Ke Aloha Aina, Volume VII, Number 31, 3 August 1901 — Page 5

KE ALOHA AINA

AUGATE 3, 1901.

 

AOHE WAIWAI O NA BONA AUPUNI

            Maluna o ka mokuahi Peru i loaa mai ai na hoike ia Kiaaina Kuikawa Kupa mai Wasinetona mai e olelo ana, o na bona i manao ia e hoopuka ia ma ke kau Ahaolelo Kuikawa, aole e apono ia aku ana @ ka Peresidena.

            Wahi a ke Kakauolelo Hikihoki i hoike mai nei ia Kupa aia wale no ka apono ia o na bona a hooholo ia ka bila ale e ka Ahaolelo.

 

PAU O MOSES NAKUINA.

            He mea kahaha no ka lehulehu ka lohe ana mai ua hoopau ia o Moses Nakuina, ke kakua o Mr Thrum o ke Keena Kakau Kope o ke Aupuni no ka hemahema i ka hana i haawi ia aki ai nana e lawelawe.

            O ke Keena a Moses Nakuina lawelawe iho nei, ua paaia ia eia no elima makahiki, aka, akahi no a ike o Thrum i kona hawawa a hoopau mai la iaia.

            Ua like ka hoopaa ia ana mai la o keia keonimana mai kona kulana aupuni mmai e like me Kalo Wilikoki iho nei mamua koke aku nei.  Ma ko makou manao maoli iho no, aole keia hoopau i lawelawe maoli la mamuli o kona hawawa a i oia @, aka, ma o na manao pilikino ia i ulu ae mawaena ona a me kona haku.

            O Moses Nakuina oia ke kane a Mrs. Ema Nakuina, ka makua@ ponoi hoi o Lunamakaainana Bekele, a me he mea la, no kana mau olelo ikaika paha maloko o ka Hale o na Lunamakaaina e pili ana no keia Thrum, i hooulu mai i keia mau manao lokoino iloke o Mr. Thrum.

 

PILIKIA MAU NA BOA

            Kroonstadt, Iulai 21.  Ua hoohikilele aku o Mekia Pine Coffin he puali o na Boa ma Honingspruit ma ka la 19 o Iulai, a hopu pio iho la ia Alakai Hatting me elua keiki kane a Keneraia Prinsloo a me 24 poe e ae, a o ko lakou poino he 17 make a me hoehaia.

            Landans, Iulai 21.  Ua hoopuka ae la o Haku Robata, ke Alihikaua Kiekie, he kauoha me keia hope aku e lawe na aliikoa helewawae i na pu raifela liilii aole hoi i na pahikaua i ko lakou wa e nee ana maluna o @ kahua kaua a me na wa paikau hoomaamaa kaua.

            Ua huli mai ko makou ma@wahine Puuku ma ke Kinau o ka Poaono nei.

            E malamaia ana he anaina hai pule maluna o ke kino Panana Parker ma ka hora 3 o ka ani@ la apopo e Rev. H. H. Pareka ma ka home no ka mea make.

            Ua ike iho makou maloko o Ka Lehui Hawaii o lilo ae ana o Keoki Makamu ka Lunahoopono pono o ka nupena Kuokoa Home @.

 

NA LETA

            Aole e ili maluna o makou ke koi koi o na ahewa ana no kela m@u ma nao i hoopuka ia malalo o keia poo aka, @ ili no ia maluna o na poe na lakou i kakau mai.

            MR. LUNAHOOPONOPONO:

            Aloha oe:

            E oluolu mai ia`u i kekahi kowa o kou kino lahilahi e hookomo iho i keia mau mea heu, i ike mai ai o`u mau kini @ noho mai la i na kihi eha o ka Mokupuni o Maui, ka inoa kaulana o Maui no e ka oi, a nau hoi ia e uila mama aku a puni ke Teritori o Hawaii.

