Ke Aloha Aina, Volume VII, Number 24, 15 Iune 1901 — Page 7

KE ALOHA AINA

POAONO, IUNE 15, 1901

(Mai ka aoao 6 mar.)

 

hoolilo i mau kuewa iloko o keia ao.

Aole he huaolelo pane ma ka aoao o ke kamaiki bebe, o na maka bolu o ua bebe ala ua leha a nana ae ia i luna o na maka o kona makuahine, me he la, e hooko no ia i na mea a pau a kona makuahine i makemake ai ke hiki mai kona mau la o ke kanaka makua, a e kau hoi i na ahewa ana a pau maluna o ke poo o ke kanaka nana laua i hoohilahila imua o ko keia no nei mau ehaeha, aka, iloko oia mau haawina mawaena o ka makua  me ke keiki, i ike ia ae nei, aia hoi, loaa hou mai la ka lua o na leta ia Silevia mai ka makaikiu Heneri Beleinehama mai me keia mau wahi olelo uuku, a e heluhelu ia iho ua leta ala penei:

 

Palomolo Kalapu,

 

Silevia:  I ka hooko ana i ka’u hoohiki, ke hooia aku nei au i ka oiaio o na mea a’u i hoike aku ai ia oe ma ka’u leta mua. O Ailika Lema kau kane mare, ua loaa oia ia’u, aole au i kamailio a launa pu me ia, aka, e hooko ia aku ana ia kumuhana mahope iho o ko kaua halawai pu ana i keia ahiahi.  Beleinehama, O!  Ailika!  Kuu Ailika lokoino, no ke aha la oe i haalele mai ai ia’u no ke aha la oe i hoolilo mai ai ia’u i wahine puuwai puanuanu?  Ua kumakaia mai oe ia’u me ka hilahila a ua hoolilo pu mai hoi oe ia’u i kuewa a i aea i hoowahawaha ia e kou aloha, aka, ke hoike mai nei keia leta mai kuu hoaloha maikai mai, eia no ka oe iloko nei o Ladana kahi i huna ai ia oe iho.  Ua hiki hoi na ke au o ka manawa e hoohui hou ia kaua ma keia mua aku malalo o ke ano aole oe he kane mare na’u, a aole hoi au o kau wahine mare, wahi a Silevia i hooho ae ai me na huaolelo ehaeha, oiai, oia e noho ana oia hookahi wale iho no ma kona keena mahope iho o kona heluhelu ana i kela leta elua a ka makaikiu, a me na helehelena haikea o ua Silevia nei, uwe iho la ia me ka ehaeha nui, a iaia iloko a kela kulana ua hoea aku la ka wahine kauwa a hoike aku la aia kona hoaloha makaikiu mawaho.

Me ka awiwi nui o ua Silevia nei ma ka hoomaemae ana ae i kona mau make a me kona lauoho, puka mai la oia e halawai me kona hoaloha, a ua hoohala ia hoi ia mau minute o ko laua halawai hou ana iloko o na kukai kamailio ana me ka malie, a ma ka wehe ia ana ae o na kamailio ana mawaena o ka makaikiu Beleinehama a me ka ui Silevia, ua lilo ka hanohano ma ko ka makai kiu aoao ma ke kamailio ana aku me keia mau olelo o ka hoolauna.

Aole i pau.

 

Wahi a na lono i loaa mai ianei ua kipa ae kekahi hoonaueue olai ma Kau, Hawaii, ma ka hora 3:50 p.m. o ka la 8 nei o Iune, aole he poino i ike ia.

 

HOIKE KULA SABATI MA KA LUAKINI O MOIKEHA,

KAPAA, KAUAI.

 

Luakini o Moikeha, Kapaa, Kauai, May 26, 1901.  Malamala ka hoike kula sabati o Moikeha nei ma keia la, no keia hapaha.  Hoomakaia na hana me ka himeni H. A. N. aoao 196, me ka pule a ke kahu kula sabati nui, W. H. Huddy.  Ma ka pau ana o ka pule a ke kahu kula sabati nui, ua waiho maii o J. K. Apolo he mau hoolaha ekalesia.  Mahope o keia, ua malama ia ka hoike kula sabati o ke kula sabati o ka papa o na pokii kane a me wahine i huiia o Kapaa nona ka huina haumana he 8.  Pau ia, himeni hui H. N. A. aoao 163.  Pau keia himeni malama ia ka Iulu, nona hoi ka huina he $9.25.  Pau ka lulu, himeni hui H. A. N. aoao 220.  Mahope iho oia, ka hoike kula sabati o ka papa o na makua me na opio i hui ia o Kapaa, nona na haumana he 9.  Pau ka hoike a keia papa himeni hui H. A. N. aoao 225.

