Ke Aloha Aina, Volume VII, Number 39, 28 Kepakemapa 1901 — Page 5

KE ALOHA AINA

POAONO, SEPATEMABA 28, 1901

 

HE MOO KAI MA NA WAI O KINA.

 

O keia malalo iho na hoike ma ka Hongkong Weekly Press e pili ana no kekahi moo kai nui i ike ia ma na wai o Kina ma kela mahina aku nei, penei:

Ma ka La Pule, Aug. 18, 1901, ma ka hora 11:20 a.m., oiai, ka waapa mokuahi Lungtsing o ka oihana dute o Kina e holo malie ana no Boddan, Cove, mokupuu, Tulgho, i ka hoea ana ma kahi he umi kaula hao mai ka mokupuni mai o Chuk Chao, ua ike aku ia au i kekahi mea eleele e laua aua iluna o ka ilikai, ma ka aoao akau o ka moku, a i like me he puu pohku la.  Ua haawi koke ae la au i ka’u kauoha no ka emi hope ana o ka moku, a kaal@ @ la ka moku ma kahi he 30 kapuai mai kahi mai o ka mea eleele.  Iloko o ko’u hikilele nui ua ike aku la au ho moo nahesa nui e moe lapuu ana, a o kona poo hei e auku ana ma kahi he ekolu kapuai ke kiekie mai kona kino ae e moe poepoe nei.  Ua hoopaa koke ia ka holo o ka moku me ka hookuu ia ana o ka waapa o ka aoao akau.  Ua hoouna aku la au ia Mr. Kuster, ke aliimoku elua me ko’a haawi aku i ke kauoha e pepehi i ka moo ina e hiki ana.  Ua lawe ae o Kuster i kona kulana ma ka ihu a ma kona lima e paa ana he huka waapa.  Ua emi iho ke poo o ka moo ilalo i keia wa, a i ke kokoke ana aku o ka waapa ua uhau mai la oia i kona poo, a i ka pa ana o kekahi hoe ua walawala pahu aku la ke kanaka oia hoe.  Ua pii hou ae la ke poo o ua moo la, a like me na kewe waapa o ka moku nona ke kiekie he 15 kapuai, nona ke mamao mai ka waapa aku he 10 kapuai, a mai ka moku aku he 30 kapuai.  Ua hoopiha ia na kolu waapa me ka weliweli a hoao iho la e lele iloko o ke kai.  Aia no o Mr. Kuster e ku ana ma ka ihu o ka waapa me ka makaukau e pahu aku i ka huka waapa ana e paa ana, aka, mamua nae o ka hiki ana iaia ke hooko aku, ua luu aku la ua moo la a holo aku la.  O kana au ana he like no me ka moo wai.  He moakaka ke kai, a ua hiki ke ike ia no kekahi mau kapuai.  He hikiwawe loa kona luu ana me ka hoaleale pu ana i ka wai.

O ko makou hoomaopopo o ka loihi o keia moo mawaena o kanaha a ke kanalima kapuai.  He mea i like me ka lepe ke kau ana ma kona poo.  He elua ona pekekeu ma kona a-i mahope pono o kona waha.  O kona poo he like me kekahi popo peku wawae me na maka nui, a e hamama ana hoi kona waha.  O kona wahi manoanoa loa ma kahi no la he 15 kapuai mai ke poo mai.  He uliuli kona kua me ke kikokiko, aka, he keokeo nae kona opu.

I ka nalowale ana aku o ka moo, a o makou hoi maluna o ka moku mai uluku ana a ua manao hikilele, ua kanoha ae au e hoopiha ia he pu Nordenfelt, a hoio hali aku la ka moku no 15 a i ole 20 minute me ka manaolana e hoea hou ae ana oia, i ka nele ana ua hoomau aku la ka moku no kona alahele no Boddan Cove.

Kaikauinoaia,

F. WOLFE.

 

Aliimoku e hookele @ i ka C. L. Lungtsin, Aug. 21, 1901.

O keia hoike, ua kakauinoa ia e Mr. V. Kuster, aliimoku 2, wiliki 1, pailata 1 a me 2, a me 14 luina.

 

PAU KA WAIHO ANA I NA KOI.

 

Ma ka hora 4 o ka Poalua nei i pau ai ka waiho ana aku o na koi poho imua o ke Komisina Poho Pauahi, elike me ke kauoha a ke kanawai.  O na koi haule hope e waiho ia aku ana e kue ia mai ana ia e ke Komisina, aole hoi he wa nona e hoolohe ia ai imua oia Komisina, oiai, oia ua piha kuineki me na kui like ole.  O ka nui o na koi i waiho ia aku a hiki i ka Poalua nei, ua hoea aku no ia i ka 6,789, a no lakou ka huina koi i hiki i ka $3,200,000.  O ka olelo hooholo a ke Komisina, me he mea la, e hoea mai ana no ia mahope o ka pau ana o na koi a pau i ka hoolohe ia.