            Ma ka la 30 o Iulai, M. H., 1901, i huli hoi aku ai na poe Hanohano o ka Mokupuni o Maui, ka Hon. G. P. Kauimakaole, Hon. J. Ahulii a me ka Hon. F. W. Beckley, oia mokupuni hookahi no, a mamuli o ko lakou hoi ana, ua iho ae ka Puali Puhiohe o ke aupuni e hoohanohano ma kai o ka uwapo o Kal@dina a me ka Lehua, a hiki i ka hora 5 p.m., a ua haawi aku la ua poe keiki ala i na leo mele @ poina ole ai ua poe Hanohano ala i ke koi@koi a ka manao, na hookani ia mai na mele hula a me kekahi mau mele a ae he nui wale aku me ka nui o ka hauoli.

            Nolaila, e o`u mau makamaka aole loa i ikeia keia mau hana mamua aku nei a hiki wale no i keia manawa o ka iho ia e hookani ia ka hana puhiohe i ka wa e hoi ai na Lunamakaainana i keia manawa wale no, nolaila, na ka mea Hanohano keia noi @ Kohala, Hon. H. M. Kaniho i hooikaika i ka Ahaolelo e puhi ia na moku holo pili aina a pau i na wa holo oia poe moku, aole hoi i ka mokuahi Kaleponi wale no e puhi ai a na kakou hoi @ aua@o i ka uku o ua poe hookahi hokeo nei.

            Ua hiki mai ka manawa e hookani ia ai ko kakou mau moku Hawaii e holo pili aina nei, nolaila, e o`u mau makamaka o ka Mokupuni o Maui me ke ku kilakila imua o ko oukou alo, aohe puu, aohe kee oia poe i hoi aku la, he oia mau lakou i ke kupaa i ko ka lahui makemake aole hoi i haalele i ka hana a hiki i ka wa i pau ai.  Nolaila, e nana pono mai e na hoa mai puni hou aki i na hoowalewale ia mai a e ike i na hana a lakou i hana iho nei.

            Me ke aloha,

            G. W. K. KAHOAHANA.

            Honolulu, Iulai 31, 1901

 

HOAHUWALE IA KA NO`A

HUNA.

            Roma, Iulai 21.  Ua hopu ia o Marcesco Mioth no ke komo pu ana me na anakia e ohumu e powa i ke ola o ka Moi Victor Emanuela III o Italia.  O ka mea nana i kumakaia iaia oia no ka leta ana i kakau aku ai i kaua ipo, e noi aku ana e hoopau ia k@ laua hoopalau m@, no ka me@ ua kauona ia oia @ kekahi ahahui ana e noho iaia nei e hele aku e pepehi i ke ola o ka Moi.

 

HOIKE KULA SABATI HUI

@A KEALAULA.

            Ma ke kakahiaka Poakolu, Iulai 31, ka la hoihoi @ o Hawaii, i malama ia ai he hoike kula Sabati hui o ka Hoomana Naauao ma ka luakini o Kealaulaokamalamalama.  Uahoopiha ia olok@ o na @kini la me na h@hanau a me na poe makaikai i akoakoa aku, a mai oi loa aku paha ka hookeke ina he La Pule ka la i malama ia ai o keia hana maikai.  He nui ke hohia la o na hana i lawelawe ia mai e na papa kula Sabati o Kealaula a me na ekale@ia e ae oia hoomana i akoakoa ma@ he elua papa kula Sabati m@ mokupuni mai laua o Maui @ele mai ai.  He nani na himeni hoolea i mele ia mai e lakou me he piano honehone ia, na haiolelo piha naauao i hoike paa naau ia mai e hiki ole ai ke olelo ia ua lawa ole lakou me ka piha noeau e lawe ae i ka inoa a lakou e papahi nei ka Hoomana Naauao.

            Iwaena o na papa kula Sabati he nui i hoike mai i ka lakou mau haawi@a, he wahi papa hula Sabati kekahi i kapaia ka papa o na Kamaiki.  Iloko o keia papa he elua mau koa opio no laua na inoa o Ida Kahaawinui a me Malie Akana, e alakai ia ana e ko laua alihikaua Rev. S. K. Kamakaia.  Ua ku mai laua me ka wiwo ole imua o ke anaina i akoakoa aku a haawi mai la i kekahi mau leo mele nani me na haiolelo pu me ka pahemahema ole, a ua lilo laua i mea ohohia nui ia me ko laua alakai @ ka lehulehu i akoakoa aku.

