Ke Aloha Aina, Volume VII, Number 44, 2 Nowemapa 1901 — Page 5

KE ALOHA AINA

 

KA MANA OIKELAKELA O KA POE ALOHA AINA.

 

O wai ka poe Home Rule e ole lola nei?

Aole ia he poe okoa o ka poe Aloha Aina no.

O wai ka poe Aloha Aina?

O ka hapanui o ka lahui ka po@ i kue ikaika loa i ka hookahuli ia ana o ke auuni a me ka hoohuiaina.

I lanakila ka aoao Home Rula ia wai?

I ka poe Aloha Aina no.

I puka o Wilikoki i Elele ia wai?

I ka poe Aloha Aina no.

I lanakila na Senatoa me na Lunamakaainana a pau a ka aoao Home Rula ia wai?

I ka poe Aloha Aina no.

Eia ka ninau: Ua pomaikai anei ka poe Aloha Aina ia lakou nei ma keia Kau Ahaolelolo iho nei?

Aole! Aole!! Aole!!!

Nolaila, e na Aloha Aina mai Hawaii a Kauai, eia mai ka aoao pukonakona e loaa ai ka pono, ka mana a me ka ikaika i ka lahui ma keia kae ae.

AOAO DEMOKALAKA ALOHA AINA.

            Hookahi hawae lauhue Kona. Pela no ka aoao Kuokoa Home Rula i keia wa, ua waia kona inoa maemae i ke komo ana o Republika, a lilo ia aoao kalaiaina he Aoao Kuokoa Home Rula Republika. Ke hoao nei kona mau alakai e hoohui i na Home Rula me na Republika. Popopo.

            UA HOOKUU MAI LA I KEIA OLA ANA.

            Ua loaa mai nei ia makou he lono kaumaha ma ke Kinau e hoike mai ana no ka hookuu ana mai ia o Mrs. Keawe Ako i keia eia ma kona home ma Kau@kanilehua ma kela Poakahi aku nei Oct. 21. He kamaaina oia i ike nui ia e na kupa o na aina na kaulana la.  Ua mare oia me Mr. Ako he pake i kamaaina nui i ko Hilo poe, a mai ko laua puhaka mai ua oili mai he mau keiki a he mau moopuna e ola nei.  Ma ka Poalua ae i maneleia aku ai kona kino make no ilina pake o Ponahawai, oia ka wahine Hawaii mua loa i hoomoe ia aku iloko o keia ilina.  He ui a lehulehu na hoaloha Hawaii a me na pake i ukali aku ma kana huakai hope, a ua kani ae na pila a me na pakini pake i kona hoolewa.  O ka nui o kona mau makahiki o keia ola ana ua hiki aku no ia ma kahi he 48.  Me ka ohana o ka mea i make ko makou makena pu ana.

            Kilakila ke kii o Wahiikaahuula i loaa mai nei, ua kahiko ia oia iloko o kekahi koloka loihi mailuna a hala ilalo, e komo ana kona mau i@ a iloko o na pakeke o ua koloka mehana loihi ala.  He ui mai hoi kau. 

            EHUEHU NA HANA A HUME PERA

            O ka luna mua a Lunakanawai Humepera i lawelawe ai ma kona hoi ana mai la mai Amerika Huipu@a mai, ua ike ia ma ka Poala nei, oia kona kauoha ana ia D.H. Case, he kakau pokole o kona aha e waiho koke mai i ke kulana ana e paa ana ma ia awakea.

            Ua hoole aku o Case i keia manao o Lunakanawai Humepera me ke kakau ana aku he palapala e kue aku ana i ka makemake o ka Lunakanawai me ka hoike aku aole ola i maopopo i kona kumu i noi ia aku ai e waiho mai, oiai ua lawelawe oia i kana mau hana a pau me ka hoohemahema ole.

            I ka loaa ana aku ka pane ia Lunakanawai Humebera na hoopuka koke mai la oia kana kauoha e oehu aka ana ia D.H. Case mai konakulana aku iloko o ka wa pokole penei:

            Ke kauoha ia aku nei o Daniel H. Case ma keia ua hoopau ia oia mai ke kulana kakau pokole aku no keia aha.

