Ke Aloha Aina, Volume VII, Number 20, 18 May 1901 — Page 3

KE ALOHA AINA

 

 

NA KULANA LIKE OLE O KE KANAKA

            O na aoao elua o ka helehelena o ke kanaka, aole laua i kulie.  O na maka o kekahi poe elua iloko o ka elima aole ia i moe pololei ma ka laina, a he ehiku iloko o ka umi i oi aku ka ikaika o kekahi maka i kekahi.  O ka pepeiao akau he kiekie iki ae ia i ka pepeiao hema.

            He hookahi wale no iloko o umikumamalima i loaa he mau maka pololei.  O na poe ike pokole ua ike nui ia ia iwaena o na poe o ke taona mamua o ko na kuaaina, a o na kanaka Geremania a pau kai ikeia he hapanui o lakou he pokole ka ike. 

            O na leo walaau nahenahe he oi loa aku ka lohe moakaka ia me hookahi pepeiao mamua o elua.  O na mikiao o na manamana elua aole he like o ka hikiwawe o ko laua ulu ana, o ka mikiao o ka manamana lima waena he hikiwawe kona ulu ana, ao ka manamana nui he lohi loa kona ulu ana.

            He kanalima kumamaha iloko o ka haneri he oi ae ka ikaika o ka wawae hema i ka wawae akau.  O ka lima akau he oi ae ka nui i ka lima hema, o ka wawae hema hoi ka oi ae o ka nui i ka wawao akau.  O ka averika kaumaha o na iwiw o kane he iwakalua paona, a o na wahine he eono paona ka mama ae.      Ua olelo ia o na wahine Beritania he elua iniha averka ko lakou kiekie i ko na wahine Amerika.  O na wahine i hanau ia iloko o ke kau wela a me ka hule lau, he poe loloa lakou mamua o na poe i hanau ia i ke kau kupulau a me hooilo.  O na wahine leloa ua hanau mau ia ia ma ka mahina o Augate.

            Na keiki kane hoi o na poe i hanau ia i ka wa haule lau a me ka hooilo aole i loaa aku ia lakou ka loloa o na keiki i hanau i ka wa kupulau me ke kau wela.  O ka poe i hanau ia ma Novemaba o lakou ka poe pokopoko loa, a ma ka mahina o Iulai ka poe loloa loa.

            O ka averika o ka lauoho iluna o ke poo o ke kanaka he 143,040 lauoho, na lauoho eleele 105,000, a o na poe poo ulaula he 29,200 wale no lauoho.  O ke kanaka i ola a hiki i ke kanahiku makahiki, ua maalo ae he 675,920 tona koko ma kona puuwai.  O ka pana o ka puuwai he 70 manawa i ka minute, a i ole he 36,792,000 manawa i ka makahiki, nolaila, o ke kanaka e ola no 80 makahiki e hoea aku, no ka pana o kona puuwai i ke 3,000,000,000 manawa.  E emi iho no ka pana o ka puuwai he umi manawa i ko ke kanaka wa e moe ana ilalo mamua o kona wa e noho ana iluna.--Republican.

           

            E alawa ae i ka hoolaha waapa loaa e puka aku nei.

            E pouli ana ka la ma keia Poaono, Mei 18.  Aole ia e ikeia ana ma Hawaii nei, aka, ma na paemoku Pilipina.

 

ILUNA O KA ILI O KA MOANA NO 42 LA

(mai ka aoao 1 mai.)

Mahope o elima la a i ole eono la maluna o ka moana ua kaalo ae la he mokuahi.  A ma kahi o umi kumamakolu mau mokuahi i kaalo ae i keia wa a makou e alo nei i ka @; aka, ua mamao loa lakou mai ka ike ana mai ia makou.  Mahope o ko makou paialewa ia ana no 22 la ua make aku la he luina Amerika a ma kekahi la ae he Norewai a ua kiola ia aku laua no loko o ke kai ma ka po ana iho.

 

KA PEPEHI KANAKA MUA.

