Ke Aloha Aina, Volume VII, Number 41, 12 October 1901 — Page 3

KE ALOHA AINA

 

KE  ALOHA  AINA  POAONO,  OKATOBA  12,  1901        3

 

HAULE  I  KA  PALI  A  MAKE

 

  Ma ka po Poalha, Sept 26, 1901 ma Honohiua, Hilo, ua haule o Phillip Kulou Kahalaikulani i ka pali kahakai a make loa; a eia kahi moolelo:

  Ma ka po i hoike ia maluna ua hele aku ka mea nona ka inoa i hoike ia maluna i ka lawaia mai Umauma aku no Honohina a me kekahi mau hoa iawaia e ae, a i ka hiki ana kahi i hoikeia (Honohine) ua hele kekahi poe lawaia he wahi okoa (Kahuwai), o Phillip Kulou Kahalaikulani a me Mr. Kawaha, (hunona a Kanamu Lalakea) ma Hinaomaka; i ka hiki ana ma kahi i hoike ia, na iho mua aku o Mr. Kawaha a hoea oia ilalo o na pali kahakai nei; o ke kokua o kela alanui pali he mau kaula, hookahi kaula ano hou hookahi hoi kaula kahiko, a ia Mr. Kawaha ilalo ua iho aku la ka mea nona keia moolelo mahope aku; ma keia wahi aole he maopopo o ka moolelo, a oia keia:

  O Mr Kawaha ka mea nana i hele aku a kahea i kekahi poe iawaia o lakou, me keia huaolelo Auhea oukou e? E hele mai oukou ua pilikia ia kekahi o maua. I ka hiki ana aku o na lima kokua, aole laua i loaa aku, o kekahi kaula oia ke kaula ano kahiko ua moku, a o ke kaula ano hou oia ke paa ana ma kahi i hoopaa ia. O na owili paka puhi 3 a me ka apana ahi koe ko Phillip Kulou Kahalaikulani mau mea i loaa aku. O ka papale, ohe a me ke eke i'a ko Kawaha mau pono i loaa aku. O ko laua mau kino aole i loaa a hiki i ke ia la.

  O Phillip Kulou Kahaiaikulani ua hanau ia mai oia mai ka puhaka mai o Mr. a me Mrs. Kahalaikulani, ma ka la 2 o Feb. 1881, ma Alanui Ema, Honolulu, Oahu; a na piha iaia na makahiki he 20 o keia ola ana a make aku la oia.

  Ua waiho iho oia he makuakane, makuahine, wahine, elua keiki a me ka ohana e uwe aku iaia ma keia aoao o ka muliwai elelele o ka make; a o ua Phillip Kulou Kahalaikulani, he lala oia no ka hui aloha aina o Hakalau. Aloha no.

                 Solomon D. Hele La.

Hakalau, Hilo, Hawaii, Oct. 2, 1901

 

  Eia ka halekuai o Whitney & Marsh ke kuai hoemi nei i na lole koena.

  E lawe nui i KE ALOHA AINA i ike mau i na mea hou o keia mau, la e nee nei.

  He kuai hoemi o na loke Dimiti ke malama ia ana ma ka halekuai o N. S. Sachs ma i keia pule iho.

 

MOOLELO  O  KA  AHAHUI  EUA

NELIO  O  KA  MOKUPUNI  O

HAWAII.

(Hoomau ia)

 

  Na Rev. Emesona, e koho ia i komite e pane aku ai i keia poe: Koho ia o Rev. Emesona, Rev. Kealoha a me Rev. Kekuewa.

  Mehele (u), Na ekalesia kahu ole, hooholoia no Kalapana a me Opihikao o Rev. S. L. Desha, komite; Puula, Rev. J. N. Kamoku, komite; Olaa, Onomes, Kakalau, Laupahoehoe, Rev, Desha, komite; Waimea a me Kohala Hema, Rev. Kekuewa, komite; Rev. Kalaiwaa a me Rev. Kaeo, no na ekalesia kahu ole o na Kona; Rev. Lui Mitera, no Kaohe a me Milolii.

  Mahele (a). Ola Kahu: Hooholo ia e lilo o Rev. Hill i komite ola kahu no Hawaii nei, Na kahu e kokua ia nei e ka Papa Hawaii Hooholoia no.

Rev. Kalaiwaa,               $  15 no ka mahina

  "     Kealoha,                     10    "         "

  "     Desha,                        10    "         "

Haiolelo J. Samoa,              15    "         "

Rev. Kamoku,                     75    " makahiki

   "    Lohiau,                      100    "        "

   "    Kekuewa,                  100    "        "

   "    Kaeo,                         200    "        "

  Mahele (c), Luakini, hale kahu, a hale halawai, aole n@ea i hana ia

  Mahele i, Na keiki a ka Aha, hooholoia, o na keiki e noho ana me ke kupono iloko o na ekalesia, a e pili mau ana me keia Aha, o lakou no na keiki o ka Aha.

