Ke Aloha Aina, Volume VII, Number 14, 6 April 1901 — Page 8

KE ALOHA AINA

POAONO, APERILA 6, 1901

MOOLELO HOONI PUUWAI

: NO:

Kuu Aloha i na Pua, Kuu Ipo o na Launahele!

Ka Makaikiu Kupaianaha!

MOKUNA IV.

KUU PUUWAI UA ANUANU.  KE ALOHA @LOKO ONA, UA PAAKIKI

                Mahope o ka hookipa ia ana aku o na malihini me k@ maemae e ka haku wahine o Lokowai Home, ua hoolauna ae o Makua Dagalasa me ka @ Silevia me keia mau kahoahoa olelo @.

            E Mrs. Silevia L@ma, ke hoolauna aku nei au ia oe me keia keonimana opio, kekahi hoi o ko'u mau hoaaloha maikai loa, a ke manao nei au e loaa ana he mau kuka a hoohali olelo ana mawaena o olua me ka hauoli a maemae. M Lema, Mr. Heneri Beleinahama, Heneri Beleinahama, Heneri Beleinahama, Mrs. Silevia Lema.

            Ala@la, huhuhui ae la na lima o na opio @loko o ka pumehana o ke aloha me ke kunou salu@, ala@la, ua kaa e na Silevia ka olelo mua e ka wehe ana i ka ahaolelo o na senate ma ka pane ana mai. Hauoli loa au i keia halawai pu ana me oe e Mr. Beleinahama, a o ka pane hoi a Heneri Beleinehama ma ka aoa@ o ka @ale o na lunamakaainana:  Aia pu au iloko o ia haawina, a ke h@linai a paulele nei au e hoomau ia aku ana ko kaua noho ana hoaaloha me ke ohohia no na la he nui e hiki mai ana, aka , e kala mai ia'u e Mrs. Lema ma ka olelo ana ae, o oe ka @ede ma ka olelo ana ae, o oe ka @ede mua loa nona ka moolelo kupaianaha a'u i lohe ai ma keia kakahiaka, a ina he mea hiki i ka'u mau kokua ana ke haawi aku maluna ou, alaila, ua makaukau au e mohai a e alaua aku i ua kokua ala a'u ia oe, ina o ke ao holo@koa nei ke ku mai ana ma keia aoao, a ho@le mai ia Heneri Beleinehama.

            Ua kama@lio a hoopuka ia keia mau olelo e Beleinehama me ke ku@o a kuio, a ua @anai ia mai hoi ia e Silevia me ka huaolelo. Mahalo me ke kunou poo, alaila, noho iho la @kou maluna o na noho, a na Makua Dagalasa i wehe mai ke poo olelo ma kela kumuhana i pau ole o ka po i hala, ua loihi na minute a ua nui a lehulehu na hopuna olelo i kamailio ia e ua makua ala me ka malie a akahele, e hiki ai ke hoohulihuli ia ka naau paakiki o kekahi kino kanaka, ina he miliona ka nui o na paakiki @loko ka@ i noho a@. Ala@la, i ka pau ana o ka ua Makua Dagalasa nei kamailio ana, ua pan@ koke aku o Silevia.

            Wahi ana me ka leo moakaka a akahele. E ka makua, mamuli ou i hoopakele ia mai ai au mai ka mana mai o ka wai a@a kaili po@uniu, ka wai a@a hoi a'u i manaolana ai aole loa he kauka loea a akamai o keia honua nana e hoihoi hou mai i ke ola iloko o'u, nolaila, mamuli o ka'u hoohiki i hoop@a aku a@ imua ou a imua hoi o k@ Akua, ano eia au ke ola nei n@ ke ku ana aku a hakoko me ko keia ao mau inea a luhi, a ke hala ae ko keia ao mau luhi ana, alaila, e komo aku au no kela ao a paio me kona m@u auwe. O ka'u mau olelo hope @hoopaa ai, ua hiki mai ka manawa a'u e kukala aku ai imua ou e makua Dagalasa a me kuu hoaaloha keonimana opio Beleinahama, oia hoi, e @aalele iho ana au ia Lokowai Home nei i keia la, a kuewa a aea aku ho@ maluna o ka ilihonua no ka hakoko ana me kona mau popilikia e koaa ai ka pono a me ka maha i kuu kamaiki bebe, ae e ka makua, e haalele iho ana au ia Lokowai Home nei, a aole loa hoi oia e hoopumeha hou ana i ko'u kino maloko o kona mau paia, E haale@e ana au i kona pani a me kona mau luhiehu, a o kona mau mea a pau a'u e poina'ole ai, e haal@e iho ana au ia lakou mahope.

