Ke Aloha Aina, Volume VII, Number 43, 26 October 1901 — Page 8

KE ALOHA AINA

POAONO, OKATOBA 26, 1901

 

MOOLELO HOONI PUUWAI

: NO :

Kuu Aloha i na Pua, Kuu

Ipo o na Launahele!

Ka Makaikiu Kupaianaha!

MOKUNA XXI.

ILOKO O KA EHAEHA AIA HE LEO WE-

HI O NA PUA HOOLONO MAI.

KUU IPO O NA LAUNAHE-

L@ E HALA MAI IA`U

            O keia na olelo mihi o ka uwe a ua Haku nei no kauna wahine Kelau@ia, aka, ma kona he pohaku mabala nae aia he ekolu wale iho no huaolelo e kau ana me ka moakaka i kahakaha ia pene@ - Lede Kelausia Danekota.

            O ka make opiopio ana o keia lede alii o ka aina, ua lilo ia i mea minamina loa na kona mau hoaloha a me na poe a pau i ike iaia, a iwaena o na lede a pau o Pelekane mai ke kiekie a ka haahaa, aole loa he hookahi o lakou i ku ae a hoike imua o ke ao akea, ua loaa ia lakou a me ia he mau kuee ana, a oki loa aku hoi i na hoopaapaa ana. O ka waipahe o na waipahe, a o ka oluolu a me ka heahea o ka ike maka maka, oia na mea i ike ia no ua kauna wahine opio ala a moe aku la oia iloko o ka make, no ka hoomaha ana i na kaumaha a me na luuluu o keia ao inea, aka, pela no nae e hooko ia ai ka olelo,

            Pokole keia wa,

            A pau koke ae no,

            Iluna ae mao,

            Ka home paa mau.

            Alaila, pehea hoi ka kaua ui Silevia hoomanawanui iloko o ka ehaeha a me ke kaumaha?  Mamuli o ke kaili ia ana aku la o ke kauna wahine Kelausia e ka make, aia na hoomanao ana iloko o Haku Danekota ke kumakaia haalele wahine ua hoi hope mai ia na hoomanao ana no Lokowai Home, kahi ana a me kela anela maemae i hoohala ai i na la omaka mua o keia mea he noho ana kane a wahine, a oia ka ua Haku nei i mihi iho ai me keia mau olelo:

            Ah!  Silevia, ke aloha i ka ike a ka maka, he oiaio anei o oe ka`u wahine mare?  Ua hoole aku au ia oe mai Barae aku aole oe o ka`u wahine mare, aka, ina he oiaio elike me ka`u i lohe ai ma kela ahiahi o ko kaua halawai hou an@, auwe e na lani, ua hewa loa ia au, alaila, o kau mau hoopai anei keia maluna o Haku Danekota?

            Silevia!  Ua wahahee aku au ia oe o Ailika Lema ko`u inoa, a ua hoopunipuni hoi au ia lede Kelausia o Haku Danekota au.  O Alikia Lema a me Haku Danekota he hookahi no ia kino kanaka, aka, he elua nae poo, a i mea e loaa ai ka maha i kuu uhane lawehala, e ae mai ia`u e na lani e hoomanao aku maluna o ka anela @ a`u i hoohilahila ai me ka hoowahawaha, a hoo@ ao me kana kamaiki @ e makilo a e aea me ka ilihune.

            Silevia! Silevia!! Nani ka maemae a me ke o ana o kela inoa, a e kuu aloha i ka wehi o na pua hoolono mai, kuu ipo o na launahele e kala mai ia`u.

            Hoolono mai e kuu aloha i ka wehi o na pua hoolono mai, a e kala m@i  hoi ia`u e kuu ipo o na launahele e kala mai ia`u e kuu Silevia, a e hoomanao hope aku no na la o Lokowai Home.  Owau no keia o kau Ailika Lema, a o oe no hoi ia e kuu Silevia, a na na lani e kokua mai ia kaua:

            O keia na olelo mihi a Haku Danekota e uwe, a e hea ana iloko o kona ehaeha, a iloko o elua pule ua ano loaa mai la iaia ka maha a me ka oluolu mai na ehaeha ikiiki mai o kona mau palapu, a i keia hoo mama ana ae o kona mau palapu mai na poluluhi mai a ka ehaeha, ua kakau iho la ia he leta na Silevia a hoouna aku la me ka manaolana e loaa mai ana he pane hoohauoli mai ua aloha nei ana i kum@ia ai.

