Ke Aloha Aina, Volume VII, Number 26, 29 June 1901 — Page 8

KE ALOHA AINA POAONO, JUNE 29, 1901

 

(Mai ka @@@@ 7 ami.)

 

iloko o kela mau noonoo o ka mahi, ua ninau hou mai la ke kauna wahine opo.

            E Miss Lidona, o kou inoa ponoi no anei kela i kahea ia ai mamua aku o kou mare ia ana me Ailika Lema?

            Aole e kuu hoaloha maikai. C Sijevia ko'u inoa pono, a o kela inoa Lidona, no kuu iuaui makuakane no ia, a oiai, au @a kanwale mai ka'u kane mai, nolaila, ua kapa iho au ia'u ma ka inoa o kuu makuakane, me ka hoohiki loa ana aole loa au e hoi hou aku no ke alo o kuu makuahine aloha, no ka @@@a, ka ino a ua iapuwale ka'u mau hana, mamuli o ko'u pun@ ana i na olelo a kela kanaka a'u i paulele kuhihewa ai me ke aloha.

            Silevia! O, keu ka nani a me ka maemae o kela inoa, ua like kona puana ana ia me na leo melodia o ka mele, a ke ole au e kuhihewa, ua l@ he mua au no kela inoa, a o kahi a'u i lohe mua ai, ua poina a palaka loa kona noonoo ihea la. Aka, e kuu hoaloha, eia oe ihea o Ladana nei kahi i noho ai, a auhea hoi keia kamaiki bebe au i hai mai nei he bebe kau me kela kanaka lokoi@@ a me ke aloha ole.

            Eia au me Mrs. Kakina kahi i noho ai, a aia me ia kuu keiki, he hoaloha maikai oia no'u, a he oioina a he puu hoomaha hoi no'u iloko o ko'u mau la o ka nune a me ka nele.

            Alaila, e ae mai ana oe e ike aku au i ua bebe ala au? wahi a ke kau na wahine.

            Ae, e kuu hoaloha, me kuu puuwai a pau o ka hilinai, ke ao aku nei au me ka oiaio, wahi a Silevia, a oiai no laua e kamailio ana komo hou mai la ka Haku Danekota a hoike, aia he malihini kiekie kana, a o ua malihini ala, he makua moneka no ia o ke keneturia, e hele ana e hai i ka lamaku o ke ola iwaena o ka poe luhi a me ka poe i kaumaha ma ka uhane.

            He mea ole ka puiwa a me ka hikile'e o ke kauna wahine opio iaia i lohe ai no keia malihini kiekie a kana kane me ka niau ana iaia iho, heaha la ka huna a keia moaeka ma ko laua home, a heaha hoi ka misiona o kana hoea ana aku o laila. No ka ui Silevia hoi, ua maopoppo iaia ke ano o kela moneka o ke keneturia, nolaila, ua noi mai la oia i ka Haku a me ke kauna wahine e kala a e hookuu aku iaia, a no kahi manawa hou aku e hui hou no lakou.

            Alaila, ku ae la ia a haalele koke iho ia i ke kakela i ukali ia e kauna wahine Kalausia. Ma ka puka ua kamailio hope mai la ke kauna wahine ia Silevia, "apopo kakahiaka e kipa aku ai au e ike ia oe a me kau kamaiki, a in a he mea hiki ia'u ke haawi aku i ka'u niau kokua ana nou, alaila, ua hemo a hamama ka pu@a o ko'u puuwai ia oe."

            Ua haawi aku o Silevia i na mahalo ana no ke kauna wahine. no kela lokomaikai ana i pahola mai la imua on a, a inia i hala aku ai, aia hoi ua komo ae la a noho maluna o ka noho pulu imua o ke alo o na Haku o Danekota Kakela ka makua a kanaka moneka o ke keneturia, a o ka huaolelo mua loa o ka mahaoi a ua moneka nei i hoolauna aku ai; "O ka pono ke hana ia a haule mai na lani."

            Alaila, keaha kau misiona o ku hoea ana mai ma Danekota Kakela? a heaha hoi ka makemake o ka makua anela o ka uhane, a ka Haku Danekota e hana aku ai? Hai mai a e loaa no ia oe ua makemake la." Wahi a ka haku opio me ka leo moakaka.

