Ke Aloha Aina, Volume VII, Number 12, 23 March 1901 — Page 2

KE ALOHA AINA, POAONO, MARAKI 23, 1901 page 2

HONOLULU…MAR. 23, 1901

 

E HOIKE I KE ALOHA ALII OIAIO.

            He mea ole ke aloha aina, ina aohe aloha lahui.  He mea ole koi keia mau mea ae la maluna, ina aole he aloha alii.  E like me ka mau a@a o keia mau mea ekolu; o ka manaoio, o ka manaolana ame ke aloha, hookahi mea oi ae o keia mau mea ekolu, “o ke aloha,” a pela pu hoi makou e puana ae nei, ke aloha aina, kealoha lahui ame ke aloha alii.

            O ke aloha alii, mai kapae ae ia, oiai, o ke kola ia o na mea i awaiaulu pu ia a paa iloko o ka puuwai o na Hawaii oiaio a pau, a maluna o keia oioina ke kau aku nei ko makou mau manaolana maluna o na hoa o ka Ahaolelo.  Me ko makou manaolana ikaika e kokua lokahi like ana no na poe Kuokoa Home Rula a pau e kinai a pepehi loa i kela Bila Kanawai uku hoomau o $12,000 i lawe ia mai e J. W. K. Keiki iloko o ka hale.  A pela hoi e lokahi like ai na hoa e kokua ke lawe ia mai ma kahi oia Bila Kanawai.  I hookahi no uku pau ana no ko ka Moiwahine Liliuokalani haawina o $250,000, e like me ka mea i lawe ia mai iloko o ka Hale Ahaolelo Nui o Amerika i ka makahiki i hala.  Aohe no he hewa ina no iluna aku, aia no i ka oukou hana ana mai, he ole hoi ke dala a lakou nei e lu wale mai nei no i ka makani puahiohio.  O ka makou keia maanei la, hoike iho ke aloha alii ilaila.

 

O KA PILIKIA ANEI IA A KO HILO A ME KO PUNA POE E KALI MAILA?

 

            He mea e kahaha ai no na noonoo ka ike ana aku ma ke kakahiaka Poaha nei, ua lawe mai la o Lunamakaainana Ewaliko o Hilo he bila kanawai e hoopau loa ana i ka auhau o na meka@a (tag) ilio, a o ka Lunamakaainana o Puna he bila kanawai e hoo pau ana i ka auhau o na ilio wahine.

            A oia ka makou e ninau ae nei oia auei ka pilikia a ko Hilo a me ko Puna poe hoi e ka li mai la?  Aole, aka, aia lakou ke kali mai la i bila haawina no ka hoomaemae ana i na alanui, na uwapo, a me na hana e holomua ai ka aina.  A he kakaikahi loa hoi na poe hanai ilio e ike ia nei iwaena o na Hawaii.

            He mau wahi bila hoomakeaka keia i laweia mai iloko o na la o maka mua o ke kau.  Mai na nupepa namu mai.

 

            Ke ano pilikia mai nei na kaapio i keia mau la i na kaa lio ole.

 

HEI AKU LA IA MAU HOA I KA UPENA KUU A KA LAWAKUA.

            Ua loaa mai ia makou he mau lohe oiaio eia ke paa ia nei e kekahi mau hoa Kuokoa Home Rula he puu dala nui o $1,500 i haawi ia aku ia lakou ma ke ano kipe e kekahi kanaka e hana no ka pono o kona hui.

            O ka manao o ua kanaka la e lawe ia mai maloko o keia Kau Ahaolelo he hana e hoopomaikai ia ai kona hui, oia hoi, ka ae ana aku o ke aupuni i kona hui e ku no me ia e ike ia nei no kanaha a i ole kanalima makahiki hou uku.

            O keia bila nona keia mau dala i haawi ia mai, ua lawe ia mai i keia wa maloke o ka hale olalo, a na waiho ia ma ka papa a hrki i ka wa e hoala hou ia mai ai.

