Ke Aloha Aina, Volume VII, Number 29, 20 Iulai 1901 — Page 8
| This text was transcribed by: | Francene H Aarona |
| This work is dedicated to: | Mahalo nui to the team of Awaiaulu for allowing all to be a part of this historic event. |
KE ALOHA AINA
8 KE ALOHA AINA, POAONO, IULAI 20, 1901.
( Mai ka @noa o i mai )
hoouna awiwi mai la i ku'u hoike no Amerika nei me ka manaolana e loaa ae ana he pane, aka, a hiki i keia la a kaua e halawai pu nei aole loa he wahi pane ma kou aoao i loaa ae. Eha a elima paha manawa a'u i hoouna mai ai i ka'u hoike a pela no hoi ka nui o na manawa i nele ai au me ka pane ma kou aoao. Nolaila, i mea no kaua e halawai mau ole ai me ke makapaa, ua hooholo iho la au i ko'u manaoio holo kino maoli mai ne he alo a he alo.
Ma kela aoao aku nei au o Amerika nei a huli hoi mai la, a ua haawi hoi i na mele ana nou, a o ka pane i loaa mai, ua haalele kahiko aku olua ia @Tailoti no hoi au i lohe ai eia olua i Nu Ioka nei kahi i noho ai, a kali no kau mau leta.
Aole loa he leta mai ia oe mai i loaa a hiki i keia la, a o ka'u ia e haohao nei heaha la na kumu, aia anei he kii paele nui mahope o naholowaa aniani o na hale leta, a i ole, he limahei akamai anei kekahi i hiki ke lawe i kela mau leta me ka ike ole ia ?
Pela ko'u manao e kuu haku, a ke hoomanao nei au no na olelo a kekahi kanaka opio i ka hoopuka ana mai ia'u i keia mau olelo : E Leina Kinivila, ke hahai a ke ukali mau nei na diabolo hehena o ka pouli mahope ou a hiki i kou haule walawala pahu ana ilalo o ka honua a na na diabolo o ka lua ahi e peku i kou kikala me ka hoopaapaa ole ia.
Alaila, owai kela keonimana opio aole anei oia he makaikiu ? Aole anei he makaikiu opiopio loa iloko o ka oihana makaikiu o Ladana malalo o ka inoa o Heneri Beleinehama, ke kanaka makaikiu opio kupaianaha hoi i ikeia maloko o na moolelo o ko Pelekane oihana makaikiu ? wahi a Haku Danekota i ninau aku ai.
Ke hoomanao ala au he kanaka opio makaikiu kekahi ma ia inoa, a ina oia ko'u hoa e hoopapa lealea pu nei, alaila, he keu ko'u ike ole a me ka hoohewahewa iaia. E kuu Haku ina o Heneri Beleinehama kela keonimana opio, alaila, ke hoike nei au mekaoiaio @loaa ua auhee kaua iloko o ka nohaha a weluwelu hihi. Aka, heaha hoi ka kaua e hopohopo aku ai iaia, oiai, aole oe o Ailika Lema, ke kanaka kumakaia o ka haalele wahine
Pela io no e Leina, aka, he makemake nae ko'u e huli ia ka oiaio o keia mau mea, a ina he oiaio, alaila, o ua Silev a Lidona nei ma o kana kane o Ailika Lema ala, ua loaa iaia ke kuleana koi iloko o ka waiwai o na Danekota, ma ke ano oia kekahi o na pilikoko e keia ohana, a ke make au, alaila, e ili holookoa aku no keia waiwai maluna o kana ( Ailika Lema ) keiki ma ke ano oia ka hooilina hope o ka waiwai. Aka, auhea ua Ailika Lema nei, eia no anei oia ke ola nei ? wahi a ka Haku Danekota me na olelo wahahee o ka hoohunahuna a hoonalonalo i ka mea oiaio.
Aole loa i ikeia ia kanaka o Ailika Lema ma Enelani aupuni, a ma ina ua make kahiko oia, alaila, o ka opu o ka honua ka mea i ike iaia a me ka moolelo e pili ana iaia. Iloko o ko'u mau la e lawelawe a hooko ana i ka'u hana, aole loa au i lohe iki i kekahi mea e hoike mai ana @ua make paha oia, a i ole, eia no oia ke ola nei. O ka kaua olelo hooholo kupono wale no e hoopuka ae ai ua make o Ailika Lema, wahi a ka makaikiu.
