Ke Aloha Aina, Volume VII, Number 22, 1 Iune 1901 — Page 7

KE ALOHA AINA

 

KE ALOHA AINA, POAONO, IUNE 1, 1901.      7

--

HE KAAO KAILI PUUWAI

--:A ME NA:--

Kaikunane Eiwa

--

I Hooliloia i mau Manu Nene Ahiu

a i ole na keiki i Hoohaehaia

--

Kakauia no KE ALOHA AINA.

--

            Na keia mau huaolelo i hoopuka ia ae mai ka lehelehe mai e ka moi Miro i hoopiha aku i kana kauwa me ke aloha kuhohonu nona a me kana ahiiwahine, a me ka leo malie puana aku la oia.

            E kuu mau haku moi e ae mai i ka olua wahi kauwa nei e hahai aku mahope o ko olua meheu, in a no ke oia ua pomaikai like kakou a pau, a in a hoi no ka poino e like no kakou.

            Aole e hiki ia oe ke hahai mahope o maua, no ka mea, he alahele pohihihi loa ko maua, a o kekahi hoi aole he kahiko hunahuna maluna ou e hiki ai ia oe ke puka laelae mailoko aku nei me ka hoopoino ole ia mai e na enemi, nolaila, e noho no oe mahope nei, a o na alii opio oia kou mau haku o keia mua aku.

            A i ka ike ana o ke koa kiai aole e hooko ia ana kona makemake, ua haule iho la oia maluna o kona mau kuli a me na waimaka e hiolo makawalu ana ma kona mau papalina lalau aku la oia i na lima aloha o kona mau haku o na la i aui aku la a muki hoopau hope ana ae i keia mau huaolelo.

            Na na lani e hoopomaikai i ka olua huakai imi ola e o'u mau haku alii, na na lani e hoopomaikai mai ia olua, a malia he au no paha ko ka manawa a hui hou no kakou.  E hoomanao o ke aloha e pumehana mau nei iloko o kuu puuwai no olua, aole loa e hiki ke hoomaalili ia e na waikahe he nui.  E hookuu kakou ano, no ka mea, ke wehe mai nei ke alaula o ka malamalama, a he puikaika hoi ke alahele in a e hala hou ana he mau sekona ma ka hoopau manawa wale ana maanei.

            Ma keia mau kukai aloha hope mawaena o na moi a me ke koa kiai ua mawehe ae la ko lakou pili ana no ka wa pau ole.

            Me na kapuai mama i huli ae ai ua mau alii nei no waho o ka hale ahi, a oiai, e ano pouliuli ana no ua kuhihewa mai la no na enemi e kiai ana ia waho o ka halealii o kekahi no keia o ko lakou mau alakai e hakilo ana i ko lakou mau kulana kiai.  Ua pii ae la ko lakou mau lima a haawi mai la i na kunou aloha kakahiaka ana, a ua panai koke aku na kamahele i ko laua aloha kakahiaka.

            Elike no me ka manao kuhihewa o na koa kiai mawaho o ka hale alii pela no na koa kiai o ka puka pa mawaho loa, aole lakou i kue mai ia laua nei, aka, me na manao kuhihewa he mau kanaka keia malalo o kekahi kauoha ano nui mai ko lakou mau haku opio mai, ua wehe hamama ae la lakou i ke pani o ka puka a hoookuu laelae ae la lakou i na pio no waho.

            Ua palekana kaua e kuu aloha, wahi a ka moi Miro i puana malie aku ai i kana Anita, i ko laua wa i kaawale loa mai ai mana kiai mai.

            Ae, e kuu haku moi, aka, aole nae ia he mea no kaua e hoemi iho ai i ka ikaika hoonee ana aku o ko kaua mau kapuai imua, no ka mea, aole kaua i kaawale loa mai ko kaua mau enemi mai.  Nolaila, e haalele iho kaua i na alanui piha kanaka o ke kulanakauhale, a e kamoe aku hoi ka kaua huakai ma na alanui mehameha, a ke hala ka hoi ia kaua he mau mile mawaho aku nei me ka halawai ole me kekahi kino kanaka, he manao ko'u e loaa no ia kau aka lanakila, wahi a ke aliiwahine i hooho ae ai.

            Ae, e kuu aloha o ko kaua ike ole ia ana e kekahi mea kino kanaka a hiki i ko kaua kau ana aku iluna o na puu e kukinikini maila e hahi paa ia mai la e na lau uliuli o ka nahele e loaa no ia kaua na manaolana o ka mana.

            Nolaila, me na kapuai i hoopiha ia me na manao hauoli i kamoe pololei aku ai ka laua huakai no kahi a na puu e ku mai ana, ma na alanui mehameha aku hoi o ke kualana kauhale.

            A i ka wa o na kukuna o ka la, i haawi mai ai i kona malamalama mua loa maluna o ua aupuni la, aia hoi, ua mau kamahele la ua hoea aku la iluna o ka puu mua. Ma ke ia wahi i noho iho ai laua a hoomaha iho la i ko lau amaluhiluhi o keia kuoe wawae ana no eha mile.

            Mailuna aku o keia puu i huli aku ai ua moi nei a me kana alii wahine a nana hope aku la i ko laua halealii nani, kahi hoi a laua i luakaha ai i na la i aui hope aku la me ka hauoli, a ike ia aku la na waimaka e haloiloi mai ana mai ko laua mau lihilihi mai me ka puana malie ana ae o ka moi Miro.

