Ke Aloha Aina, Volume VII, Number 38, 21 Kepakemapa 1901 — Page 6

KE ALOHA AINA POAONO, SEPATEMABA 21, 1901.

 

WELIWELI KA HANA A KEIA MAKUA

 

            He lihaliha a me ka manaonao na hana a kekahi Iapana nona ka inoa o fanaki Kasaboro, i lawelawe iho ai maluna o kana bebe o elua makahiki, ma kela Poaono aku nei, a nona hoi keia moolelo a makou e hoopuka aku nei.

            No kekahi manawa ihala ae nei @@ hoopilikia ia o Kasaboro ma ka lolo ana o kona lima akau, ia wa ua ulu mai la ua hoomano @@@ @@@  i loko ona aole e hiki ana iaia ke malama hou i kona @@@@@ iloko ona aole e hiki ana iaia ke malama hou i kona @@@@@ a ike maoli no oia i ka nele, ua lilo ia i mea e hoehaeha loa ia ai kona naau, a o ka hopena o keia maunoonoo kaumaha ana ua kupu ae la he manao puuwai eleele e pepehi i kona ohana a pau.

            Ma ka hora 4 auina la Poaono nei i hookou ai oia i kona mau manao weliweli i hoolala mua ai ma ka lawer ana aku i kna bebe kaikamahine o elua ma kahiki no mauka aku o Puunui,maloko o ka nahelhele i ka wa a ka la e kokoke aku ana e napoo, ua nakii ae la oia he kaula ma ka pua’i o kaua kaikamahine a umi iho la a hiki i ka make ana. Aole o Kasaboro i hopiha ia me ka weliweli no keia hana puuwai eleele ana e lawelawe nei maluna o ka hua ohana a ke Akua i haawi mai ai no kona kihapai i keia wa e uluhia nei na manao hehena, aka, i ka wa nae i make ai o ke kaikamahine a hoi mai la na noonoo ao kanaka iloko ona ua hoopiha ia iho la oia nae na manao hopopopo no na mea ana i hooko iho la, aka, ua hiki ole nae iaia ke hoihoi hou mai i ka uhane ola iloko o ke kino puanuanu o ka opio e waiho ae ana imua o kona alo.

            ma keia wa ua makemake iho la oia e lawe kona ola, aka, ua hopohopo nae oia heaha la na hoopai e hookau ia mai ana nona ma kela ao mao. Iloko o keia ma kela ao mao. Iloko o keia manawa ua nui na mea e hookupilikii ia ai kona noonoo, a aole hoi ona makemake e hoihoi mai i ke kino make o ka opio imua o ke alo o ka makuahine i mea nona e hoehaeha ia ai. Mahope o kona noho ana ma ka aoao o ke kino puanuanu ana i hooko ai i kana mau hana menemene ole, ua owili ae la oia i ka bebe iloko o kekahi huluhulu a lawe aku la i ka halewai. Ma ka hora 11 oia po ua hoea aku oia imua o ke kakauolelo o ka halewai a ma kona pakaukau i waiho iho ai oia i kana puolo weliweli a haawi pio aku la iaia imua o ke kanawai me ka hoike ana aku o ua Iapana nei nana ponoi i lawe i ke ola o kana kamaiki, a ua makemake oia e hoopai ia mai no ka hewa ana i lawelawe ai.

            Ua telepona ia aku o Hope Makai Nui Chillingworth, a i kona hoea ana mai ua hoike aku la o Kasaboro i na mea a pau me ka @ana aku ua lawe oia i ke ola o ke keiki me kekahi kaula opu Iapana ma o ka hiki hou ole ana iaia ke malama hou aku i kona ola, no ka nele mai ke kumu, ma o ka poino 1 loaa i kona lima. He ekolu ka nui o kana mau keiki, a ua makemake no oia e lawe i ke ola o na keiki i koe a mahope aku kona ola. I ka ninau ia ana aku i ke kumu i lawe ai oia i ke aola o ka mea nuku loa mamua, ua hoike mai oia o keia ka mea hoopilikia i ka makuahine i ka wa hana.