            I ka wa @ maopopo ai ua lawe io ia mai keia bila kanawai imua o ka Hale a hoohoioia oia auanei ka wa a makou e manao nei e hiki mai ana ka wa e puunaue ia ai keia mau dala ae la iwaena o lakou, ehia ka hoi mea aloha o na hoakanaka e iho i liki launa ike ole mai i keia puu waiwai a lakou nei lokoino ma.  E hoike aku no makou i na inoa o keia poe ma keia mua aku.  Aole i hawahawa na lima o na Senetoa ame na Lunamakaainana o na mokupuni e mai, aka, eia iho no o ko Honolulu nei.  E pee wale no oukou @ aohe e nalo i na maka uwila o KE ALOHA AINA, no ka mea ua hoike mai no ka Buke Nui, “O ka mea e hana ia ma kahi malu e hoike ia no ia ma ke akea.”

 

MAKEMAKE E IKE PONO.

            Ma ka mokuahi Amerika Maru i hoea mai ia ma ka Poaha nei, na lawe pu mai oia he mau lon@ telegerapa mai Wasinetona mai, no ka la 11 o Maraki, e olelo ana:

            Ua kauoha aku la o Kakauolelo Hikikoki i ke Hiaaina o Hawaii e hoouna mai i kana hoike no ke kipaku ia ana o ke Kakauolelo o ke Teritori, mai ka papahele aku o ka Hale o na Lunamakaainana.

 

O OWANA KE ALII WAHINE O KA LA PONI O PERESIDENA MAKINILE.

            Ma ka Amerika Maru i loaa mai ai keia mau mea ho@ makamaka loa, penei:

            Wasinetona, Mar. 9.  Ua like ia na Hawaii ma ka wa i malama ia ai o na hana poni ma ke kapitala a ma ka aha hu@ahuia.  O ka Elele Robert W. Wilikoki kekahi hoa o ke komite hookipa a o William Haywood hoi kekahi hoa o ke komite hu@ahu@a.  O Mrs. Wilikoki kekahi o na malihini mua i lawe ae i kona noho maluna o kahi i hookaawale ia no na hoaloha o ka Peresidena.  I ka wa i malama ia ai o na hana poni ma ka auina la, ua kahiko ia oia me kekahi aahu satinia poni me na ribine poni e kuuwelu ana maluna o kona aahu.  Ua hana ia hoi ua holoku ia iloko o na paikini o na kama’liiwahine.

            Ma ka aha hulahula ua kahiko ia oia me kekahi aahu satinia bolu i hoowehiwehi ia me na hua lei a ma ka poohiwi hema e kuuwelu ana na ribine bolu i hana noeau ia.  He nani ka nanina o ua aahu la ana e komo ana.  E anapanapa ana na pohaku daimana maluna ona, a o ka @i ae nae iwaena o lakou he ka@@uuu i okomo ia nae na pohaku daimana.  E ku kiai ana ka Elele Wilikoki a me ke kokua ana a Senatoa Lodge ua alakai aku la laua ia Peresidena ame Mrs. Makinile no ko laua wahi.  Mamuli o ke ano nawaliwali o Mrs. Makinile aole oia i komo pu aku iloko o ka aha hulahula, aka, ua makaikai aku nae oia mai kona wahi noho aku i na hiohiona hauoli i haawi ia no ko laua hanohano.  Ua ike ak@ ka Peresidena i na Hawaii me ke ohaoha a ua haawi aku hoi i na kunou aloha ana no lakou.

 

PILIKIA KA BEA I KA LIONA.

Ladana, Mar. 12, hora 4:30 a.m.

            Ua ulu ae la he hoopaapaa ma Tientain mawaena o na Beritania a me na Rusia, maluna o kekahi apana aina e noho ona ia ana e ka hui kaaahi, a i lilo hoi mala@o o ka mana o ua hui la no kekahi mau makahiki.  Ma na hoike i loaa mai Tientain mai, ua olelo ae na Rusia he hapa keia no kahi hou i haawi ia aku ia lakou, a nolaila, he mau waiwai ia no Rusia.