  Na Rev. Emesona, e hoopanee ka Aha a hui hou i ka hora 9 a. m. Aponoia, hoopanee ka Aha me ka pule a ka Lunahoomalu.

  La Hana Elua, Sept. 13, hora 9 a. m. Hui hoo ka Aha i ka mana wa i hoopauee ia, Lunahoomalu ma ka noho. Malama ia ka hapalua hora haipule. Heinhelu ia ka moolelo o ka halawai i hala, a aponoia.

  Na Rev. Emesona, hoike komite no ke komo ana mai o Rev. Timoteo e hoeueu ia Kohala nei, Apono ia keia hoike, a oi mai o Rev. Timoteo, e kakau poepoe ia keia hoike a e heluhelu ia e ka Lunahoomalu i ka la Sabati e hiki mai ana, apono ia.

  Kumuhana 7. Na ekalesia o na lahui like ole, ko lakou houlauna ia ana mai me keia Aha, a e lilo hoi lakou i mau lala no keia Aha, a e heluhelu ia ka lakou hoike imua o keia Aha, a e hai pu aku hoi ke kakauolelo i na alakai o keia mau lahui e hiki mai i ka wa e noho hou ai keia Aha.

  Kumuhana 5. Na kula hanai. Lawe ka Hale a kamailio, waiho mai o Rev. Emesona he olelo hooholo' hooholo ia ma ka noonoo o keia Aha he mea pono no e ko keia manao i hooholo ia i ka Aha Paeaina, i kula kaikamahine ma Hilo, me ke kue ole i ke kula kaikamahine o Kohala nei, aponoia.

  Mahele (@). Na haiolelo. Hooholo ia e loaa ia John Samoa i laikini haiolelo no hookahi makahiki.

  Kumuhana 6. Oihana kuwaho, hooholoia, e hooik@ ika kela a me keia ekalesia e k@a na haawina dala i haawi ia ia lakou.

  Kumuhana 8. Na mea hoolako i na Kula Sabati, hoihoi ia keia kumuhana i ka Ahahui Kula Sabati.

  Na Rev. Kekuewa, e hapai hou ia mai ka Mahele (i) Na keiki a ka Aha. Lawe ka Hale a kamailio, a hooholoia e lilo o T  S. K. Nakane lua, S. L. Kewelo, Kuapahoa, C  K. Kapa, S. P. K. Malulani, S. Kuhia a me John Keala, i mau keiki na kela Aha.

  Na Rev. Emesona i waiho mai ia Rev. Kekuewa, Rev. Kalaiwaa, Rev Emesona, Rev. Timoteo a me Rev. Lono, i mau komite e huli ai i na haawina no ka hoonaauao ana aku i keia mau keiki a ka Aha, aponoia.

  KUMUHANA 9. Kahi a me ka manawa e ku ai ka Aha. Hooholoia e noho keia Aha ma Kailua, Kona Akau, i Maraki, 1902.

  No ke kaawale o Rev, Lono mai keia Aha aku, hooholo ia na ka Lunahoomalu a me ke Kakauolelo e hana i palapala hookuu mai keia Aha aku, no kona pili aku me ka Aha o Oahu. Na ka Lunahoomalu hoike komite o Kaohe a me Milohi.

  Na Nakanelua, he hoomaikai i ka ekalesia o Kohala Akau a me na hoaloha i kokua mai i na mea e pono ai ke ola kino o na lala o keia Aha, hooholoia i ke Sabati e heluhelu ai.

  Noi mai o Timoteo e hoopanee ka Aha, kokua ia. Hoopanee ka Aha a hui ma Kailua, Kona Akau, i Maraki, 1901, ma ka himeni H. A, N., 154 a me ka pule a Rev. Emesona.

                          JOHN KEALA,

                   Kakauolelo o ka Aha.

  Kealia, S. Kona, Sept 21, 1901.

 

MALAMA  IA  KE  OLA  O  KA

EMEPERA.

 

  Berlin, Sept.24. Ua liuliu ia he mau hoomakaukau ana no ka hoopakele ana i ke ola o ka Emepera Uilama ma Romenton i keia wa uhai dia, wahi a na hoike i loaa mai ianei: Ua hoonohola he mau pualikoa ma kahi kauhale kokoke i naulu laau o Romento. Me na palapala hookuu wale no e ae ia ai na poe e hele no kahi kauhale o Remento. O na poe makaikai a pau ua kipaka ia.

 

HOOKUU  IA  KA  WAHINE

ANAKIA.