            Ma ke kakahiaka La Pule ae akahi no a loaa aku ka lono kau maha i ka makuahine. Ua hoike mai oia ua haalele iho kana kane me ke kamaiki i ka hale ma ka auina la Poaono, ua kahea mai oia i kekahi mau keiki e ukali pu aku me ia, aka, aole na keiki i hoolohe aku, a mai ia wa mai ko laua nalowale ana a hiki i ka wa i loaa aku ai o keia lono kaumaha iaia. O ko laua ike hope ia ana wahi a ka wahine na kekahi Iapana ma ka aoao o ka pali e hanai ana oia i ke keiki i na hua kuawa.

            Ma ka noho ana o ka aha Koronero ua lawe mai la lakou i ka olelo hooholo ua make ke ka ika mahine nona ka inoa o Kimi, ma o ka umi ia ana e kona makuakane. He nele maoli no keia ohana a ua haawi ia aku na kokua ana e kekahi poe puuwai aloha. Ke paa nei ka makuakane no ka hewa pepehi kanaka ma ke degere ekahi. Ma ka La Pule nei i hoolewa ia ai ke kino make o ka bebe. Manaonao wale ka hana a keia makuakane i lawelawe iho la.

 

HOLO WALE NA MAKAI MA NA KAA UWILA.

 

            Ua loaa aku la he mau hoike ia Makai Nui Baraunu mai a Luna Nui Ballentyne aku o ke kaa uwila e hai aku ana, ma keia hope aku ua hokuu akea ia na kaa uwila i na makai a pau i ko lakou wa e paa ana ma ka hana, a e aahu ana hoi i na kahiko o ka oihana makai. O na wahi i hookaawaleia no lakou oia no ka papahele o mua o na kaa uwila a pau. ua hoohauoli ia o Makai Nui Barunu no keia lokomaikai nui i haawi ia aku e ka hui kaa uwila i ka oihana makai.

            He mea hoi i loaa ole i ka oihana makai mai ka hui kaa haapaumi mai mai kona hooholo ia ana a hiki i keia la. aka, e uku mau ana na makai i na wa a pau a lakou e kau ai maluna o ke kaa hapaumi.

           

NUI KA @@@@@ I KEIA WA.

 

            Aohe he wa mai kinohi mai i oi aku ai o na hana aihue i lawelawe ia maloko o ke kulanakauhale nei e like me keia wa. Ma ka po ka La Pule a i ole i ka wanaao Poakahi nei, ua komo @@@@@@ na haleku@ a p@a e ku nei ma Ewa o ke alanui Pap@, mawaena o na alanui Moi a me Kalepa, a i ka wa i wehe ia aku ai o na puka oia mau halekuai, aia hoi e waiho ana ka meheu a ke kolohe i hana ai.

            Ua komo ia ka halekuai o Makanani ma ka puka aniani a ua pau hoi na ume pakaukau i ka wehi ia me ke kuekaa ia o loko a oiai, ua pau loa na dala i ka hoihoi ia iloko o ka pahu hao i ka pau ana o ke kuai ana o ke ahiahi Poaono, nolaila, ua hoohoka ia ke kolohe me na pomaikai ma keia hale.

            Maanei aku ua komo aku la ke kolohe iloko o ka halekuai siga e pili ana mauka iho, ma o ka wawahi ia ana o ka paka mahope, a o ka nui o kona poino aole he mea i hiki ke koho, aka, ua manao ia nae ua lilo aku no kekahi mau waiwai o loko i ke kolohe. he mau halekuai e ae no kekahi e ku ana malaila i hoao ia e ke kolohe e wawahi, aka, ua hooko ole ia nae ia manao palaualelo.

            mai keia wahi ua pii aku ka aihue ma ke kaupoku o ka hale a hele aku la a komo iloko o ka halekuai laau o Hobron ua iho aku oia n ka rumi kuai o lalo a mai na ume kuai ua halawai iho la ke kolohe me na ulia pomaikai o ka loaa ana iloko o na ume waiho dala he huina i hiki aku ma kahi o aneane $100. Mahope o ke kuekaa ia ana o ia hale ua puehu aku la ke kolohe ma ka puka mahope ma ke oki ia ana me kekahi kila.

            eia ke huli ai nei ka aihue, aka, he pohihihi loa nae ke ala e loaa ai oia. Aole wale keia o na aihue i lawelawe ia maloko o ke kikowaena o ke kulanakauhale nei, aka, he elua pule ae nei no i hala, aia hoi ua komo aihue ia ka hale pohaku Staugewald e ku nei ma ke alanui Kalepa kokoke i ke alanui Papu ma Waikiki iho o ka halepohaku Judd. Ua pau na keena oihana o keia halepohaku i ke komo ia e ke kolohe, a he uuku nae na mea i lilo, aka, ua pau nae kekahi mau wahi i ka hoopoinaoia e ke kila a ka aihue.