            Maloko o ka leta a ua Haku Danekota nei e hoike aku ana oia i kona mau ehaeha, a e mihi aku ana hoi no kana mau hewa i hana aku ai maluna ona (Silevia) a mai ka hoomaka ana o ka leta a ua Haku nei a hiki i  ka pau ana, he mau olelo ku wale no i ka wal@hia e hiki ole ai i kekahi puuwai paakiki o ka uahoa ke hoomau i kona hiipoi ana ia mea he huhu a me ka inaina.

            Ma ka hoomaka ana o ka leta a ua Haku Danekota nei, ua kahakaha iho oia me keia mau olelo kanaenae o ka hoolauna: Kuu Silevia aloha, kuu aloha hoi i ka wehi o na pua, a o kuu ipo hoi o na launahele: Aloha.  Alaila, mai kela mau olelo mua o ka hoolauna, ua wehe aku la oia i ka me ke kiekie hiki ole ke ana ia ka palena o keia mea he aloha.

            E hoikeike ana i na wahi a pau a laua i pili ai me ke aloha no ka manawa o elua makahiki ka loihi a me ko laua kaawale ana malalo o na manao kuhihewa o ua Haku nei a me ka nui o kona (Haku) ehaeha ma ka hoo@ ana ae no ke aloha a wahine hoi ana i haalele aku ai ihope me ka lokoino, me kona manao (wahi a ua Haku aia) o na mea a pau i hookaawale ai nona (Silevia) ua lawa ia nona a hiki i ka manao ana o ua aloha mua nei i ka ike a ka maka, a ma ka panina loa o na olelo o k@ leta a ua Haku kumakaia wahine nei, e uwalo a e mihi aku ana ia me keia mau olelo - Kuu aloha i ka wehi o na pua, hoolono mai.  Kuu ipo o na launahele e kala mai ia`u.  Ina he kanaka kekahi

 

HE KUAI HOOPAU KUIKE NUI O NA LOLE SILIKA A ME SATINA!!!

E hoomaka ana i keia Poakahi, Oct. 21.

Silika Iapana o na waihooluu like ole, manoanoa, ua hoemi ia

            mai ke ... 50c a ka 35c o ka ia.

Silika Iapana kahakaha, manoanoa, ua hoemiia mai ke 50c a ka 25c o ka ia.

Silika Iapana, manoanoa nani, ua hoemiia mai ke 65c a ka 45c o ka ia.

Silika Taffete, eleele me na waihooluu like ole, ua hoemiia mai ke $1 a ka 65c o ka ia.

Silika Lau Nani ... ua hoemiia mai ka .. $4.00 a ka $3.00 o ka ia.

Silika Lau Nani ... ua hoemiia mai ka .. $3.50 a ka $2.50 o ka ia.

Silika Lau Nani ... ua hoemiia mai ka .. $2.50 a ka $2.00 o ka ia.

Silika Lau Nani ... ua hoemiia mai ka .. $2.00 a ka $1.50 o ka ia.

Silika Lau Nani ... ua hoemiia mai ka .. $1.50 a ka $1.00 o ka ia.

            Satina Nani o na waihooluu like ole, 25c o ka ia.

            E. W. JORDAN

 

HALEKUAI HELU 10.  ALANUI PAPU.  

maluna o ka ili o ka poepoe honua @loaa na haawina wahahee a me ka hoopunipuni elike me ka hoopunipuni elike me ka nahes@ alaila, o Haku Danekota kekahi i helu ia iloko oia papa.  O ka maalea o na maalea a pau, a o ka wahahee a me na hoopunipuni a pau o ka honua, oia ka ike a me ke akamai o na olelo pelo a ua Haku ala ma keia leta ana ia Silevia, a o ka pane a ua ui ala oia ka kaua e nana aku ai.

            He elua la i hala ae mahope iho o ka kakau ana o Haku Danekota i kana leta, aia hoi, loaa pono mai la ua leta nei ia Silevia, a iaia i heluhelu iho ai me ke akahele, ua haloiloi ae la kona mau waimaka a hoopuka ae la i keia mau olelo: Haku Danekota, kuu Ailika Lema lokoino hoi.  Owau ane o Silevia ka mea au i haalele iho ai iloko o keia ao akea me ka kaua kamaiki bebe kau e kahea mai nei e hoomaha aku i na luuluu a me na ehaeha o kou uhane?  Ah!  Ailika Lema ke kumakaia o na kumakaia haalele wahine.  Aole anei i haalele iho oe ia`u na ka hilahila a me ka hoowahawaha ia e malama iloko o ka hune a me ka nele.  O kela waiwai au i haalele iho ai no`u a me ka kaua kamaiki, he waiwai ia aole loa e aa ka lima o Silevia e lalau a e hoopa ia mea.  E aho ka make ana mamua o ka ai ana i ka ai a me ka loaa a kekahi kanaka lokoino.

