau pa hale e ka wai.
Ma ka po mamua iho o ke Karisimaka ua hoopiha ia no na alanui o ke kulanakauhale nei me na kanaka e komo ana maloko o na halekuai e kuai ai i na makana Karisimaka, e makaikai ana i na puka aniani o na halekuai i piha me na nani like ole, a lilo ae la ka ua e haule makawalu ana i mea aloaio wale ia no.
Ua malama ia na anaina haipule maloko o kahi mau luakini ma ia po no ka hoomanao ana i ka mea nona ka la. A maloko hoi o kahi mau hale noho e ku ana ka ehu o na mea ai a me @ wai hoomalule kino o Maleka.
A ua malama ia na hauoli ana iloko o ka maluhia. O ka pule a ko Honoluiu nei no keia La Karisimaka aku e hiki mai ana e hoea mai oia iloko o ke aheahe a me ka malie i hiki ai i ko keia kulanakauhale ke malama piha i ko lakou hauoli Karisimaka, aole hoi e like me keia Karisimaka ka nui ka ino a hiki ole i na imu puaa a kahi poe ke a.
HE PAA MARE OPIO.
Ma ka home o Mr. G.W. Kualaku m@ka o Kapaiaina e hoohui ia hoohui ia ai ma@ o ka mare o Miss @ner K @uina me Geo. K. Puu, ma ka hora 7 o ke ahiahi Hape Kuia, Ua @puka ia ae na palapala kona o @ mare e na makua o ka wahine . He maikai ka mare no na mea @ ke malama pono @.
Aloha Hape@ kakou a pau loa.
Ma @ Poakahi ae nei e holo @ bana aupuni no H@
E @ KE ALOHA AINA ike m@ o keia mau la e @
He @ ke keaka paele @ ni mai nei malo@ ka Ofiuma i keia @
Ma @ @ou piha loa ua ho@ makou i ka hoop@ papa inoa o na p@ kokua aloha m@ akou komite i h@ ger no na poe a@ a ko kahua o ka @