 

  Kikako, Sept. 24. O Emma Goldman,. ka wahine apakia, ua hookuu lanakila ia mai oia i keia la, mahope o ka hoopaahao ia ana mai ka wa mai i powa ia ai ka Peresidena he elua ae nei pule i hala. O ke kumu o keia hookuu ia ana mamuli no la o ka nele o ka aoao aupuni i na hoike kopono e ahewa ia ai keia wahins.

 

H. F. Wichman.

Wikimana

  E loaa no na MAKAANIANI no na maka ma ke kumukuai haahaa ma ma ko makou Hale Hala Gula ma Alanui Papu.

 

Kauka L. F. Alvarz

KEENA  ME  KAHI  NOHO HELU  @

ALANUI  EMMA.

 

NA HORA HANA:   8 a ka 10 a. m.,

                                    3 a ka 5 p. m.,

                                    7 a ka 8 p. m.,

NA LA PULE:           8 a ka 10 a. m.,

                                     7 a ka 8 p. m.

644.--TELEPONA--644.

 

KAUKA  J.  ATCHERLEY  

                                                M R C G

                                                L R C P

 

KEENA 343 ALANUI  MOI,  MA  EWA

IHO  O  KA  HALE  MELE  HOU.

 

NA  HORA  HANA

16 kakah aka a ka hora 4 auina la,

NA  HORA  HANA  LA  PULE

10 kakahiaka a ka hora 12 awakea.

Telepona Keena,  White 1371

Telepona Kahi Noho, Bule 1261.

 

G. P. KUAIMAKAOLE

 

  He Loio ma ke Kanawai, a e loaa no wau i ka Uakea o Hana ma Makaalae, he oluolu ma ke kuka ala,.

  Makaalae, Hamoa, Maui

 

OLELO  HOOLAHA.

 

  Ke papa loa ia aku nei na ano lahui a pau, aole e ae ia e komo a hele wale maluna o na aina o Pukele a me Waiomao, ma ke awawa o Palolo. Ua kapu loa ke kii ana i na mea ulu o ua mau aina la, aia a loaa mai ka palapala ae ia mai ke 'Lii Liliuokalani mai, a mai kona lunahooponopono waiwai mai, oia o J. O. Carter. A ua kapu loa ka lawe pu mai i na Ilio, a kiki pu maluna o ua mau alna la i hai la @e nei maluna. O ka mea a mau mea paha e kue ana i ka pono o ka aina e hopu a hoopiiia e like me ke kana wai o ka aina.

                              OIO,

                              W, OYE,

                 Na Lunamalama Waiwai

 

OLELO  HOOLAHA.

 

  Ina poe mea kuleana iwi e waiho ana ma Puuohawaii e hele mai oukou e puna i ko oukou mau pa a e hoomaemae. Eia maloko onei ili@ ehiku pa aole i hana ia, ua waiho wale lakou aole i paa i ke pine ia a me ke laka  Ua manao au e paa hou i ua mau pa la i hoohemahema ia, a he mana hoolilo hou aku ko'u i ko lakou mau kuleana a ko'u mau hope i haawi ai.

                            J. K. MAUNAKEA,

    Luna o ka Ilina Puuohawaii.

 

HE  MAU  RUMI  HOOLIMALOIMA.

 

Aia ma ke Alanui Puowaina maluna aku o ka Halepule Moramona, e pili ana me kahi o Robert Boyd. Elima Dala no kamahina elua rumi nui.

    E ninau ia Kauka Alvarez.

1240 Alanui Emma kokoke i Alanui

    Beretania.                     oct 3--tf

 

KAA  BAIKIKALA  LOAA

 

  Ua loaa ma ke alanui Beritania he Kaa-Baikikala, a o ka mea noa kela kaa e kii mai i ke keena o Ke Aloha Aina nei, me kona uku pu mai i ka hoolaha a me ka mea nana i mala@a.

 

HOOLAHA.

 

 UA MAKEMAKE O MAUNAKEA e hoike eia ola ke manao nei o pakui mai i mahele waiwai paa iloko o kana oihana loio a e lawelawe aku ma na ano hooponopono ana a pau e pioi ana i na aina. He mana@ kona e oi loa aku no ka hoopomaikai ia o ka lahui Hawaii ke waiho mai ma kona mau lima i kekahi aina a lakou e manao ai e hoolilo hoolimalima a moraki paha, a e hooko koke aku no hoi oia me ka eleu ia hana. O kona ike olelo Hawaii ame ka ike i na aina a me na moo-waiwai a hookuleana o na aina ma Hawaii nei ko na mea i kupono loa ai no ka hooko ana aku la ano hana no na Hawaii oiwi.

   =>  KEENA  OIHANA: Hale Kamahela, Rumi 20--21. Kihi o na Alanui Kalepa me Papu.