            Ua hilinai aku au me ka paulele ana o kuu maau a me kuu puuwai a pau maluna ou, aka, o oe nae e kuu Ailika Lema, ua kiola a hoolei iho oe i ua hilinai a paulele nei o`u ilalo o ka lepo, a hehi iho oe malalo o kou mau kamaa.  Haawi aku au i kuu aloha a pau maluna ou, aka, kiola ae nae oe mahope o ko kua, kuu ola, kuu ikaika, kuu uhane a me na mea a pau, ua hoolilo aku au nou me ke ano o oe wale iho no kou hooilina, aka, o kau pane kumakaia nae i haawi mai ai ia`u, oia no kou kakau ana mai i kela leta lokoino a me ke kumakaia mai Barae mai, e hoole mai ana oe ia`u aole au @ kau wahine mare.

            O kuu puuwai i hoopiha ia me ke aloha wela o ka pupule nou, oia kai noho iho a kali no kou huli hoi mai mai Barae mai, no ka hoomoana ana i ko kaua mau houpo pololi i hoohakahaka ia, maluna o ka kaua wahi papaaina uuku o ke aloha, aka, a hiki mai nae i keia hora, aole loa oe; huli hoi hou mai, ua aneane maoli no wau e lilo i pio na keia wai ae da kaili poniuniu ike a ka make, mamuii o kau mau hana e ke aloha; ina aole i hoouna e mai na lani i koua anela no ka hoopakele ae ia`u mailoko ae o keia hana pupule a`u i makemake ai e hooko.

            He oiaio e kuu Ailika Lema, he aloha io au nau i ka wehi o na pua a pela no hoi oe na`u, he ipo au nau iloko o na launahele lipolipo, a pela no hoi oe na`u, ua kahea, a kahea mau aku au ia oe me kela mau olelo a ua puili aku oe ia`u iloko o kou umauma lahalaha, aka, i ka hala ana ae oia mau la o na kipona a ke aloha, aia hoi, o kela mau lima ou e apo aloha aku ai ia`u, ua hemo aku la ia, a o kela umauma lahalaha a`u e hilinai aku ai i kuu poo, ua lilo aku la ia na ka mea okoa e hooheno a e hoohie.

            A!  Ailika Lema, ma o na lani @, heaha ia keia au i huli hope mai la ia`u, ke kahea a ke noi mai nei oe ia`u e hoi hou aku iloko o ka noho na o na la i poliuliu na hoomanao ana, alaila, e Ailika Lema, kuu mea nana i kumakaia iloko o ka hilahila elike me ka hewa au i hoehaeha mai ai ia`u, pela no anei au e haawi pu aku ai maluna ou, ua hoolilo mai kou aloha ia`u i pupule iloko o ka hehena a me ulaia, a ua aea hoi au a kuewa maluna o keia ilihonua, a ina o ko`u aloha keia e hoohehena ulaia aia i kou mau noonoo, alaila, e pupule oe maluna o ka ilihonua a hiki i ka @a a na lani e hoopakele ae ai ia oe, a i keia mi@ ano e hooko aku ana au i ka mea a`u i hoohiki ai.

            O keia ae la na olelo a Silevia i kamailio a hoopuka ae ai mahope iho o ka pau ana o kana heluhelu ana i ka leta a kana kane, alaila, hoomaikai ae la oia i na lani me ke noi pu ana ae e haawi ia mai iaia ka ikaika o ka manao e hiki ai ke pane me ka hopohopo ole no na olelo a kana kane.  Aole i pau.

 

HALEKUAI SIGA A ME WAI

MOMONA.

            ua wehe ia ae nei e Wm. Ringer, he halekuai Siga a me Wai Momona ma ke kihi m@i o na Alanui Kukui a me Mu@ai.  Ke kono ia nei na Hawaii a pau e kipa ae e keia kakou hoa oiwi o ka pupuu hookahi, a mai kipa hewa ke aloha i ka ilio.  Malaila e loaa ai na Siga maikai loa o na ano like ole o ka papa ekahi a me na wai momona huihui.  Oct 24, tf.