Ke Aloha Aina, Volume VII, Number 12, 23 Malaki 1901 — Page 3

KE ALOHA AINA, POAONO, MARKAI 23, 1961

 

O KA LEI ALOHA A MAUA, KALEIONA-MOKU, UA HALA! UA NALO!!

 

Ua Moe Aku Ia i ka Moe Kau a Hooilo. Kuu Aku Ia ka Luhi ma ka Homelani ma o.

 

 

          Me na waimaka o ka ehaeha, me ka puuwai i hoopiha ia e ka luulua. Ae! Nani ka ehaeha ka walohia a me ka mokumokuahua o ka naau i ka mea aloha he keiki, o Miss Emmeline Kaleionamoku Nawahi na hala.  He hiialo he mililili, he punahele na ka makua, he mea nui na na kupuna, na  haawe ia i ke kua, na kau ia i na poohiwi, he lei na lei ia iluna o ka a-i iloko o ka poai o kona ohana ponoi a iwena hoi o na makamaka a me na hoaloha lehu-lehu i noho aloha pu me makoa kona mau makua.

          He makahiki ae nei i hala i hoomaka mai ai ka hoomailo ana a ka ma'i akepau, wahi a ka ike a na kauka maluna o kona kino nawaliwali me ka luaikoko pu, a ua hooikaika ia ka imi ana i ke ola, aka, ua hoopahua ia ka ike o na kauka a hiki wale i kona niau palanehe ana aku la ma ke ala hoi ole mai. Me ke Kinau o ka la 2 o Maraki nei i loaa mai ai ia'u na leta me ka lono kaumaha e pili ana no kona kulana nawali-wali i ka wa a ka moku i haalele aku ai ia Hilo.  Aka nae, iloko no oia kulana nawaliwali i loaa iaia, ua kakau pu iho la no oia i kekahi wahi leta ma ia moku me na leta e ae a ka poe ikaika, me na wahi huaoleio pokole i hoo-piha ia me ke aloha kuhohonu a i kipona ia me ka walohia e hiki ole ai i na kulu waimaka aloha o kona makuahine ke kaohi ia, a penei kekahi oia mau huaolelo i kakau ponoi ia e ia ma ka olelo haole me ka lima haalulu.

 

E kuu makuahine aloha: -

          Ina oe e holo mai ana, elele no au i ka olioli. E kuu alha, e hele mai, a e kali no ia oe. Me ke aloha o ke Akua.

          Kau kaikamahine aloha, KALEI.

         

          Kau aku la au ma ka moku o ka la 5 a ke kakahiaka nui Poaha la 7 i ku ai ke Kinau i Hilo, a mahope o ka hora ehika oia ka-kahiaka i hoea aku ai au i kanu-hale a halawai pu iho la me ka lei aloha he keikei, ka luhi a mua a maua me kona kahu hanai i hale e aku.

          Auwe! He mau minnte walo-hia ia mawaena o ka makua me ke keiki, e hiki ole ai ke puana ae, pehea ka nui o ka ehaeha i loaa i kona makuahine nei ka mea i au aku i ke ksi me ka ma-nao ole e halawai pu ana me ka luhi a maua, aka, mamuii o ka lokomaikai o ka mea nana ola i hana, ua haawi mai la oia i wahi manawa pokole no'u e ike hope aku ai i kona mau helehelena ame ka imo hope ana mai a kona mau maka aloha, a e lohe ai i kona leo hoalohaloha no ka wa ho-pe loa. He oiaio! Elike me kana wahi huaolelo pokole  i ka-kau ai ma kela wahi leta e i ana, "E kali no au ia oe," a pela io no, ua kakali hoomanawanui oia mai na hora ahiahi mai o ka Poakolu a hiki wale i ko'u hiki aua aku i ke kakahiaka Poaha. A ma ka hora 4:30 oia auina la no i pau-sho mai ai oia i keia ola ana, a waiho iho la i ke kino wailua na makou ka ohana e kanikau kuma-kena aku nona no ka mea aloha i niau kololani aku la ma ke ala polikua a Kane.

          Ua imi ua hookolo aku la ma ka meheu i hele ia e kona makua-kane kahu hanai i hala e manua.

