Ke Aloha Aina, Volume VII, Number 47, 23 November 1901 — Page 3
| This text was transcribed by: | Kainani Hartnett |
| This work is dedicated to: | James S Yagi |
KE ALOHA AINA
POAONO, NOVEMABA 28, 1901.
--------
HE HOOMAIKAI I KE KOMISINA
O NA AINA AUPUNI
-------
I ka mea Mahaloia,
Edward S. Boyd,
Komisina o na Aina Aupuni,
Me ka Mahalo nui ia:---
O makou o na makaainana kupa Amerika o ka Apana o Hanalei, ma o ko makou komite la i koho ponoia e na makaainana ma ka halawai o ka la 11 o Nov., A.D. 1901. Ke haawi aku nei makou a pau loa i ka hoomaikai nui loa ia oe, kau alliwahine a me ka olua lei aloha he keiki, ma o kou kipa ana mai e hui kino me makou, a kukakuka pu hoi me makou no na mea a kou naau e iini nei.
Mamuli o ko ka lehulehu wae ana ae ia oe i Komisina no na Aina Aupuni, a i makua hoi no ka lehulehu, i puuhonua hoi no ka lehulehu, i hoopakele hoi no ka lehulehu, mai ka noho ilihune ana me ka nele i na home kuonoono e hoolaupai ai i ka aina, a e hoonipaa ai i ka nohona lako ma kou aina makuahine.
Ke hooholo nei makou e pule me ka ikaika, a haule mai na kuana o ko ka lani mau hoopomaikai ana maluna iho ou, a me kau hana nui.
Hooholoia.---Ke kalokalo ae nei makou i na mana-kahi-kolu kiekie loa, e hookupaa mai ia oe ma ia kulana komisina aina aupuni iloko o kou aina makuahine, a iwaena hoi o kou hoa makaainana ilihune, a kanikoo, kolopupu, haumakaiole, palalauhala, a ka i koko, oia ke ola a ke Akua kiekie loa.
Hooholoia.—Ke pule nei makou i ke Akua ihiihi ma na lani kiekie loa, e hoomau mai i kou kipa pinepine ana mai i o makou nei, me ka puuwai aloha oiaio, me ka umauma hopo ole, me ka naau hoomanawanui i na inea o ke alahele i ka ua, ke poho, ke anu a me ke koekoe.
Hooholoia.-- E hoouna ia ka palapala kumu o keia hoomaikai i ka mea mahaloia ke Komisina o na Aina Aupuni, a me ka ohana; a o ke kope oiaio o keia hoomaikai, e hoolaha ia ma ka nupepa Kuokoa a me ka nupepa Ke Aloha Aina.
Ke hoopau nei makou i keia hoomaikai me ko ke Akua kiekie kokua ana mai.
Me ka mahalo,
Komite o ka Lehulehu
James K Lota,
Sam. K. Kaili,
John Kakina,
Sam. Kanewanui,
Edward Kuapuhi.
Luakini o Waioli, Nov. 11, 1901.
-----------
Eia ke lulu nei ko Honolulu nei poe puni lealea i na dala uku moku o ka hui peku popo Olympia e lawe ia mai ai no Hawaii nei. He $350 i loaa aku ma ka Poakahi nei i ke komite i koho @
LAWELAWE IA KEKAHI MAU AIHUE MAKAU OLE.
---------
Iloko o keia mau la e nee nei he nui na aihue makau ole e lawelawe ia nei e kekahi kolohe i koho wale ia he haole ma kekahi mau halekuai nui e ku nei iwaenakonu o ke kulanakauhale nei. I kela po Poaono aku nei na komo aihue ia ae ka halekuai o E. O. Holo, maluna iho o ka poka aniani ma kaupoku, aka, aole nae he waiwai i lilo aku i ke kolohe, oiai, ua pau na dala i ka hookomo ia iloko o ka pahu hao.
Ma ka po Poakahi o ia pule no ua komo aihue ia ae la ke keena o ka Hui Kuai Lako Hawaii me ka hoopahu ia ana o kekahi pahu hao me ke dainamaita. Ua laki nae o ka pahu hao a ke kolohe i hoopoino ai aole he waiwai maloko, aka, he pahu hao ia no ke kuai ana aku, aole hoi o na pahu hoahu dala o ua hui la.
