Ke Aloha Aina, Volume VII, Number 31, 3 ʻAukake 1901 — Page 1

KE ALOHA AINA

UA MAU KE AE O KA AINA I KA PONO.

HOOKUMUIA I MEI 20, 1895

BUKE VII.                      HONOLULU, POAONO, AUGATE 3, 1901                      HELU 31

 

 

 

HOEA KE KINO WAILUA O MRS. PANANA PAKA I KE ONE HANAU O KE KUPUNA.

 

--------------------------------------

 

Hiipoi Mai la Kana Kane Aloha i Kona Kino Puanuanu no ko Laua Home Kulaiwi Aloha-- A Nalo Aku i ka Uhiwai o Mana.

 

------------------------------------------------

 

            Ma ke kakahiaka Paha nei i hoea mai ai ka mokuahi Peru i ke awa lai o Kou nei mai Kapa laakiko mai, a i ka wa no o ka moku e hookomo mai ana i ka nuku o Mamala, ua ike ia aku la kona mau hae e hapa ana e hoike mai ana hoi i ko ke kulanakauhale nei aia he ukana luuluu maluna ona e hii mai la.  Ae, o ke kino wailna o Mrs. Panana Paka kana e hoihoi puanuanu mai  nei i ka home, ka mea nona ia mau kahiko e hoike ia mai la e ka hale lana au i ke kai.  Aloha no.

 

            Mamua ae o ke komo ana mai o ka moku i ke awa nei, ua hoea mua ae i ka uwapo ka ohana o ka mea make, na hoaloha ame ka lehulehu no ka ike ana aku i ka holowaa oia makuahine aloha e mmoe lolii ana, e hoi uhane ole mai nei i ke one hnau o ke kupuna.

 

            Aole i hoolele koke ia mai ke kino make o Mrs. Paka a hiki i ka wa i pau ai o na ohua i ka lele mai iuka nei o ka aina, a ia wa i hapai ia mai ai oia iloko o ka mena o na mea a pau, a maluna o ko lakou mau helehele pakahi e hoike mai ana ia na nanaina kaumaha me na kulu waimaka e helelei ana nona.  Mahope ona e ukali ana kana kane aloha Mr, Sam Paka a me na keiki, Ernest a me James.

 

            Ua hoihoi pololei ia aku o Panana no ko laua home aloha mawaho o Kalaokahua, a malaila e waiho ia ai no ka ike hope ana o ka ohana a me na makamaka,  a ma ka Poalua ae nei e hoihoi ia aku ai oia no ka Uhiwai o Mana, ma ka Poaha ae hoi e hoomoe pu ia aku ai oia me ka ohana i hala mua aku i ka make.

 

            A o ka panina no hoi ia o kana huakai huli hoi mahope o ka alo ana mai nei he mau tausani mile ka mamao mai Nu Ioka mai, e moe no na iwi o kamahele i ka aina hanau @o na kupuna.  He wahine o Mrs. Panana Paka i aloha nui ia e ka poe kiekie a hoea loa aku i ka poe haahaa.  A he kupa kamaaina oia @ no ka Ua Kipuupuu o Waimea.

 

MOOKUAUHAU O MRS. PANANA

PARKER.

 

--------------------------------

 

            Ua hanauia o Mrs. Panana Parker ma Wailuku, Maui, i ka la 19 o Maraki, 1852, nolaila, ua piha iaia na makahiki he 49 a oi a hala wale aku la ma ke ala polikua a Kane.  O keia malalo iho nei ka mookuauhau o kona ohana:

 

            O Hattie Panana-o-Kauhanenui o Honokowailani Hianaloli, Kaiwaokalani; he kaikamahine oia na Napelakapu-o-Namahana-ika-Leleonaiani me Kitty Keliikuaaina Richardson.  O Napela k, he keiki na Hawaiiwaaole k, me Wiwiokalani Kauahine w; o Hawaiiwaaole k, he keiki na Keluluohokalani k, me Kekalaiwahea w. Keluluohokalani k, he keiki na Kuahaliulani k, me Kanekaolei w; Kuahaliulanai k, he keiki na Kekaulike k, me Kaakaukaamahelekuawalu w; Kekau like k, he keiki na Kaulahea Kalanikuihoneikamoku k, me Papakaniau w; o Kaulahea k, he keiki na Lonohonuakini k, me H@  @lani w, Lonohonuakini k, he keiki na Kalanikaumaka @ , me Kauakahimal@ @nikaumakaawaake@ @keiki @ Kauhiakama k@  Ke puk@ @; Kanhiakama k, he keiki @  Kimalalawalu k, ma Piiianiwahine w; Kamalalawalu k, he keiki na Kihapiilani k, me Kumaka w; Kukailani k, keiki na Keliiokaloa k, me Makuahineopalaka w; Keliiokaloa k, keiki na Umi k me Kapulani w; Umi k, keiki a Liloa k, me Akahiakuleana w; Niaupio Kapulani Kapukini w, kaikamahine a Liloa k, me Pinea w.

 

            Ma ka aoao o  ka makuahine:   O Kitty  K. Richardson, he kaikamahine oia ne John Richardson a me Ke @ikuaaina; o Keliikuaaina oia ka moopuna kualua a Kaolohaaka, ke alii nui o Molokai, i pepehi ia ai e Peleleiholani, a me Keawepoooloinamoku, he aliiwahine nui no Lanai a me Molokai, a he kaikamahine na Kaluaikeaokiikii w, me Luha k, he alii no Palaau, Molokai.

 

            O ka mookuauhau o Wiwiokalani w, makuahine o Napelakapu k:

 

            O Wiwiokalaniw, oia ke kaimahine a Kahakauila k me Koleamoku w, o Kahakauila, he keiki na Haikamanono k, me Hapunoholahi w; haikamanono k, keiki na Kuiniaumakaokalani k, me Hoolelehikiaupea w; Kuiniaumakaokkalani k, keiki na Lonoikamakahikikapu k, me Kaiuluakea w; Lonoikamaakahikikapu k, keiki na Kaoao k, me Pueopokini w; Kaoao k, keiki a Makakuikalani k, me Kaonohiokala w; Makakuikalani k, keiki a Kauhiokalani k, me Ikiikaponoole w; Kauhiokalani k, keiki na Kihapiilani k, me Koleamoku w; Kihapiilani k, keiki a Piilani k, me Laielohelohe w Pueopokii w, Kapukini w; he mau kaikamahine lakou na Makakaualii k me Kaakauauaao w; Makakaualii k, he keiki na Kukailani k, me Kaohukiokalani w.

 

-------------------------------------

 

            He wahine haole nona ka inoa o Mrs. Johnson kai hopu ia ma kaa Poaha nei no ka hooweliweli ana e kipu ia Frank Middleton o ka Hale Holoi Lole Steam Laundry, iloko o ko laua wa e hoopaapaa ana no kekahi lole i holoi ia o Mrs. Johnson i nalowale.