Ke Aloha Aina, Volume VII, Number 15, 13 April 1901 — Page 7

KE ALOHA AINA

 

HE KAAO HAWAII NO HAINAKOLO

 

            Ka Ui Nohea O Waipio.  Ke Kai kamohine Nana i Wawahi i na Pani Paa o Kuaiheleni a Haule Kona Kapu Ihiihi.

 

            Maanei ua pau ke kamailio ana no ua mahele a Keaniniulaokalani i haawi mai ai ia lakou no ka wa mau loa.

            A ma keia na hookuu ia lakou e hoi no ko lakou mau aupuni, elike me na hoolala ana a me na hoike mai ka nuu mai a peia lakou e hui ai.

            Ke hoi nei o Kuahailo no kona aupuni kumu, e ike i kona ohana a me kona lilo ana i akua no ia mau aupuni, no ka mea, ua loaa keia mana kiekie ia Kuahailo, ua makau lakou a weliweli @@ia, ua uhi mai ka maluhia maluna aole na onene kaua ana.

            A no Hainakolo, ua noho oia me kona nani nui, aka, ma kana mae hana ekaeka ma Keaoolino oia ka mea nana i hoonee kona ano a haahaa kona kulana hiehie, no ka mea, ua pani ia oia e Keaniniulaokalani aohe mana kiekie i loaa ia Hainakolo ma ia mea.

            A no ko Leimakani ike mai ka nuu mai ua haule kona makuahine ua noi oia ia Hainakolo e hoi oia no kona mau aupuni, aole oia e ike i kona makuahine, kona makuakane akua, kana wahine a me kana keiki no ka wa mau loa.

            A i ka ike ana o Keaniniulaokalani ua pani ia ka puka no lakou, oia kona mea i uwe aku ai imua o Hainakolo, ia kakou oia ka mana piha maluna o’u, nele oukou aohe hiki ia’u ke pii, aka, hookah kumu o kuu hoonele ana ia oe i ka mana oi mamua ona, ina e lilo ia oe ia mana aohe ana hana, ua oi kona aloha ia oe mamua o makou, oia ka pane a ka nuu, wahi’a Keaniniulaokalani.

            Na olelo a Keaniniulaokalani ia Hainakolo, ua hiki mai kaua i ka hopena o ka’u mau hana maluna ou no na mea e pili ana i ka nuu, na hana au e hana ai no kou lahui a ma kou nani oiaio a me ka mana pilipaa mai ka nuu mai, malaila lakou e kukuli ai ia oe, a e hoomana hoi ia oe a e lilo oe i akua no lakou i na waa pau. 

            E loaa no ia oe na hoike lehulehu imua o kou lahui a me kau poe mamo ma keia hope aku.

            E hiki no ia lakou ke ike kino ia oe elike me manua, aka, aole nae o keia kino au e noho mai nei, no ka mea, ua hoonalo ka nuu ia mea la oe me ka maikai, a e loaa no ia oe na hoopahaohao ana no kou hui kamailio ana me lakou. 

            A o na hana a ka nuu ia oe he hoonalo ana ia i na ekaeka i hanaia koe mai ka maemae a me ka nani mau loa malona ou, no ka mea, ina aole e hana ka nuu ia oe pela aole oe i maemae, a ino kona hana ana pela maemae oe no ka wa mau loa.

            A ma keia kulana, ua pau na hoomanao ana ou no’u, no ka mea, ua maemae na hana a ka nuu nou a ua ike au ia oe he akua oiaio ma na ano a pau a ua loaa ia oe na ike kiekie a me na hooponopono ana no kou aupuni o Keaoolino.

            A ma na hoailona e hui no kakou ma kea no akua me ka maemae a me ka olulu o lokahi.

            A nou e Luukia, ua loaa ia oe he inoa kiekie mai ka hoailana mai aohe mea mana e hoohaahaa i kou kiekie mai ka hoailona mai, ua loaa ia oe ka maemae ma ia oihana mai nolaila, o ka maemae i loaa ia oe ua holoi ia ia mea.

