Ke Aloha Aina, Volume VII, Number 48, 30 November 1901 — Page 4

KE ALOHA AINA

POAONO, NOVEMABA 30, 1901

 

Ke Aloha Aina.

Hookumaia no ka Pomaikai o ka Lehulehu, a he Nupepa no ka Lahui Hawaii

 

            EDWARD L. LIKE.

Lunahooponopono

HOGAN E. KALUNA

Luna Hoopuka

ALED NAWAHI

Luna Hoohana

EMMA A NAWAHI

Puuku o KE ALOHA AINA

 

PUKA LA

E hoopukaia ana i na la apau koe ka (Poaono a me La Pule) e ka Papa Pai Ke Aloha Aina

 

Hookahi Makahiki (uku mua)             $9.00

Ekolu mahina (uku mua)                    2.25

Hookahi mahina (uku mua)                .80

 

KEENA HANA

            Ma alanui Noi, Leleo, Helu 370, Kokoke ma ka Hale Hoolulu Kaaahi.

            Pahu Leta 513.

 

HONOLULU                         NOV. 30, 1901

 

             Ua lilo loa ka makou lawe mau mai e kamailio a hoikeike mau aku ina hana hua ole o na Ahaolelo elua i pau, ma he kui (kepa lio) la e houhou ana i ka api o na Home R@la pakalaki o ka Ahaolelo; i ia mai ua hele a piena launa ole, a oia ka kekahi ku@@u e ake loa nei na poe nei e hea hou ia ona Ahaolelo Kuikawa, alaila, ma ia wa lakou e hooikaika loa ai e lawe mai i kekahi mau bile ano nui a waiwai a lakou i hoohemahema wale ai.  Akahi paha a ike nui iho la i ka hewa o ka hoopau manawa wale ana ma an hoopaapaa hoakamai waiwai ole.  I loaa ole ke dala o na uwapo e popopo mai la, na awa pae, a me na alanui e ino mai la ia wai; i keia poe no i ka pau ana i ka holo iwaho o ka Hale Ahaholelo i ka po o ka la 29 o Aperila, i ka wa i lawe ia mai ai o ka “Bila Aie,” ka mea e loaa ai o ke dala.  Aia ka hana naaupo a keia poe, he puhee a pau i ka naholo kohu kamalii.  A’o no la hoi ke koa, a’o ka holo.

 

                                                NA MOHO O KE KOHO KUIKAWA O HILO

 

            Aia he ekolu moho holo balota o Hilo no ke pani o Hon. J. Ewaliko; he hookahi Repubalika holookoa oia  James. D. Lewis, a me elua mau moho i hoika maopopo ole ia mai ko laua kulana, he Home Rula kahiko paha, he Home Rula Repubalika paha, he aha la.  Aka, no makou iho ke kanalua nei i ka lanakila mai o ka aoao o ka lahui ma keia Kau Koho Kuikawa mamuli o ka holo like ana o keia mau mea elua oia o David K. Ewaliko a me J. M. Kauwila i ka wa hookahi, he hoonawaliwali maoli ana keia i ho ka lahui aoao.  A he hiki hoi ke koho wale aku me he la he poe no keia e holo ana no na aoao like ole ekolu, i kue kahi i kahi, oia hoi, he Repubalika holookoa kahi, he Home Rula Repubalika paha kalii, a he Home Rula Kuokoa (Kahiko) no kahi.

            O ka olua hana pono wale no e na mea e holo ana ma ko ka lahui aoao, ina ua ike kahi o olua he nawaliwali kahi e pono e hookuu aku i hookahi mea o olua e holo.  O ko olua holo palua ana he wawahi ana ia a hookau liilii i ko olua mau balota, a he mea maopopo e lanakila mai ana ka moho Repubalika.  Aohe a makou mea o oukou e kakoo aku ana, aka, na ko oukou hilinai ia e hoike mai ma ka pahu balota.  O ka makou wale no e lia nei e oilo pulelo mai no ka aoao lahui e pono ai.

