Ke Aloha Aina, Volume VII, Number 50, 14 December 1901 — Page 1

KE ALOHA AINA

HILO BAY, HAWAII

UA MAU KE EA O KA AINA I KA PONO

 

HOOKUMU I MEI 20, 1895

BUKE VII.                             HONOLULU, POAONO, DEKEMABA 14, 1901.             HELU 50.

 

 

HAALELE O LILIU IA NU IOKA

 

            Nu Ioka, D@c. 1.       Ua haalele iho la ka Moiwahine Liliuokalani me kona mau ukali ia Nu Ioka nei no Wasinetona.  O keia haalele koke ana aole ia i moe uhane mua ia, oiai ua manaoia e hoohala ana lakou he mau la maanei, aka, malia paha ua eha ko na manao no na hana pono ole i hana ia aku iaia.

            Wasinetona, Dec 1.     Ua hoea hou mai la ka Moiwahine Liliuokalani i ukali ia e Myra Heleluhe, John Aimoku a me J@seph Aea i Wasinetona nei i keia po. 

 

KOKOKE E POHA KE KAUA MAWAENA O KILI A ME ARGENTINA.

 

            Buenos Ayres, Dec. 3.              O ka hakaka mawaena o Argentina a me Kili eia ia ke kokoke mai nei.  Eia na kanaka iloko o ke pihoihoi nui.  Ua kuai aku la o Kili he elua mau moku topido wawahi ma Enelani, a ke kuka nei no ke kuai ana aku i kekahi mokukaua holomama o Amerika.  Ua kauoha aku la o Kili i kona Kuhina no ka hoea ana aku ma Santiago maluna o ke kumuhana ua makemake ia na hoakaka piha e waiho ia mai.  E kupaa ana no o Argentina.

 

NUI NA BOA I HOPU PIO IA.

 

            Pretoria, Dec. 5.   O kekahi hopu nui ia ana o na Boa no kekahi mau mahina i hala ae nei ua hanaia ia ma keia la e ekolu mau kolamu koa Beritania no lakou ka heluna o na pio i hopuia he 250.  Ua hoopuni ia e na koa o Kenerala Bruce Hamilton ke kahua hoolulu o na Boa ma ke kualana e kokoke ana i Ermilo, o Mekia Dawkins i ke kualapa ma ka apana o Waterbury, a o ka ekolu o na k@alapa ia Kenerala Metnuen ma Transvaal Ko@o@ana akau.  Aole he nui o na pono o na aoao elua i ikeia.

 

            Ma ke kakahiaka La Pule nei, Dec. 8, ua hoopomaikai ia mai la ko makou hoaloha Mr. William Ringer me kekahi hua ohaha i oili ae iwa@n@ o ko laua kihapai me ka na ewa, he kaikamahine nui nepunepu.  He maikai ke ola o ka makuahine a me ka malihini hou, e noho nei ma ko laua home i ka malu ohai o Waikahalulu.  O ka ekolu keia ona lei e hoowehiwehi nei i ka home oia mau makua.  O ke ola no ko ka malihini.

 

NA LETA.

 

            Aole e ili maluna o makou na koi koi o na ahewa ana no keia mau manao i hoopuka ia malalo o keia pooaka, e ili no ia maluna o na poe na lakou i kakau mai. 

 

HE PANE I KE KUAUHAU HOOPUNIPUNI A MRS EMMA DEFRIES

 

(Hoomauia.)

 

            O Piilanikapunuiaehu a makou i hoole mua aku nei ma ka pepa o Nov. 16, aohe wahi ma na papa kuauhau e kuhikuhi mai ana na Ka@hiakama, a na Mrs. Defries i olalau mai ai ma ka Awalakaika A malaila no e olelo ana, na male keia Piilanikapunuiaehu i ke keki a Kauhiakama ia Kauloaiwikamaik@@hienaenanuiaehu.  Ke hoole aku nei no makou, aohe keiki a Kauhiakama i kapa ia ma kela inoa apo wale, i ike ole ia iloko o na mookuauhau o Hawaii nei, a aole no hoi ma kahi o na ike kuauhau a pau.  Hoomau aku la ke olalau a me ke alakai hewa a kona lunaikehala iaia (Mrs. Defries), a olelo ae la ua male hou aku nei keia Kauloaiwikamaikeahienaenanuiaehu ia Kilioulaninuiamamao, kaikamahine ka a Kiwalao laua me kona kaikuahine Kalanikauiokikil@ @alaniakua.  Heaha ka kona mea i ike ole ia ai i ka wa o Keopuolani ke kaikamahine ponoi a Kiwalao a me na ʻ lii o kona au?  a aole no hoi i ke au o kana keiki Kauikeaouli, Kamehameha III a me na ʻ lii oia wa.  Aole loa no hoi i ike ia iloko o ka buke a kekahi o na loea kuauhau, oia hoi o Auwae, D. Malo, S. M. Kamakau, Unauna, A. Fornandas a me Kaunahi, a aole iho nei no hoi iloko o ka ka Moi Kalakaua.

