Ke Aloha Aina, Volume VII, Number 39, 28 Kepakemapa 1901 — Page 6

KE ALOHA AINA

 

NA POO AUPUNI LIKE OLE I POWA IA.

 

        O na Moi a me na Peresidena e hoomalu ana i na aupuni like ole, aole lakou a pau i pakele mai na manao ino ana a ka enemi, aka, o na Moi, Keikialii, na Peresidena, maikai a maikaiole o ka lakou hoomalu ana ua @@@@ wale n@ ka manao o @@ a@akia.

        No ka pomaikai o ko makou mau makamaka heluhelu, ko hoopuka aku nei makou i ka papainoa o na Poo Aupuni i lawelawe ia aku na hana powa maluna o lakou: -

        Napoliona I, h@@@@@ e powa i kona wa e noho Kaniaela Ekahi ana i ka 1800.

        Keoki III o Enelani, elua manawa i lele powa ia ai, Mei, 1800.

        Moiwahine Isabela o Sepania, hou ia i ka pahi, Feberuari 2, 1852.

        Moi V@ctor Emanuela o Italia kipu ia i ka 1852.

        Ferdinand Charles II, Duke o Parma, kipu ia i ka 1854.

        Moi Ferdinand o Napela, hou ia i ka pahi i ka 1856.

        Moi Napoliona III, powa ia e Orsini, Ianuari 14, 1858.

        Moi Oto o Helen@, kipu ia i ka 1862.

        Abdul Aziz, S@letana o Tureke, hou ia i ka upa, Iune, 1876.

        Emepera Uilama I o Geremania, kipu ia no elua manawa i ka 1878.

        Moi Alfonso o Sepania, kipu ia no elua manawa i ka 1878 a me 1879.

        Alekandedero II o Rusia, welwelu liilii ke kino i ka poka pahu, Maraki 13, 1881.

        Peresidena Carnot o Farani, hou ia i ka pahi e Caesario Santo, Iune 24, 1894.

        Shah Nasredin o Peresia, make powa ia i ka 1896.

        Humebata o Italia, powa ia e Pietrre A@eisrito, Aperila 22, 1897.

        Peresidena Faure o Farani, powa ia me ka poka d@inamita i Iune 1897.

        Kuhina Kiekie Canovas o Sepania, hou ia i ka pahi e Rinaldi, Augate 8, 1897:

        Peresidena Borda o Uruguay, make powa ia, Augate, 1897.

        Peredidena Barrios o Guatemala, make powa ia Feber@ari 9, 1898.

        Emepera Wahine o Auseturia, hou ia i ka pahi ma Geneva, Sepatemaba 10, 1898.

        Humebata o Italia, kipu ia ekolu manawa e Breei, Iulai 29, 1900.

        He ekolu mau manawa like ole  i hoao ia ai e powa ke ola o ka Moiwahine Victoria, he elua manawa o ko Edewad @, i kona wa e noho ana ma ke kulana Keikialii o Wale.

        Ua kipu hou ia he moi o Peresia e Augus@ Salon, ma Parisa, Augate 1, 1900.

        Ua hoao ia e powa ke ola o Peresidena Diaz o Mekiko, Novemaba 1897.

        O ka Peresidena mua o Amerika @@@ Ha@@@ me na hoopoino ana a ka powa oia o Peresidena L@@@kona, ua kipu ia ola e Wilken Booth maloko o ka hale keaka Ford, ma Wasinetona, ma ka po o Aperila 14, 1865, a make ma kekahi la ae. O ka elua o Peresidena Gafila, ua kipu ia oia ma kahi hoolulu kaaahi ma Wasinetona i kona  wa e pii aku ana no loaa o ke kaaahi i Iulai 2, 1881, a make i ka la 19 o Sepatemaba, 1881. O Makinile kipu ia i Sepatemaba 6, make i Speatemba 14, 1901.