 

                                                            E HOOPOINA KA NA MEA I HALA

 

            Walaau mai ana o Home Rula Repubalika ma i kela la aku nei, ua i mai ka o Paulo ia lakou: E hoopoina aku i na mea i hala mahope a e kikoo aku i na mea mamua.  Pela no, oiaio kela ao he mea nana e hoole aku kana, eia hoi ka “Kekahuna” e i mai nei ia makou: E hoomanao oe i kou mea nana i hana (e hoomanao i ko oukou poe nana i hana ino) i na la o kou noho opiopio ana (oiai no oukou e ike aku ana i ua poe la) oi hiki ole mai na makahiki au e olelo a, aohe o’u oluolu i keia mau mea (manao auanei kakou he oluolu kahi o ka lahui i ke kaili ia ana o ke aupuni a lakou i aloha ia, ko lakou kue ikaika i ka hoohui ia ana o Hawaii nei me Amerika).

            E ao ikaika wale no kakou ma na nupepa e hoopoina ka lahui ia mea, aole loa e hiki ke poina e like ma ke oukou e hookamaemae mai nei.  E hana no a ua paa no ka moolelo holookoa a no mea a pau i hana ia mai ai malunu o kakou, ka hao wale ia ana o ka aina me ko kakou ae ole, na hana hooweliweli a Amerika me kona mau lako kaua, ka hoopaahao ia ana o kahi poe, ka hoohaiki ia ana o ka pono o na kanaka Hawaii kupono i ke koho balota me ke ana waiwa kiekie a noho nele no kekahi mau makahiki, a akahi no a haawi ia mai la ka pono koho laula i ka lahui.

 

Heaha ke kumu i loaa mai ai?  No ke ko ana hoi o ko lakou ‘ia makemake alunu ia Hawaii.  Nolaila, pehea e hiki ai ke poina koke iho, ua loke keia mau makahiki ewalu me he la inehinei koke iho la no.  Ke mamaka nei no ia mau mea iloko o na hoomanao ana o ka lahui, a pela e awaawa loa ia nei keia aoao Repubalika a oukou i hoohule ae nei i ke lahui me ke manao e huli ana ilaila.  Aole loa, i hoike no ko ka lahui wahiwahi a konakona maoli no, oia kela halawai olohaka o ka po Poakahi, Nob 18, a oukou i ike maka iho ai i ka neo.  He poe Repubalika a me Demodarata ka hapanui i hele aku ma ke ano makaikai.

 

                                                            KA LIA NO KE KULANA KIAAINA

 

            Ma na lono Lauahea i lawe a mai e ke aheahe lau makani, eia no kekahi mau paalalo o Elele Wilikoki ke pua lele nei i na apuhi a kahi hookapuhi o ua Elele la, aia ka he leta ua loaa mai nei i kahi mea oanei mai a Senatoa Cullom mai, e uwe mai ana i ke aloha no ka Elele i ka wehe koke ia ae o ka lakou pili aloha o keia mau la mai; mo ko iala hoi mai paha e noho i ka moku, e ku i ka nuu.  Nolaola, eia ke halialia mau nei na kuko no ke kulana Kiaaina i na wa a pau me kahi poe o kakou.  O ka hana nui iho la ia e noho mai nei o ke kuko i ka po lia i ke ao.  Ae he mea maikai ka loaa ana mai o ka mea maikai, ke loaa io mai hoi ua mea maikai la.  He ola hoi paha ia no kakou ia oukou.

 

                                                            HE HOOPII POHO

 

            Ua nui ae kekahi mokuahana mawena o Mrs. Annie Levy a me Miss Fanny Miles he kaikamahine opiopio me ke ike ole o kona makuahine Mrs. J.K. Miles i na mea i hana ia mawaena o kela kanaka makua a me kana opio.  Eia nae, ua hele iho la keia Annie Levy e hoopii i ka halewao no na olelo hahana i paio ia mawaena o laua me keia opio; i ia mai no ka opiopio loa ka o keia kaikamahine aole hiki kana palapala hoopii ke hopu iaia, nolaola, na hilikau ae la iluna o ka makuahine a hopu ia iho la a lawe ia aku la i ka halewai mo ka hookolokolo ia.

