Ke Aloha Aina, Volume VII, Number 51, 21 December 1901 — Page 1

KE ALOHA AINA

UA MAU KE EA O KA AINA I KA PONO

HOOKUMUIA I MEI 20, 1895

 

BUKE VII.                HONOLULU, POAONO, DEKEMABA 21, 1901              HELU 1

 

KE PUHI KANAKA HOU NEI

 

  He nui na lohe i loaa mai ia makou no ke puhi ia ana o kekahi wahine Hawaii nona ka inoa a Paaluhi a me kana keiki i ke ahi ma keia mau la iho la. A o ke kumu o ko laua puhi ia ana i ke ahi ua maopopo ole ia i ko lana mau ohana e oia nei. O ke keiki ka mea i make mua, a o ke kumu o kona poino i hoea mai ai mamuli no ia o ka haule ana mai luna aku o ke kumu manako, ua loaa iaia he mau palapu, aka, ma ka ike nae a ke kauka he fiva ko na mai i make ai, na hookaawale koke ia aku oia mahope o kona make ana mai ka ohana aku e ka Papa Ola, a i kona hoihoi hou ia ana mai aole o ke kino maoli aka, he ipu poki i piha me kona lehu.

  He mau la mahope mai ua make iho la ka makuahine, a ma ka hoike a ke kauka he ma’i fiva no kona kumu o ka make ana. Ua hookaawale ia aku kona kino mai ka ohana aku me ko ka ohana manao e lawe ia ana ia e nana ia e na kauka o ka Papa Ola. Aka, o ka lohe nae i loaa mai i ka ohana mahope mai ua puhi ia oia i ke ahi. He kanaka okoa ae no kekahi i puhi ia i ke ahi malalo o ke kauoha a ka Papa Ola, aka o ke kumu o keia mau hana puhi na huna ia aku ia mai ka lehulehu aku.

  Ua hoea hou mai anei ka ma’i bubonika i ke kulanakauhale nei ke kumu nei o keia lawelawe puhi ahi hou ana? He mea pono i ka Papa Ola e hoike ae i ke akea i keia kumu puhipuhi hou ia o na kino make aole hoi o ka huna iho.

  Maloko o ka halawai a na Home Rula Repubalika ua lawe ia mai kekahi manao he mea pono e huli pono ia keia mau hana puhi ahi a ka Papa Ola a e hoouna ia aku ia hoopii i Wasinetona, aka, @@ kue mai nae kekahi poe o poino ko lakou mau waiwai ina e hoomalu hou ia ana ke kulanakauhale. Alaila, ke manao nui nei no ia poe i ko lakou mau waiwai iho aole hoi i ke ola

@@@@@@@ @@@@@@.

 

NA HAWAII KAAHELE I KA AINA HAU.

 

    He mau leka ka ko makou ma kamka maikai, Mr. William Jos Coelho, i loaa mai nei mai kou mau hua alo ano o Maleka. Ma o kona oluolu i loaa mai ai ia makou no ka hoolaha ana i ike mai ai na ohana a makamaka lehulehu i ke ano o ko lakou noho ana i ka aina malihini. Eia iho ua mau leka la:

LEKA MUA

 

Toronto, Ontario, Nov. 25, 1901 I ka hoaloha Mr. William Kuelo.

Aloha kaua:−

 

  Eia makou i Toronto nei i keia pule, a keia pule ae no Brooklyn a me New York, a o Joe Puni ma, aia no lakou i Buffalo. Aole i maopopo ka lakou h@@lia. Kakanalua loa au i ka holopono o ka lakou hana; a ua holo aku o Wm Wai i Wakinekona e huli ai i hana. E loaa ana paha aole paha.

  He maikai no na hoa a pau, a pela pu no me na wahine. Ke hoonuu ala paha oe i ka oio a me ka amaama momona! Ono aku la paha ko puu A me ka poi uouou! Ke kahe nei ko’u h@ae i ka hoomanao mai ia oukou.

  E hai mai i ka mea hou o ka oukou huakai. Ua ike iho ma ka nupepa i ka poino o ke kaa mahope aku o oukou.

  E aloha aku i na hoa aukai o kaua, e puliki iho oe i ko’u aloha pumehana me oe. Owau iho no me ke aloha.

  Kou hoa alo anu, Mekia.

LEKA ELUA.

 

Toronto, Ontario, Nov. 26, 1901.

