Ke Aloha Aina, Volume VII, Number 50, 14 Kekemapa 1901 — Page 5

KE ALOHA AINA POAONO, DEKEMABA 14, 1901

 

__________________________

__________________________

 

 

NA LOAA O KA LUAU A ME KA FEA I MALAMA IA MA NOV. 30.

__________________________

 

            Pakaukau o na mea hana lima Hawaii; ke Kamaliiwahine Ka-lanianaole, Mrs. W. M. Gifford, Mrs. Pierre Jones, Mrs. E. Mahiai Robinsons, Miss Lucy Aki, $475.55.

            Pakaukau o na mea nani i hana lima ia, $423.00.

            Pakaukau o na uluna, $139.10.

            Pakaukau o na kii bebe ola, $114.70.

            Pakaukau wai momona, $137.40.

            Pakaukau ai hau, $128.25.

            Pahu kamokoi a kamalii, $99.25.

            Pakaukau kanake, $95.00.

            Pakaukau o na mea Kepani, $61 95.

            Pakaukau o na mea Pake, $57.-20.

            Keena hula kii, $52 65.

            Pakaukau kuai kii, $30.00.

            Pakaukau kika, $19 95.

            Pakaukau pua ame lei, $91.80.

            Pakaukau inu kope, $66 20.

            Pakaukau luau ma ka Makeke, Mrs. L. Wilcox, $60.80.

            Na dala maoli i loaa ia Mrs. Mary Stillman ma na pakaukau luau, mawahi ae o na tikiki, $20.-00.

            Na tikiki i kuai ia a me na loaa ma ka puka komo, $1,727.40.

            Huina nui o na loaa, $4,017 00.

            Huina o na hoolilo, $655.75.

            Koena ma ka waihona, $3,361.-25.

            O kekahi keia o na fea holo-pono i ike ia ma ko nui o keia mau dala i loaa. O keia ka hoi-ka oiaio a me ka manaoio hana oloko o na wahine, aole o lakou hoopalaleha wale ke haawi ia ke-ia kekahi hana ia lakou e hana, a ke hoomaka lakou e lawelawe aole no e nele ka holopono oia ha-na, oiai, he poe manaoio hana na wahine mamua o na kane (aole pili keia no na kane a pau). O ke akamai kamailio, o ke kua-lehelehe, o ka uwehe, oia ka ha-na akamai loa a kahi poe kane a makou i ike maka ai, nolaila, he-aha ka mea loaa i kahi oia poe ke hiki mai ka wa e makemake ia ai i dala no kahi mau hana ano nui a lakou e manao ai, eia, he hele mau me na wahi apana pepa e hele ai e noi, a e lohe mau ana i ka leo i ka mea hilahila. Eia iho la ke ano e huli ai o ke dala,

__________________________

 

KEIKIALII KALANIANAOLE

__________________________

            O ke komo ana aku nei oia Alii Opio ma ka aoao o ka lahui i alakai hokai ia iho nei i keia kau, e lilo ana ia Leomageneti nana e ume mai ana i na apana hao a pau e ahu mokaki ana ma o a maanei. He pipili mai hoi kau, Mahalo.

 

__________________________

 

HE HOOMAIKAI.

__________________________

            O ka makuahine Poo Nui o na Kumu Vilikini Katolika a pau o Maliekamalu, ke haawi aku nei i ko lakou hoomaikai palena ole i na lede, na opio a me na keoni-mana a pau i hui pu mai ma ka haawi ana mai i na kokua, a i ma-nao hana like no ka pomaikai a me ka holomua o keia fea. Ma ka panai ana aku i ko lakou loko-maikai, ke nonoi ae nei lakou i ke aloha o ke Akua Mana Loa, nana e hookau mai i na hoopo-maikai he nui maluna iho o lakou a me ko lakou mau ohana.

__________________________

 

HOOMAIKAI A NA KOMITE.

 

            O ke Komite Hooko o ka Lu-au a me ka Fea i malama ia ma ka Halepaikau ma ka la 30 0 Novemaba, ke haawi aku nei i ko lakou hoomaikai i na lede a me na keonimana i kokua pu mai no ka holopono o keia fea, a pela pu i na papa pa'i i haawi manawalea wale mai i kekahi o ko lakou mau kolamu waiwai no keia hana, ma ke kokua ana e paipai i ka lehu-lehu.