            He mea waiwai ole no Silevia ka noho ana malalo o na lo@a a me na pono a kela kanaka kumakaia, no ka mea, aohe kuono, aohe poopoo e malo ai, ua like keia home me ka home i @ele i ke aloha, pela no oia e nele ai i ka uha@e ola iloko ona, o na hana a Ailika Lema maluna o'u ua like ia me ka pahu kupapau hui@a-ha e waiho ana kekahi kino make iloko, a o ua kino make ala hoi ua koekoe a anuanu, ua pau kona mau pana, ua pio hoi ka pauma ana a na mea paahan@ a kona puuwai, alaila, aole anei pela o Silevia, ae, ae ua like o Silevia me ua mea make ala, ua anuanu kona puuwai a o ke aloha iloko ona ua paakiki.

            Ma L@kowai Home nei, ua hea aku au iaia o kuu aloha i na pua, a o kuu ipo hoi o na laupahele, a ua mai ia i ka'u mau uwalo ana me na huaolelo wahahee ma kona mau lehelehe e kapa mai ana ia'u, he aloha au nana he hiwahiwa, a he mea nani hoi nana. Aka, he umikumamalua wale no hora ae nei i hala, aia hoi, hea hou mai la kona leo kumakaia o ka lokoino ia'u mai Barae mai, E Silevia, aole oe o ka'u wahine mare. E Silevia, ua kaawale kaua no ka wa mau loa.

            Alaila, o keia anei ka hana a ke kane maluna o kana wahine mare. Aole loa! Nola@la, ke hawanawana mai la ka leo hanehane o ka manawa me keia mau mapuna olelo. E Silevia! E Silevia!! O keia ao a me kela ao aohe loa he maha ana nou. Ano la, i ka hooki ana o ka'u mau olelo maluna o keia humuhana pau ole o ka po nei, e ae mai @a'u e hoike ae me ka oiaio, o kuu puuwai ua anuanu, ke aloha iloko ona ua paakiki.

            Ua hookahaha loa ia ka manao o Makua Dagalasa no keia mau olelo a Silevia, a o ka oi loa aku paha o kekaha a me ke pahaohao o ke keonimana opio no ia, a ina he wa, a minute e ae kekahi i hookahaha loa ia ai na noonoo o ua keonimana opio ne@, a o la ka ua keonimana opio ne@ i h@oholo iho ai e hana ana oia i na mea a pau e @ohaha ai ka lani, a nakakaka ka honua, ma ka hoolauna hou ana mai i keia mau olelo.

            E Mrs. Lema, ua ae anei oe e lawe aku i ka'u mau kokua ana nonama keia kumuhana pau ole e hoo ponalo ia ai kou ola ana?

            Ae e Mr. Beleinehama, ke kue ole nae @a i ka pono o ka'u olelo hooholo, wahi a Silevia.

            Alaila, pehea hoi ka'u mau kokua ana e kuu kamaiki poin@? i ninau koke ae ai o Makua Dagalasa.

            Ua lawe mai au i kau mau kokua ana no'u ma na ano a pau, aka, o na kokua ana ma ke dala, aole loa au e lawe mai i hookahi keneta o ia ano, wahi a Silevia me ka leo kuoo.

            Alaila, ma na kokua e loaa ai ia oe ka maha a me ka oluolu ma keia ao, o oka Makua Dagalasa ia e haawi ak@ ai. Aole no o ka mohai ko'u makemake, aka, o ke aloha, a o ia aloha la, oia ka'u e kau ai i ka'u mau hoomaikai ana maluna ou.

 

MOKUNA V.

KA MOLE O KA NAAUAO  KE KII HOO LELEAKA KAMAHAO.  KA MAKAI KIU BELEINEHAMA.

            O ka hoomau ana aku i ke kamailio maluna o ke kumuhana pau ole o ka po nei oia ka ke keonimana opio Heneri Beleinehama i lawe mai ai i kana noi kapae i na rula o ka hale, ma ke kamailio ana;

            E Mrs Lema, mamuli o kou ae ana mai ia'u me ka maikai e lawe aku hoi i ka'u mau kokua ana ia oe maluna o keia kumuhana pau ole o ka po nei, a oiai au i lohe i ka moolelo o@aio e pili ana i keia kumuhna mai kou mau lehelehe mai, nolaila, ke nonoi aku nei au ia oe e hoike mai oe ia'u i na mea a pau me ka huna ole, a ke manaolana kuhihewa ole nei au, iloko o na minute helu wale no e ike ia ai ka mea huna i ka wehi o na pua a me ka mea pohihihi i ka lau o na nahelehele. Ano, hoomaka e ka haku wahine o Lokowai Home nei.