            Ke haawi ia nei ua kohokoho ana me he mea la, na na paele no ia i haalele aku i na mahiko a hoi mai i ke kulanakauhale nei, a i ole na ua Porto Rico oia kaina @ ke, aka, ma ko makou manao iho na na poe haole aeahaukae a me aihue makau ole no ia o Amerika @ @ @ mai @ maluna o na moku kalepa. A ua loaa mai la ka wa e hiki ole ai ke loaa he moe maluhia ana i ke kanaka Hawaii e like me na au i hala aku la ka hiki e hoohamama wale i na ipuka aohe hoohalua o ka po, aka, ma keia wa e noho makaala mau ana oe no ka aihue e hoea aku ana i kou ipuka hale elike me na poe o Makiki e noho nei i keia wa.

 

Papa Kuhikuhi O KA Hoomanao eono O KA LA HEIHEI WAAPA E MALAMA IA ANA Poaono, Sept. 21. MA KE AWA O HONOLULU,

E Hoomaka ana ma ka hora 9 a.m.

 

1. 1.         Heihei Waapa Eono Hoe, @@@ i na mea a pau, makana, kiaha $30.
2. 2.         Heihei Waapa Kiki Eono Hoe makana, $30.
3. 3.         Heihei Waapa Eono Hoe, makana, kiaha $25.
4. 4.         Heihei Moku Kiakahi papa Ekahi, makana ekahi kiaha $50; elua kiaha $30.
5. 5.         Hehei Moku Kiakahi Papa Eiwa, makana ekahi, $35; elua kiaha $20.
6. 6.         Heihei Moku Kiakahi papa Ekolu, makana ekahi, kiaha $30; elua, kaha $20; ekolu kiaha $15.
7. 7.         Heihei Moku Kiakahi Papa E@@, makana ekahi, kiaha $25; elua kiaha $20.
8. 8.         Hukihuki Kaula, mawaena o na waapa lawaia Iapana, makana $20
9. 9.         Heihei Au, Hookahi Haneri i a au pololei, makana $15.
10. 10.       Heihei Luu, no ka ma@wa, makana $15.
11. 11.       HOOMAHA PAINA AWAKEA.
12. 12.       Heihei Waapa Eha Hoe, makana, kiaha $25.
13. 13.       Heihei Waapa Huelo Boti, makana ekahi $30; elua $10.
14. 14.       Heihei Waa Eono Hee, makana mua $20; elua $15.
15. 15.       Heihei waapa Eono Hoe, makaua, kiaha $25.
16. 16.       Heihei Waapa Mokuahi, makana mua $30; elua $15.
17. 17.       Heihei Waa Pea, makana ekahi, $20; elua $10.
18. 18.       Heihei Au, hapalua mile, makana $15.
19. 19.       Heihei Eha Hoe Waapa Kalepa, makana $20; elua $10.
20. 20.       Heihei Elua Hoe, waapa uwapo, makana ekahi, $15; elua $10.
21. 21.       Heihei Waapa Elua Hoe no na waapa mai Geremania ma@, makana, kiaha $20.

O keia papa kuhikuhi maluna ae ua hiki no ke hoololi ia. Aole he auhau no ke komo ana maloko o na heihei. O na heihei au a me luu, ua hookuu ia a hiki i ka wa heihei.

      O na heihei hoehoe a pau e hooko ia elike me na rula heihei o ka Hui Hoehoe Hawaii.

      O kela a me keia mea e komo ana i ka heihei e waiho mai oia i ka moa o kona waapam a ina aole, o ka moa o ka mea i hookomo mai iloko o ka heihei.

      E pani ia ana ke komo ana i na heihei @ J. W. Smithies ma ka hora 5 p.m., Poakolu, Sept. 18, 1901, ma ka halekuai Pacific Hardware Co.

      No na mea i koe e ninau ae i ke Komite Heihei Waapa, a i ole, i ke Kakauolelo J. W. Smithies.

 

1. A.        N. SNFORD.

KAUKA MAKA

Rumi 206 me 207 Boston Building Alanui Papu, mawaena o Hotele & Moi Honolulu