 

__________________________

AOLE MAKOU I IKE.

 

__________________________

            O makou o na inoa malalo iho ke kue loa nei no ka lawe wale ia ana o ko makou mau inoa a hoo-puka ia ma ke Kuokoa o Nov. 22, 1901, nona ke poo e kau ana "Ke pane i ke ku-auhau hoopunipuni a Mrs. Emma Defries, " Oia mau mea i hoolaha ia ma Ke Aloha Aina, ke hooia nei makou, o ko makou manao like ia. No ka oiaio, ke kau nei i ko makou mau inoa ponoi.

            S.L. PELEIHOLANI,

            KAHAKUHAAKOI,

            L. KALUHIKAI KAHOALII Honolulu, Dec. 7, 1901

__________________________

 

LOIHI NA LA O KE KAA-WALE ANA.

__________________________

            Ma ka mokuahi Siera i huli hoi mai ai o Mrs. Kapoino i ke one hanau nei mahope o kona kaawale ana no 40 makahiki. I ka 13 o kona mau makahiki ua lawe ia oia i Amerika e Lui Ha-pa, a ma Akron, Ohio, oia i noho ai a hiki i ka loaa ana o kana ka-ne, he elua kaikamahine a me elua keikikane i loaa mai ko laua mau puhala mai, aka, o na kaika-mahine wale no keia e ola nei, a he hookahi 1 mare i ko makou makamaka J.K. Mokumaia iaia ma ia kulanakauhale. He wahi no puuwai aloha oia, ai ka wa o kekahi mau keiki o ka Bina La-hui i waiho ma'i ai ma ia kulana-kauhale ua haawi aku oia i na kokua ana ia lakou.

 

__________________________

 

Mai ka aoao 1 mai.

 

__________________________

o ka Kauahiakama hanauna ma ka lalani pololei, oia hoi, he moopuana kualima o Kiwalao na Kauhiakama, eia ka mea kupa-naha, male aku nei kana keiki i ke kaikamahine a na moopuna kualima ala ana. Makena ino ka ke ola ana, kolopupu, haumaka-iole, palalauhala, kaikoko, make a ola mai. He ola hoi kau. Ehia la haneri makahiki o na o Meku-kala elua. Kauloaiwikamaikeah-enaenanuiaehu, i ka wa i male ai me ka moopuna kuaono a kona makuakane. hanau mai nei ka o Kapakahili, a wahi no ana, ma-le aku nei i kela alii nui Kapu-likoliko, a hanau mai nei ka o Lilinoe me Kililou elua ke ku-puna wahine o keia Mrs. Defries e pai kane hoopunipuni nei, ao-le makou e olelo aku ana aole o Kililou kona kupuna, aka; e ho-ole aku ana makou aole na Kapu-likoliko, ina nana aole e nele ka ike ia a me ka lohe ia, he nele maoli no he 'lii wahine keiki ole oia. Ua akaka kona moolelo a me kona kuauhau ia makou, a o kana mau kane ua maopopo ia makou. Kana kane mua o Ulumahiehie, a make oia ma Hama-kua, Hawaii, aohe keiki a kane 2 Keliiwahalau, a me ia oia i noho ai a make, aole no a laua keiki. Aole no i kahiko loa ko Kapu-likoliko make ana, i ke au iho nei no o na makua o kahi o ka-kou, a ke ola mai nei no kekahi poe i ike maka iaia, make oia ma Kailua Kona, Hawaii, i ka wa e noho kiaaina ana o Kuakini kaikunane o ka Moiwahine Kaahu-manu no ia mokupuni. Wahi hou no a na o Mrs. Defries Ka wahine elua a Kapakahili i olelo ia maluna, Luahinenui, kaika-mahine a Hao, me Kailipakalua, a hanau mai o Kalimakahilinuiomamao.

