Ke Aloha Aina, Volume VII, Number 47, 23 November 1901 — Page 6

KE ALOHA AINA

 

6

POAONO, NOVEMABA 23, 1901.

 

Ka Huakai Kaapuni Honua a ka Hooilina Alii o Pelekane

 

–––––––––

 

(Kakauia e Morrison Pixley.)

 

He umi tausani kanaka i ku laina mai na kapakai mai o ka Atelanika ma Quebec a hoea aku i na kapakai o ka Pakipika ma Vanekoua nona ka mamao he ekolu tausani mile. O ka lakou hana oia no ke kiai ana i na kapuai a pau o ke aiahao Canadiana Pakipika, a maluna hoi on a e nee ana ka heleal i holo mama o na Mea Kiekie ka Duke a me ke Duke Wahine o Konawela a me Io ka, ma ka iaua huakai kaapuni i na panalaau o Beritanai.

 

Ua haalele aku ua keikialii k ekia la a ka Moi Edewada VII ma ka la 1 o maraki, a hele mai la maluna o na mokuahi a me na kaaahi holo mama loa mai kahi aoao a kahi aoao o na Panalaau o ka Empepaea o kona makuakane me ka mama nui. O ke kanaka e lawe ana i ke kulana moi e hoopiha mua oia i kona puuwai me ka wiwo ole i keia wa, a oia ka ke Duke o Ioka i hooko aku ai, a oiai, o Makinile e waiho ana iluna o kahi moe no kona haawi pau ana aku iaia imua o kona lahui, aia ke Duke o Ioka ke luiu lime la me ekolu tausani kanaka i ka la hookahi. Aka, iloko no nae o na manao hopohopo ole e lalawe ana iloko o ke Duke, aole ke aupuni Panalaau o Canada i ae aku e hoopilikia ia ke oia o ka lakou mallihini kiekie, a nolaila, ua hana lakou i kekahi hana koikoi i lawelawe mua ole ia ma ka honua nei oia ke kiai ia ana o ke alahao mai kahi moana a kahi moana e na kanaka. O na kuiki hoohui kaa a pau mai Quebec a Vanekoua ua makia paa ia lakou, a o na kiai hoi a pau o ke alahao ua hoonoho'ia ia ma kahi e ike ai oia i ke kanaka mamau a mahope on a me ka laua mau have hoailona i ke ao a me na kukui i ka po, a o ka lakou hana wale no ia o ke kiai makaala i na aiahao, a maluna ae o lakou aia he mau haneri luna nui, a o ka lakou hana wale no hoi ke kiaia i keia mau kanaka mai ka haalele ana i ko lakou mau kulana kiai no keia mau tausani mile mamao.

 

A no keia mau hana nui a Peresidena Thomas Shaugnessy o ka laina kaaahi Canadiana Pakipika i lawelawe ai no ka malama akahele loa ana i ke ola o ka hooilina ahi o Pelekane me kana wahine ua papahi ia aku la maluna on a ke kulana naita a me ka inoa hanohano Sir Thomas Shaugnessy. O ke kaaahi alii i kona wa i oili mai ai mai kona wahi i kapili ia ai he 730 kapuai kona loihi a nona ke kaumaha o 595 tona oia ke kaa mahope loa, malaila nu alii i hoohaia ai i ke ao no ka makaikai ana i na wahi nani like ole a ke kaahi e maalo ae ana ma kana huakai no Vanekoua. O ka loihi o keia kaa he 78 kapuai, laula 10 ka puai, kaumaha 60 tona. Elawe ana ia kaa he rumi hookipa, rumi komo kapa, rumi aina a me rumi kuke. O loko o ka rumi hookipa ua hoowehiwehiia me na veleveta holu, na noho a me na hoonani e ae ua uhi pu ia no me na veleveta hol@@@ me kekahi @@@@ he piano i hana ia ma Canada.

 

O ka elua o na kaa ua kapap ia o loka, ua like kona nui me ke kaa mua, maluna on a e moe ai na alii he elua mau moe i hookaawale ia, a i uhiia me na silika kuuwelu nani loa, a mawaho aku o laua na rumi o ka ukali kane a me ka ukali wahine O na rumi moe he mau rumi auau pakahi no ko laua e pili pu ana.

