Ke Aloha Aina, Volume VII, Number 49, 7 Kekemapa 1901 — Page 5

KE ALOHA AINA

KE ALOHA AINA,   POAONO,   DEKEMABA  7, 1901.

 

Mai ka aoao I mai,

hoomaka lakou e hookani me ka lakou mau mea kani a me na leo mele pu na like me he puaii himeni okoa la no kekahi "hui mele."  Ua lawa loaa ia lakou ka hoonanea ana ma ko lakou mau anaina hooluana i ko lakou wa e hoi aku ai i na wa hoomaha o ke kula no ka hoohala manawa ana ma ko lakou home kahakai.

 

HOOLAA LUAKINI O KEANAE.

I ka Nupepa ALOHA AINA,

                        Aloha oe:---

   Me ka la 24 o Novemaba, 1901, i malama ia ai na hana hoolaa luaki ni a me hoike kula sabati ma ka wai kau o Keanae, Koolau, Maui.  Ma ia ia i ike ia aku ai na kanaka mai na wahi like ole mai.  Ua hiki mai ka hapanui o na kula sabati a me na makaikai i ke ahiahi Poaono.

   I ka hiki pono ana ae hoi i ka hora 10:30 o ke kakahiaka La Pule, Novemaba 24, ua akoakoa ae na kanaka a ua wehe ia na hana hoolaa luakini ma ka himeni ma ka Buke Poepoe aoao 8.  Mahope iho o ka himeni ua haawi mai mai ia ka Rev. S. K. Ka@ilua he wahi leo pule pokole.  Himeni hou ka papa himeni ma ia buke no aoao 279.

   Mahope iho o keia na na luna kahiko i heluhelu mai i ka Haleiu 121 me 122.  Himeni hou ma ka aoao 412.  Pau keia ua haawi mai la o REV. E. M. Hanuna he pule loihi.  I ka pau ana o k@na ua ku mai ia ke komite nui, D. W. Napihaa a heluhelu mai la i kana hoike o na loaa a me na hoolilo.

   Ua haiolelo mai la o J. K. Hanuna i ka moolelo o ka luakini kahiko, a ma ia haiolelo ana ua hoike pu ae oia he 38 makahiki ke ku ana o keia luakini ma Keanae a hiki wale no i ka wa o na mikanele i hoea mai ai i Hawaii nei.  Himeni hou ma ka aoa 504 oia buke no.

   I ka pau ana o keia na Rev. E. M. Hanuna i hoike mai i ka moolelo o ka luakini hou.  O ka panina o na hana hope loa oia no ka himeni ma ka aoao 599 me ka pule a Rev. S. K. Kaailua.

   Pau na hana me ka maikai, a ua hooluana iho la ka lehulehu malalo o kekahi lanai me kona mau pakaukau i luluu pono i na mea ai, a ua nuu i na liliha a kena.  I ka piha ana o ka lua o ka inaina me na kohi kelekele o ka puukolu ua hooluana hou na kanaka.  Ma keia wa hi i loaa mai ai kekahi makana kiekie loa mai a W. F. Pog e mai, a ke pule nei makou nona.

   I ke kani hou ana o ka bele no na koena no na hana i k e oia hoi ka hoike kula sabati, ua akoakoa hou na hoa iloko.  Ua hoomaka aia hana ma ka hoike kula sabati o Nahiku, he poe pokii wale no i ala@ia e Chas. Haui.  He ku i ka ma@kai ke hoolohe aku.  Himeni hui Hoku Ao Nani.

   Pau kela ua hoike ke kula sabati o Keanae, he mau opio kane a @ e wahine i alakai ia a D. P. Kapewa, a he maikai no na hana i ka nana aku.  Himeni hui Hoku Ao Nani Hoike o ka papa ohana malalo o E. K. Wahamana, a he nui ka mahaloia no keia papa i ka paa naauao o na haawina i na haumana liilii ekolu.  Hoike ka papa ohana a D. W, Napihaa, he poe makuahine wale no, a he maikai no na hana.  Ua malama ia ka lulu dala, a ua kokua ia keia hana e J. K. Hanana, Saunders a me Keiki, a mamuli o ka lakou hooikaika ua loaa he $22.50.  I ka pau ana o na hana iuiu, ua haawi mai o J. K. Hanuna, E. M. Hanuna, S. K. Kaleo, J. K. Keiki a me kekahimau makamaka e ae he mau manao paipai.  A hookuu ia na hana me ka pule a Rev. Kaailua oiai ua hiki i na hora o ke ahiahi.

                        Me ka mahalo,

                                    Klu Mea Hou.

 

HULI IA NA AAHU O NA KOA.