            Ua ninau mai he @ Farani, no ke aha la makou i kiola ai i kela mau kino make me ka ai ole aku ia laua.  A ia wa i lalau iho ai oia he koi a hoao aku la e pepehi i kekahi o ko makou mau hoa aukai, ke kapena.  I ka ika ana o ka malama moku ekahi ua kue aku oia, aka, ua lilo aku la nae oia i moepuu na ke kanaka Farani.  Ua olelo ae na kanaka Farani la ma kekahi la ae oia e pepehi aku ai i ke kapena, me ka inu ana iho i ke koko o ka malama moku a me ka ai ana i kona lolo a kiola aku la i ke kino make iloko o ke kai.

            Ma keia wahi ua olelo ae ka malama moku elua he mea pono e make ke kanaka Farani o pepehi mai auanei ia kakou a pau, a ia wa i lalau aku ai oia i ke koi a pepehi iho la i na kanaka Farani nei.   Ua inu makou i kona koko, a ua ai maka i kona io a aole he mea o makou i maʻi no ka ai ana iaia. 

            He mau la pokole mahope iho ua pupule aku la kekahi o ko makou mau hoa he kanaka Rukini a lele aku la iloko o ke kai.  Ua nele makou i ka wai inu a ua maloo ka puu me ka hiki ole ke kamailio.  O ka wai kai a me ka mimi ka makou i inu aku no ka hoomaalili iki ana iho i ko makou makewai.  He elua a i ole he ekolu la mahope mai ua make iho la ke kamana, he Norewai, a ua hoolei ia aku oia iloko o ke kai.  He elima la mahope iho ua make aku la ke kuke a ua kiola ia aku oia.  Ekolu la mahope mai ua make aku la ka malama moku elua Brown, a ua hoi aku oia no ka hohonu, a ua make mahope iho ke kapena a ua kiola pu ia aku oia me ka ai ole aku iaia.  Aka, o ke Kanaka Farani wale no ka makou i ai.  A o ka hopena i ike ia he elua wale no maua i koe oia o Martierorena a me aʻu.  Aole maua i hoopoino aku kekahi i kekahi, no ka mea, he wahi lako ai nuku no ka mana.  He 42 la o ko maua paialewa ia ana, aole he wai maoli no ka inu ana a o na haawina ehaeha @ @ i loaa ia maua ua hiki ole ia ka hoakaka ia ae.

            Ma ka la 28 o Novemaba ua lawe ia aku la maua e na ale no uka o ka aina a pae aku la i ka moku @ Soubi o ka paemoku South Natuna.  Ma keia wa ua piho ko mana kino me na maʻi hehe, a he nawaliwali loa hoi me ka hiki ole ke hoohana aku i ko maua mau wawae, nolaila, ua kokolo aku la maua me na lima.  Ua hele aku maua i ka hale o ke alii o ka lahui kanaka e noho ana @ ia mokupuni, a kamailio aku la ma ka oiaio Malala i ko maua pilikia, a ua hookipa koke ia aku maua, a no elua mahina o ko maua noho ana malaila, ua hoea mai la he moku pake mai Singaporemai me ka ukana raiki a ua kau mai la maua maluna ona.  He niu a me ka manako a me kahi iʻa liilii wale no ka maua ai a hiki i ko maua haalele ana aku.  No elua mahina o ko maua noho ana maluna o ka moku ua holo aku la oia no Pulo Madi a mailaila no Singapore a ma ka hora 4 o ke ahiahi o nehinei Apr. 3 i hoea mai ai maua i Singapore nei.  Ua hoea mai ka makai maluna o ka moku a hoihoi aku la ia maua no ka Home Luina kahi a maua e noho nei.

            E malama ia ana na olulo ma ka Home Luino a hiki i ka loaa ana mai he hoike mai ke keena mai o ka oihana kalepa Beritania.  O keia mau hoike ma luna ae ua lawe ia mai la e ka mokuahi Amerika Maru.

 

NA HUNAHUNA MEA HOU O MAHUKONA.

 

MR. LUNAHOOPONOPONO.