            O ka papa o na kahunapule o ka Hoomana Naauao kekahi o na papa kula Sabati i hiaai ia maloko oiaila he umi mau lede ame ekolu kane o poni ia i mau ka hunapule no ia hoomana.  O ka lakou haawina i hoike mai ai oia na hana pono a ke kahunapule e lawelawe ai, oia hoi ka noho maluhia, i kane na ka wahine hookahi, ka puni waiwai ole, ka makau ia Iehova, a p@ aku.  O na papa kula Sabati o Kaolinookamalamalama mai Maui mau laua, a malalo laua o ke alakai ana a Rev. J. E. Kekipi; o ka Hoku o ke Komohana, mai Makua mai.  Aole he mea a na makaikai @ nema aku ai, ua hana lakou me ka manaolo hana, a ua nui ka eleu o na hana a pau i lawelaweia.  Ua malama ia he lulu dala no ka Luakini o Kaalohi, a ua loaa he $15.60.  No na papa kula Sabati o Kealaula aole mea a ka makaikai @ hoohalahala ai, no ka mea, aia iloko o lahou he mau kahuli leo lea a na mea a paa @ hiaai nui ai, a ma na hoike @bala aohe @.  Mahope o ka hoookuu ana o na hana o ka la iloko o ka maluhia a me ka hauoli nui @ naue aku na mea a pau no ka papaaina i hoomakaukauia a malaila i noho iho ai na mea a pau a hoopiha iho i ko lakou mau houpo lewalewa.

            Ma ka ike aku a ka malihini he nui na helehelena i kamaaina e noho mai ana he mau hoahanau no na ekale@ia la, a he hoike maopopo ana mai no ia i ka holomua o keia hoomana hou i kukulu ia ae @ ka Rev. J. Kekipi a me kekahi mau Hawaii oiaio.

            O keia malalo iho nei ka papa kuhikuhi o na hana oia ia.

 

NA HANA O KA LA.

1. Himeni Wehe, "E Hoolaa o Hoo @lo ia kakou."

2. Pule Wehe.

3. Himeni Hui, "Hoonani Mau."

4. Hoike o ka Ahahui Opio @ Kealaula.

5. Hoike na Kamaiki o B@hema.

6. Hoike a na Haiolelo o ka La.

7. Hoike o ka Papa Himeni.

8. Himeni Hui, "Pomaikai wale au la."

9. Hoike o na Kahunapule o Kealaula.

10. Hoike o na Kahunapule o Kaolino.

11. Hoike o ka Hoku o ke Komohana.

12. Hoike o Kaalohiokamalamalama.

13. Hoike o na Makuahine o Kealaula.

14. Himeni Hui, "Ku a Hele Mai e na Hoahanau."

15. Na Lulu me ka Himeni.

16. Hoike o na Opio o Kaolino.

17. Hoike o na Opio Wahine o Kealaula.

18. Manao Paipai nu Hoaloha me na Makamaka.

19. Pule Hookuu.

20. Himeni Hookuu, "E na Hoahanau o ka Naauao."

 

HOLOPONO KA HOAO IA

ANA O NA KAA UWILA.

            Ua hoao ia ka hooholo ana i na kaa uwila o ka Hui Rapid Transit ma ke alanui Alapai a hiki iwaho o Punahou, ma ka La Pule nei.  Ua ike ia aole he wahi kuia i hana ia o lakou.  Ua hoopiha ia o luna o na kaa me na poe makaikai a i ka wa i wehe ae ai o ke kalaiwa i ke ki uwila oia no ka wa o na kaa i niau aku ai me ka palanehe a me ka pakika iluna o ke alahao.

            I haka@ia wale no ka haulani ana o keia mau kaa uwila maluna o na alanui like ole o ke kulanakauhale nei mamuli o ka paa ole o na uwea uwila nana o hooholo ia lakou.

            He mau haneri kumukula i kipa mai la a hala loa aku ia no Manila, maluna o ka moku lawekoa Thamos, no k@ hoonaauao ana i na Pilipine, malalo o ka lilo o Amerika Huipuia.