Ke Aloha Aina, Volume VII, Number 20, 18 May 1901 — Page 5

KE ALOHA AINA

 

                KE ALOHA AINA, POAONO, MEI 18, 1901.             @

KA AHA EUANELIO E MALAMA IA ANA MA HILO.

 

O ka la 6 ae nei o Iune e hiki mai ana, oia ka la e noho ai ka Aha Euanelio Nui o ka Paeaina ma Hilo, ka mua loa hoi o ka wehe ia ana maloko oia kulanakau hale i kaulana i ka nani me ka hiehie, e kala ia mai makou ke i ae, ka helu elua o na kulanakauhale kapitala o ke Teritori o Hawaii iloko o keia mau paemoku.

He mea keia i hana ole ia iloko o na makahiki loihi i hala mai ka wa i lawe mua loa ia mai ai o ka euanelio o ka malamalama e na makua misionari i na Paemoku o Hawaii nei. O ka mea i ike mau ia (ke oie makou e kuhihewa) ma Honolulu nei wale no kahi i maa e noho ai a e malama ia ai keia ahaolelo nui o na hana pili aupuni lani i keia a me keia makahiki, a o ka mua loa iho la keia o kona hoonee ia ana aku la ma kekahi wahi okoa mai Honolulu nei aku. Eleu no paha o Hilo ma na ano a pau, aneane paha auanei o ka Ahaolelo kau kanawai aku koe o ke aupuni a hoonee ia aku i hilo e noho ai i kahi kau.

He mau la laukanaka aku ana ia o ua wahi kaona uluwehi nei. E hele ana a le-i o Kohala i ka nuku na kanaka, e hookui ana paha ka i’a i ka maka ha. He mea pono no hoi i na hoa hanau a pau o ka ekalesia o Haili e ike a hookipa i na malihini i hele aku no ka hana o ke aupuni o ke Akua.

Ma ko makou lohe wale, me he mea la e piha ana paha ka 600 a i ole a oi aku, ke hui ia me na poe o kahi mau mokupuni e ame ko na apana kua mai nohoi o ka mokupuni iho o Hawaii e hiki ae ana no na hana Euanelio a me Hoike Kula Sabati Nui. Nolaila, ma ka aoao hoi o na kamaaina o ka apana iho o Hilo, kahi a keia mau haneri e kipa aku ai, e kala ia no na kamaaina ina hoi ua loaa he mau kuia a he mau hemahema paha ma ka hookipa ia ana e kahi poe o lakou, oiai, o ka mua no hoi keia o kekahi heluna nui o na malihini i kipa aku e like me keia iloko o Hilo. E hoomaopopo ana paha kahi i na mea e oluolu ai a e pono ai na malihini, a o kahi poe paha e hoopalaleha ana paha auanei a hoohemahema wale me ka hoomaopopo pono ole i na mea e oluolu pono ai na malihini kipa aku, alaila, oia mau hemahema i loaa i kahi poe ua loaa iho ia ia he mau mea e hoowaia ana i k@ inoa maikai o na kamaaina e ae o Hilo.

Ae, he aina hookipa o Hilo i ua malihini, aole nae lakou i hookipa i mau ha@e@i i ka wa hookahi e like me keia ka nui. Nolaila, e pono e kala ia na kamaaina o Hilo ke loaa he mau hemahema ma ka hookipa ana.

O ka mea nui wale no e nana ia o keia oihana pookela e lawelawe ia ana maloko olaila no ka manawa mua loa. A o ka wa no hoi ia e lohe ia ai @ ka lehulehu o ka leo eehia o ka ogana nani o Haili ka hua o ka luhi a ua hoa hanau oia e alesia i hooikaika iho nei he mau mahina pokole wale no i hala ae nei, me ke kokua pu ana a na ‘Lii ka Moiwahine Liliuokalani a me ke Keikialii Kawananakoa a me kekahi poe waiwai a hanohano e ae o ka aina.

No ke kokua ana i ka ai e lawa ai keia mau mano kanaka o ka euanelio o Hilo, ua lawe ae la ke keiki lalawai kaulana o na wai eha Ron. J. W. Kalua o Wailuku i ka malu a ke ao, nana e hoolako ana i ka ai, a e hooili ia ana he mau eke kalo i Hilo mailaila ae a na ka mahu o ke kula hanai o Hilo e hoomoa a me ka wili ana. “ Nui no hoi ka lokomaikai oia keiki puuwai hamama.”