 

O ka ekolu o na kaa ua kapa ia kona inoa o Canada, maluna olaila k a rumi puhi paka a me eono rumi moe, a me ka rumi holoi lole, a o ke kaa i kapaia o Sandringham maluna ona ka rumi paina o na ukali, a he kanakolu poe i hiki ke ai iluna o ke pakaukau i ka wa hookahi. Ma kekahi o na kaa mamua he keena kauka a ua piha me na laau like ole i hoomakaukau ia no keia huakai a na alii o Pelekane. He ekolu mau kaa moe a me elua kaa ukana a me hookahi kaa lawe mea ai ka nui o na kaa apau o keia huakai. A ua olelo ia aole mau kaa nani i hana ia ma Canada e like ae la me keia mau kaa, a ua aneane like no hoi ia me ka hoonani ia ana o loko o na hale alii, a ua makukau, ho'i me na mea a pau.

 

O ka hoolalal ia ana o keia huakai kaapuni honua a ke Duke o Cornwall a me Ioka ua hana ia e ka Moiwahine Vitoria i kona wa e ola ana, a ua makemake oia e hoouna aku i kana moopuna punahule e huipu me na lahui like ole o kona mau panalaau, aka, aole nae oia i ola no ka ike ana i ka hooko ia ana o keia mau upu ana ana. O ke kaahele no eono mahina a oi he hana nui no ia, aka, ua hele aku nae ke Duke imua no ka hoopili paa ana mai i ka manao o na kanaka a pau o na panalaau o kona kupunawahine e noho iloko o ke apo o ke kuikahi.

 

Ua haalele aku ka moku alii Ophir e lawe ana i ka hooilina o Pelekane me kana wahine malalo o ka hooko kauoha i ka makemake o ka Moiwahine Vitoria i make, ma ka la 16 o Maraki i ke awa o Potamautha, e hiai ia ana e na moku kana, a o kahi mua a ka moku alii i kina aku ai oia no o Giberata, a hele makaikai aku la i ka papu kaulana o Giberaleta a me kona pukuniahi nunui nana e hookau nei i ka wali ma ia mau kai.

 

HOIKE NO NA HANA A KA UKA W. L MUA MA KA HALE HANA O KA LUNA NUI O KALAUPAPA MOLOKAI.

 

E Mr. Lunahooponopono,

 

Anoai wale; ––

 

E ae mai i keia noi i kahi mau kolamu kaawale o kau hiwahiwa no keia mau manao hookaka malalo iho nei, a oia keia:

 

Oia o makou o na lepera e noho ana ma ke kahua ma'i nei i loaa hoi he mau haawina ai pakahi oia ke pai ai, laiki, palaoa a me pelena a no na mahina he umi i hala ae nei aole i loaa he hoolako iki ana mai a ka Papa Ola me ke pai ai la makou, no ia mea, ua malama ae la kekahi poe lepera he halawai akea a koho iho la i ka poe no lakou na inoa malalo iho nei i mau komite no ke noi ana aku i ka Papa Ola i pai ai a me ke noi pu ana aku i ka Papa Ola e hoopau ia ka hookahe ia ana o ka wai e hoolawa ana i ke kahua ma'i iloko o kela aina mahi kalo hou e hana ia nei ma Puahi a ka Luna Nui hoi ia wehe ai nei.

 

No ke pai ai ua loaa mai ia i ka la 7 nei nona ka huina he 600.

 

A no ka wai hoi; eia no ke uwe nei kekahi poe, o na wahi i hoike ia aku i ka Papa Ola a oiai, ma ka ia 6 iho nei, ua hiki kino mai o Kauka W. L Mua kekahi lala o ka Papa Ola, a ua hele aku oia e makaikai ma na wahi i hoike ia aku a i kokna huli hoi ana nmai ua kahea ia mai ia makou no ke keena o ka Luna Nui, a ia makou a pau malaila, na pane mai ia o Kauka W. L. Mua. Ua hele aku nei au ma na wahi a pau a ua ike au o na mea a pau maka leta i ka Papa Ola he hoopunipuni a he wahahee (Liars) oiai, ua loaa no he wai ma na wahi i hoike ia a koe hookahi wale no hale, me ka maopopo mua ole nae iaia aia hoi ua hoopaa mua ia iho ka wai e kahe ana iloko o na loi ke kumu hoi e loaa ole nai o ka wai i kahi poe, a i kona hele io ana aku ua loaa io he wai ko na wahi e uwe nei i ka wai, a in a he komite nana pono oia ma kona hookuu ana i ka wai iloko o na loi aia hoi e hoi aku no ia huaolelo wahahee iaia (Liars) a ma keia ua hoopuka pu mai ia oia e lawe ia makou i Kalihi e hoopaa ia ai iloko o ka halepaahao.