            Ke kauoha hou ia aku nei ke kakauolelo e hoouaa i kope o keia kauoha ia Daniel H. Case i olelo ia.

            Hanaia ma ke Keena Hookolokolo i keia la 31 o Okatoba. M. H. 1901.

A.S. Humepera, Lunakanawai Ekahi.

            O ke kumu o keia oehu ia ana o case ua manao ia no kona huipu ana iho nei ia me na loio kue he 37 ia Humepera, a nana hoi i ha@a ka palapala hoike i hoouna ia aku ai i Wasinetona.

KE KANAKA KAHIKOA LOA O KA HONUA NEI.

            Ladana, Oct 18.  Ma ka make ana aku la o Ismail Hudjo, ma Khuti, Albania, wahi a na lono kuikawa i loaa mai mai Athens mai, ua @alohia aku la ke kanaka kahiko loa o ka honua nei.  Ua olelo ia ae he 160 makahiki o ko Hudjo ola ana, a ua loaa hoi na hooiaio e hoike ana ua ola io no oia iloko o keia huina makahiki i hoike ia ae la.  O ka mea kupanaha i ike ia nona, aolehe wahi lala o kona kino i hoopilikia ia a hiki i kona make ana aku la.  O kona mau papa niho aole he hookahi niho i hoopoino ia.  A maluna aku o elua hanero mau hanauna a Hudjo e ola nei.  Kupaianaha no ke ola i loaa i keia kanaka.

           

            Aohe e kumumu ka makakila a KE ALOHA AINA, ina no he umi kauna me konahola poe nupepa e kukulu hou ia ae ana. Aohe ia he mea ano nui i kamalii kaka pahi o ke K@kela Lanafoda.

            10,000 KOA AMERIKA, E HOO UNA HOU IA AKU ANA I MANILA

            Na Iok@, Oct 21. He lono kuikawa kai loaa mai i ka nupepa La mai Wasinetona mai, e olelo ana, ua hiki ole i ke Keena Kaua ke huna hou iho i ka oiaia o na ha@wawa eia ke aupuni ke noonoo nei no ka hoouna ana aku i 10,000 mau koa hou i na paemoku Pilipine maloko o keia mau la he kanakolu, o ka hapanui o keia mau koa e hoouna ia aku ana lakou ma ke alahele o Kapalakiko.

            He 20,000 koa e noho nei ma ke paemoku Pilipine e pau ana ko lakou manawa maloko o ekolu mahina, a o ka manao o ke aupuni e hoouna koke ai aku i mau kanaka hou no ka hoopiha ana ia mau h@kahaka, a mawah@ ae o keia e pakui hou ia aku i 10,000 kanaka.  O na moku lawkoa i makaukau no ka halihali ana aku i na koa oia ke Sherman, Grant, McClellan, Meade, Logan, Rosecrans, a me kekahi mau moku e ae loaa ana.

            Ua hoomaopopo ia i keia wa o na kanaka kaua e hoomalu la ia Pilipine ua hiki ole ia lakou ke koho i ka ikaika kaua o na Pilipine.  He nee kaua ikaika ke hoohana ia aku ana ma ka mokupuni Samar a me kekahi mau apana e ae kahi a na Pilipina e hoolulu ia na haunaele.  O ka manao o keia nee kaua ikaika ana oia no ke kinai loa ana aku i na hana hoohaunaele, a e ao aku i na kanaka ua onipaa ke kahua o Amerika Huipuia iloko o ia mau mokupuni, a o kona mana hoomalu e ike aku lakou. 

HOOPAU IA O KENERALA BULA MAI KONA KULANA AKU

            Ladana, Oct 21.  Ua hoike ae ke Keena Kaua mahope o ka noonoo akahele ia ana o ka haiolelo a Kenerala Bula i haawi ai ma ka ia 10 o Okatoba ua hoopau ia aku la oia mai ke kulana ana e paa nei me ka hoemi pu ia iho o kona uku ma ka hapalua like.  Ua apono aku la ka moi i ka hookohu ia ana aku o Kenerala French ma kahi a Kenerala Bula e paa nei ma ke ano he alihikaua kiekie no ka Mahele Kaua Ekahi o ka wa e lawe ae ai o French i keia kulana ma kona wa no ia e hookuu ia mai ai mai ke kaua mai o Aferika Hema,  I kona wa e hoi mai ai e lawe ae ana o Kenerala Hildyard i ke kulana alakai ma Aferika.