            Ua hoomaka aku o Mr. Kinder, ka Luna Nui o ke kaaahi e hana i na lapena, aka, ua kue aku nae na luna aupuni Rusia.  Ua hoopii aku ia o8ia ia Konela MacDonald, a nana i waiho aku i keia kumuhana ia Kenerala Barrow, ke Alihikaua Nui o na pualikoa Beritania ma Pekina, a o kana pane.  “E hoomau aku i ka hana ana i na palen@, ina me ka pualikoa e hooko ia ai.”  Ua hoonoho koke ia na kia, ma ka laina e na Beritania a hoomau aku la i ka hana.

            Ua kue aku o Kenerala Wogack, ke Alihikaua o na pualikoa Rusia, me ka olelo pu aku aole o Beritania e hana i keia hana ina ua like ka nui o kona mau koa me na Beritania me ka pakui aku hoi e waiho ia keia mea ua kekahi aha kiekie e hooponopono.

            Ua hui hou aku o Konela MacDonald me Kenerala Barrow, a o ka pane i loaa hou mai:  “E hoomau aku i ka hana.”

            Ua waiho aku la o Kenerala Wogack i kana hoopii i ke Kuhina Rusia ma Pekin@, M. de Giers.

            O ka hopena o keia hoopaapaa oia ke kali ia nei, oiai, he mau aupuni keikikane like no laua, a aole hoi he makemake o Pelekane e hoolilo ia oia i mea paani wale ia no e kekahi mau mana nui e ae.  We@a ka hao @a Beritania, a alu ka uwea ia Rusia.

 

            AOHE MANAOLANA NO KA LANAKILA.

            Ladana, Mar. 12.  Ua loaa mai la i ke Times keia mau hoike malalo iho nei mai Bloemfontein mai, e olelo ana:  O na pio Boa i haawi pio mai, ua hoike mai lakou, ma kekahi haiolelo @ Steyu, ka Peresidena i pau o Alani, i malama ai ma Phillipopolis, ua olelo mail no oia aole he manaolana no ka hoihoi hou ea mai o ke aupuni.

            Ladana, Mar. 15.  He hoike mai a Haku Kitchener mai kai hoopuka ia ae i keia kakahiaka mai Pretoria mai no ke ahiahi onehinei, e olelo ana:

            Ua hoea aku la o De Wet i Snekal ma kana huakai no ka akau.  O Kenerala French ma ka hoike ana mai i kona lanakila nui ua pakui mai la oia he 46 Boa i make a hoeha ia, 146 i hopu pio ia, a ua lawe pio pu ia mai he 200 pu raifela, 3,700 puni poka, 2,400 lio, 2,500 bipi a me 400 kaa lawe ukana.  Mawaho oia he mau hoki kekahi.

            Ua hoea aku la o Methuen i Warrenton mai Klerksdorp mai, me ka lawe pu mai i na pio me na bipi.

 

MAI KA ELELE MAI.

            Ua loaa mai nei ia makou he mau puolo anoano mea ai ulu ma ka mokuahi Amerika Maru, mai ka Elele Wilikoki mai.  A mawaho oia mau puolo e kau ana he mau kuhikuhi o ke ano o ko lakou kanu ana.  Mahalo no i ka Elele i ka hoomanao ana mai.

 

            Eia o Whitney & Marsh ke kuai hoemi nei i ko lakou mau waiwai like ole.

            He ekolu mau moku lawekoa e hoea mai ana i keia mau la me ka piha koa hou no Manila oia ka Indiana, Meade a me ka Penesalevania mai Kapalakiko mai.

            Nui na makamaka a me na hoaloha e kipa mau ae nei m@ ka home o ko makou makuahine aloha i kela la keia la, no ka hoike ana aku i ko lakou komo pu ana me ia iloko o ke kaumaha no kane kaikamahine aloha i @ala.

            Aia ke haule la na kulu pakaua wai ula ma kekahi mau wahi o Italia a me ka mokupuni Sicily.  Ua manao ia o ke kumu i ula ai keia mau ku@@ pakaua mai na ehu lepo mai o na waoakua o Aferida, i lawe ia mai e na kikiao makani.