Ke Aloha Aina, Volume VII, Number 49, 7 December 1901 — Page 7

KE ALOHA AINA

 

POAONA, DEKEMABA 7, 1901.    7

 

MOOLELO HOONI PUUWAI

 

––:NO KE:––

 

KAKELA LANAFODA

 

––: KA :––

 

Ipuka o ke Kuewa me ka Aea.

 

––: KA :––

 

Pua Lilia Ahui o Sandela.

 

––––––––––

 

MOKUNA IX.

 

KA PO WELIWELI A KA INO –––KA MEHEU POHIHIHI O KE ALOHA –––KA HOOPAKELE MA KA MAKA PAHIKAUA.

 

Ua oaka ae la ka uwila me ka ikaika e hoomalamalama ana i ka honua, nakolokolo iho la ka leo o ka hekili me ka weliweli, hiolo mai la na paka ua eloelo me ke koikoi me kekahi kikiao makani ikaika e puhi hala ole ana a iloko o na mi nale pokole wale no, aia he ino nui e pa ana maluna o ka aina me he ia ua wehe hamama mai na ipuka o ko ka lani mau hoino ana malona iho o ko ka honua. "Oh! its a terrible night! A storm and horrible scene!" Oia na huaolelo e lohe mau ia ana ma ka lehehele o kela a me keia anaina lelea ma ke aloalii, a o ka ino nui weliweli hoi nana i hooki i na manao hauoli ulumahiehie o ke anaina mai ka hoomau ana aku i na lealea.

 

Aia kela a me keia e kamailio ana me ka malie me ka piha eehia a makou no keia ino hookaiakupua a ka weliweli. E anapu alapine ana ka uwila me ka ikaika e uina nakolokolo pinapinai iho nana ka leo o ka hekili a o na kulu paka ua hoi a @@ ka makani ke haule a ke pa hala ole ala ia me ka hoomaha oie a iloko o ia mau haawina weliweli a ka ino e hoopoiuluhi ana aia hoi lohe ia aku la ka leo o kekahi pu i ke kani ana mai no ekolu manawa, a mahope iho o kela kani ana o ka pu, ike ia aku la kekahi koa i ka pii ana mai a hoike imua o ke aloalii e ku ana ma ka puka o ka halealii aia he kipi a he pakaha o ka powa ua pakele mai kana poka pu aku.

 

Alaila, owai keia kipi a me keia pakaha e ke kiai? wahi a ka ninau a ke aliikoa. Aole au i ike i kona helehelena, aka, he leo uew no kekahi lede ka'u i lohe a pela au i manao ai he kipi ola me ka pakaha, na ki aku au i ka'u pu maluna on a, aka, aka, ma o ka lokomaikai o na diabolo ua pakele aku oia iloko o ka pouli. Ano e Sir Aliikoa, hai aku i ka lohe i ka Haku Kenela o na puali in a he mau ulia kekahi i halauai mai me ko ke aloa@@.

 

Ua hoopuni ia a hoohikilele nui ia ko ke aloalii e kela leo kani poha o ka pu, a ku ae lakou iluna me ke pihoihoi e ninau ana beaha la ka manao o keia kipu hoolele hauli ia minute a ka ino nui e pahola ana, aka, i ka wa i hai ia aku ai o ka lohe ia lakou mai na lehelehe aku o ka Haku Kuewa o Lanafoda, ua huliamahi like ae lakou ma ka niele a me ka imi ana owai iwaena o ka hanhano o ke anaina i loohia me keia ulia pakalaki o ka manawa, emoole, aia he leo hooho lokahi e hea ana, ua nalowale ka Pua Lalia Ahiu mai waene aku o keia anaina, a o ke Duke Kalausa o Ale na kekahi i nalo pu aku.

 

Alaila, mahope ihop o keia mau leo hooho o ka hoohuoi, ua pua hou ke la ka leo ahiu inaina o ua anaina aia e kapa ana i ke Duke Kala@@eta o Alena he kipi a he pakaha haahaa loa a ua ku ae kela a me keia kanaka a haawi ia lakou iho i poe hoopakele no ka lede Lanafoda a kau hoi i na hoopai weliweili maluna o kela lima pakaha o ke kipi.