 

HOPOHOPO IA KA HUAKAI A KA HOOILINA ALII O BERITANIA NUI

 

        Quebec, Sept. 15. Ua hoea mai la ka moku alii Ophir, i ukali ia e na mokukaua hakaka, ma kahi he 12 mile malalo aku o keia kulanakauhale i keia auina la, a ma ka la apopo e nee mai ai lakou no onei. He nui na lono e hauwawaia nei, aole ke Duke a me ke Duke Wahine o Ioka a me Cornwall e hooloihi aku ana i ka laua huakai ma o aku o Quebec nei. Ua malamaia he halawai e ka Aha Federala i keia la maluna o na mokukaua holomama e ku nei maloko o ke awa. O ka manao o keia halawai ana aole he mea i ike, aka, ua olelo ia ae nae no ka nee ana o ka huakai alii.

        No kekahi mau la lehulehu ua hoopuka ae na nupepa Canada, o ka nee ana a kekahi mau anakia i ike nui eia ia ke hakilo pono ia nei e na makaikiu o Canada. Ua hopu ia ma Montreal, Canada, he kanaka anakia Italia ino loa, mai Nu Ioka oia i hele mai ai, me ke ahiahi Poalua nei. O kona hopu ia ana ua hana ia me ka maluhia, a o kona hoea ana mai la ua manaoia no ka hoopoino ana ia i ke ola o ka Hooilina Alii o Beritania Nui me kana wahine. Pela i hopohopo ia ai ka laua huakai makaikai i ka laula o Canada.

 

PULE HOALOHALOHA NO MAKINILE

 

        E malama ia ana maloko o ka luakini o Kawaihao ma ka hora 10 oi keia kakahiaka Poaono, he anaina haipule hoalohaloha no Peresidena Makinile.  He uuku wale no na noho i hookaawale ia no na luna aupuni, a o ka nui ua hookuu akea ia i ka lehulehu. E haawi ana ka bana aupuni he mau mele kanikau maloko o ka pa luakini o Kawaihao ma keia kakahiaka.

        Ua hoopuka ae o Kiaaina Dole he kauoha e pani ia na keena aupuni a pau o ke Teritori nei ma keia Poaono, a e hoolilo ia hoi ia he la kanikau a me ka pule ana no ka Peresidena o Amerika Huipuia, Wiliama Makinile, i make mai nei i ka waha o ka pu panapana a ka enemi.

 

UA WANANA MUA IA KO MAKINILE MAKE.

 

        Kapalakiko, Sept. 15. Ua olelo ae o kauka Hana Niho, A. L. Simpson, o 1206 alanui Makeke, i na la mua o keia makahiki, o Madam Young, he wahine kilokilo, ua wanana ae oia e powa ia ana o Peresidena Makinile, ma kekahi o kana hoike ana. Ma ka @@@ ponoia ana aku o A. L. Simpson. Ua hoike mai la oia:

        iIloko o Ianuari ua hiki aku au ma kekahi o kana mau hoike kilokilo ana ma kona hale ma ke alanui McAllister. Ua olelo mai oia e haawi mai ana oia he wanana no keia makahiki e hele nei. O kana i hoike mua mai ai, e make ana ka Moiwahine Victoria ma kela mua koke iho. Ua hoike hou mai la oia e powa ia ana o Peresidena Makinile, e make pu ana me Mrs. Makinnile. O ka Moi Edewada o Enelani e powa pu ia ana oia me keia makahiki. Aole au he mea hilinai i keia hana, aka, o keia wanana nae i hana ia ia wa, ua lilo ia i mea na'u e noonoo nui ai i keia wa.

 

LOAA HOU KA LANAKILA I NA KOA BERITANIA.

 

        Ladana, Sept. 6. Ua loaa mai la keia mau hoike i ke keena kaua mai a Haku Kitchener mai, mai Preotria mai, e olelo ana.

 

        He 300 BOa i nee aku ma ka hema o Muliwai Alanui, e kokoke ana i Herschell, ma ka la inehinei. Ua uhai aku kekahi o ko makou mau puali ia lakou. I ka la inehinei ua uhai aku o Scobell mahope o Lotter a ke hauoli nei au i ka hoike aku ua loaa iaia ka lanakila, ua halawai oia me ka enemi i keia kakahiaka me ka hopu pio ana aku i ka puali holookoa. O ka poino o na Boa he 19 i make, 52 i hoehaia, me 62 i hopu pio ia me ko lakou mau pono a pau. Iwaena o na pio i hopuia o na alakai Lotter me Bredt. Kapena Kreuger a me lutanela Schoeman. O ko makou poino he umi i make a me ewalu i hoeha ia.