            E na hoa heluhelu, hiki loa mai nei keia hoopunipuni hila-hila ole i ko kakou au. O Lua-hinenui keikamahine a Hao me Kailipakalua, oia no o Luahine Kahailiopua, makuahine o ke 'lii Konia a kupuna wahine hoi o ke 'lii Pauahi Bishop, ua akaka ia makou kana mau kane a me kana mau keiki, a ua kamaaina hoi ia lakou. Ka Luahine kane mua o Kaoleioku hanau o Konia, Hanu-na, Keolaokalani; kane elua, Wili hanau o Kaholi Kaneianale, Kuakini, a mahea iho la o Kalimaka-hilinuiamamao kahi nee ai? He nalo hoi kau, Make koke iho nei no o Luahine ma Honolulu nei, i ke au o Lunalilo ka moi a i hea lakou nei ma, a kakou i ike ole ai? Eia ka ninau, I hea kahi a na kahu iwikuamoo i honakele ai a keia alii nui kiekie a ka laupa-ole? a hookahi wa puoho nui mai nei mai ko lakou lua huna mai, ? he poe akua lapu la e walaau mai ana mai loko mai o kupinai, e haoaoa hewa wale ana i kupuna o na 'lii, e hoopilipili kohu ole ai, aohe wahi o ka pili.

            Ke waiho aku nei na ka poe heluhelu e nana, e wae, a ike i ka oiaio o keia mau mea e wehe-wehe ia aku nei imua o ka lehu-lehulehu, e like me ka ike i loaa ia makou, no na hana kahua ole a kekahi wahine i alakai hewa la e na manao haakei ake hanohano, a imi loaa hilahila ole. O la make mua loa keia o keia ano a kakou e ike nei ma keia Paeaina.

            E. Kekaanianokalani,

            Kanele Kaeo,

            Kahakuakoi,

            M.B. Kahaawelani Kahea,

            Lucy Kaopaulu,

            A.K. Palekaluhi,

            S.L. Peleiholani,

            L. Kaluhikai Kahoalii,

            Kahaule,

            E.K. Lilikalani.

__________________________

            E Kuokoa Home Rula Repu-palika e alakai hookamani nei i ka lahui, e hiki mai ana ka wa a oukou e ike ole nei; a o mea nei a oukou e ike ole nei i keia wa, e ike aku ana oukou ia me keia hope aku, alaila, ola auanei i ka wa a oukou e ike ai i na mea a pau o keia wa a me ko ia wa.

 

__________________________

 

AOLE HOIKE I LOAA MAI.

 

__________________________

 

            A hiki i keia wa a makou e oili aku nei aole he mau hoike i loaa mai Hawaii mai no ka mo-ho i puka o ke koho balota i malama ia ma ia mokupuni i ka Poakahi nei, aka, e loaa mai ana ia i keia awakea ma ke Kinau mai.

 

__________________________

__________________________

 

HOOLAHA HOOKAPU

__________________________

 

Ke papa a hookapu loa ia aku nei na mea apau, aole e hookuu wale i ko lakou mau holo-holona o kela a me keia ano maluna o ka aina o Makanihalulu e waiho ala ma Kalapana, Puna, Hawaii. Aole hoi e kii wale ia na hua ai a me na mea ulu a pau oluna o ua ai-na la. Aole hoi e wawahi wale ia ka pa pohaku e hoopuni ana i ua aina holookoa la. Ke hoike pu ia aku nei no hoi ma keia, ua hookohu ia aku o E.N. Kaaua i Luna a me T.H. Kaaihili i Hope nona a na laua e malama i ka maluhia o ua ai-na la. O ka mea a mau mea paha e kue ana i keia e hoopii ia no ma ke kanawai.

            OWAU IHO NO

                        EMMA AIMA NAWAHI.

Kahu o na keiki oo ole, Albert a me Alexander Nawahi.

Honolulu, Oct. 23, 1901

 

__________________________

 

DAVID MALO.

__________________________

 

            E na makamaka a me na hoalo-ha e o'u mau hoa o ka io hookahi, he mea hauoli no'u ka hoike ana aku ia oukou, ua wehe ae nei au he Hale Hoomaemae Kea Baikikala, a o na mea a pau he kaa baikikala poino ko lakou e lawe mai i ou nei a na'u no e hoomaemae me ka noe-ko nui ma ka aohau haahaa loa. O ka upi iloko o'u e kokua kekahi i kekahi, a o ka Hawaii e pii ae ana ma kekahi kulana ike ia e kakoo aku kakou iaia. Nolaila, e ike mua ia kakou, Hawaii a mahope ae na Haole me na Pake Keena Hana: Alanui Rikeke makai iho o ke Ala-nui Moiwahine.                                    nov 7