Ke Aloha Aina, Volume VII, Number 36, 7 September 1901 — Page 3
| This text was transcribed by: | Patty Mancini |
| This work is dedicated to: | In Loving Memory of My Father |
KE ALOHA AINA
KE ALOHA AINA, POAONO, SEPATEMABA 7, 1901.
LA HAUOLI O NA LIMAHANA
Iloko o ka ulumahiehie i malamaia ai na hana kai huakai a na limahana ma na alanui, na lealea heihei mawaho o Kapiolani Paka a me ka aha hulahula nui maloko o ka hale paikau koa ma ka po ana iho ma ka Poakahi nei, Sepatemaba 2
O ka hana lealea mua oia kakahiaka oia no ke kai huakai a na limahana unlona o na hui like ole e hoike ana i ka lakou mau oihana e lawelawe ana, a ua aahu ia hoi iloko ona lole maka like.
Ua hoakoakoa ae keia mau hui like ole ma ke kahua paikau o Haimoeipo ma ka hora 8:30 oia kakahiaka, a mahope o ka hora 9 ua maki mai la lakou no na alanui like olelo ke kulanakau hale nei, a o keia ka nee ana o ka huakai:
Mamua o ke poo o ka huakai e hele ana he elime mau makai kaulio no ka malama ana i ka maluhia, a mahope aku o lakou ka Ilamuku Nui o ka la me kona mau ukali. Mahope aku ka hana ka Hope Ilamuku o ka la me kona mau ukalli me na haiolelo o ka la maluna o na kaa, a mahope aku o lakou na koa Amerika.
Ma keia wahi i komo mai ai na hui nuiona like ole. O ka hui i lawe ae i ke kulana mua o ka huakai oia no ka hui hana paipu he 24 ko lakou nui a ua kahiko like ia lakou me na aahu maka like keokeo, a e paa ana lakou he mau mamalu Iapana.
Mahope aku o lakou ka hui uniona o na poe hana uwila i aahu ia no me na maka like keokeo no lakou ka heluna he 24, ma ko lakou mau lima e paa ana lakou he mau ohe keleawe, a ma kekahi poo o ua mau ohe keleawe nei e paa ana na kukui uwila ulaula, keokeo a me holu. E ukali ana hoi me lakou he kaa i piha me na lako hana uwila o keia a me keia ano, me na bele e kakani ana.
Mahope aku o na poe hana uwila ka hui uniona o na poe kamana he 24 ko lakou nui, a ua kahiko ia no lakou e like me ko lakou lole e aahu ai i ka wa hana, mahope o lakou na poe pai puna, a mahope aku o lakou na keiki pena uniona. E ukali pu ana i na keiki pane he kaa me kekahi hale a maluna o ua hale nei i hoike ae ai na keiki i ko lakou ike pena, i ka wa i haalele iho ai o ka huakai i ke kahua paikau he hale oia i nele ne paia me na kahiko nani o ke pena. aka, i kona hoea hou ana mai ua hooikilele ia na poe a pau i ka ike ana aku o ka hale a lakou i hoike ai i na manao hoowahawaha i ua minute i hala aku he hale nani oia i keia wa.
He mau wahi lii hooma@a kekahi iloko o ka huakai, he mau wahi keiki i huna ia na helehele na e kau ana maluna o na ekake. Mahope mai o laua ka hana Pukiki. A i keia wa i ike ia aku ai ka hui uniona o na Luina. Mamua o lakou e huki ia ana he kii moku kalepa maluna o kekahi kaa. Ua aahu ia lakou iloko oka aahu maka like o na luina. Mahope mai o lakou ka hui uniona o na poe hoohee hao he 16 ko lakou uni me na mamalu Iapana a mahope o lako he kapuahi hoohee hao me kona ahi e a ana me ka ikaika. Mahope aku ke kaa o ka hale hana hao me na ipuhao nui i ukali ia e na hui uniona hana ipuhao a me kapili moku.
A ma keia wahi i komo aku ai na kaa o kekahi mau hale oiahana o ke kulanakauhale nei e hoike ana i na waiwai o ko lakou mau halekuai. Iwaena o keia mau kaa he mau kaa kekahi no ka hale hana @ia Honolulu, a maluna o kekahi o lakou e ku ana he kanaka i aahu ia me kekahi kahiko loihi, a ua hoohalike ia hoi me ke kanaka piha lokomaikai a mai laia mai e haawila mai ana i ka lehulehu na kiaha hia manawalea.