            Ae, aloha no kuu home aloha e ku kilakila mai la i ka aekai nona hoi na puoa nani e oni haaheo la i ka lewa, ka mea a'u i kukulu ai me kuu mau lima ponoi nei i home no'u e hoohala ai i ko'u mau la o ke ola ana, aka, i keia mau sekona ua hoopale aku au i ko'u ike hou ana aku ia oe.  No ka mea, ua puanuanu kou mau paia, a aole hoi me oe ka mea a kuu puuwai i aloha maeele ai.

            Aole i pau pono aku na olelo kaukau a ua moi Miro nei no kona halealiii e ku mai ana me ka haaheo nui, aia hoi, ua hookipu ia ae la oia ma o ka ike ana aku i ke kukaea ana mai o ka lepo, me he mea la, aia he makani i uahiohio nui ke pulumi

 

HE KUAI HOEMI NUI LOA.

Ma kahi o

IWAKAMI

Hoomaka ana ma ka Poaono, Iune 6.

--

He makana ka makou e haa-

            wi ana i na mea nui o ke

            Tikiki.

EKAHI           Lole Kalika i kuiki ia.

ELUA                         Lole Kalika Kepani.

EKOLU          Lole Kalika Moepo.

EHA.               Kuka Kalika i Kuikiia.

ELIMA.          Uwati me ke kaulu.

--

            Nolaila, e kipa mai e na makamaka o ka wa kupono loa keia e loaa ai o na waiwai o ko makou halekuai ma ke kumukuai emi loa.

                        IWAKAMI.

            ALANUI HOTELE.

--

la i ke kulanakauhale, a iloko o na minute pokole wale no ua ula pu ae la ke kulanakauhale i ka lepo, a oia ka Anita i hooho ae ai me ka leo hikilele.

            Heaha kela mea kupaianaha a'u e ike nei, ke ulupa ia mai la anei ke kulanakauhale e kekahi makani puahiohio ikaika.  No ka mea, ua uhipaa ia ke kulanakauhale e ka ula o ka lepo. a ke nee mai nei ia me ka awiwi nui no waho o ke kulanakauhale.  Ke nee pololei mai nei ma ko kaua alahele  Auwe, e halawai anei kaua me kekahi poino weliweli.  E na lani e hoike mai heaha keia ouli kupaianaha a'u e ike nei, a hina aku la oia iluna o kana aliikane.

            E kuu Anita mai hookaumaha i kou mau noonoo, no ka mea, aia no kela mau nanaina weliweli i kahi e loa, a malia i kona wa e kokoke mai ai i keia wahi a kaua e ku nei e loli ae no kona alahele.  Nolaila, e hoopau ae i kou manao kupilikii.

                        Aole i pau.

--

EIA HOU NO NA PORTO

RICO.

--

            San Juan de Porto Rico, Mei 21.  He eiwa mau limahana Porto Rico i kau aku la maluna o ka mokuahi Kaleponi, ma Guaiea, no Hawaii i keia la, a he 400 i makaukau no ka holo aku mahope.  O na nanaina hauoli oia kai ukali aku me na limahana.

            He umi-kumamaha mare a me kanaha kumamawalu hapatema i malama ia ma ka La Pule nei.  Eia na agena limahana ke hoolilo nei ma kahi o $10,000 no ka ohi a me ka malama ana i na limahana.  O na hoike maikai e loaa mai nei mai Hawaii na ia mea e hoomau nei i ka holomoku ana aku o na limahana no laila.

--

            Ua hoolana ia mai nei ma Okalana, Kaleponi, he mokupea ma ka inoa Lahaina, ma ka la 18 iho nei o Mei.

            He khaki no ko ka Ofiuma i keia po.

            Eia ka halekuai o Painapa ma ke malama nei he kuai hoemi o na uhimoe a me na pale kaa.

            Ua make ma ke ahiahi Poakolu nei o Kapena Raiki mahope o kona kaa ma'i ana no kekahi manawa loihi.  He haole oia i kamaaina i ko Honolulu nei, a no kekahi mau makahiki loihi he kapena oia no ka mokuahi kolo Eleu,

--

KA HALEKEAKA ORPHEUM

--

E wehe hou ia ana ma keia pule

EKOLU PAANI HOU

. . . E KA . . .

Puali Keaka Elleford Co.

. . . A ME . . .

Miss Jessie Norton

Iloko o ka lakou mau paani lealea nana i hookaulana ia lakou a puni o Amerika Huipuia.  O ka la kou paani o keia po.

THE BLACK FLAG.

            Na Uku Komo Mau: 25 c, 50c 75c  Auina la Poaono 15 c me 25 c  Ua weheia ke Keena Kuai Kikiki i

keia wa.

540--TELEPONA--540

may 13

--

No ke Ola

me ka

Olu o ka puu

E Inu i ka

RAINIER BEER

--

He laau maikai keia no ka hoo-

            ikaika ana i ke kino.  Na poe

            nawaliwali a me na poe luhi

            i ka hana e hooluolu ia no.

            E loaa no keia bia ma ka ha

            le inu rama

CRITERION.

Alanui Papu.