Dear Friend:

 

Me ke aloha nui:−

  Eia makou i Toronto nei, ma ka aoao Pelekane, Canada. He kulanakauhale @@i no neia, ma ke ka’e lokowai o Ontario. Aole no nae i loaa ka nani o Buffalo.

  Ke haule nei ka hau, aole no nae ia he mea e hookuemi ai i ka m@kou huakai ka@hele i neia aina @@@@@@@.

  Ua hoomaka iho nei makou i ka makou apana hana i nehinei, i ka auina la me ka po nei, a ua nui ka mahalo i papahi ia mai.

  E haalele aku ana makou ia Toronto nei i ka po Poaono mahope o ka pau ana o ke keaka no Brooklyn.

  Me neia wahi mea hou uuku i awiliia me ke aloha e hoike aku nei ia oe e ko’u hoa kaahele a hiki i ko’u wa e hiki aku ai i Brooklyn alaila, hue pau aku i ka ono o ka’u huakai ia oe.

  Kou hoa alo i ke anu, James Kalolio.

LEKA AKOLU.

Buffalo, N. Y. Dec 4, 1901

E kuu hoaloha maikai,

Aloha kaua a nui loa:−

  Aohe mea hou o nei. Maikai no ko makou ola kino a pau @oa. E haalele ana makou ia Buffalo nei i ke kakahiaka Poalima, Dec. 6, no Charleston.

  Ono ino ka poi a oukou e ai mai nei! Ho mai hoi na makou kau wahi miki me ona wahi poke oio? Aloha no kakou! E haawi i ko’u aloha i na hoaloha a pau o kakou.

 

Owau no me ka oiaio,

  George Kia Nahaolelua.

 

  O ka leka mua me ka leka elua ua kakau ia ia mau leka e Mekia Kealakai, ke alakai o na keiki himeni e kaahele la malalo o ka aelike me kekahi o na Hui Keaka helu ekahi o Amerika Huipuia;

a o Mr. James Kulolio, kekahi o na puukani malalo o Mekia. He 10 ka nui o na keiki himeni a hookani pila e kaahele la me kala Hui Keaka. Ua hana ia he aelike mawaena o ka hui keaka a me John H. Wilson, a o John H. Wilson hoi me na poe keiki la. He 5 poe lede. He 16 ko lakou huina pau. Eia iho na inoa:

  Prof. Mekia Kealakai, alakai a m@ @@ua ohe gala; Prof. David N@ ame ke kana ohe dala (Saxo

 

KUMUHANA MUA A KA ELELE

  Wasinetona, Dec 6. I ka wa e noho ai ka Hale o na Lunamakaainana i keia la, e waiho mai ana o Mr. Wilikoki he bila i keia la no ka hana ana i kanawai koi@ewa no na aina aupuni maloko o ke Teritori o Hawaii. E mahele ana i na aina aupuni iloko o eha papa. O ka papa ekahi oia na aina aupuni a pau maloko o el@a mile mai kekahi kulanakauhale a i ole kauhale paha o 500 heluna kanaka. Papa elua oia na aina apau i mahi a i mahi oleia, na aina wai a maloo no lakou ke kiekie aole i oi aku mamua o hookahi tausani kapuai ke kiekie mai ka ilikai ae. Papa ekolu oia na aina aupuni a pau maluna aku o tausani kapuai mai ka ilikai ae, mahiai, hanai holoholona ululaau a me na aina waiho wale e ae i kupono no ka hookaonoonoo ana. Papa eha oia na aina aupuni a pau e waiho ana ma na mokupuni liilii a me na kuaau, kupono ole no ka hoohana ia ana. O ka manao nui o ua bila kanawai la no ka hoolilo aku no ia ia mau aina aupuni i mau home hookuonoono.

 

KA REV. S. L. DESHA O HILO

 

    Ma ke Kinau o ka pule i hala i hoea mai ai ka Rev. S. L. Desha o Hilo. He maikai ke ola o

ua kahu nei o ka ekalesia o Haili, i holo mai la oia mamuli o ke kono a na kumu poo o ke Kula Kamehameha no ka ia hoomanao oia kula. E hoohala ana oia i kona hauoli Kerikimaka ma Honolulu nei, a huli hoi aku no oia hauoli pu i kona Hape Nuia me na hoahanao o kona kihapai.

 

  O na manao paio pili kuauhau a me kekahi mau leta i hoou@@ia mai i ko makou nei keena, aole e ili maluna o makou na koikoi o ka ahewa ia ana mai e na makamaka, aka, maluna no ia o ua poe no lakou ia mau manao, oiai makou e paa ana i na inoa pon@i oia poe.