Ua hoopina ia ae na alanui a ka huakai i nee ai me na heluna kanaka nui hewahewa.
Mahope o keia kai huakai ua malama ia he mau haiolelo ma ke kahua o ke Kapitala mai na haioleloo i wae ia no ia la oia o Lorrin Andrews, R. McCant Stewart, Franklin Austin a me Francis Murphy.
Ma na hora o ka auina la, aia hoi, na kanaka e moe kaoo ana no ke kahua heihei o Kaiolani Paka. Ua manao ia ua hoea aku ka nui o na kanaka malaila i ka umi tausani. Ua malama ia na lealea hookuku kinipopo mawaena o ka Honolulu a me ka Hoku a na lilo ka lanakila i ka inoa mua he 17 puni kue ia 12 puni.
Iloko o ka wa e malama ia ana o ka hookuku kinipopo maloko aku o ka paka me kona piha makaikai e malama pu ia ana na lealea heihei like ole mamua iho o ke kahua heihei lio. He nui ka hauoli o na mea a pau i na lealea i malama ia, a o ka oi loa aku oia no ka hukihuki kaula mawena o na keiki Hawaii o ka hui uniona pena a me na haole o ka hui uniona luina. Ua lilo ka eo o keia hukuhuki i na keiki Hawaii iwaena o na leo huro.
O na hana hope i malama ia no ia la oia no ka aha hulahula nui maloko o ka hale paikau. He mau haneri palapala kono i hoopuka ia no ia po, a ua piha kui neki o loko o ua hale nei me na poe hula a me na poe makaikai. Malaila pu ae ka hana aupuni kahi i haawi ai i na leo mele ua ka pomaikai o na poe hulahula, a ua hoomau ia na lealea a hoea wale i na hora koliuliu o ke kulu aumoe.
Ua olelo ia ae, aohe la nui lealea i haawi ia mamua e ua lima hana uniona o keia kulanakauhale e like la me keia. Pela io no ma ka ike aku. O ka makou i hauoli nui ai he maluhia loa ia la, aole hoi he mau haunaele i ulu ae ma kahi o na lealea i malamaia ai.
O na hui i loaa ka makana ma ke kai huakai ana iho nei, penei no ia:
No na kaa--Makana mua, $100 lilo i ke kaa hoikeike o na poe Hana Ipuhao a me Kapilimoku; makana elua, $50, lilo i ka hui Sela Uniona; makana ekolu, $25, lilo i ka hui hana hia Honolulu.
No ka maikai o na hikeike o na hui uniona--Makana mua $50, lilo i ka Sela Uniona, makana elua, $25, lilo i ka hui uniona hana paipu, makana ekolu, $10, lilo i ka hui uniona hana uwila.
HE ULIA PUINO MA KA MOANA.
Vitoria, B. C. Aug. 18, O ka mokuahi Islander ka moku holo o Alaskan, na halawai oia me ka ulia poino weliweli ma ka hora 2 o ka wanaao Poaha nei ma o ka hookui ana me kekahi moku hau (iceberg) e lana ana iluna o ka ilikai, mawaho mai o ka mikupuni Douglas. He 65 ola i piholo. O keia malalo iho nei ka hoike a ka nupepa Juneau Dispatch.
Ua loaa mai la na hoike i Treadwell, ma ka hora 8:30 a. m. mai kekahi puulu mai o na ohua i alakai ia e ka wiliki nui, i lele mai he 25 mile mai kahi mai o ka ulia poino i ike ia ai no ke noi ana mai i ke kulanakauhale e kokua aku ia lakou. O ka mokuahi Lucy o Treadwell a me ka mokuahi Flossie o Juneau na moku i hooko aku i keia leo uwalo. Ma ka hora 12 i huli hoi mai ai ka Flossie mai ke kahua mai o ka poino me kona hae e hapa ana, a maluna ona ua Iawe mai oia he eono kino make me na ohua.
O ka hoike a na poe i pakele mahunehune mai he ku i ka walohia a me ka weliweli. Ua hookui aku ka mokuahi Islander me kekahi moku hau. a no ka ikaika loa o keia hookui ana ua paa loa aku la na puka o na keena ohua, a ua hemo mai kekahi poe mai ko lakou mau keena mai ma o ka wawahi ia ana o na puka aniani. O ka nui o na uhane ola maluna o keia moku he 107 ohua a me 71 mau luina.