            O na hana ino mai ka aina hanau mai, ua hoomaemae ia e ka oihana, nolai aole a’u hooponopono aua no ia mea ua hala.

            O ha hoao ana o ka oihana ia oe, o Leimakani paa oia ia oe, a na keia mau kumu i hoonele ia oe ma ka hui ana he kane a he wahine no ka wa mau loa.

            Hookahi ou kuleana oiaio o ka oihana ina maemae ka oihana, alaila, ua maemae kou mau aupuni a me kou lahuikanaka. 

            Ua hiki loa ia o eke hoola i kou lahui me kau poe mamo, a e lilo no oe i akua no lakou e hoomana ai i na wa a pau.

            Ua paa keia hooponopono ana nou no ka wa mau loa, a e ike no na mamo ia oe me kou kino holookoa i na hana au e hana aku ai ia lakou no ko lakou akua.

            Ina e malama oe i na kukuhi a ka oihana, e ike no ko ka honua ia oe, a e hoomana ma kou inoa ponoi i loaa ia lakou, a e hea no lakou i ka lakou mau keiki ma kou inoa a me ka lakou mau mamo ma keia hope aku.

            Aohe e lawe ia ka ihihi kapu o ka oihana mai a oe mai, a ma ia inoa hookahi e kukuli ai na aupuni o ka lewa me ka weliweli nui.

            A nou e Leimakani a akua i @a mahaku a i ka nuu kahi hiki ole i poe ke pii maluna ou, nolaila, e kuu akua:

            I ka Alenui,

            I ka Alewawahimoku,

            Moku Kukulu o Kahiki,

            Lana malie o Kuaihelani,

            Pu Nuumealani i ka Puoko,

            Haahaa Hawaii o Kua@@,

            Aohe kapu, aohe eu,

            E kuu akua i ka nuu,

            A mama, ua noa,

            Wahi a Keaniniulaokalaniikanuu

            Nolaila, e kuu akua i ka nuu,

            Kuu ia mai ko kinolau,

            Kuu ia mai ko kino menehune,

            Kuu ia mai ka mana ou mau kupuna,

            Mai paa i ka leo e kou akua,

            He leo mana mai Kealohilani mai,

            He leo o ka lanak@a mai ka aina mamao mai,

            Wahi a Keaniniulaokalaniikanuu

 

W. & M. Ltd.

Kuai Hoemi Nui No Ka La Pakoa.

            Eia makou ke malama nei he kuai hoemi nui o ko makou mau waiwai like ole o na ano a pau.  He @@@@ ko makou halekuai ma ka mana ana, aka, na piha nae me na waiwai like ole.

Na Hainaka

            E loaa no na Hainaka naui mai ka 5 keneta, 10 keneta, 25 keneta a ka $1.75 o ka mea hookahi.

Na Lei A-i

O na waihooluu a pau me na paikini hou loa e kohu pono ai no ke ka hiko ana i ka La Pakou. Mai ke 25 keneta, 75 keneta, $1.50, $2.00, $3.00.

 

 

Na Mikilima Nani

            He nui a lehulehu wai na Mikilima Silika mai ke 45 keneta, 75 keneta, $1.00, $1.25 a me $1.50.

Na Kahi O Nani.

            Eia ma makou he heluna nui o na Kahi O nani no na lauoho, mai ka 15 keneta a pii aku.  E hele koke mai o pau auarei keia mai waiwai

WHITNEY & MARSH,

I KAUPALENAIA.

1045 Alanui Papu

 

            I ka lohe ana o Leimakani i keia leo kanaenae a kona akua makuakane nona, ua hiki ole iaia ke noho elike me kana i hoohiki ai, ua hui oia me kona akua ma keia leo nui, a me kana wahine o na la i hala, a me kana keiki a me kona makuahine, ma ko lakou ano akua.  He maikai like lakou a pau aohe mea kue mai.

            Ua pane o Keaniniulaokalani imua o kana keiki, aole au i manao e hui ana kakou maanei e kuu akua i ka nuu, aka hookahi no mea nui o ka noho maluhia ana o kakou ma na ano a pau ma ke ano akua oiaio i like loa me a’u nei.