 

O keia mau leo hoomanao a na keonimana o ke anaina ua haawi is aku is me na huaolelo hoomaikai a ke Kuewa o Lanafoda a nui i ko la kou hanohano e noho lakou a e hauoli iloko o ka maluhia, a e hookuu aku oia hookahi wale no ke hele a hookau aku i ka hoopai weliweli maluna o ka mea nana i pakaha aku i ke kino o kana wahine iloko o kela ino nui e pahola ana.

 

Alaila, me keia mau olelo o ka hoomanao a ua Kuewa nei o Lanafoda huli ae ia ia maluna o kona mau kapuai a haawi i ke kauoha i ke koa kiai no ka hele ana aku e hai i ke kahu lio ua makemake oia ia Prince e makaukau me na pono hololio, me ka awiwi, alaila, hoi loa aku la no ko laua rumi moe, a imua o na @a@ kiekie ua waiho a hoopaa aku oia i kana hoohiki aole loa ka maka o kana pahikaua e hoopakele i ke ola o ka mea nana i pakaha kana wahine aloha in a he moi ua kipi lima nui nei.

 

I  ua Haku Kuewa nei i hoea hou aku ai no ke keena hookipa aia oia ua makaukau me kona pono hololio a maloko iho o kona koloka hulu holoholona nui e lewalewa ana kana pahikaua punahele, a me ka leo aloha fea wela, aia ua Haku Opio Kuewa nei ua hala aku ia iloko o ka pouli, a na ke pohapoha o na kapuai o kona lio i hoike aku i ko ke aloalii aia ke Kuewa o Lanafoda ua hala aku la ma ka meheu pohihihi a ke aloha ia po weliweli a ka ino nui.

 

O ke alahele maop@po ole a ka pakaha a me ka lima nui i lawe ai oia ka ua Kuewa nei i nalu iho ai iloko on a me ke kaniuhu ana iho i keia mau huaolelo pohihini i ka meheu a ke aloha i hele ino nei, aka e imi aku ana au iloko o ke Kuewa a me ka Aea a ke loaa ia'u oe e ke la kipi e make no oe ia'u ma ka maka o kuu pahikaua. Alaila, m@i na kaukau ana a ua Kuewa nei me kela mau olelo ae la haawai iho la ia he mau olelo hoomanao no kona lio a i ka pau ana ua pi ae la na puka ihu o ua lio nei a hoomaka aku la oia e holo me ka ikaika me he la ua hanu oia i ka meheu o ke kolohe.

 

E haul hope ana na mea a pau me he mau aka ala i maalo ae imua o na maka o kamahele alo anu o ka po ino nui wale aka, o ka hala wai ana nae me ka kule ana o keia huakei hele o ke aumoe a me ka ino he neo ka mea i loaa. Aka, iloko no nae o ia haiawai ole ana, aole loa ka lio hulupala i hoo maha i na kainepu mama ana a kona mau wawae a i na hora o ka we he'na kaiao, ua makahakaha ae la ka haluku ana o ka ino, a ia wa i lohe aku ai ke Kuewa imi aloha i ke ophapoha o na kapuai ilalo o ke kahi wahi oawa, a ia wai i hookuene pono iho ai ua Naita Kuewa ala, i kona kulana hololio, alila, puhi ae la ia i kana o-le me ka ikaika e ku kala aku ana.

 

Ina he koa oe no ke Kea,

Me ka paie umalima dala o ka lanakila.

E haliu mai me ka puuwai wiwo ole.

E alana ia ke koko me ka phikaua,

E ka Na@ta o ke Kea Gula,

E moliaia kaua iloko o ka ikaika.

 

Aiaila, mai kela leo owa wawalo o ka o-le a ua Kuewa nei o Lanafoda hoolele aku la oia i kona lio me ka mama nui e iho ana ilalo o  ua oawa ala a pii ma keia aoao, a oiai no e wawalo kupinei ana ka leo o ka o-le in a paia pali o ua oawa ala aia hoi poha aku la ka leo kau oha okalaka'a o ua Kuewa nei Halt there you traitor! wai@i a ke Kuewa o Lanafoda me ka leo nui moakaka.

 

"Who are thou ye dog? Hookaawale koke aku ia oe e kena keopolo a i ole pela alaila a kena k@ke no au i kuu mau iho noho waonahele e haehae liilii ae ia oe@@ wahi a ka leo o ke kanaka mamua o ka Kuewa o Lanafoda.

 

"Ku iho e ke kipi a me ke kumakaia a i ole pela e hoouna no wau ia oe iluna o ka honua a na na holoholona aea o keia mau kualapa e ai i kou io." wahi a ke Kuewa o Lanafoda me ka hooauau ana aku i kona lio.