HOOLAHA KUAI A @ HOOPAA A KA MEA MORAKI.
Ke hoolahaia aku nei ma keia noka hooko ana aku i ka mana o ka hoolilo ana i kekahi moraki i hana ia ma k@ la 19 o Iulai, 1900, i hana ia e Kala Williams, K@lohookahi a me K@heleluhiau. no Honolulu, Mokupuni o Oahu. Teritori o Hawaii, lakou a p@u, ia Ja@ oia wahi hookahi na, o ua moraki la i olelo ia ua hoopaa ia ma ke Keena Kope ma Honolulu i olelo a ma ka Buke Aupuni 204, ma na aoao 460 a ka 462, owau, o James Berry, mea paa moraki. ke manao nei e paa i ua moraki la no ka hahaki ia ana o ka nei ke, oia hoi. kaulu ole ia ana o ku uku paneo @ kona manawa i olelo la.
O ka waiwai i hoakaka ia ma na moraki la i olelo ia penei ia: O kela apana a i ole mahele, a pau o ka aina e waiho ana ma Kewalo, Honolulu i oleloia ae nei, oia ka apana helu 27, maloko o ka mahele 11 o ka aina Kewalo, i kapaia, a o a ka na i hoolilo la mai ia Kala Williams a me Keliialohookahi ma kekahi palapala kuai a Thomas J. Higgins me kana wahine, i hana ai ma ka la 7 o Feberuari, 1898, a i hoopaaia ma ke Keena Kope, ma ka Buke Aupuni 177, aoao 434.
Ke hoolaha po ia aku nei, o ka waiwai i paa maloko o ua moraki la i olelo ia, e hoolilo ia aku ana no ia ma ke kuai kudala ia ana ma ke keena kudala o Will E Fisher, ma ke kihi o na alanui Kalepa a me Alakea, ma Honolulu i olelo ia, ma ka Poaono, Sepatemaba 28,m 1901. i ka hora 12 o ke awakea i olelo ia. Kuike ke Dala. Na hoolilo palapala kuai ma ka aoao ia o ka mea kuai.
Hanaia ma Hoolulu, H. T. Sepatemaba 3, 1901.
JAMES BERRY,
Mea Paa Moraki.
FRANCIS J. BARRY.
Loio no ka Mea Paa Moraki.
Love Building, Honolulu, H. T.
Waapa Loaa.
Ua loaa ia'u kekahi Waapa Kiki, mai ke kai mai ka pae ana mai, ma ko'u wahi noho ma Nahoko, Kalulu, Mokupuni o Lanai nei. Ke Malama ia nei e a'u, o ka manawa e ike ai o la mea nona keia waapa i keia hoo'aha, e kii koke mai oia, a e hoihoi pu mai i ko'u mau lilo no ka hoolaha ana a me ka malama ana A i kii ole mai oia a hala na la he 15 e lilo ia'u keia waapa.
KEONI NAKIHEI.
Nahoko, Lanai Aug. 20, 1901.
ROBERT PUUKI
HE ANA AINA MAKAUKAU.
E loaa na oia ma ke Keena o J. K. Penikalaka, (Kanamawaho), Rumi Helu 13; Hale Oihana o Makuna. Kihi o Alanui Kalepa me Alakea.
Aug 27--3m.
NOA W. ALULI
HE LOIO A HE KOKUA MA KE KANAWAI.
Ua makaukau oia e lawelawe i na hihia o kela a me keia ano imua o na Aha a pau o ke Teritori.
@ E loaa no oia ma ka Rumi Helu 32 ma ka Hale Pohaku o Kimo Ona Miliona (Campbell Block) ma ke Alanui Papu me Kalepa.
aug 22--3m
HOOLAHA.
KE PAPA LOA IA AKU NEI na kanaka a pau aole e komo wale maluna o na Aina Hanai Holoholona o Puuhue a me Kahua no ka huli ana i na holoholona me ka loaa mua ole mai o ka palapala ae mai na Luna Nui mai o keia mau Hui Hanai Holoholona, a o na poe e hoolohe ole ana i keia e hoopii ia no ma ke kaniwai.
Ma ke kanoha,
P. WOODS.
S. F. WOODS.