Ke Aloha Aina, Volume VII, Number 30, 27 July 1901 — Page 1

KE ALOHA AINA

 

ENAENA KE AHI A KA WAHINE

 

            Ma ka mokuahi Kinau o ka Ponono nei i huli hoi mai la mai ka Ua Kauilehua mai o Hilo i loaa hou mai ai na hoike, aia ka lua o Kilauea ke hoike mau la i kona kulana enaena, a he manawa wale no hoi no ka pele e hu ai. O na wahi hiki ke hele ia mamua o ka lua i keia wa ua hiki ole ia mamuli o ka ikaika loa o ka wela o na paho hoe pele. E lilo aku ana ka luapele ina e puka hou ae ana ke ahi a ka luahine Pele i wahi makaikai nui ia ma keia hope aku, oiai, o ke alahele e hiki aku ai ilaila he maalahi loa, a aole hoi e like ka nui o ka inea a me ka lilo no ka pii ana aku o ka malihini e ike iaia, e like me na makahiki i hala hope ae nei.

 

HE HOOMAIKAI.

 

            O makou o na poe no lakou na inoa malalo iho nei, ka ohana o ka mea i hala aku ma kela aoao o ka malu o ka make, Mrs. Charlotte Kakina. Ma keia, Ke pahola aku nei makou i ko makou hoomaikai nui i na poe a pau i komo pu mai ma ke anaina kanikau a me ke anaina hoolewa.

            Ke pahola hou aku nei makou i ko makou hoomaikai nui i na poe a pau i hoouna mai i ko lakou aloha pumehana no ka mea i hala, ma o ka Palapala Hoalohaloha ala, a me apo aku nei makou me ka lokahi i ko oukou aloha, me ka pumehana, ka luuluu, ka lihaliha a me ke kaumaha, no ka mea i hala, a e lilo ia mea na makou e poina ole ai.

            O makou iho no me ka wa@,

                        J. Kakina,

                        Z. Kakina,

                        W. Werner Jr.

                        J. Forbes,

                        S. Kamaka,

                        W. P. Aarona,

                        Mrs. Z. Kakina,

                        " E. W. Werner,

                        " E. H. Forbes,

                        " S. K. Aarona,

                        Miss C. P. Kakina,

                        " E. N. W. Kakina,

                        " N. K. K. Kakina,

                        " H. Kakina,

                        " R. H. Kakina,

                        " R. A. K. Kakina,

                        " E. W. W. Werner,

                        " M. H. Werner,

                        Mrs. W. K. Werner,

                        " S. N. K. Werner,

                        " W. I. Aarona.

@ lei, Kauai, Iulai 15, 1901.

 

NOI HOU I ELUA TAUSANI

 

            Ma ka noho ana o ka Hale o na Lunamakaainana ma ka Poaha nei no ka noonoo ana i ka hila aio a ke Senate no kona heluhelu elua ia ana ua lawe mai la o Lunamakaainana Kekaula he @ o $2,000 e hookomo pu aku me ka bila aie no ka uku ana i na ale i koe oia Hale no keia kau no e noho nei. A oiai, he mea keia i maopopo i ka hapanui o na hoa aole he nui o na poe i kue a apono ia iho la.

            Noi mai o Emaluka e waiho ia keia bila maloko o ka lima o kekahi komite kuikawa no ka noii pono ana ina ua pololei na mea a pau. Ua kue aku o Makekau i keia noi a ua makemake oia e hoohoio koke ia ma ka heluhelu elua ana me ka haawi ole aku iloko o kekahi komite. Ua ku mai o Penikalaka a kue i ko Makekau manao me ka olelo mai, he mea pono e huli pono ia keia mau aie o ke aupuni ina ua hanaia me ka pololei. Ua kakoo mai o Puiki i keia manao, a hooholo ia aku la me ka uuku loa o na poe kue.

            He mau aie no paha kahi i koe o ka Senate, aole nae lakou, i hoike ae nei. Me keia mau tausani dala hou a ka Hale o na Lunamakaainana e noi hou nei e hoea aku no ka aie o ka Ahaolelo i ke $94,000, a he $6,000 wale no i koe a o ka hiki aku no ia i ka $100,000 na hoolilo o keia Ahaolelo mua o ke Teritori o Hawaii. Ola io no kakou i na Senatoa a me na Lunamakaainana a kakou.

 

LAHUI KANAKA KIKOKIKO

 

            Eia ke ola nei ma na kapa wai o ka muliwai Puros, ma Amerika Hema; he lahui kanaka ili kikokiko. O na kane, wahine a me na opio he like wale no ko lakou nanaina, a ua puni i na kikokiko eleele a me keokeo. Kapanaha no na hana a ke Akua.

 

            O ka Zealandia ka mokuahi Kaleponi o keia la.