            Ma ka lohe mai, piha o loko o ke keena hookolokolo i ka ohana a me na hoaloha o ka mea i hopu ia i ukali aku e ike i na hana a ka aha ma o kona hopu hewa ia ana e keia wahine, ka hoa paio o kana kaikamahine.  No ke ku ole o ka hewa iaia, nolaola, ua hookuu ia mai la oia e ka lunakanwai.  U hookomo aku o Mrs. J.K. Miles i kana hoopii koi poho ia Mrs. Annie Levy $3000 no kona hopu a hoopaa hewa ia ana i ka halewai, oiai, malalo o ka bela oia i hookuu ia mai ai a hiki i ka wa i hookolokolo ia ai,  Ke kali ia nei keia hihia no ka wa e noho ai ka aha kaapuni i keia kau ae.

 

            He elua mau la ano nui i malanaia ma ke Poaha nei, La Kuokoa o Hawaii a me ka La Pule Hoaloaloha o na Amerika i ke Akua.

 

                                                            UHI IA O ENELANI E KA OHU

 

            Ladana, Nov. 16.  Ua uhi hou mai la kekahi ohu manaonao i ke kulanakauhale, a ua nui na poino i ike ia.  O na kaaahi maloko a mawaho o Ladana, ua hiki ole ke ike aku kekahi i kekahi a o ka hopena i ike ia ua nui na kaa i hookui ma na wahi like ole.  O ke koikoi loa ma ka laina kaaahi Ladana, Catham & Dover, a he 17 poe i hoehala.  O na oihana a pau ma ke muliwai Thames ua ku malie ia, a he mau ulia lehulehu no nae kai ukali mai mahope o keia paa ana o na hana a pau.  O ka ohu ma Ladana Hema he manoanoa lao aia a ua aneane hiki ole i na kaa ek hele ma na alanui.  O na ohua o na basa ua haalele aku lakou i na kaa a helewawaeaku ma na alanui.

            O na mokuahi o ke kowa ua hoohakalia loa ia lakou e keia ohu.  Ma kekahi mau wahi aia na kanaka ke holo ia iluna o ka hau.

            O ka ohu ma Livapulu he manoanoa loa, a ua aheahe e hiki ole na hana mai kahi a kahi aoao o ka muliwai.  Ua hoopanee ia ka holo o na moku, a o na moku e hoea mai ana ua moku iho lakou mawaho aku o ka Mersey.  O na hookuku peku popo ma na wahi a pau o Enelani ua hoopanee ia aku ma o keia ohu e halii paa nei maluna o ka aina.

            He 60 moku i hala loa ko lakou wa ku mai i hoea mai la ma Snields i keia la.  He nui o lakou iloko o ke kulana poino, ma o kela ino nui i pahola ai naanei.  Eia na apana o na moku pono ke pae mai nei i kahakai.                                              

 

                                                            KE LIULIU LA NO KA LA PONI

 

Ladana, Nov. 16.  O na liuliu ana no ka La Pono o ka Moi Edewada VII eia ia ke hoohana ia nei me ka nui o na hoolilo.  Aia ke hana ia la ma Parisa he kalaunu no Mrs. Bardley Martin no ke kau ana ma keia la, i olelo ia ke kau ana ma keia la, i olelo ia ae, o kona kumu lilo he 25,000.  He ano like hoi kona hana ia ana me ke kalaunu o ka Moiwahine Iosepine o Farani.  O ka Moiwahine Alexandra ua okomoia aku la ka pohaku daimana Kohinoor iloko o kona kalaunu, a i kona wa e paa ai e lilo ana oia ke kalaunu kumukuai kiekie loa o ka honua nei, a e hoohaahaa iho ana oia i ke kalaunu o ka Moi O Potugala, ka oikelakela o ka nani.  O na wahine a na kanaka koikoi aia lakou ke hookelakela nei me ka manao e oi kahi maluna o kahi.  O Lede Kilmorey, kekahi o na lede ui loa o Ladana a wahine hoi a ka Ela O Kilmor@