Ma ko mako@ lohe i hoike ia mai e ke Kahu, he nui na hipi i makana ia ae e kekahi poe kuonoono o ka aina, ua loaa he 6 a i ole 7 paha mau hipi momona i kupaluia e hoomomoa ia la no ia wa. Mahalo i na poe e kokua ana i na hana maikai e pono ai ke aupuni o ke Akua, a nana no e hookau mai i na hoopomaikai ana maluna o na poe e kokua ana i kana mau hana a pau.

Nolaila, imua e Hilo e nee ai mai ku iho i kahi hookahi a mai emi aku hoi ihope.

WAIWAI O KEOKI PUKUNIAHI.

 

Loko Paakai, Uta, Mei 9. O ka palapala hooilina a Peresidena Keoki Pukuniahi, i make ma Monterey, Kaleponi ma kela mahina aku nei e waiho ia aku ana ia imua o ka aha hookolokolo ma ka la apopo

Maloko o ua palapala hooilina la e hoakaka ana ia i ka mahele a@a i kona mau waiwai i koh@ ia ua hiki aku no ia i ka $1,000,000, oia hoi, iloko o n@ mahele elua O ka mua $200,000 e waiho ia pela a hiki i ka oo ana o ke keiki opio loa a Keoki Pukuniahi, nona na makahiki he eiwa. O na keiki e ae he 33 a Keoki @ukuniahi e haawi ia ia lakou he hookahi eka aina o ka aina mahiai a ma $2000 ma ke dala maoli i ko lakou wa e oo ai @ i ole i ko lakou wa e mare ai.

He eha wahine a Mr Pukuniahi, a ua hoolako ia lakou me na home; a me ka haawina hoi e hiki ai ke malama ia ko lakou ma@ ola a hiki i ka make ana.

O ke koena iho o ka waiwai o Pukuniahi i hiki aku ka huina i ka $800,000 a me 33,000 eka aina mahiai na mahele iloko o ka ha le hana palaoa, hui oihana wai, a me na henako ua komo aku la iloko o ka ahahui o Keoki Pakuniahi maloko o laila o kana mau keiki a me John M. Cannon na poe paa mahele. E paa @a ana keia waiwai pela a hiki i ka hoea ana o na makahiki o ke keiki opio i ke kanaha. Nui no ka waiwai o keia haole.

 

MAMA LE@E O KA BALUNA

 

O na heihei a me na hookuku lele baluna ua hana mau ia ia ma ka hoikeike o Parisa. Ma na La Pule a pau he uui na baluna i haalele iho ma ka lakou mau huakai iluna o ka lewa. I kekahi auina la wahi a Lawrence Rotch he 17 mau baluna i pii like ae a lele aku la, a o kela a me keia kanaka maloko pakahi o lakou na wae mua oia i kahi e haule ai kona baluna. A mamuli o ka noeau o kekahi poe i ka hoo kele ana i ko lakou baluna iloko o na au o ka lewa, ua ike ia keia mau hopena e hookahaha ia ai ka manao. O kekahi kanaka lele baluna mahope o kona lele ana no kanakolu mile ua haule iho la kona baluna ma kahi he hapalua mile wale no mai ke kauua ana @ makemake ai malaila e haule ai kona baluna. O ke kiekie i lele ia e kekahi kanaka iloko o na aouli o ka lewa he 27,000 kapuai mai ka ili honua ae  A ma ka heihei ana no ka mea mamao loa o kahi e lele ai, he 6 mau baluna i komo iloko oia heihei ana, a he 3 o lakou i haule aku iloko o Rusia. A he 1400 mile i lele ia e lakou iloko o 37 wale no hora.

-Montreal Star.

HALA IA MAKUAHINE O KAPONO.

 

Ma ka hora 11 o ke kakahiaka Poaha nei, ua loaa mai la he lono telegarapa uwea ole mai Hilo mai e hoike mai ana ia Fred S. Laimana no ka haalele ana mai la o kona makuahine Mrs Isabella Laimana i keia ola ana. He eiwa mahina o ka hoomailo aua a ka ma’i malnna ona a hiki i ke kikoo ana mai la o ka Anela a ka make a lawe aku la i kona hanu makamae. He makuahine oia i kamaaina a i aloha nui ia e ko Hilo poe, a he pou hana ikaika hoi no na hana Karistiano a hiki i kona hala wale ana aku la i ke 60 o kona mau makahiki.