Alaila, ua make o Ailika Lema, oiai, no nae oia eia no ke ola nei, wahi a kekahi kanaka me ka aahu kuaaina i namunamu ae ai, iaia e ku ana mawaho o ke keena e kamailio ia ana na olelo mawaena o ka Haku Danekota a me ka makaikiu hapa Sekotia.
Ae, oia wale no ka olelo hooholo kupono na kaua e kamailio ai, wahi a ka leo a ua kanaka aahu kuaaina nei i lohe aku ai a hoomaopopo o ka Haku Danekota ka mea nona ua leo ala.
Hole mose, i namunamu hou iho ai ua wahi kanaka kuaaina nei, ua manao paha oe e Haku Danekota o kou holo malu ana iloko o ka pouli o ka po aole loa he mea nana e hoike mai ia'u. Ha, ha, eia o Heneri Beleinehama mahope o kou meheu.
Alaila, e hoomanao iho e ka mea heluhelu, o kela kanaka me ka aahu kuaaina a kaua i ike iho nei e hoolohe ana mawaho o ke keena a Haku Danekota a me ka makaikiu haa Sekotia e kamakamailio ana, aole ia he mea okoa, aka, o Heneri Beleinehama no ia. Alaila, i nahea nei kona hiki ana mai i Amerika, a pehea hoi oia i hoea aku ai ilaila, a hoea me ka pololei o ka huhewa ole mawaho o kela keena o ka hale hotele elike me ka gaua i ike mua ae nei.
I ka huli a imi ana i ka haina oiaio, e pono e nana hope ia aku na la a ua Beleinehama nei e noho ana ma Beritania, a ma kela ahiahi hoi a Haku Danekota i haalele aku ai i ka aina ma ke ao ana ae i ke kakahiaka, aia hoi, ua paniku ia na puka o ke kakela, a he mau hiohiona hoi kona e hoike wai ana ua mehameha kona mau paia, no ka mea, ua kaawale kona mau haku hale.
O keia ano a ua makaikiu nei i ike aku ai, oia kana i haawi koke ae ai i ka ninau ana me ka noonoo, ua ma'i ia aha kekahi o na haku, a i ole, ua hala aku paha laua no ka holokaa.
Akahi la, alua, akolu, a i ka eha o na la, alaila, komo mai la ka haohao iloko ona a ninau hou me ka noonoo. Ina, he ulia mai kekahi o na haku, alaila, aole laua o pani @@@
HEKUAI HOOPAU
O NA
KAMAA WAHINE
E Hoomaka ana i ke Kakahiaka Poalua, 23.
---
He Hookahi Tausani a oi Paa no ke Kumukuai Hoemi.
---
Kamaa Lihilihi Wili oluna o na Wahine Louis XV hila $ 6.00 no $ 2.50
Kamaa Ulaula Pihi o na Wahine 6.00 no 2.50
Kamaa Eleele Pihi o na Wahine 5.00 & 6.00 no 2.50
Kamaa Ulaula Lihilihi o na Wahine 5.00 & 6.00 no 2.50
Kamaa Kaula Okipoka o na Wahine 5.00 & 6.00 no 2.50
Na Kamaa Palewawae maikai o na Wahine
Louis XV hila 5.00 & 6.00 no 2.50
He 500 Kamaa Pihi o na Wahine ame Okipoka Kaula o na helu like ole a pau i hoemiia i ke 70 ken. o ka paa. Komo iloko a ike. Na makou e nana i kou helu a ina e loaa ia makou alaila he kala iloko.
Manufacturer's Shoe Company.
HELU 1057 ALANUI PAPU.
@@@ ku loa ana i ko laua puka hale no ka manawa loihi elike me keia, a ina hoi aia laua malalo o na hoohala manawa ana o ka hele holoholo, alaila, aole no ia he mea no laua e paa ai i na ipuka o Danekota Kake la no eha la ka loihi. E huli aku ana au i ka manao o keia mau hana a i na he mau hoolala keia a ka Haku Danekota i mea e hoopuhili ia ai ka'u lawelawe hana ana, alaila he kuhihewa nui loa ia o ua Haku nei. Aole loa ia i moeuhane aia he la hou kamahao e hoea mai ana, a la hoi a'u e hoomanao poina oe nei ka la o ke ala hou ana.