            O ka misiona nui o ka'u huakai oia no ke kaahele ana e hoike i ka euanelio e ola ai o ka uhane a e ahewa hoi i na poe a pau e hanaino ana i ua waiwai makamae nei, a oka lua o ka'u misiona oia ka imi a h@li ana i kekahi hihia kahiko a hal@wale o ke keneturia, a ma ia ano ia ua kahea ia au o ke kanaka moneka o ke keneturia.

            Aha! He kanaka moneka ka oe no ke keneturia ea.

            Ae e ka haku, a o ua mea pohihihi la oia no kekahi kanaka i nalowale honua he mau makahiki ae nei i hala, a o ka inoa o ua kanaka la o Ailika Lema no ia ke kipi, a me ke kumakaia o ka haalele wahine. E kaahele ana au iloko o na hale hanohano o ka poe kiekie a hiki loa aku i na kakeia nani o ka poe hanohano loa, a in a ua lohe a ua ike wale kekahi o lakou no ua kanaka la a'u e huli nei alaila he manaolana kanalua ole ko'u e loaa mai ana he mau kokua nui ia'u mai ia lakou mai. Nolaila e ka Haku Danekota ua ike a lohe wale anei oe no ua Ailika Lema nei?

            Aole e ka makua moneka, aka heaha kou makemake nui no ua kanaka?

            Ua lohe oe e ka haku opio i ka'u mea i hoike iho nei, a in a oia e loaa ana ia'u, alaila, e kau ana au i ka hao kuni o ka hilahila ma kona lae, i mea na keia a me keia wahine opio e nana a e ike iho ai o na kanaka a pau e like me ko Ailika Lema ano he poe kipi a kumakuia lakou o ka haalele a me ka hoohoka wahine, a oiai, he kanaka ua Ailika Lema nei i helu ia iwaena o ka oe waiwai a hanohano e like me oe e ka haku opio o Danekota, alaila, he manolana ko'u aole loa oe i nele i ka ike a lohe ana i kahi mea pili iaia.

            Aole loa au i lohe a ike i kahi mea e pili ana iaia, a he malihini loa hoi ko'u lohe ana no kela inoa iwaena o na poe hanohano a keikei loa o Pelekane nei, aole loa au i ike a lohe i kahi kanaka me kela inoa Ailika Lema, wahi a Haku Danekota me na helehelena i hele a haikea, no ka mea, ua loaa oia i na pahuna olelo pololei a ke kiu. Aka, o kela mau hooleole olelo ana a ua Haku nei ua kikua nui ia ae ia e kana wahine opio iloko o ke kuhihewa nui, a o ia ka ua kanaka moneka nei o ke keneturia i akaaka iho ai iaia iho me keia mau olelo: E kuhi ana paha oe e keia Haku kolohe o ka ha@leie wahine aole oe i iko ia. O oe no o Ailika Lema ka mea a'u e imi a e huli nei,  a o kela wahine me ka uhimaka eleele manoanoa o kau wahine mare no ia au i kumakaia a hoowahawaha ai.

            O na olelo kokua kuhihewa a ke kauna wahine mahope o na olelo a kana kane, ua kamailio a hoopuka ia mai la ia me ke ano pakike, a oia ka ke kanaka moneka o ke keneturia, a Makaikiu Heneri Beleinehama hoi i paue aku a me ke akahele E ke kauna wahine Danekota, peia e ko ai ka mea i palapala ia ua loaa i na derona ka hale, a in a manu liilii hoi ha punana, aka, o ke poo paakiki o na keiki kolohe a kanaka aole loa he wahi e h omoe ai o kona poo iloko o ka maha. Alaila, o keaha mai ke kumu? Aole anei he hapa wale no kona mau la, a ua piha hoi me na ppilikia? Ma ka hanohano o ka'u oihana, e huli ana au i keia kanaka a hiki i ka hopena o ka honua in a he mea ia nona e haule iho ai maluna o kona mau juli a mihi i ka hana ana i hana ai.

            Alaila, e haalele koke mai ia Danekota Kakela nei, o ka mea, aole kona mau paia i ike ia kanaka o Ailika Lema, o kela inoa, oia no ka kela lede opio i hoike mua iho nei a ua hoi aku nei oia me ka nele, nollaila, ke hoike mai nei kau olelo me he la, he kokua oe no kela wahine, wahi a ke kauna wahine me ke ano okalakala o na olelo, a o ka Haku Danekota hoi, ua hamau a paa kona mau lehelehe, @me he mea ala ua sila ia.