   Ma ka Poaono nei, mahope o ka loaa ana aku o ka hoike ia Mekia Roach, ke alii kiekie e hoomalu ana i na koa o ka moku lawekoa Rosacrans ua ike ia kekahi mau koa e kuai ana i ko lakou kuka koa i na pake a me kekahi poe e ae ma kahi kokoke i ka Makeke, na hoouna koke mai la oia i kekahi puali no ka huli ana i keia mau waiwai o ke aupuni Amerika i hoolilo ia aku e na koa me ke kuleana ole.  He mea oiaio, ua loaa aku la kekahi o keia mau waiwai i na koa i hoounaia ai, a na lawe aku lakou i ua mau waiwai la me ka hoihoi ole aku i ke poho o ka poe i lilo aku ka lakou mau dala no ia mau waiwai.  Ua komo ia na hale tela lole a pau o ke kulanakauhale nei no ka nana, ina paha aia iloko o lakou kekahi o keia mau waiwai.  Wahi a ka hoike a na aliikoa o na kanaka wale no e noho ana malalo o ka oihana kaua o Amerika ka poe kuleana e aahu ia mau kuka, aole hoi o na poe mawaho ae, a o ka poe e loaa aku ana me keia waiwai e hopu ia no lakou.  Ua olelo ia o na Iapana ka mea kuai nui i keia mau aahu a mahope o ka hooluu ia ana a ano okoa ko lakou mau waihooluu e hoouna ia aku no lakou Iapana no ka hoolilo ana aku.

 

   Ma ke Kinau o keia pule iho nei i  hoea mai ai ka wahine kane make a ka Hon. J. Ewaliko i make, i holo hoomaha mai la e ike i ka laua keiki e noho nei maanei.  He ohaha mikai kona ola kino, a eia oia ma kahi o ko laua mau makamaka Miss A. M. Aheona mauka o Kapalama e noho nei.  Aloha no ka ike ana mai la i kahi e noho ai me kana mea aloha i hala aku la.

 

HALAWAI O KALE AKI ME KA ULIA POINO

   Ma ka po nei na halawai iho ia ka mea hanohano Kale Aki ma kekahi ulia poino ma kahi kokoke i ka halekula Kamehameha.  E alualu ana oia i ke kaa uwila a me ka moeuhane mua ole ae aia he poino mamua o kona alahele ua haule aku la oia iloko o kekahi lua e hamama ana ma kahi kokoke i kapa alanui.

   Ua loaa aku oia la makai Willis e waiho ana iloko o ke kulana kupilikii me ka manaoia i kinohi ua haki kona wawae.  Ua hoihoi ia aku oia no kona home a malaila i ikeia iho ai, ua nui no na palapu i loaa iaia, aka, aole nae i haki kona wawae.

 

POHIHIHI KE ALA E LOAA AI KA LIMAKOKO.

   Iloko o na hookolo pauaho ole ana ma ka aoao o ke aupuni no ke kanaka a mau kenaka paha nana i lawe i ke ola o Henry Lubeck ma po Poalima nei a i loaa aku aku hoi e lana ana iloko o ke kai ma ke kakahiaka Poaono ae.

   O na haole a pau i hoohuoi la ai na lakou kela mau hana ekaeka ua hoea anu lakou imua o ka oihana makai a me ko lakou ninaninau ia ana ua hoike mai la kou i noho enemi me Lubeck he hoaloha oia no lakou.  A na keia kumu i hoopohihihi loa aku i ka oihana makai i ke alahele e loaa ai ka meheu o ka limakoko ia lakou.

 

NUHOU KULOKO

   H. M. KANIHO.  Noho malie oe; o Kohala no ia noho aku heaha hou mai kau o anei.

   E Kuokoa Home Rullano, pela iho oe a keia pule ae oili pulelo aku ke ahi kau o Aneki.

   Hala aku la ka Puulena aia i Hilo, na@mi aku la ia Papalauahi, a e loaa wale aku ana no e noho mai ana me ka la i Kukii.

   Ua hoololi ia ae ka papa kuhikuhi o na hana hoomakeaka a me na himeni a ka puali keaka paele e paani nei maloko o ka Ofiuma.

   Ua hala aku ke Konela Sam Paka a me na keiki ma ka Alameda no Wasinetona ka pahu hoou o kana huakai pili oihana e hele la.

   Ina makemake oukou e na makamaka i wahi kupono no ka oukou mau kenikeni e hoahu ai, a e loaa ai ia oukou kekahi ukupanee mahuahua e hookomo ae iloko o ka Hui Hawaiian Realty a me Maturity i kaupalenaia.  E loaa no kona keena ma ka Halepohaku o Ma@ea, kihi o na na alanui Pap@ a me Moi.

   E alawa ae e na makamaka i ka hoolaha a @ W. K. Kauimakaole e puka aku nei.

   O ka hui o na kanaka e hana nei malalo o ke Keena o na Hana Hou mawaho ae o na paahao he 400.

   He pake nona ka inoa o A@ Cheong kai hoopai ia ma ke kakahiaka Poaina nei no ka ni@ ana i ke kua o kekahi ilio me ka wai wela.

   Ma kaia Poaono iho e hoomaka ai ka halekuai o K. Isoshima e kuai hoemi aku i na waiwai like ole a pau maloko o kona hale kuai.  E nana ae i ka hoolaha.

   Ma ka Alameda i hala aku la ke Keikialii David Kawananakoa no Kaleponi ka aina nona ka hau hookuakea i ka ili.  Aloha no.  E mamaka ana ka ili o ua Lani la he wa anu. 

   Eia no ka oihana makai ke han@ nei no i ka meheu o ka puuwai eleele nana i hoopoino ke oia o Lubeck, aka, e like no me ke pohihihi i na la kinohi pela no keia mau la e nee nei, a me he la, o ka hopena e hele lanakila ana ka powa.