 

UA HALA O REV. WAIAMAU.

 

Ma ka hora 1 o keia wanaao Poakahi i kikoo mai ai na lima palanehe o ka anela o ka make a lawe aku la i ke ola makamae o Rev. Waiamau mai kona hale kino aku.  He 64 ka nui o kona mau makahiki i kona wa i hala aku la a ua haalele iho la oia he wahine a me na keiki e paiauma aku nona.

He kanaka o Waiamau i kamaaina nui i ko keia kulanakauhale a no umi makahiki o kona noho kahu ana no ka ekalesia o Kaumakapili.  He ma’i lolo kona no kekahi mau makahiki i hala ae nei, a ua hoea mai hoi kona make iloko o ka wa i manao ole ia.  Ma ka Poaono nei ua hina oia, a mai keia hina ana ua hoomaka koke mai la ka nui o na haawina ehaeha o ka ma’i maluna ona a haalele koke mai la oia i keia ola ana.  Me ka ohana ko KE ALOHA AINA mau u pu ana.

 

He oia mau no ke kuai hoemi nui e malamaia nei ma ka halekuai o L. B. Kerr ma.

Ua hoopanee ia ka heihei moku nui mawaena o ka Shamrock a me ke Columbia no kekahi wa okea aku, oiai, ke aupuni Amerika iloko o ke kanikau no kona Peresidena.

 

LA HEIHEI WAAPA.

 

Iwaena o na tausani poe makai kai e hoopiha ana i na uwapo, na moku, na hale o na hui heihei waapa, a maluna o na waapa maloko o ke awa lai o Kou, i maia@ ai ua lealea heihei waapa o ka Poaono nei.  He nui na hana pili dala i malama ia ma ke kahua heihei e na poe puni lealea mawaena o na heihei ana a ka Metala a me ka Healani, a me na heihei a @.  A o kela malalo iho nei na heihei a me na waapa, waa a me na moku heihei na lakoa ka lanakila oia la:

1.    Heihei eono hoe, makana ki@ $30; Healani a me Mataia.  Hoopaapaa ia, a e heihei hou ana i keia Poaono.

2.    Heihei waapa kiki eono hoe makana $30, Kanoelani, Kapiolani a me Alexander R.  Eo ia Kanoelani.

3.    Heihei waapa eono hoe, makana kiaha $25, Healani a me Mataia.  Eo i ka Mataia.

4.    Heihei moku papa ekahi, makana ekahi kiaha $50, elua kiaha $30, Mary L., Gladys a me Helene.  Eo ia Mary L 1, Gladys 2, Helene 3.

5.    Heihei moku papa elua, makana ekahi kiaha $35, elua kiaha $20, Dewey.  Eo ia Dewey.

6.    Heihei moku papa ekolu, makana ekahi kiaha $30, elua kiaha $20, ekolu kiaha $15, Pirate, Vi-ke, Shamrock III, Skip, Oio, a me Mataia.  Eo ia Myrtle 1, Oio 2, Shamrock III 3.

7.    Heihei moku papa eha, makana ekahi kiaha $25, elua kiaha $20, Canary, Pokii, Clytie a ma Abbie M.  Eo ia Pokii 1, Abbie M 2.

8.    Hukihuki waapa lawaia Iapana, makana $20, Matsumoto, Doi, Masuda, Yamada, Ito a me Yokomita.  Eo ia Ito.

9.    Heihei au 100 i-a, makana $15, Tolbert, King, McGettingan, McIntyre, McIntosh, Nostron, W. K. Pua a me Harris.  Eo ia W. K. Pua.

10.  Heihei luu, makana, $15, Love, Ming Mym, Fiddes, Moke, Makaihi a me E. Devauhelle.  Eo la Makaihi.

11.  Heihei waapa eha hoe, makana kiaha $25, Healani me ka Mataia.  Eo i ka Healani.

12.  Heihei huelo beti, makana ekahi, $30, elua $10, Opunui a me Flying Fish.  Eo ia Opunui 1, Flying Fish 2.

13.  Heihei waa eono, hoe, makana ekahi $20, elua $15, Alabama, Muolani, Imi, Kakaako a me Puakauwahi.  Eo ia Alabama 1, Imi 2.

