Ke Aloha Aina, Volume VII, Number 48, 30 November 1901 — Page 1

KE ALOHA AINA

UWEA TELEGARAPA HAWAII

            Na Ioka, Nov. 19.  O ka hui a wea telegarapa Commercial Pacific Company, i kukulu ia ae nei no ka hoomoe ana i ka a wea telegarapa ma ka moana Pakipika, a i noho Peresidena ia e Ona Miliona John W. Mackag, i keia la ua haawi aku la lakou i ka aelike o ka hana ana i ka @wea moe moana no ka hapa mua i ka hui Silvertown Manufacturing Cable Company o Ladana. O ka lilo o ka hana a me ka hoomoe ana i ke@a telegarapa ma kahi no ia $3,000,000. O keia hapa mua mawaena o Kapalakiko a me kekahi wahi ma na pa@ moku o Hawaii, me he mea la ma Honolulu, a ua manao ia e paa ana ia mamua o ka la mua o Ianuari 1903. E hoomaka koke ana ka hui Silvertown i ka hana ana i keia uwea, a e paa ana ia mamua o ka la o keia Iulai aku. Ia wa e hookau ia ai ua uwea telegarapa la maluna o kekahi mokuahi a he ekolu on a mahina e holo ai a hiki i Kapalakiko kahi o keia uwea e hoomaka ia aku ai e hoomae. O ka loihi o na la e hoomoe ia ai o keia uwea he 17, aka, ma ka huipu ana aku i na la e hooponopono ia ai ua hemahema a pau o keia uwea telegarapa e hiki aku no ia ma kahi o elua mahina.

KA MOKU LAWE KOA ROOSE CRANS

            Ua hoea mai la mai Potalana Oregona mai, ka moku lawekoa Roosecrans ma kona alahele no Manila, i ke awakea Poakolu nei. E lawe ana ola he 400 a oi koa hou no Manila i mahele ia penei; puali F, 97 kanaka: E, 91 kanaka; C. 100 H, 98, mawaho ae lakou he 70 kanaka no ka hoopiha ana i na hakahaka o na koa poino. No ka regimana Iwakalua-kumamawalu keia mau koa a pau. He keaka no ko ka Halekeaka

            Kapalakiko, Nov. 17. Ua hoea mai la ka Moiwahine Liliuokalani i keia kalapakauhale ma luna o ka mokuahi Kiua ma kekahi huakai pili aupuni i ke Aupuni o Amerika Huipuia ma Wasinetona, E ukali ia ana ka Moiwahine e Joseph Aea, John D. Aimoku a me Miss Myra Heleluhe, eia lakou ke noho nei ma ka Hotele Kaleponi a ma ka Poaha ae nei e hualele iho ai lakou no Wasinetona. O na hoao ana e ike i ka Moiwahine Liliuokalani ma ka po nei aole ia i hookoia. Ua hoouna mai oia i ka hoike he maluhiluhi oia e hiki ole ke ike mai i na malihini e kipa mai ana, a aohe no hoi ana mau mea ano nui e kamailio mai ai no ka pono o ka lehulehu ma na kolamu o na nupepa. Ua wae oia ia Konela Keoki Makapolena i wahaolelo nona a nana i hoike mai. Eia ka Moiwahine ke hele nei ma kekahi huakai oihana a me hoomaha i Amerika nei. Aole he maikai o kona ola kino mamua aku nei, aka, i keia wa he maikai kona ola. O na hoike ma mua aku nei ua loaa oia i ka ma'i io ulu aole loa he oiaio. I holo mai la no oia no ke kuka ana me na Luna Aupuni no ka mea e pili ana i na aina leialii o Hawaii, i kaili ia mai iaia aku i ka wa i kahuli ai o ka nohoalii, a aohe no hoi he wa i hoao ia ai e uku aku iaia i kona mau poho no keia mau aina leialii no lakou ka loaa makahiki ma kahi he $100,000. Ua hooholo ka Aha olelo i haawina o $250,000 no na aina leialii, aka, ua vito ia mai nae e Dole maluna o ke kahua aole i lawa ka waihona o ke aupuni no ka uku ana i kela koi. Ma hope mai au hana ka Ahaolelo i uku hoomau nona o $250,000 no na aina leialii, aka, ua vito ia mai nae e Dole maluna o ke kahua aole i lawa ka waihona o ke aupuni no ka uku ana i kela koi. Mahope mai au hana ka Ahaolelo i uku hoomau nona o $25,000 o ka makahiki, aka, ua hoole aku oia i keia mau dala no ke kumu a hookono aku ana iaia iloko o na poe kokua ia, ka mea ana i