O keia mau papa kula sabati o Kapaa, ua alakai ia ia e John Kaoni Jr.  Ma ka pau ana o ka himeni hui, ka papa kula sabati o Kapahi, nona na haumana he 7 i huiia na makua ame 1 pokii i noho alakai ia e J. K. Apolo.  Pau ka hoike a keia papa, himeni hui H. A. N. aoao 128.  Mahope iho oia he mau olelo paipai na ke kahu kula sabati nui W. H. Huddy a me S. W. Kauanoe.  Kahuina o na poe i akoakoa mai, mai na haumana kula sabati a me na makaikai he 55.  Mahope o ka pau ana o ka heluhelu ana i ka moolelo ua noi mai o J. K. Apolo e hookomo ia keia moolelo ma ka nupeppa.  Pau keia ua himeni ia mmai ka himeni hui H. A. N. aoao 207 e na haumana me ke anaina.  Pau keia himeni, kukala mai ke kahu kula sabati apana e noho na mea a pau e hoopiha i ka lua o ka inaina (paina puaa).  Pau ka paina ana ua hoopaneeia na hana a pau.

 

Z. KAKINA.

Kakauolelo Kuikawa.

 

NA POINO O BERITANIA I KE KAUA MA AFERIKA HEMA.

 

O ka poino o na Beritania ma ka mahina o Maraki aku nei he koikoi loa.  He 14 aliikoa a me 151 koa i make ma ke kahua kaua a mai na palapu mai o ke kaua, a he 12 aliikoa a me 406 koa i make ma’i, mawaho ae o lakou he 40 mau kanaka i make ulia.  Mawaho ae o keia, 3 aliikoa a me 36 koa i nalowale a hopu pio ia, a he 129 aliikoa a me 2,049 koa nawaliwali i hoihoi ia aku i Enelani, a ma ka houluulu ana ae ia lakou ua emi iho la ke kulana ikaika kaua o Beritania he 3,069 alii me na koa.

O ka heluna maloko o ka haukipila i ka pau ana o Maraki aole ia i maopopo, aka ma kahi no nae ia o 7,000 kanaka o na kulana like ole mai ke kenerala a hoea i ke koa haahaa loa.

O ka poino o Beretania wale no me ka huipu ole aku i ka poino o na koa o na panalaau, mai ka hoomaka ana o ke kaua a hiki iho ia’i i ka pau ana o Maraki e hoea aku no ia i ka 694 aliikoa a me 14,278 kanaka.

 

HEIHEI NO KA INOA MOHO.

 

E malama ia ana ma ka la 4 o Iulai ae nei ka heihei waapa no ka aumeume ana i ka inoa moho no keia makahiki 1901 mawaena o na waapa o na hui heihei Matala a me Healani, ma ke kahua heihei o Polea, Ewa.  Ua hoi aku la na keiki o na hui heihei waapa elua me ko lakou @ waapa heihei ilalo o laila no k@aamaa mua ana i lakou i@ @ o ka hoea a@ @ @ nui.  Mamuli @ @ @ @ hui heihei waapa L@ waapa heihei ole, aole @ @ komo ana iloko o na aum@ no ka hanohano oia la.

 

HOU PAHI MA KAKAAKO.