14.  Heihei waapa eono hoe, makana kiaha $25, Healani a me Mataia.  Eo i ka Mataia.

15.  Heihei waapa mokuahi, makana ekahi $30, elua $20; Kinau, Claudine, Helene a me Mikahala.  Eo ia Kinau 1, Claudine 2.

16.  Heihei waa pea, makana ekahi $20, elua $10; Alabama, Muilaulani, Hukimoku, Marine Railway a me Rogers.  Eo ia Marine Railway.

17.  Heihei hapalua mile, makana $15.  Eo ia King.

18.  Heihei waapa kalepa eha hoe, makana ekahi $20, elua $10, Foohng Suey, Santu, Red, White and Blue a me Spokane.  Eo ia Foohng Suey.

19.  Heihei waapa elua hoe, makana ekahi $15, elua $10, No. 10, Every time, Mayflower, Governor, Minnie a me Mahuka.  Eo ia Governer 1, Mayflower 2.

20.  Heihei waapa Geremania elua hoe, makana kiaha $20; Healani a me Mataia.  Eo i ka Mataia.

 

HE EKOLU MAU PORTO RICO.

 

Ua loaa mai nei he mau hoike mai Hilo mai no ka mahuka ana aku he ekolu mau paahao Porto Rico mai ka laina paahao aku a hoea ana ma na alanui o Hamakua e kokoke ana i Kamaee.  O ka manawa i mahuka ai o keia mau paahao ma kekahi hora no ia o ke kakahiaka nui, a i ka ike ia aua o ko lakou nalowale @ hoouna ia aku la he elua makai elua kiai a me ka luna nui no ka hanu ana i ka meheu e na kolohe.

He hookahi paahao nona ka inoa e Lopez a ua manao la oia ke alakai o keia hana holo mahuka, e paa ana no ka poka ma kona wawae.  O ka elua iho la keia e kona holo mahuka ana.

 

AAHU MAKALIKE O NA K@ LAIWA KAA HAPAUMI.

 

Ma ke kakahiaka La Pule nei ua hoohikilele ia na poe a pau o ke kulanakauhale nei i ka ike ana aku e aahu mai ana na kalaiwa kaa hapaumi a pau i na aahu makalike i hana ia no lakou no ko lakou wa e paa ana i ka hana no ka hui kaa hapaumi.

O na aahu a keia mau kalaiwa e komo ana oia no lole mauu kaki a na makai kaulio e komo nei.  Ua hana ia ka a-i, ka pu lima a me na lole wawae me na molina bolu, a he kohu koa no hoi ke nana aku ma kahi mamao.  He maemae ko lakou nahaina i keia wa, a ma ko lakou mau poo e kau ana na papale kaleponi hakeakea me na hua palapala H. T. Co. i kuni ia.

 

HUI HAWAIIAN REALTY A ME MATURITY KAUPALENAIA.

 

HUINA KUMU, $50,000.00

500 Mahele, $10 Pakahi Uku Pihaia

 

Na Lunanui:––L. K. Kenewela—Peresidena, W. J. Robinson—Hope Peresidena, L. Ahlo—Puuku, P. H. Burnette—Kakauolelo.

Ke haawi aku nei ka Hawaiian Realaty a me Maturity.  Kaupalenaia i ka lehulehu i kekahi hana maikai loa no ka malama ana a hoouluulu ana hoi i na wahi kenikeni i kela a me keia mahina.  E kukulu no makou i hale nou a hoopuka, i $200 makou inoa, a haawi aku makou ia oukou i 75 mahina e uku mai ai i keia mau dala me ka loaa pu aku o kekahi mau palapala no lakou ka waiwai pakahi he $50, ua like ia me 19 mahina e uku ia ai o ka pepa hookahi, alaila, kaa kela mau dala.  He elua wale no au dala e uku ai i kela a me kela mahina a i ka pau ana o 75 mahina ua ukuia e oe he $150, oiai no nae, he $200 i loaa aku ia oe.

He 45 apana aina i kupono no ke kukulu hale a makou i kela manawa.

No na mea aku i koe e hele ae i ko makou keena.

 

HUI HAWAIIAN RELTY A ME MATURITY KAUPALENAIA.

Maluna ae o Kakela a me Kuke, Alanui Moi.

 

Aia kekahi keena o makou mea Hilo.  O M. E. Silva ko makou Agena.

 

ROBERT PUUKI

HE ANA AINA MAKAUKAU.

 

E loaa na oia ma ke Keena o J. K. Penikalaka (Kapamawaho), Rumi Helu 13; Hale Oihana o Makuna, Kihi o Alanui Kalepa me Alakea,

aug 27—3m.