Ua haalele iho la oia he kane a me na keiki e paiauma aku ana nona. Ke komo p@ aku nei KE ALOHA AINA iloko o ua u ana me ke kane a me na keiki i hoonele ia i ka makuahine. Aloha no oia.

HE HALE AINA HOU  :NO: YEE CHONG

 

Alanui Moi kokoke i ka Uwapo Haaliliamanu ma kahi o Wo Fat

E loaa no malaila ka Poi me ka I’a Maka, Pi@, a pela aku  Inu Ti me Kope. A Raiki a me Supa a me na ono a pau a k@ Hawaii, no ka auhau he haahaa. Nolaila, e o’u mau makamaka mai poina i ke kipa mai.   mei-Im

Nuhou Kuwaho.

 

MARE IA MALOKO O KA HALEPAAHAO.

Loko Pa@kai, Uta Mei 4. O Winfield J. Huut, i olelo ia he keiki na kekahi kanaka waiwai o Decatnr, Ilinoi, ua mare ia oia me Miss Clara A. Rogers oia kulanakauhale no maloko o ka halepaahao i keia ia e Lunakanawai Lochrie.

Ma keia Poah@ aku nei o Hunt i ike ia ma L@ko Paakai o Harry Wilson, ua ahewa ia oia no ka powa a ua lawe ia aku oia no ka halepaahao no ke kali ana i kona hoopai. O Miss Rogers i olelo ia he hoakula no Hunt ma Decatur a i hoea mau aku imna o ka aha hookolokolo i ka wa e malama ia ana o ka hihia, ua hoea aku oia i ka halepaahao i keia kakahiaka no ka ike ana iaia. A mahope o na kuka kamailio ana ua kauoha ae la o Hunt i ka makai no ke kii ana aku i palapa@a mare no laua. Ua telepona ia aku o Lunakanawai Lochrie, a i kona hoea ana mai ua mare ia iho la o Hunt me Miss Rogers mahope o na aaho hao o ka halepaahao. Ma ka Poakahi ae nei e hookau ia mai ai ka hoopai o Hunt.

 

E HULI IA AKU ANA NA KANE NALOWALE.

 

St. Paul, Minesota, Mei, 5. Ua hooholo ka Papa Mana Hooko e hoouna aku i na palapala huli i wani e hiki ai ke hoihoi ia mai i keia mokuaina he 30 mau kane mare i haalele i ka lakou mau wahine.

Ma kela Ahaolelo aku nei na hooholo ia iho he kanawai, o na kane haalele wahine a pau e hoopaahao ia lakou maloko o ka halepaahao mai ka hookahi a ka ekolu makahiki noopaahao, aka, e hookuu ia no nae ka mea i hana hewa ina oia e waiho ana he b@na i ka moknaina no ka malama ana i kana wahine a me kona ohana.

 

HOPENA WELIWELI I LOOHIA I KEKAHI MAU MISIONARI

 

Brisbane, Queensland, Mei 8. He pua@i huli i noi @ai nei mai New Guinea mai, ua hoike mai lakou no ka loaa aua o @a kino make i ai hapa ia o Rev. James Chaimers a me Rev. Oiiver Tompkins o ka A@anui Misionari Ladana, a me ko laua mau kanaka, i luku ia ma ka mahina aku nei o Aperila e na kanaka o ka muliwai Fly, New Guinea mahope o kekahi hakaka ana.  

Ua hoo@aopopo ia ua hookokoke aku o Chaimers me kona puali no uka o ka aina, a ia wa i huopuni i@ ai lakou e @ waa o na enemi. Aole lakou i ike hou ia. Ua hoopoini ia na kaunale a me na waa o ka apana @ la velawe ia ai o keia hana iuku weliweli a me iwakalua-kuma@aha kauaka i make, e keia puali huli.

 

E hoopuka hou ia ana he nupepa namu ma Wailuku, Maui, ma keia mua koke iho.

Eia na hoa hanohano o ka Ahaolelo ke pokepoke mai nei i ka uku o na luua aupuni i keia mau ia.

 

Ua hopu ia he wahine opio nona ka inoa o Ane Lopa, mamuli o na hoohuoi ia ana na pupule oia.

 

O ka moku iawekoa Lawton ke kipa mai ana i anei ma kona alanele no Maniia, ma na la hope o keia mahina.

 

He nui na poe i ku ia mai e ka Aha Kiure no ka niele ia ana no ka lakou ma@ ike e pili ana no na ioh@ kipe ia o ua Home Ru@, a mawaena o lakou o Emaluka kekahi.