 

Nolaila, ma keia ke hoike maoli mai nei na olelo a keia lala o ka Papa Ola ia na hana hoohaiki a ka Papa Ola i keia mau pono a makou i noi ai i ka Ahaolelo no ka pono wai aole no ka pono mahiai.

 

A @ na ua loaa i ka Papa Ola he mau@ e hopu ai i na kupa Ame-Ameriak a laww aku ia lahou me iloko o ka halepaahao me ka hookolokolo ole ia, alaila, o kekahi keia o na hihia ano nui loa a @@ loio o Hopolulu e nana mai ai, a na ke kiure nui e hoomaopopo ke keraima noi i hana @ia e makou ola hoi ke noi ana aku i ka Papa Ola i pai ai a me ke noi p@ana aku e hoopau ia ka hookaheana i ka wai o ka lehulehu no ka aina m@hi kalo hou.

 

Me keia ke hooki nei ma ke aloha nui ia oe a me kou ma @ keiki.

 

                        O makou iho no,

 

Ambrose Hutchinson,

 

                        Lunahoomalu Komite.

 

W. K. Makakoa,

 

Adama Puaaloa,

 

John K. Mia,

 

Wm. Notley.

 

Kalaupapa, Nov. 8, 1901.

 

–––––––––

 

LAWE I KONA OLA IHO.

 

–––––––––

 

Ma ka huli hoi ana mai nei a ka mokuahi Lehua ma ka Poaono nei mai kona mau awa mai o Molokai ua lawe pu mai la oia he hoike no ka lawe ana o kekahi o na ma'i o ke kahua ma'i lepera i kona oia iho ma ka lele ana iloko o ke kai mailuna aku o kekuhi pali. O Kaleomaikai ka inoa o keia kanaka, a o keia malalo iho nei ka hoike a Makua Dutton o Balauwina Home e pili ana no Kaleomaikai, i hoouna ia mai e Luna Nui REynold no ka la 14 o Novemaba, penei.

 

Ma keia anina la ua hoike mai ia o Mr. Dutton, he hookahi ma'i o ka HOme i nalowale ma ka hora 4 o keia kakahiaka. Ua olelo ae he kanaka ua ike oia he kino kenaka e ku ana maluna o kekahi pali kahakai e haliu ana ke alo i ke kai ma keia kakahiaka nui. A o ka kekahi kanaka hoi i ike ai he kino make e lana ana ilana o ka ilikai. Ua holo koke mai oia e kii i mau kokua nona, a i kona hoea hou ana aku ma kahi o ke kino make ana i ike ai na nalowale oia.

 

O kana mau hoike a pau ua kulike loa ia me ke kanaka i nalewale ai nona ka inoa o Kaleomaikai, he kanaka i kuhohonu nahaawina lululuu o ka ma'i lepera maluna o kona kino. I keia wa e hoouna ia aku nei keia leta aole i loaa ke kino make.

 

Ua hanau ia o Kaleomaikai ma kai ae nei o Kakaako, a i kona wa he 14 wale no makahiki ua loohia oia i na haawine ehaeha a ka ma'i lepera a lawe ia aku la oia no ke kahua ma'i lepera i ka la 3 o aperila, 18888. He 13 makhiki o kona noho ana ma ke kahua ma'i a iloko o keia ma makahiki loihi o kona noho ana ua koikoi ioa iho ka ma'i maluna on a, a me he mea ia, na ia mau haawina luluuu i hookaumaha mai i kona manao a lawe ae la i kona ola i wahi nona e ike hoa ola ai i na @@@@@@ o keia ola