            hilahila loa i ke apono ana aku. E waiho aku ana oia i kana hoopii imua o Peresidena Roosevelt a me ka Ahaolelo. Kapalakiko, Nov. 23. Ma ka la inehinei i healele ioho ai ka Moiwahine Liliuokalani, ma ka hora 10 o ke kakahiaka, a kau aku ia ma ke kaaahi. Aole ona kaa kuikawa, aka ma ka lokomaikai o na luna nui o ka hui kaa ahi Pakipika He ma, ua haawi ia he hapaha o ke kaa moe no ka Moiwahine me kona mau hoa, Ua hala aku la lakou ma ke alahele o Lokkai hoo Paakai, Uta, kahi a na Hawaii o ka Hoomana Moramona e kali mai la o ko ke alii hiki aku. E lilo ana oia i malihini kiekie na lakou, a e haawi ia ana he paina luau nui. E malama pu ia ana na hana haipule ma ka olelo Hawaii ma ka La Pule Ma ka Poakahi e haalele iho ai ka huakai alii ma ke alahele aku o Denver no Kikako a me Nu Ioka aole oia e noho loihi ana ma keia mau wahi, aka, e hoohala ana he mau pule me ka ohana o kana kane ma Bosetona a e hoea loa aku ana i Wasinetona mahope o na la nui ka wa e noho pono mai ai ka Ahaolelo, a oia kona wa e waio aku ai i kana mau koi. He maikai ke ola kino o ka moiwahine i kona wa i haalele io ai no Loko Paakai. A ua hoike aku oia i kona mea kakau e hoouna aku i keia aloha no na kanaka ma Hawaii, a e hoike pu aku hoi aia mau kona puuwai me lakou.

Hoomakaukau Ana i ka Makemake o na Kanaka no ka Buke Himeni Hou "Hae Hoonani" o ka Papa Hawaii

            E himheni ana kekahi poe wae o na Ku'a o Kamehameha i na himeni i wae ia o ua Buke ala ma ka po Sabati iho ma Kaumakapili, a ma na ekalesia e ae ke hoike hou ia aku. Ua makemake ia na mea a pau e hele ae ma ia po. U loaa mai ka laikini lolo o G.W. K. Kauimakaole no ka lawelawe ana imua o na aha apau a pau o @ @ @. Kapalakiko, Nov, 16. Eia no ke kuianakauhale ke kamailio nei no ka hakaka mawaena o J. Jeffries a me G. Ru@@@, a me na kanaka i uku aku ai he $30,000 no ke komo ana e makaikai i kekahi hakaka a lakou e olelo nei he wababee. Ma ko lakou manao he mau hana imi dala no keia a kekahi mau luna nui i lawelawe no ko Jeffries pomaikai ma ke kokua ana ia Roblin ke kanaka i hiki ole ke kue aku i kona hoa paio koe wale no ma ke kokua ana aku o kekahi pukuniahi 13 iniha o ka Oregona. He nawaliwali maoli no o Rublin, a ua hoopahaohao ia kekahi poe pehea la oia i ea ai e hakaka me Jeffries. Aole o Jeffries i hookuu pau mai i kona ikaika, a ina oia i manao pela ina au pau no ka hakaka i ka puni mua. Ma keia mahina aku o hakaka ai o Jeffries me Sharkey no ka inoa moho. O ka nui o na dala i ohi ia o ka uku komo he $32,000. O ke kulana o na moho elua mamua o ko laua hakake, Jeffries kaumaha 214 paona, kiekie 6 kapuai 1 1/2 iniha, loihi o ke kikoo o ka lima 77 iniha. Rublin, kaumaha 200 paona, kiekie 6 kapuai 78 3/4 iniha.

HE FEA! HE LUAU KO KEIA LA! HORA 12 PONOI E WEHE IA AI

            Aia ke kino make o Li Hung Chang ke waiho la iloko o ka pahu kupapau ana i hoomakaukau mua ai he mau makahiki ae nei i hala, a Li hoi i lawe pu ai ma huakai hope i Europe. Aole he hilinai o kekahi poe pake no keia make ana mai nei o Li Hung Chang i lohe ia mai nei a hiki i ka loaa ana mai o ka hoi ke pili aupuni i ke Kanikela Pake maahei mai kona Kuhina mai ma Wasinetona. O keia hilinai ole ana o na Pake, mamuli no ia o ka nui o na lohe oiaio ole i loaa mai i anei mamua aku nei no ka make o Li Hung Chang.