            Ua haku o Mrs. Defries a me kona mau kah@ e walaau mai nei, i kona mookuauhau me ka hupo naaupo, ike ole i ka loihi o ke kowawa mai kekahi hanauna a i kekahi.  I wahi e ike ia ka oiaio o ka makou, e hoi hou ae kakou i hope.  O Kiwalao, o ka eono ia

(E nana ma ka Aoao 5.)

 

MOOKUAUHAU O MRS. KAUMANA WIDEMANN

 

KUE IA E KEKAHI ALII NUI O KA AINA NEI.

 

            I ka nupepa Advertiser:  Ua ike au iloko o kau nupepa o ka la 5 iho nei, kekahi mookuauhau huikau loihi ano e e kii ana i na inoa kapu loa o na alii nui i hala a e olelo ana no Mrs. Kaumana Wilimana keia mookuauhau.  Ma ko'u hoomaopopo iho, na keia wahine o Ema Kanoa, wahine a Defries keia mau hana.  E olelo ana, @@ L@@@kanawai Wilimana i poipoi a huna i ko kulana alii o kana wahine; eia kahi apiki, ua kamaaina au i kona kupana kane o Kalawa ka inoa me kona makua kane o Nika ka inoa, aole a laua hoike mai ia mea.  O kona kupuna kane o Kalawa ua ike ia oia he oihana kahuna kuni kona a o kona kupuna wahine o Kawaakaukahi,  he wahine kanaka maoli no ia.  Eono a laua keiki, elima keikikane, hookahi kaikamahine.  O Puipui (k). Monimoni (k), Monokuahiki (k). Paalaua (k.), Naunahi (w) a me Nika (k) i mare ia Kealai  (w).  He poe kanaka maoli no keia o ka makuakane a makuahine keia o Kaumana Wilimana.  O keia mau keiki kane elima a me keia kaikamahine hookahi ua pau loa lakou i ke a'o ia i ka oihana kahuna e ko lakou makuakane o Kalawa.  Koleka e ola nei ma Kauai, he hoahanau ponoi oia no Mrs. Wilimana, oiai, o Monimoni kona makuakane, kaikuaana o Nika.  I ka wa mamua o ka make ana o kuu makuahine oia o Liliha, ua hooka pu loa mai oia i kekahi mau inoa aole makou e haawi, a aole no hoi e hea i ka makou mau pua ponoi, oia no na inoa o Liliha a me Kauikeaouli, no ka mea, he Akua keia mau inoa, oia kanoha ua malama paa ia e makou, a hiki i keia la, a eia ka mea kupaianaha o keia poe kuleana @@ ma na a@o a pau @e kahea nei i keia mau inoa ia lakou.  Keia mau inoa o Keopuolani a me Kiliwehi, aia ae la ia lakou, a ke hoole nei au aole kuleana o na poe a pau e haawi a kahea pahi i keia mau inoa koe wale no keia o makou o na pua o Kamehamehanuiailuau.

            O keia inoa o Kekauluohi, aia ae la ia lakou, o ka makuahine i@ o ka Moi Lunalilo.  He hiki ole keia inoa i na poe a pau koe k@ ohana o Kamehameha a me k@ ohana o Liloa, no ka mea, mai loko mai oia o keia mau lalani kekahi o keia inoa o Kamakalie lei aia iloko o keia mookuauhau, kikoo ano e nui wale.  Hookahi no Kamakahelei i ike ia oia no ka Moiwahine o Kauai.  Ekolu ana keiki, elua keikikane, hookahi kaikamahine.  O ka mua oia ka Moi Kaumualii, elua o Ikekeleeiku (k) ame Namakaokahai (w).  O Kaumualii oia ke kupunakane ponoi o ka Moiwahine i mak@ Kapiolani.  O Ikekeleeiku oia @a makuakane ponoi o ke Kiaaina Hoapili Peka i make, nolaila @ Hoapili Peka he moopuna ponoi no ka Moiwahine Kamakahelei.  O Kapiolani he moopuna kuakahi oia no ka Moiwahine Kamakahelei. 

            Nolaila o keia inoa o Kamakahelei, aole hiki i na poe a pa@ koe wale no o ka ohana o na inoa hoopuka ia maluna.  O Kalawa ke kupunakane o Kaumana Wilimana a me kona ohana he poe kahu ia malalo o ka Moiwahine Kamakahelei, a me kana keiki ka Moi Kaumualii.  O keia ohana @ Wilimana, he poe @uonoono keia o ka aina nei a ua ike ia he poe maikai, koe wale no he mea hiki ole ke @ala ke kuai i ke koke alii.

 

KAIKIOEWA PALEKALUHI KAMEHAMEHANUI AILUAU.

 

            E lawe nui i KE ALOHA AINA i ike mau i na mea hou e keia mau la e nee nei.