            A nou e Lonokaiolohia kuu akua i ka nuu, na mea like loa me a’u, aohe mea maluna ae o olua, nolaila e ka mana a me ka nani i loaa i kou makuakane, oia nani oikelakela no kai loaa ia oe e kuu moopuna i ka nuu, eia paha oe ke haohao nei no kou makuahine no ke kaawale ana mai kou makuakane aku, a he oiaio ia haohao ana oa a me ia kaniuhu ana nona elike me ka’u e ike nei nou, nolaila, e hoike oe nou iho ma ia kumu, oiai, au e kamailio hope ana nou.

            Pane mai o Lonokaiolohia imua o kona akua kupuna, ae ua ike mai la oia i na mea huna iloko o’u no kuu makuahine, ua oiaio, aole au e hoole no kuu aloha i kuu makuahi ne a me kuu akua makuakane i ko laua kaawale ana.

            Ma na hihia elua a kou akua i ka nuu e pane ai no Luukia, ua ike ia kona maemae ma ia mea.

 

            Eia ke lohe ia mai nei e haalele aku ana o Kauka Raymond i kona kulana Peresidena no ka Papa Ola.

            He mau anoano ma’i ulalii a me ka a-i peheu ka ka moku lawekoa Bufford i lawe mai nei iwaena o kona mau koa, aka, ua hookuu akea ia mai no nae na koa e lele iuka nei o ka aina e hoohaukae ai.

 

HOEA O AGUINALDO IMUA O MCARTHUR.

            Manila, Mar. 28. O ka hopu pio ia ana o Aguinaldo ua hana ia iloko o ke kuoilikai, a he hookahi mekia o Aguinaldo i make.  He iwakalua pu raifela a me na pepa waiwai nai i lawe pio ia.

            Ua hoolele ia mai o Aguinaldo i ka hora 3:10 o keia anina la, a lawe ia aku la imua o Kenerala MacArthur. Ua pane aku oia i na ninau i waiho ia aku imua ona.  He maikai kona ola kino a he mau helehelena hauoli ke pahola ana maluna ona.  Ua paina oia me na akali o MacArthur.

 

KUAHAUA ILINA KUPAPAU O KALAEPOHAKU

            Ke hai ia aku nei ka lohe i na mea a pau, he kuleana kanu kupapau ko lakou ma ka ilina o Kalaepohaku, Honolulu.  Ua makemake ia oukou e akoakoa ae ma ua ilina kupapau ala ke hiki aku ma ka Poakolu, Aperila 3, 1901, ma ka hora 9 a.m. oia la, a e lawe pu ae me na mea hana no ka hoomaemae a oki ana hoi i na laau Mikipolia a ulu ana maloko o ua ilina ala.  A ma ia la no hoi e hoike mai ai kela a me keia i ka inoa o kana kupapau e waiho la ma na ilina ala oiai, ua hookohu pono ia mai au e ka Agena o ka Papa Ola o Honolulu nei i Luna Nui nana e malama i ua ilina la, aia a loaa aku ka palapala ae mai a’u aku, alaila, ae mai ka Papa Ola e kanu ia ke kino kupapau ma ka Ilina Kupapau o Kalaepohaku.  Honolulu, Nolaila, o ka poe e hoolohe a hooko ole elike me keia hoolaha, e hoopau loa ia aku ana kona kuleana e kanu i kana kupapau ma ka Ilina Kupapau O Kalaepohaku, Honolulu. 

            E mana keia hoolaha ana mai keia la aku no wa mau loa.

                        Owau no me ka oieie,

                                    JOSHUA KEAU

            Luna Nui Malama Ilina Kupapau o Kalaepohaku, Honolulu.

            Kunawai, Honolulu, Maraki 27, 1901.

 

HUI KAAPIO IAPANA

KIHI ALANUI LILIHA ME MOI

            E loaa no na Kaapio i na Hora a pau o ke Ao a me ka Po.  He oluolu ka auhau. Mai poina i ka hookani mai i ke Telepona, Helu, BLUE 851.