 

            Puiwa ke kaa lele ka hauli mai nohaha ka lio i kela pule aku nei.  Owai ko luna?  O G M me D.K. Pololei:

HE FEA ME LUAU NUI.

            E malama la ana ma ke kahua hale paikau o Haimoeipo ma ka @@ 30 o Novemaba nei no ka pomaikai o ka Halekula Katolika hou e kukulu ia nei ma ke alanui P@p@.  Nolaila, ke kono akea ia nei ka lehulehu a pau e komo pu ae e kokua i keia hana maikai ma ka mea e hiki ana me ka nana ole i na aoao hoomana, aka, o ka mea nui wale no ola ke kokua ana i na hana maikai o kela ano i pilii ka pono o na mea a pau. E hoike hou ia aku ana na mea i koe i pili i keia fea.

HOOMANAO LA HANAU.

            He paina hoomanao la hanau no kekahi hoaloha keonimana opio Mr. M.P. Lugan, ke malamaia ana ma keia ahiahi Poaono, Nov. 2, no ka piha ana o kona 20 makahiki, ma kona home noho mauka o Kapalama.  Ua @ono ia kekahi o kona mau hoaloha e hool@ana pu aku me ia e me kona ohana ponoi ma ia ahiahi.  Ke kalokalo ae nei KE ALOHA AINA, e uhai ia koumau la e ke keonimana opio me na pomaikai he nui, a e kipapa ia hoi kou alahele me na u@a o ka laki ma na ano a pau.  A na na lani e hooloihi i kou mau la o ke ola ana.

MOKU AMERIKA SOLACE.

            Ma ke kakahiaka Poakahi nei i hoea mai ai ka moku Amerika Solace mai Kapalakiko ma kona alahele no Samoa me ke kahi mau aliimoku kiekie o ka oihana kaua moana Amerika maluna ona e holo aa no ka hoolohe ana i ka hihia ona rama o kiaaina kaua Amerika  e hoomalu ana ia mau paemoku.  Mahope o kona hoopiha nanahu ana e hoomau loa aku ai oia ma kona alahele.         

HUI HAWAIIAN REALTY A ME MATURITY KAUPALENAIA.

            Aole makou e koi aku ana ia oe e uh@ai i kau dala.            

            E haawi ana makou i kekahi alahele palekana e hiki ai ke hoopuka puka a lo@@ ke dala mamuli o ka hoohui i na huina liilii i kela a me keia mahina, a mamuli o la mea, e koe ana he huina dala mai ka hoolilo ia ma kekahi ano e ae, a e loaa ole ana ia oe kekahi wahi pomaikai mai loko mai oia mea.

            Aia iloko o keia Hui na mahelo hoopomaikai o na ano apau o na Hui H@ahu Panihakahak@ a me na Bana@o Hoahu Dala, a e kaupale ana i na mahele kupono ole o kekahi o ia mau hu@.

            Ke uku nei i ka ukupanee oi o ke kiekie i kulike me ke alanui e holomua ai na hana.

            O na puka ke ukula i na lala, aole hoi o na waiwai o na lala i make.

            O ka nui o na makahiki a me ka oihana a hana a ka mea hoahu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke lilio i hoe hoahu.

            No ka mea, aole oihana hoopukapu ka i ikeia i oi aku ka pomaikai ma mua o keia.  E kakau mai i na hoa kaka piha.  E hauoli mau ana ka Hui e ho ke a  e hoakaka piha aku i na mea a pau a me na lawelawe ana ke makemake ia, ke kakau ia mai ma ka @eta a ke ninau kino ia mai.

            HUI HAWAIIAN REALTY A ME MATURITY KAUPALENAIA.

            McIntyre Hale kihi o na Alanui Papu a me Moi.  Rumi a me 4.  Ala kekahi keena o makou ma Hilo.  O.M.E. Silva ko makou Agena.