 

Ua malama ia ae he hou pahi ma kai o Kakaako me ka La Pule nei mawaena o kekahi poe Iapana noho nei malaila, a o ka hopena i ikeia eia ke waiho nei iloko o ka haukipila he Iapana nona ka inoa o Kawano me kekahi moku nui ma kona uha, a he hoahanau hoi nona ke paa nei ma ka halewai me kekahi manamanalima i kokoke e kaawale mai ka peahi lima aku.  O ka limakoko nana keia mau hana weliweli eia oia ke paa nei ma ka halewai no ka hewa hoao e lawe ola me na mea make, a o kona inoa o Asai.  O ka moolelo e pili ana no keia hou pahi i lawelawe ia iho la, ma ka hoike a na hoaloha o Kawano penei no ia:

E lealea ana kekahi poe Iapana ma ka rumi o Kawano, ma ka ka inu a me ka himeni ana, a oiai, aole he maikai o ka noho ana o keia Asai me Kawano, aole oia i kono ia aku e komo pu mai ma keia lealea ana.  No kekahi manawa keia hoomau ana o ka inu a me ka himeni ana, ua komo mai la na manao inaina iloko o Asai, a hele aku la oia e hoao e hoopau i ka aha lealea me ka olelo aku e hoi ana oia e hiamoe, a aole hoi ona makemake i keia walaau e hoomau ia aku.  Ua pane aku o Kawano aohe ona kuleana e papa ai ia lakou, no ka mea aia no lakou iloko @ kona wahi kahi lealea ai.  Na keia mau huaolelo pakike i hoopiha aku ia Asai me ka inaina, a me ka ikaika i loaa iaia ua wawahi aku la oia i ka puka o ka rumi o Kawano, oiai ua paa i ke ki ia.  I kanaha ana o ka puka ua komo koke aku la o Asai iloko o ka rumi a kona enemi e noho ana a puliki aku la kekahi lima i ku puai o Kawano, a o kekahi lima hoi, ua holu aku la oia i ka puupuu ma ke poo o ka mea ana i inaina ai.

Ua haawi koke mai na hoa o Kawano i na kokua ana a pakele ae la oia, aole nae i hoopau ae o Asai i kona manao mau inaina aka, @ holo aku la oia iloko o kona @mi a lawe mai la he pahi a lele hou aku la maluna o Kawano, ua malama hou ia he mau aumeume ana, a mamuli o ka ikaika o ua Asai nei na moku aku la o Kawano a me kona hoahanau i kana pahi.  Na ka @ku nui i lawe mai i kekahi puulu kanaka malaila ma o ke komo ana aku o kekahi mau kanaka Hawaii e uwao i pau ai ka hakaka ana.  Ua hoouna koke la mai ka lohe i ka oihana makai, a ua hoea aku ua makai i kahi o ka hakaka a lawe mai la i ka lima koko i ka halewai, a o ka mea hoi i hoeha kukonukonu loa ia i ka haukipila.

 

HAAWINA O KA BANA.

 

Ma ka Poakahi nei ua @ @ la ka Hale o ne Luna@ @ noonoo i ka haawina o ka luna, a mahope o kekahi kuka loihi ana @ hooholo ia iho la e haawi ia ka uku mahina o $200 ia Porofesa Berger, ke kumu puhiohe o ka bana aupuni $29,200 no na keiki puhiohe no na makahiki elua, a mawaho o keia e hookaawale ia i puu dala o $1,800 no na lede himeni elua no keia mau makahiki elua e hele nei.  No ka oihana koa hoi ua hoole loa ka Hale i ka haawi ana i haawina no ia oihana.

 

HE PAA MARE NO KA PUALI HOOLA.

 

E malama ia ana maloko o ka Y. M. C. A. he paa mare no ka puali hoola, ma keia ahiahi Poaono iho.  O na mea e awaiaulu ia ana ma ka hipuu laahia o ke kaula gula o ka mare oia no o Kapena Jensen, ke kane ame Aukana Sharp, a wahine.  Ina aole he mau kula e ikeia ana e malama ia no he kai huakai e na lala a pau o ka puali hoola ma kekahi mau alanui o ke kulanakauhale nei, me na paa mare ma ke poo o ka huakai ma ia ahiahi, a e lilo ana hoi ia he po nui no ua hoomana la.

 

Eia ka halekuai o Painapa ma, ke malama nei he kuai hoemi o na uhimoe a me na pale kaa.

He elima mau kaa i pau i ka weluwelu mawaho o Waikiki ma ka la 11 o Iune iho nei.

Ua loaa mai nei i ka halekuai o L. B. Kerr he 120 pahu o na waiwai lole kane mai Nu Ioka mai nei, a ke malama ia nei, he kuai hoemi nui no lakou.