            Elike me ka makemake o ke keonimana opio, pela no ka ui Silevia i kaao mai ai i ka moolelo e pili ana iaia a me Ailika Lema, ma ka hoi hope ana aku no kahi okana aina o Kon@, alaila, mai ka haahaa mai ka pii ana a hiki i ka welelau, e kuhi ana hoi i ka loa a me ka laula, ke kiekie a me ka haahaa, a hoea i kahi o ka leta me na olelo lokoin@ e i ana. Aole oe o ka'u wahine mare.

            Oia anei na olelo a Ailika Lema kau kana mare? wahi a ka ninau a Beleinehama me ka hulili ana ae o ko@a mau maka.

            Ae e Mr. Beleinehama, oia na olelo awahua o ka lokoino i loaa mai ia'u ma ke ahiahi nei mai Barae mai. Aole no au i manaoio loa no ke@a mau olelo, aka ia'u i hoea ak@ au i Barae, a ninau no ua kane mare nei a'o no kahi i maa mau iaia i ka hel@ ia, o ka pane i loaa mai, ua haalele iho oia ia Barae ma ka hora eha o ka a@ina ia o nehinehi maluna o ke kaaahi e haalele ana i kahi hoolulu o Generoka no ka holo loa ana i Parisa malalo o kekahi misiona awiwi.

            Aha! I Parisa e!! Ua hala aku ka ua kane ala au no Parisa alaila haalele oia i ka hora eha a o ka hora eiwa keia, ua like me umikumamalima hora, aka, he manaolana ko'u aole oia i hiki aku la i Parisa i keia wa, eia nae he mau ho@ kowa loihi keia. Nao hoomau aku i kau moolelo.

            Ua hoomau hou aku o Silevia i ka hahai ana i ka moolelo, ka wai acida kaili poniuniu, kona hoopakele ia ana e ka Makua Dagalasa, ka laua mau kamailio, a hiki i ko lakou halawai ana iho la ma ia kakahiaka. Ua haawi mai ke keonimana opio i kana hoolohe ana me ke akahele, a i ka pau ana o ka Silevia hoike ana i ko laua moolelo kupaianaha o ke aloha o ke kane a me ka wahine, ia wa i kamailio mai ai o Beleinehama.

            Ua poloei kau ahewa ana i kela ao a me keia ao, no ka mea, eia au ke ike nei aole loa he maha no kekahi wahine i wawahi ia kona puuwai aloha oiaio e na hana kumakaia a lokoino a kana kane mare. O oe ka wahine i ike ia mea he aloha kane ma ka hea ana aku iaia o kau aloha ia i na pua a o kau ipo hoi o na launahele. O ka panai nae a kela kane lokoino no kou aloha me ka oiaio, oia no kona kiola ana mai ia oe iloko o keia ao me ka huaolelo makona o ke kumakaia, e hoole ana aole oe o kana wahine mare.

 

            Ke hoike ia aku nei ka lohe i na poe a pau he koena aie ko lakou no keia hapaha aku nei e hookaa koko mai o nele auanei i ka pepa.

 

KUAHAUA AHA ELELE

            Mamuli o ka makemake o ka Elele Robert W Wilcox a me ka Papa Hooko o ka Aoao Kuokoa Home Rula, ma ko lakou halawai i maiamaia ma ka la 2 o Aperila, 1902, ua kono ia mai au e hoike aku, a e kuahaua aku, e noho ana ka Aha Elele o ka Aoao Kuokoa Home Rula ma Poka Holo (Foster Hull) Honolulu, Oahu, ma ka hora 7 p.m. o ka Poakahi, la 15 o Aperila, 1901, no ka noonoo au@ i kekahi kumuhana ano nui. Nolaila, ua makemake ia na Elele apau o ka Aha Elele o Ianuari, 1901, i hala @ hiki hou mai ma keia Aha Elele e like me ka hoike ana maluna.

            D. KALAUOKALANI

            Peresidena Nui,

            Kuokoa Home Rula,

            Na ka Peresidena Nui, K.H.R.

            J.K. Nakookoo

            Kakauolelo Nui,

            Kuokoa Home Rula.

            Honolulu, Apr. 3. 1901.