Ma ka po Poakolu o kela pule aku nei no ua komo ae ke kolohe ma ka Halekuai Lako Hao Honolulu, a ua wawahi ia kekahi pahu hao me ka dainamaita, ua lilo aku he $36. Ma ka manao o ka oihana makai he haole akamai i ka aihue ka mea nana keia mau hana mokau ole.
Ua komo aihue ia ae ka halekuai hua ai o Camarinos e ku nei ma ke kihi o na alanui Moi a me Alakea, a ua lilo aku he mau dala i ke kolohe i ka po Poalua nei. O ka ona o keia halekuai e moe ana no ma ke keena ae maluna. Makau ole no keia mea nana i aihue
---------
MOKU KALEPA EHIKU KIA.
-------
Aia ke kapili ia la ma Kapalakiko, kekahi moku kalepa nui ehiku kia no kekahi hui moka o Bosetona, a i hiki hoi ke lawe he 10,000 tona ukana, e hoolana ia ana oia ma keia mahina aku, a na mano ia he nui na Senatoa a me na Lunamakaainana e hoea aku ana e makaikai iaia.
O ka loihi o keia moku kiahiku he 403 kapuai 4 iniha; laula 50 kapuai; hohonu 25 kapuai 5 iniha. He moku hao oia a e lawe ana i na pea nona ka nui he 30,000 kapuai kaea. O ka huki ana i kona mau pea, na heleuma a me na ukana kaumaha e ae e hoohana ia ana e ka mahu maluna ona. O ka inoa o ua moku la e kapa ia aku ana o Roosevelt, a oia ka moku mua loa e hooholo ia ana ma na moana laula o ka honua nei he ehiku ona mau kia, e kapili ia aku ana he kokoolua nona ma keia mua aku a e kapa ia aku ana kona inoa o Prosperity.
PAIKAU HOOKUKU NUI O
NA PUALIKOA HAWAII.
--------
Ma ka halawai kuikawa a na aliikoa kiekie o ka Regimana Koa Hawaii ma ka po Poalua nei, ua hooholo iho la lakou o ka paikau hookuku nui i noonoo ia ai no na pualikoa Hawaii e malama ia a@ ka la 22 o Feberuari, ka la hanau o Keoki Wakinekona, e hoopa nee ia aku ia a hiki i ka la 27 Aperila. O ke kumu i hooloihi hou ia aku ai na la o keia hookuku nui i loaa ai he manawa no kela a me keia puali e hoomaamaa ai no ke aumeume ana i ke kiaha makana e haawi ia ana i ka puali lanakila ma ia la. O ka wa e malama ia ai o keia paikau ma ka auina la no ia o ka la i hoike ia ae la maluna, a e kauoha ia aku ana ka puali D o Hilo e holo mai no ke komo pu ana ma keia hookuku paikau.
---------
BANA AUPUNI NO HILO.
---------
E holo hou ana na keiki o ka bana aupuni no Hilo ina aole @e mau kui@ ike ia ana mawaena o keia mau pule a hiki i ka Hapenuia. Ua noi mai nei ko Hilo no ko lakou holo hou @ku me ka lakou mau hokeo no ka hoonanea ana i na heihei lio e malama ia ana ma ke kahua heihei Hoolulo Paka. Ua ae o Kiaaina Dole i keia noi a ko Hilo a pela me Kumu Puhiohe Bega e lawe aku i kana mau keiki no ua aina kaulana nei e hoohala ai i ko lakou Hapenuia.
---------
E HOLO BALOTA ANA.
-------
Hilo, Nov. 15, 1901.
Ed. L. Like Esq:
E oluolu oe e hookomo iho ma kahi kaawale o kau pepa i ko'u inoa he moho Lunamakaainana no ka apana koho Ekahi, no ke pani hakahaka o J. Ewaliko. I ike mai ai na makaainana mai Puna a Hamakua he moho wau na ka lahui.
Me ka mahalo,
David K. Ewaliko.
------------
LIO PONIUNIU NO HILO.
--------
E haalele iho ana o J. Victor me kana lio poniuniu (merry go-round) no Hilo ma keia Poalua ae maluna o ke Kinau, a e hala ana iaia he mau pule malaila me kana lio poniuniu mamua o kona holo ana ae no Maui, a i kona wa e hoi ai mai e hooholo hou ai oia i kana lio poniuniu ma Honolulu nei.