            Wahi a ka makaikiu i pane aku ai no kela mau olelo a ke kauna wahine. E ka madame, e hoea mai ana ka la au e ehaeha nui ai no keia mau olelo a'u, ua ike au, o ke kanaka a'u e huli nei ua hiki ia ke lawe ia mai imua o ka aha hookolokolo me ka hakalia ole a pane no kana hewa ponoi i hana ai. Aka, no kou pono iho e ka madame, aole loa au e aa e hooko i ka hanohano o ka'u oihana, a nau ponoi no ia e ike me kou mau maka ponoi iho.

            Hole mose! Ua hehena a pupule anei keia kaula moneka o ka aahu loihi. O e Aulike kuu Haku, heaha ke ano o keia au mea a'u e lohe nei mai iaia mai? wahi a ke kauna wahine opio.

            Hamau, hamau e kuu aloha, wahi a Haku Danekota me ka hoopili ana aku i ke poo o kana wahine maluna o kona umauma, oiai, na helehelena o ua Haku opio uei e  mau, a e aai ana no kela kohu hoailona @ae o ka haikea a kunahihi.

            Aole i pau.

 

Nuhou Kuloko.

 

            E alawa ae no i ka makou mau hoolaha e puka aku nei.

            E aiawa ae i ka hoolaha a Mrs. A. M. Mellia e puka aku nei.

            He uiumahiehie a makalapua ke ola kino o Kalani Aimoku e noho mai nei ma Kona home ma Wakinekona.

            Maluna o ka makuahi Sierra i kau aku ai na ohua o ka mokaahi Zealandia i h@@@ hoi hou mai ai ma ka La Pule nei.

            E haawi ia ana e ka hoomana Katolika he fea me ka luau ma ke kahua o Haimoeipo ma ka la 13 o Iulai in a aole he mau kuia e halawai mai ana.

            Ua wwehe akea ae na Iapana i ko lakou hale hoomaha i gukuiu iho nei ma ke Kiekie Pakipika, a e loaa no malaila no waimomona a me na mea ai mama.

            E haalele aku ana o Kauka Kupa i kona kulana Peresdena no ka Papa Ola, ma keia pule aku. no ke kumu e holo hoomaha aku ana oia i na aina e no kekahi mau la loihi.

            San Juan, Porto Rico, Iune 15. O ka mokuahi Kalepone i haalele iho la ia nei i keia lano Nu Olina, ua lawe aku la oia maluna on a he 708 limahana Porto Rico ma ko lakou alahele no Hawaii.

            Ua malamaia he paina luau hoomanao ma ka halepule Katolika ma Kalihi-waena ma ka La Pule nei, he hoomanao piha makahiki. A ua nui na hoahanau a me hoaloha o ua ekaiesia ia i akoakoa ae malaila.

            Ua nalowale ma ka auina la Poakahi nei, he buke hooman@o na W. H. Kailimar, me kekahi mau bila kikoo hale leta, ma kekahi mau alanui o ke kulanakauhale. O ka mea i loaa ai o keia buke e hoihoipololei ae ka inoa maluna ae a i ole ma ke Keena o Ke Aloha Aina nei.

            Maluna o ka mokuahi Sierra i kipa mai nei a hala aku la no Kapalakiko e lawe ana oia he paele kuikui puupuu no ia kulanakauhale no ka ulele kuikui puupuu ana me na poe puni hakaka. O Mitchell kona inoa, a e ukal@a ana e kana wahine.

            Ua @@@ loa ae nei ke alahao uwila i hoomoe ia iho nei mai ke Kiekiena Pakipika a hiki i kahi hoolulu kaa hapaumi ma Waipiula, Nuuanu, nolaila, ua hoopokole ia ka luhi o na poe makaikai ia luna o ke Kiekiena Pakipika ma o ka hui ana ae ia o keia mau laina kaa elua.

 

            MRS. A. M. MELLIA

 

            I huli hoi mai mamoa koke aku nei mai Amerika Huipuia, ua make make oia o hoike aku i kona mau hoaloha kahiko, ua wee hou ae nei oia i kona Keena Humuhumu Lole, a ua iini nui e ike i kona mau hoaloha kkahiko a me na makamaka no a pau e hoea aku ana. He nui na nu paikini ana e hoike mai ana. E loaa no malaila na buke o na paikini hou loa ma ka olelo Farani. Geremania a me Enelahi.

MRS. A. M. MELLIS.

Alanui Beritania, Helu 155

Telepona, Bo@u 3061.

iene 24,@@@@