Aloha oe:

            Ma ka Poaono, la 21 o Aperila, o keia makahiki no, ua moku a lele ka peahi lima o Kaohele (k) o Kaipuhoa, i ke kiana pauda hoopahu iʻa, i hele no i ka hoopahu iʻa me kona mau hoa eha mawaho ae ona, ma na lae kahakai, kokoke paha elua mile a oi aku a emi mai paha mai Mahukona aku nei, ma ke alo huli e hiki aku ai i Kawaihae a na kauka Bond i hoopau aku i na wahi i weluwelu o ka peahi lima a koe mai ke kano.

            Ma ka Poakahi, la 6 o keia mahina no, mawaena o ka hora 4  a me 5 o ka wanaao o ka la i hoike ia maluna, ua hoa ia ke ahi e ka Pake kiai po o Mahukona nei ma ke kapuahi paoahi o "Akeahi" (kaaahi) a i ka wela ana a ikaika ka @, me ka ike ole o ka Pake kiai po ua wehe ia ke ki hooholo imua, a oia ka manawa o ua o Akeahi nei i kuupau aku ai i kona holo me ke kanaka ole maluna, a no hookahi mile paha a oi, ua pau iho la kona ikaika hoohana, oiai, no hoi o C. Ai, kupakako e uhai ana mahope ona,  i hiki i ko Akeahi wahi e ku ana, a nanai hoihoi mai me ka poina ole, o ke kumu nae o ko Akeahi paa ana o kona holo, he apanapana papa wale no ka mea i hoa ia e ka Pake kiai po, a hiki pono @ i kona wa e hoohanu ia ai, alaila, hoo aku ka nanahu pikumana.  Ina i hoi pu ia ka apanapana papa me ka nanahu, ina paha ua hala loa i Kohala-loko.  Ua nui kela.

            Ma na keiki oniu hua kepau koaʻ welina.

MRS. KELIIWAHALAU,

Aekai o Mahukona, Mei 10, 1901.

 

NA PILIPINE ME NA AMERIKA.

 

            Manila, Mei 7.  O Lutanela John L. D. Hartman me 63 kanaka o ka puali K o ka Regimana Kaualio Ekahi, ua halawai lakou me na Pilipine ma kahi kokoke i Balayan, Luzon.  He ekolu manawa o na enemi i ku mai ai a he ekolu hoi o lakou manawa i hoauhee ia ai e na koa Amerika.  Aole he poino i ike ia o na Amerika

 

HOEA O MAKINILE I KALEPONI.

 

Los Angles, Kaleponi, Mei 8.  Me na leo huro ohohia i hoea mai ai o Peresidena Makinile i Los Angles nei, ke kulanakauhale o na Anela, i hoolala i kana mau hana hoohiwahiwa e hooko akau ana no kona Peresidena he mau mahina ae nei i hala.  O ka hopena o keia mau liuliu ana u aike ia aku na hae a me na kukui a me na waihooluu like ole e hooulu wehiwehi ana i na alanui, me na bana a me na koa, na lio e huki ana i na kaa nani ua hoea aku lakou ma kahi hoolulu kaaahi no ka hookipa ohaoha ana ia Peresidena Makinile.

 

NA BOA ME NA BERITANIA.

 

Ladana, Mei 7.  Ua hoouna mai ia oa Haku Kitchener he hoike no ka hopu pio hou ia ana he 100 Boa, 1 pukuniahi 12 paona, 1 pukuniahi 9 paona, me 1 pu kani pinapinai a me kekahi mau lako poka.

            Ladana, Mei 6.  Ua hoopuka ae la ke keena aua he hoike pili aupuni o ka nui o na make o Beritania i ke kaua ma Aferika Hema he 714 alii a me 14,264 kanaka.  Eha alii a me 314 kanaka i hoihoi ia mai i ka home no ka nawaliwali i make, 2,493 kanaka i haalele aku i ka oihana kaua a kupono ole no ka hana hou ana aku.

            Mawaena o na pio i hopu ia ma Aferika Hema he 26 Amerika, a he 13 i hoike ae he poe Boa lakou.  Aole he manaolana no ko lakou hookuu ia a hiki i ka pau ana o ke kaua.

            Eia o Painape ke kuai hoemi mai nei i ua palule wahine paikini hou loa.