Mai kela mau olelo mai o na ninau haohao a me na noonoo like ole e hoopahaohao ana i ka makaikiu Beleinehama, ua kipa ike aku la oia ia Silevia, a hoike no kela haohao nui ona no Haku Danekota. Elike me ka hiki ole ana i ua Beleinehama nei ke ike i kona pohihihi ponoi iho, pela no hoi o Silevia iloko o ka hoka a me ka hoaa, aka, i ka hope loa ua pane mai la ua Silevia nei.
Ke hoomanao ae la au no kekahi keonimana i kipa mai i o'u nei he elua la ae nei i hala, o Leina Kinivila kona inoa, ua mele mai oia no na mea e pili ana ia'u a me kuu kamaiki bebe, a ua pane aku au iaia me ke ano ahaohao no nae no kana mau ninau mahaoi o ka wini.
A, Leina Kinivila, i hooko ae ai o Beleinehama. E Silevia, ua maopopo no anei oe i keia kanaka ?
Aole, e Heneri Beleinehama.
Alaila, e hai aku au ia oe me ka oiaio, he makaikiu oia, oia kekahi hoa o ka oihana makaikiu me a'u, a ke kuhihewa ole nei au ua hoolimalima ia oia e Haku Danekota e hooko a e lawelawe i kekahi hana pohihihi loa, a me he la, o ua hana ala oia no ka mea e pili ana ia olua.
Ierusalema Hemolele ! Aole loa e loaa iaia ka mole o keia mea huna a pau na la o kona ola ana. A, Kinivila, eia au mahope o kou meheu a hiki i ke auhee ana o kekahi o ka ia iloko o ka hilahila, a ke hoopaa nei au 1 ka'u olelo. He kumkaia oe a me ka lawe waiwai kipe. Sileuia, aole o Kinivila kona oiaio, o Leina Simelota, aka, mamuli o ke kukulu ia ana o kekahi hale i kapa ia o King Villa, ma Gereina Pa, kahi hoi i hoea mai ai o ua makaikiu ala i keia ao malamalama, nolaila, ua lawe a kapa iho oia iaia iho ma kela inoa. He hapa Sekotia oia ma ke koko, a he kanaka no hoi i loihi a kahiko na la o ka noho ana ma keia oihana. Nolaila, e ike a hoomaopopo oe e Silevia, he kumakaia a lokoino keia kanaka, a mai ae hou i kou kulana o hoohaahaa wale ia e keia kanaka. Ia'u e kaawale ai mai kou alo aku, e noho oe me ke makaala mau ana no keia nah sa, a ma kona meheu auanei e hookolo auanei au a hiki i ka loaa ana ia'u o kana hana e lawelawe a e hooko nei iloko o Ladana nei.
GOO KIM
( Kukima )
Helu 210 Alanui Nuuanu.
---
Ma Kela Pule Aku Nei ua Loaa
Mai la Keia Mau Waiwai Hou
---
Na Huluhulu Moe o na ano a pau.
Na Papale Bebe o na ano a pau.
Na Muumuu me Palekoki.
Na Lole Kamalii o na ano a pau.
Na Kualole ano hou keokeo a eleele
Na Kaliki o na ano a pau.
Na Lihilihi o na paikini hou.
Na Pila Gita, a pela aku. E naue mai a e ike no oukou iho i ka emi o ko lakou mau kumukuai
OLELO HOOLAHA
---
Oiai, ua haale e kumu ole mai ka'u wahine mare ia'u nona ka inoa o Mamala, mai ko maua wahi noho aku ma Waianae no kekahi mau makahiki, nolaila, ke papa loa nei au i ka ohana o ka'u wahine mare aole e malama mai iaia, a pela hoi me ka ohana o ke kane ana e noho pu nei, a ina o ka mea e hoolohe ole ana i keia e hoopii no a ma ke kanawai. Ke papa pu aku nei i na halekuai a pau, aole e mai i ka'u wahine e aie ma kuu inoa, a o ka poe e hoolohe ole na i keia hoolaha maluna no o lakou na noho a pau. A ke hoole loa nei hoi au aole ona kuleana i ko'u mau waiwai lewa a me waiwai paa a pau.
Owau no me ka oiaio. KAUAHI.
Waianae, Iulai 15, 1901.