----------
Ua haawi ia ae he anaina ike no na Kah@na Boarman, Megoney, a me Maurice mamua o ko lakou haalele ana iho ia Hawaii noi malalo o ke kula o Sana Lui ma ka po Poakahi nei, a he nui hewahewa na poe i @
Ua hookui hou @o ke kaa uwila i make ai o Manuel Peter me kekahi lio e kau ia ana e J. A. McLean. Ua haki ka wawae o ka lio, aka, @ pakele nae ke ola o McLean. Ua kipu ia ka lio mahope koke iho o kona halawai ana me keia ulia poino. Ma ka auina la Poaono nei i ike ia i keia @.
---------
HUI HAWAIIAN REALTY A ME
MATURITY KAUPALENAIA.
--------
Aole makou e koi aku ana ia oe e uh@ai i kau dala.
E haawi ana makou i kekahi alahele palekana e hiki ai ke hoopukapuka a loaa ke dala mamuli o ka hoohui i @a huina liilii i kela a me keia mahina, a mamuli o ia mea, e koe apa he huina dala mai ka hoolilo ia ma kekahi ano e ae, a e loaa ole ana ia oe kekahi wahi pomaikai mai loko mai oia mea.
Aia iloko o keia Hui na mahele hoopomaikai o na ano apau o na Hui Hoahu Panihakahaka me na Banako Hoahu Dala, a e kaupale ana i na mahele kupono ole o kekahi o ia mau hui.
Ke uku nei i ka ukupanee oi o ke kiekie i kulike me ke alanui e holomua ai na hana.
O na puka ke ukuia i na lala, aole hoi o na waiwai o na lala i make.
O ka nui o na makahiki a me ka oihana a hana a ka mea hoahu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke lilo, i poe hoahu.
No ka mea, aole oihana hoopukapuka i ikeia i oi aku ka pomaikai ma mua o keia. E kakau a ai i na hoa kaka piha. E hauoli mau ana ka Hui e hoike a e @hou aka pi@ ku i na mea a pau a me na lawelawe ana ke makemake ia, ke kakau ia mai ma ka leta a ke ninau kino ia mai.
HUI HAWAIIAN REALTY A ME
MATURITY KAUPALENAIA.
McIntyre Hale kihi o na Alanui Papu a me Moi. Rumi 3 a me 4.
Aia kekahi keena o makou ma Hilo. O M.E. Silva ko makou Agena.
------------
DAVID MALO.
---------
E na makamaka a me na hoaloha, e o'u mau hoa o ka io hookahi, he mea hauoli no'u ka hoike ana aku ia oukou, ua wehe ae nei au he Hale Hoomaemae Kaa Baikikala, a o na mea a pau he kaa baikikala poino ko lakou e lawe mai i'ou nei a na'u no e hoomaemae me ka noeau nui ma ka auhau haahaa loa. O ka iini iloko o'u e kokua kekahi i kekahi, a o ka Hawaii e pii ae ana ma kekahi kulana ike ia e kakoo aku kakou iaia. Nolaila, e ike mua ia kakou Hawaii a mahope ae na Haele me na Pake. Keena Hana: Alanui Rikeke makai iho o ke Alanui Moiwahine.
nov 7
---------
OLELO HOOLAHA.
----------
E na makan@ka o'u o ke kapitala o Kauakokalahale, ua wehe ae nei au he Pakaukau Kuai I'a me ka Makeke Kuai I'a, oia ka helu 40, a o na Led@a me na Keonimana e kauoha mai ana i na mea e hoolako ia no na papa ahaaina no na la nui, ua hiki no ia'u ke hooko i na kauoha ke kauoha ia mai me ka hakalia ole. E naue mai a e loaa no au ma ke kihi makai o ko Wala Pakaukau Kuai Bipi, a e loaa no nu I'a maikai e lawa ai ka makemake.
Owau no me ka haahaa,
Y AMANA, (Pake).
----------
Wm. RINGER
--------
Eia au imua o oukou e o'u mau hoa lahui Hawaii, ua wehe ae aei au he halekuai kike, kikiliki, pakanau o na ano a pau, kini mea ai o na ano like ole, wai momona, paka Hawaii o Kailua Kona paka ona, a pela me na Opelu maloo. Ua hiki ia'u ke hoolawa i na makemake o'u mau hoa hanau o na mokupuni. E loaa no au @ alanui Muliwai, kokoke i @