 

Alaila, o ka huaolelo haawi kauoha i poha ae a ua Kuewa nei i lohe aku ai oia no keia: E na keiki noho kuahiwi o Alena, ilalo me kela ilio hehena, kupee iaia a hookuu e alako ia e kona lio, a na na laau o ka nahelehele e have have ae i kona kino iloko o na apana lehulehu.

 

Alaila e like me keel leo kauoha, aia he umi kanaka e ku makaukau ana no ka hopu mai i ke kino o ke Kuewa o Lanafoda, aka, ua puiwa koke lakou me ka hikilele o ke pa haohao ia lakou i ike iho ai o ke kanaka a lakou i hooko iho la ka hanohano o ke kaaoha aole ia he wahi ilio keke niho a lapuu wale ka huelo, aka, he liona hao maopopo oia, i ka minute hookahi aia he elua kino kanaka e waiho oni ole ana iluna o ka lepo ua puanuanu i ka maka puhikaua o ke Kuowa o Lanafoda.

 

Alaila, he halulu ana me ke kani @ o na medela kila, aia he hoouka a he paio hahana ua malama ia ae mawaena o ewalu kanaka kue ia hookahi. E oaka ae ana na huna ahi a helelei iho mai ka lakou mau pahikaua iho a e oniu ana hoi lakou me ka eleu nui e like me ka hikiwawe a ko lakou mau lima wikani e hoohana ai.

 

Ma ka aoao o na kanaka ewala aia ka manaolana iloko o lakou e loaa ana ka lanakila ia lakou maluna o ke Kuewa o Lanof@@a@ Aka, no ua Haku Opio Kuewa ala, aole loa oia i hoike aku i na haawina o ka hohe a me ka haawi pio ua ku aku oia a paio imua o kela mau kanaka ewalu e like me ka eleu a me ke akamai i loaa iaia.

 

A emoole iloko o ia mau minute o ka hahana a me ka ikaika o na oniu pahikaue ana aia he hookahi kanaka o ko ke Duke Kalauseta ua haule make aku la a no ka lua o ka manawa aia hou ua haule aku ia he kanaka, a pela i helu mau ia aku ai ka make ana ma ko iakou mau aoao a hiki i ko lakou pau loa ana he luahi make na ka pahikaua a ke koa a Naita o Lanafoda.

 

Alaila, me ka hoohakalia a hookaulua ole iho, ua hoolele awi w@ aku la ua Kuewa nei o Lanafoda i kona lio imua a alualu mahope o kona enemi e ahai mama ala i ka okana a ke aloha. Me ka leo nui moakaka kahea aku la oia. "E ke kipi hohe wale, ke a haawi pio mai a i ole pela, e helu pu ia oe me na kino make o kou mau koa."

 

"Never a hike i ka make i" wahi a ke Duke o Kalauseta i huli hopa mai ai a pane me ke kuupau ana aku i ka holo o kona i@o me ka manao e pakele aku ana oia mai ke Kuewa aku o Lanafoda, aka, heaha la ka heluna mama holo o kona lio imua o ka lio o ke Kuewa o Lanafoda.

 

He puahiohio ana na ka makau@@ he halulu ana o na kapuai me ka paianehe, aia ka maka o ka phikaua a ua Kuewa ia o Lanafoda ua kapoo aku ia ma ka aoao hema o ke kua o ke Duke o Kalauseta a kulana, aku ia ua Duke ala imua me ka hooho ana ae. "Murder! My blood rings thy head to the scaffold!"

 

Aleila heheo iho la ia e haula ma iluna ino o kona lio, aka, ua hiki wawe loa ko ke Kuewa hoolele ana aku i kona lio uo mua a kaili hiki wawe mai la i kela puolo nui e wa iho maule ana iloko o na lima o ke Duke, a me ka leo malie puana ae la ia, "My fair one! My dalring wife? Oh! E kuu Pua Lilia Ahiu, Kuu Pua Lilia Ahiu e wehe ae i kou mau maka a e nana mai ia'u. Alaila, me na maka hulili o ka in a loa huli hou ae la ia maluna o k@ kino make o ke Duke e aililli ana i @@@@ ano hope iluna o ka lepo ho nua a hoepuka i keia mau olelo. TRaitor, they reward is death, and your life snare your fault and sin.