          Ua hanaw ia oia ma Hilo mai ka puhaka mai o Mrs. L. A. Like kekahi o ko'u mau pokii aloha ma ka la 11 o Dekemaha 1877, he kaikuahine ponoi oia no Ed-ward L. Like, ka Lunahoopono-pono o Ke Aloha Aina nei.

          I kona wahi wa hehe no ua la-we se la maua me kona makua-kane hanai Joseph Nawahi iaia me he mea la na mana ponoi oia i hauau aku, a mamuli o ka lohe ana o ka Moiwahine Emma Ka-leleonalani, he wahi kaikamahine ka maua sole nae i hea ia ka inoa. Ua kakau ae la oiama kekahi leta e i ans, e hea iho maua i kona inoa o "Kaleionamoku," a i ka wa i make ai o ka Moiwahine Emma ala hoi ua hookaawale ia kekahi waihona dala mailoko ae o kona waiwai ponoi e malama ia anua e kona kahu waiwai Mr. Kakalaika, no ka hoonaauao ana i na poe kaikamahine a pau i hea inoa ia e ia, ua makemake ia lakou e hoakoakoa no ka hoihoi ana e hoonaauao maloko o ke kula ka-ikamahine o St. Andrew's Priory; a mamuli o ko Miss Lucy Pea-body hoomanao ana ae, aia he wahi kaikamahine hanai ka manu ma keia inoa, ua kauoha koke ae ia oia e hoihoi koke mai maua no ka hookomo ana i ke kula ma-lalo o na lilo i hookaawale ia no iakou.

          He S no mau wahi makahiki manawa i lawe ia mai ai a hoo-noho ia ia ma ke kula, a malaila oia i malama ia ai i hoonaauao ia ai o na kumu Virigini Bihopa Beritania a piha iaia na makahiki eo he 18, puka pono se la oia ma kona noho haumana ana, me ka mahalo kiekie i loss iaia mai ka-na mau kumu mai me na makane lehulehu i loaa iaia.

          He haumana holomua ma na hoouauao kiekie a pau i a'o ia iaia, he kaikamahine hoolohe me ka malama i na ruia o'ka noho ana o ke kula. He akahai, he oluolu, he hoolohe, he mea nui iaia na olelo a'o a ka makua, a me ia mau ano maikai ola a hala wale aku la. Auwe! He aloha au ke noonoo ae iaia.

          He ake oia i na mea hoonaauao a pau, a iwaena o na mea i a'o ia o ka hookani piano kekahi ike kiekie i loaa iaia ka mahalo nui ia. Ua lilo no hoi ia i hoa hoo-hala manawa nona no kona wa maluhiluhi, a i mea hoonanea a hoolaukanaka noi no ka home. Hemo ae la oia mai kona noho haumana ana, a ma ka makahiki 1895 i lilo ai oia kekahi kokua kumu o ke kula, ma ia hana oia i lawelawe ai no eha makahiki, a hiki i ka la 7 o Maraki o ka ma-kahiki i hala M. H. 1900 akahi no ola a kaawale mai mamuli o ka hoomaka ana o kei ma'i. No-laila, ua piha iaia na makahiki he 23 me na mahina keu a hola aku la.

          Ua hoolewa ia aka kona kino wailua mai ka home aku o kekahi makuahine hoahauau ona Mrs. J.A. Akana, i ukali ia me ke ka-oo nui o na makamaka me na hoaloha no ka luakini o Haili kahi i malama ia ai o kona auaina hai-pule hope, a mailaila aku no ka ilina ma Homelani, kahi o ke-kaki mau ohana lehulehu ona a me kona kehu hanai i hala e aku e moe mai la no ka wa mau loa, a waiho aku la iaia e hoomaha pu me lakou i ka hiamoe kapu o Niolopua.

          Malaila i kuu iho ai kona luhi a me na inea o keia ola ana, a hei aku ia kona uhane opua i ka lani e oililli ana me na hoku ilu-na, a hoomaha aku la ma kele Homalani ma o, waiho iho la i ka ukana luuluu a ke aloha ma-hope nei, na makou kona mau makuahine, na kupuna a me ka ohana iolookoa no a pan e u aka nona me ka kanikau ana no ka mea aloha i hala aku la.