 

LUKU WELIWELI A KA PELE

 

            Tacome, Iulai 14. I keia la i loaa mai ai he mau hoike mai Asia mai, no ka luku weliweli a ka luai i ele o ka lua pele Kloet, Jaya Akau, i kela mahina aku nei. Ua kahe mai na pohaku pele a me na @ kelekele wela mui keia mauna ahi mai a uhi pu aku la i na kulanakauhale. Ma kahi o 700 kamaaina a me 12 Europa i make i keia luai pele.

            Mawaena o kekahi haule nui ana mai o na pohaku pele, ua hoao aku la ka luna nui o kekahi aina nui, e hoopakele i kona ola, kana wahine a me ka laua maua keiki elua, a me ka wahine lawelawe maluna o kekahi kaa, mai ka pele e kaheawai mai ana. He heihei keia i malama ia no ke ola a me ka make, a ua ike @ hoi ka hookokoke mau ana mai o ka pele e kahe ana me ka ikaika mailuna mai o na puu.

            Iloko o kanakolu minute wale no ua hahani mai la ka pele mahope o lakou, @ iloko o na sekona pokole mahope iho ua loaa mai la ke kaa i ka pele. Ua make aku na keiki me ka wahine lawelawe, a o na makua ua pakele ma o ka lele ana iloko o kekahi ulu ohe. O ka luna hoohana me 25 mau limahana o keia aina ua make i ka pele. He nui na aina mahi kope i hoopoino ia. No kanalima mile a puni o kahi a ka lua pele e ku ana e ahu mokaki ana na kino make o na kanaka.

 

            Ua kukulu ia aku la he haleleta hou ma Kapaa, Kauai, a o ka luna leta oia hale oia o Levi Kauhoe. Hauoli no i ka loaa ana aku la oia kulana ia kanaka Hawaii.

            Ua ike ia aku kekahi mau kino kanaka e hapala ana me ke pena keokeo ia mua o ke alo o ka puu o Puowaina ma ka Poakolu nei, me kekahi mau nua palapala hoolaha. Ua hoouna koke ia aku he makai no ke kipaku ana i na poe kolohe e pena ana me ka noii pu ana aku hoi i ka mea nana i haawi i keia kauoha @, ala, a hiki nae i keia la aole he mea i hopu ia no keia hana kolohe.

 

PAKELE O STEYN MAI PAA PIO

 

            Ludana, Iulai 14. Ua loaa mai la i ke keena kaua he mau hoike mai a Haku @, mai Protoria mai, e olelo ana:

            Ua hoohikilele aku ka puali o Broadwood i na Boa ma Reitz, a ua hopu pio ia ka hoahanau o Steyn a me kekahi poe e ae, a ua pakele mahunehune aku o Steyn iloko o kona palule wale no me hookahi kanaka mawaho ae me ia. O na pepa o ke aupuni @ Alani a ua Paresidena nei i kapa iho ai ua lawe pio ia.

            Ua hoike pu mai o Haku Kitchener ua puhi ia e na Boa malalo o Scheeper, na hale aupuni ma Murraysburg, Cape Colony a me kekahi mau hale mahiai e pili kokoke ana ma kela pule aku nei.

            Ma kekahi hoike hou no i loaa mai a Haku Kitchener, ua hoea aku la na kolamu koa Beritania malalo o Featherstone a me Konela Dixon i Zeernst, Transvaal Komohana. Ua halawai lakou me na kue ia ana mai, a ua paa kekahi mau Boa i ka hopu pio ia. O ka poino o na Beritania he hookahi alii i make, ekolu alii a me iwakalua kumamaha kanaka i hoeha ia.

            O Kenerala Broadwood, wahi a ka hoike i loaa mai la i ka Daily News mai Bloemfontein mai, ua lele kaua aku oia io Reitz ma ka hikina aku o Lindley, ma ka wanaao o ka Poaha nei, Iulai 11. He iwakalua-kumamaiwa mau Boa i hopu pio ia malaile, mawaena o lakou he mau alakai kiekie o na Boa oia o Kenerala A. P. Clowne, a me Kenerala @, Kepena @, Lutaneta Ekahi Steyn (hoahanau o Peresidena Steyn), Tues, Brain, kakauolelo o ke aupuni, Roches de Villiers, kakauolelo o ka Ana Kuka. Ua mahuka aku o Steyn me ke kuka ole a me ke kamaa ole. Ua manao ia malaila pu mai o Kenerala De Wet.

            Ua ao aku la o Kenerala Kitchener i ke aupuni he hana hiki ole ka @ ana aku i na pualikoa helewawae uiai Aferika Hema aku. A ma ia wa na noi pu mai la oia i ke aupuni e hoomahuahua la aku na koa kaualio.