        Cape Colony, Spet. 5. Ua hoohikilele aku o Konela Scobell ma ka la inehinei i ka puali o Lotter ma kahi kokoke i Petersburg, ua hoeha ia o Lotter a he nui na poe i make, 46 i hoeha ia, 103 i hopu pio ua laweia mai na pio i anei i keia la.

 

HEIHEI MUA MAWAENA O KA SHAMROCK A ME KE COLUMBIA.

 

        Nu Ioka, Sept. 16. Ma ka noho ana a ka halawai a na komite o na huihui heihei New York Yacht Club me ka Royal Ul@ter Club na hooholia oka heihei mua mawaena o Shamrock a me ka Poaha, Sepatemaba 26. Heihei elua ma ka Poaono, Sepatemaba 28.

 

@@@@ O IOLANI HALE I KE KANIKAU.

 

        Malalo o ke kauoha a Dole eia ke uhi ia nei o Iolani Hale i na kahakahana eleele he  he hoike no ke komo pu ana aku o ke Teritori Hawaii iloko o na kumakena ana me na mokuaina a me na teritori o Amerika Huipuia @@ ka make ana o Peresidena Makinile. O ka nui o na i a lole eleele a hoolilo ia aku ana no ka uhi ana ma kahi no ia o 1,500. E kau ana keia mau kahakahana kanikau no kanaono la.

 

Nuhou Kuloko.

 

        He nui ke ohohia ia o na keiki liilii keaka e paani nei i keia mau po maloko o ka Hale Mele Hou.

 

        O ka loaa ana mai nei o na lono maluna o ka moku koa Warren no ka make ana o Makinile, ua apo ia aku ia e na Hawaii me na manao kaumaha.

 

        He kuai hoopau ko ka halekuai o Kukima i keia la, nolaila, mai poina e na makamaka i ke kipa ae malaila.

       

        Eia ma ke keena o KE ALOHA AINA he kaa baikikala, a o na mea a pau i nalowale ko lakou kaa he mea pono e hoike mai.

       

        E paa ana na hale inu rama i keia Poaono mai ka hora 9:30 a.m. a ka hora 1 p. m, no ka hoomanao ana i ka Peresidena Makinile i make.

 

        Ke hoike ia aku nei i na inoa lawe pepa a pau malalo o J. Kalue o Haena, Kauai, e hoike mai i ke keena nei, oiai, ua hoopau ia aku kona noho luna ana no keia pepa.

 

        He nui no Porto Rico a me na Paele e makilo hele mai nei i keia mau la ma na ipuka o na halekuai. He mea i hana ole ia e na Hawaii mai kinohi mai.

 

HOOLAHA.

 

KE PAPA LOA IA AKU NEI na kanaka a pau aole e komo wale maluna o na Aina Hanai Holoholona o Puuhue a me Kahua no ka huli ana i na holoholona me ka loaa mua ole mai o ka palapala ae mai na Luna Nui mai o keia mau Hui Hanai Holoholona, a e na poe e hoolohe ole ana i keia e hoopii ia no ma ke kanawai.

        A ke kauoha.

        P. Woods

        S. F. Woods.

 

G. P. KAUIMAKAOLE

 

        He Loio ma ke Kanawai, a e loaa no wau i ka Uakea o Hana ma Makaalae, Hamoa, Maui.

 

OLELO HOOLAHA.

 

        Ua loaa ia'u kekahi lio wahine ulaula i kuni ia i ka hao @@@ ma ka uha hope, lae kea nui ekolu wawae keokeo. Ina o ka mea nona keia lio e kii koke mai iloko o na la he 15 me ka uku pu mai i na lilo a pau me ka luhi o ko'u malama ana, a i kii ole ia mai a hala na la he 15 e lilo loa no ia'u keia lio.

        KEONI INAIA.

Maunalua, Sept. 11, 1901.    2w