Ke Aloha Aina, Volume VII, Number 25, 22 Iune 1901 — Page 1

KE ALOHA AINA

HANA LOKOINO AIA MAKUA

     Parisa, Iune 8.  O kekahi o na mea ano nui i ike ia ma keia pule oia no ka hopu ia ana o Mme. Monnier, he wahine waiwai, a ona aina nui o kahi kokoke i Poitiers, a me kana keiki i noho kokua luna kiekie mamua no ke Keena o Viena a he alakai no ka poai o Poitiers, no ka hewa hoopaahao ia Mile Blanche Monnier, ke kaikamahine ponoi a na Mme. Monnier nei no 25 makahiki ma kekahi keena o kona home.

     I ka hoike ia ana aku o ka oihana makai i keia wahine ihoopao mau wale ia, ua komo aku ia lakou iloko o ka hale, a loaa aku la o Mile.  Blanche Monnier ua pani ia iloko o kekahi rumi.  E mo@ ana oia iluna o kekahi bela iloko o ke kulana olohelohe, he wiwi loa oia a ua like kona nanaina me kekahi kii hoomakaukau.  E ahu mokaki ana maloko o na rumi la na opala iwi, mea ai, ilo, iole a me na holoholona kolo like ole e ae.  Ua ikeia ua mamao na noonoo kanaka mai i aia aku, a ua laweia aku oia no ka haukipila.  Ua manao ia o make ana oia, aka, i keia wa ke pii mau ae nei kona kulana oluolu.

     He 25 makahiki i hala ae nei he wahine ni a nohea oia a ua haulehia oia iloko o ke aloha kulipolipo me kekahi loio.  Ua kue loa ka makuahine i keia mau hana a na ipo, a o ka hopena oia no kona hoopaahao ana i ka wahine opio iloko o keia rumi i loaa aku ai oia e waiho aua iloko o ke kulana popilikia.  Ua hoike ae ke keiki ua kokua oia i keia hana malalo o ka leo kauoha o ka makua, a o na koikoi a pau e ili aku ia maluna o kona makuahine.  O ka ipo loio a ka wahine opio ua make oia i ka 1885.

     O kekahi mea pahaohao i ike ia i keia la, oia no ka make hiki wawe ana o Mme Monnier maloko o kona keena paahao mai ka ma@@ puuwai mai.  Lapuwale ka hana a keia makuahine.

     

POINO NA ALIKOA AMERIKA

     Manila, Iune 10.  Ua malama ia ae he hooili kaua hahana mawaena o ka puali o Kapena W.A.H. Wilhelm o ka regimana 21 nona ka huina kanaka he @0 me 200 Pilipine ma kahi he eono mile ma ka hikina hema o Lipa, i koho wale ia malalo lakou o ke alakai ana a Gonzales.  Ua hoauhee ia aku na Pilipine, aka, o ko lakou mau poino aole i hoike ia mai.

     Ma keia hakaka ana ua make o Lutanela Anton Springer ma o kekahi poka i kapoo aku ma kona poo.  O Lutanela Lee ua make oia ma o kekahi poka i kapoo aku ma kona poo a me kona opu.  O Kapena Wilhelm ua ku oia ma ka poohiwi, a o Lutanela Charles Ramsay ua ku oia ma ka aoao.  Eia laua ke waiho nei iloko o ke kulana kupilikii loa.  He elua mau kakiana a me hookahi koa i hoeha kukonukonu pu ia.  E hoolala ana na aliikoa Amerika no ka lele kaua ana aku maluna o kekahi puali Pilipine mamua o lakou, i ko lakou wa i lele kaua ia mai ai ma ka aoao.  Ua hoouna ia aku la he puali kaualio no ka uhai ana aku mahope o na Pilipine.

     Manila, Iune 12.  Ua make o Kapena Wilhelm o ka regimana 21 mai na palapu i loaa iaia ma ka hoouka kaua me na Pilipine.  Ua loaa mai la he kukai ana ia Kenerala Sumner mai a Cailles mai, ke alakai o na Pilipine ma Laguna, aia wale no a ae ia ke noi a na Pilipine, e hookuu ia mai lakou mai ka hoopai ia ana no ka hewa kipi, a i ole e hoomau aku no oia i ke kue ana.

  

     E holo hoomaha aku ana ke Keikialii Kawananakoa no Kapalakiko.