ALOHA OE E KALEIONA MOKU.

Ka wahine nona ka inoa,

O maemae Puna i ke ahi a ka wahine,

He ahi a mau i ka papa o Kanehoa,

Koohoa ae la ke aloha me ka waimaka,

Ke heiwa mai la ka manu iluna o ka lehua,

Noho haaheo i ka pua o ke Aalli,

He alii no ka moe me ka makemake,

He alele waha ia na k a ipo, makani,

Pili aku la au me ka Waiopua,

Me ke nohu ku walaula o Alekai,

Alakai'na ilaila ka makemake,

O kaua pa aku no ilila,

Me ka anoi a ka waimaka e,

O ke aloha ia la, ua hiki mai no e.

          Auwe! Minamina wale ka lei,

ka luhi a maua me kuu aloha,

aia no nae he mea e hoomaha ia

ai ua luuluu a me ke kaumaha

nona. Ua loaa iaia he maha ma

ka poli o ka mea nana oia i ha-

awi mai a nana no hoi i lawe aku

ia. E hoomaikai ia kona inoa.

          Ka makuahine aloha iloko o ka

luuluu.

          E. A. Nawahi

 

HE HALAWAI HOALOHALOHA.

          Ua malama ik he halawai hoalohaloha no Miss Kalei Nawahi maloko o ka hale halawai o ke kula St. Andrew's Priory ma kela auina la Poalima aku nei Maraki 15, na na kumu a me na haumana o ke kula. A ua kono pu ia hoi me kona mau hoakula o ka noho pu ana a me na poe haumana kahiko a pau i hoonaauao ia ma ia kula e akoakoa ae ma ia halawai, oiai o ka mea i make he haumana oia i noho maloko oia kula no kekahi  mau makahiki loihi, a aole wale hoi oia, aka, he hoahanau pu oia no ia hoomana. Na ka Rev. V. H. Kitoat i malama ia halawai, a na Mr. Wray Taylor i hookani i kekahi himeni kanikau me ka ohana, a mele pu ia mai la e na haumana o ke kula. Ua haha ia o loko o, ka luakini me na kakakahana kanikau eleele me ke kaokeo no ka hoomanao ana i ka mea i haia.

          He mea oia i minamina nui ia a i aloha ia e kana mau kumu a me kona mau hoakula. He nui na hoa kulu kahiko e noho nei i hiki ae ma ia halawai hoalohaloha i malama ia.

          Aloha no ko lakou hoomanao ana ae nona.

          Ma ka aoao o kona ohana holookoa, ke haawi aku nei i ko lakou hoomaikai palena ole no na hana aloha i hana ia nona.

 

MAKE O C. C. MORENO

          Ma ka mokuahi Amerika Maru i loaa mai ai he hoike no ka make ana o C. C. Moreno, kekahi o na enemi o ka Elele Wilikoki i hoao mai nei e kulai iaia mai kona noho elele. He lolo ikoua ma'i i make mai nei ma ke kulanakauhale poo aupuni o Wasinetona. He kanaka Italia oia, a ua noho Kuhina o ko na Aina E oiai oia maanei i ke au noho moi o ka Moi Kalakaua.

 

MAKE O PERESIDENA HARISONA.

          Indianapolis, Mar. 13. O Peresidena Harisona i pau us make oia i na hora 4:45 o keia au na ia me ka pohaia nou ole ae mai koaa waiho maule ana. A ua @ mai kona hopena me ka ehaeha ole. O kona ohana a me @ mau hoaloha oih paa kakaikahi ke hoopuni ana i kona moe i kona wai pauaho mai ai i keia ola @.

          O keia Harisona i make ihe la, oia ka Peresidena e noho hoomalu ana ia Amerika @ i ka wai hookanuii ia ai ke Aupuni Moi e kona @ maanei, @ make, ma o ka @ ia ana mai o na ka mai ka mokuku oa Amerika Bosetona mai, uka, hole @ moia i noho lohi ma ia kulana no ka mea, ua pau koko no kona au a pu ae ia o Peresidena Kalialana.