     Ma ke ana ia ana o ka huaale i haawe ia ai i ka mea malama lio o ke Keikialii Kawananakoa ma ka la 10 o Iune, e kekahi mea pa’i laau o ke kulanakauhale nei, ua ike ia ua lawa ka ikaika o ka laau make maloko ona no ka hoopoino ana i ke ola o ka lio:

 

NA KOI POHO PAUAHI

     O na koi poho pauahi a pau i hoea aku imua o ke Komisina Poho Ahi a hiki i ka Poakolu nei, Iune 19, he 2,837 no lakou ka huina waiwai io a pau ke hoi ia na hoea aku no ia i ka $5,000,000.  O na poe koikoi o na koi oia no na Iapana a me na Pake, a ua komo mai na kunikela oia mau aupuni e kokua i ko laua mau hoakanaka i hoopoino ia e kela pau ahi nui o ka mahina o Ianuari, 1900.

     O keia mau koi ua manao ia aole ia e pau i ka noono ia iloko o eono mahina, no ka mea, ke lawelawe nei ke komisiua i k no hana iloko o ke akahele aole hoi iloko o ka pupuahulu, a ua like maoli no hoi ka lawelawe ia ana o na hihia koi poho me loko o na Aha Hookolokolo maoli ka lawe ia mai o na loio a me na hoike no ke kakoo ana i ka mea i hoopoino ia.

     Aole i pau ka holomoku ana o na koi iloko o ke komisina poho ahi, aka, eia ia ke komo mau nei i na la a pau.  O ka haawina a Amerika Huipuia i haawi mai nei @no ka uku ana i na poho pauahi he $1,500,000 ua poholo pu ia iloko o na koi e waiho nei imna o ke komisina i keia wa.

 

KE NAWALIWALI MAU LA NA BOA.

     Ladana, Iune 11.  Ua loaa mai la i ke keena kaua he hoike mai Pretoria no ka la 11 o Iune mai a Haku Kitchener mai, penei:

     Ua haawipio mai la o Kenerala Van Rensberg me kona puali ma Pietersburg.  Ua haawipio mai he hookahi haneri kanaka a le hulehu wale e ukali mai nei ma ia alahele hookahi.

     Ladana, Iune 10.  He hoike kai loaa mai la mai a Haku Kitchener mai, e olelo ana:  O ka nui o na Boa i make, hopu pio ia a i ole haawipio mai no ka mahina o Mei i hala aku la ua hoea aku no ia i ka 2040.  Mai ka la 1 o Iune a hiki i ka la 9 o Iune, 29 Boa i make, 4 i hoeha ia, 409 i hopu pio ia a me 33 @ haawipio mai, me 651 pu raifela, 115,500 puni poka 120 kaa a me 4000 lio.  O ka huina o na Boa a pau e paa pio nei malalo o na Beritania ua hoea aku la no ia i 19,042.

 

NA UKU O KA OIHANA MAKAI

     O keia malalo iho na uku mahina o na lala like ole o ka oihana makai a ka Hale o na Lunamakaainana i hooholo iho nei no na mokupuni like ole o ke Teritori Hawaii, ma o ko lakou mau komite la, penei:

OAHU.

Hookahi kapena makai            $150

Ekolu kapena no na uwati

     ekolu, pakahi                      100

Ekolu lutanela no na uwati

     ekolu, pakahi                         80

Kanakolu-kumamaono

     makai no na uwati

     ekolu,                                    60

Eono makai haikikala no

     na uwati ekolu,                      65

Elua makai o ka Aha

     Hookolikolo Apana,              85

Hookahi makai kiai awa             75

Eha makai kuikawa                    75

Eha makai kuikawa                    60

Hookahi makai Pake                  60

Hookahi makai Iapana               60

Hookahi makaikiu kiekie          125

Eluakupakako halewai                80

Elua wiliki halewai                      80

Elua kalaiwa kaa makai               75

Ekolu makai, Koolaupoko          30

Hookahi luna paahao,

     Koolaupoko                           35

Ekolu makai, Koolauloa              30

Hookahi luna paahao,

     Koolauloa                               35

Ekolu makai, Waialua                 40

Hookahi luna paahao,

     Waialua                                  40

Elua makai, Waianae                   35

Hookahi luna paahao,

     Waianae                                 35

Elima makai, Ewa                       40

Hookahi luna paahao, Ewa         40

Hookahi Hope Luna

     Paahao, Oahu                       100

Hookahi kupakako, Oahu           75

Hookahi Wiliki, Oahu                 65

Hookahi kapena no na luna

     kiai, Oahu                               50

Umikumamaono kiai, Oahu        40

     KAUAI.

Hookahi kapena kakai                 60

Eha makai, Kawaihau, pakahi    40

Eha makai, Hanalei                     40

Elima makei, Koloa                     40

(E nana ma ka @o@o @.)